Бақылау, өткізу бекетінің маңындағы жүк көліктері

Комитет Қазақстан мен Қытай шекарасындағы жағдайға қатысты түсініктеме берді

1815
(Жаңартылды 11:30 26.06.2020)
Қазақстан "Қалжат", "Бақты", "Майқапшағай" автокөлік өткізу пунктін ашқанымен, ҚХР тарапынан шекараның жабылуына байланысты тауарларды тасымалдау жүзеге асырылмаған

АЛМАТЫ, 26 маусым – Sputnik. Қаржы министрлігінің мемлекеттік кірістер комитеті "Нұржолы" өткізу бекетіндегі кептелістің себебін түсіндірді.

"Қазақстаннан Қытайға шығатын жолда автокөліктің көп жиналуы Covid-19 пандемиясына қарсы күрес аясында Қытай тарапы енгізген шекара маңындағы санитарлық бақылаудың күшейтілуімен байланысты", - делінген ведомство хабарламасында.

Сонымен қатар Қытайдың карантин шараларын енгізуіне байланысты "Нұржолы" автокөлік өткізу пунктінен басқа шекаралық өткізу бекеттері жабылды. Соған байланысты шекара арқылы өтетін көлік саны тәулігіне 150-ден 20-ға дейін қысқарды.

Қазақстан үкіметінің қаулысымен 10 маусымнан бастап бұрын жабық болған "Қалжат", "Бақты", "Майқапшағай" автокөлік өткізу пункттері ашылды. Алайда сол сәттен бастап тауарларды тасымалдау ҚХР тарапынан шекараның жабылуына байланысты жүзеге асырылған жоқ.

Сондай-ақ, егер бұрын көлік жүкті Қытай аумағында күтетін болса, Қытай үкіметі пандемияға байланысты бұған тыйым салды және қазақстандық автокөліктердің өз аумағында болу уақытын 12 сағатқа дейін қысқартты. Ал бұл Қазақстан аумағында көліктің көп жиналуына әкелді.

Қазақстан шекарасында жүк көлігінің көп жиналуына шекарадан өтетін тасымалдаушылардың (шамамен 60%) жүкті тасымалдауға нақты тапсырысы мен келісімшарты болмауы әсер етіп отыр. Автокөліктің көпшілігі Қытайға бара жатқанда жүк тасымалдау үшін сол жерде бір реттік келісімге келеміз деп ойлайды. Олар Қытай тарапынан жүксіз кері қайтарылады, сөйтіп қайтадан кезекке тұрады.

Шекарадағы кептелісті жою үшін не істеліп жатыр?

Қазақстан тарапы Қытай автокөліктерінің Қазақстан аумағына кіруі үшін "Нұржолы" өткізу пунктінің жұмыс технологиясына өзгерту енгізгелі жатыр.

Екі жақты жаңа ережелерді бекіткеннен кейін қытайлық тасымалдаушылар Қытайда өндірілген тауарды Қазақстанның шекара көлік-логистика орталығына әкелу мүмкіндігіне ие болады. Ол жерде тауарды әрі қарай тасымалдау үшін қазақстандық немесе шетелдік транзиттік көліктерге қайта тиеу жұмыстары жүргізіледі. Нәтижесінде, автокөліктің көп бөлігінің Қытай жағына өту қажеттілігі қысқартылып, тиісінше "Нұржолы" автокөлік өткізу пунктінде көліктің көп жиналуын болдырмайды.

Мәселені шешу үшін қандай жұмыс атқарылды

Қытаймен шекара арқылы өтетін автокөлік саны тәулігіне 100-ге дейін ұлғайды.

Қазақстандық көліктің ҚХР аумағында болу уақыты 12 сағаттан 24 сағат дейін созылды.

Бос көліктерді Қазақстаннан Қытайға өту кезінде кедендік шаралар 20 минуттан көп уақыт алмауы қажет деген арнайы уақыт белгіленді.

"Нұржолы" өткізу пункті жұмысының технологиясын өзгерту жөніндегі келіссөздер аяқталуға жақын.

Оқи отырыңыз: Қазақстанда шетелдік жүк тиелген көліктерді қадағалау жүйесі іске қосылады

Сондай-ақ, Қытайға отандық өнімді экспортқа шығаратын жүк көліктеріне арналған "жасыл дәліз " құрылды. Оларды өткізу кезектен тыс жүзеге асырылады.

1815
Кілт сөздер:
көлік кептелісі, шекара
Тақырып бойынша
Депутат: шекара бекеттеріне батыр бабаларымыздың есімін беру керек
Досаев шекара заставаларына батырлардың есімін беру туралы ұсынысқа жауап берді
Шекара маңындағы жерлер шетелдіктерге берілмейді – сенат заң қабылдады
Шекара маңы ынтымақтастығын дамытудың бағдарламасы әзірленді – видео
Қазақстан мен Ресей шекара межелеуді аяқтады
ноутбук, планшет

Шенеуніктер оқушыларға бөлінген қаржыны жымқырды

110
(Жаңартылды 19:42 07.08.2020)
Аудандық білім бөлімінің лауазымды тұлғалары қызмет бабын пайдалана отырып, ірі көлемде бюджет қаржысын ұрлағаны үшін айыпталып отыр

НҰР-СҰЛТАН, 7 тамыз – Sputnik. Батыс Қазақстан облысында төтенше жағдай кезінде оқушыларға ноутбук сатып алуға бөлінген қаржы ұрланды. Бұл туралы сыбайлас жемқорлыққа қарсы іс-қимыл агенттігі мәлімдеді, деп хабарлайды Sputnik Қазақстан тілшісі.

Ресми мәліметке сәйкес, "БҚО Қаратөбе ауданының білім бөлімі" мемлекеттік мекемесінің лауазымды тұлғаларына қатысты сотқа дейінгі тергеу басталды. Олар қызмет бабын пайдалана отырып, ірі көлемде бюджет қаржысын ұрлағаны үшін айыпталып отыр.

"2020 жылдың мамыр айында Қазақстан аумағында төтенше жағдай енгізілген кезде мердігерлік ұйымның бір топ адамымен бірлесіп, 100 дана ноутбук сатып алуға бөлінген 6 миллион теңгеден астам бюджет қаражатын жымқырды", - делінген ресми хабарламада.

Айта кетейік, биыл жаңа оқу жылы да қашықтан оқыту форматында басталады. Осы орайда мемлекет басшысы Қасым-Жомарт Тоқаев оқушыларды қажетті техникалық құралдармен қамтамасыз етуге тапсырма берген. Себебі, төтенше жағдай кезінде компьютерлердің тапшылығы сезілді.

4 тамызда өткен үкіметтің онлайн отырысында білім және ғылым министрі Асхат Аймағамбетов қолында ешқандай құрылғысы жоқ балалардың өзі аз емес екенін айтты. Олардың саны 185 мыңнан асады. Әсіресе, көпбалалы, жағдайы төмен және жетім балаларды қажетті техникамен қамтамасыз ету мәселесі өзекті болып тұр.

Оқи отырыңыз: Жаңа оқу жылында студенттер қалай оқиды – білім министрі түсіндірді

Министр 1 қыркүйекке дейін оқушыларға 500 мың компьютерді таратып беруге уәде берді. Бұдан бөлек, 24 мың мұғалімде арнайы құрал-жабдықтар жоқ. Оларға мектеп техникасы уақытша беріледі.

110
Кілт сөздер:
жемқорлық, оқушылар, ноутбук
Тақырып:
Төтенше жағдай және карантин
Тақырып бойынша
Оқушылар жаңа оқу жылында қалай білім алады – білім министрлігінің жауабы
Қазақстанда жаңа оқу жылында мектеп формасы міндеттелмейді
Жаңа оқу жылында студенттер қалай оқиды – білім министрі түсіндірді
Қашықтан оқу кезінде мұғалімдер есеп бермейді – министр
Спортшылар мен жаттықтырушылар онлайн сабақ өткізеді
Арыс қаласындағы тұрғын үйді қалпына келтіру

Арыс қаласына бөлінген қаржыны ұрлаған БҚО шенеуніктері ұсталды

246
(Жаңартылды 18:39 07.08.2020)
Әкімдік қызметкерлері 46 тұрғын үйдің ағымдағы жөндеуіне бөлінген 50 миллион теңгеден астам сомадағы бюджет қаражатын жымқырған

НҰР-СҰЛТАН, 7 тамыз – Sputnik. Сыбайлас жемқорлыққа қарсы іс-қимыл агенттігі Арыс қаласын қалпына келтіруге бөлінген қыруар қаражатты ұрлаған шенеуніктерді ұстады, деп хабарлайды Sputnik Қазақстан тілшісі.

Агенттіктің аға тергеушісі Данияр Биғайдаровтың айтуынша, Батыс Қазақстан облысының сыбайлас жемқорлыққа қарсы қызметі аса ірі мөлшерде қаржы жымқыру фактісі бойынша "БҚО энергетика және тұрғын үй-коммуналдық шаруашылық басқармасы" мемлекеттік мекемесінің лауазымды тұлғаларына қатысты сотқа дейінгі тергеуді бастады.

"Олар Түркістан облысы Арыс қаласындағы төтенше жағдайдың салдарын қалпына келтіру бойынша 46 тұрғын үйдің ағымдағы жөндеуіне бөлінген 50 миллион теңгеден астам сомадағы аса ірі көлемдегі бюджет қаражатын 2019 жылы тамыз бен желтоқсан айлары аралығында мердігер ұйыммен сөз байласып, жымқырған", - деді Биғайдаров онлайн брифингте.

2019 жылдың 24 маусымында Түркістан облысы Арыс қаласында әскери бөлімнің оқ-дәрі қоймасында жойқын жарылыс болды. Төтенше жағдай салдарынан төрт адам қаза тапты. Оның екеуі әскери қызметкер болса, екеуі жергілікті тұрғын. Оның бірі жасөспірім.

Оқи отырыңыз: Арыс оқиғасы: министр "табиғи нәрсе" деген сөзді дұрыс аудармағандарға шүйлікті

Төрт айдан кейін Арыс маңындағы полигонда оқ-дәрілердің жиналған бөлшектерін жою жұмыстары кезінде әскери бөлімнің инженерлік қызметінің басшысы көз жұмды. Жарылыс салдарынан Арыс қаласындағы жүздеген тұрғын үй мен нысандарға едәуір зақым келіп, қоймаға жақын орналасқан ғимараттар қирап қалды.

246
Кілт сөздер:
сыбайлас жемқорлық, жемқорлық, пара
Тақырып бойынша
Жедел жәрдем бригадасы Арыс тұрғынын тірілтіп алды
Арыс оқиғасы: 55 мыңнан астам тұрғынға  бір реттік өтемақы беріледі
"70 бала сыйып кетті": Арыс қаһармандары жарылыс кезінде не істегендерін айтты
Шөкеев Арыс тұрғындары туралы: жағдайды пайдаланып қалғысы келгендер табылды
Арыс қаласына 14 мыңнан астам тұрғын оралды - видео
Ермек Тұрсынов

"Бұлардың істеп жүргені - мазақ": Ермек Тұрсынов ашық сұхбат берді

0
(Жаңартылды 23:20 07.08.2020)
Кинорежиссер бір жылдан бері қандай ұсынысы әлі де жүзеге асырылмағанын, кімнің фильмдері көңілінен шықпайтынын айтты

АЛМАТЫ, 7 тамыз – Sputnik. Қазақстандық кинорежиссер, сценарист, Қазақстан кинематографистер одағының төрағасы, ұлттық қоғамдық сенім кеңесінің мүшесі Ермек Тұрсынов ұлттық кеңестегі ұсынысынан кейін мәдениет министрімен қандай қарым-қатынаста екенін, сондай-ақ, қазіргі кино жайлы ойын Sputnik Қазақстан тілшісіне айтып берді.

Ұлттық кеңестегі ұсыныс

"Ұлттық қоғамдық кеңес құрылған кезде көбіне саясатқа байланысты мәселелер көтерілген болатын. Біраз нәтижелі жұмыс жүргізілді. Әсіресе, митингіге байланысты сұрақтардың жауабы шешілді. Бірнеше салмақты, маңызды шешім қабылданды деп айтуға болады. Ал мен мәдениетке байланысты мәселені көтердім", - дейді Тұрсынов.

Ермек Тұрсынов
© Photo : Ермек Тұрсыновтың жеке архивінен алынды
"Министрмен келіспей қалдық"

Ұлттық қоғамдық сенім кеңесінің 2019 жылы өткен отырысында Ермек Тұрсынов мәдениет және спорт министрлігін бөлуді ұсынды. Тұрсыновтың айтуынша, содан кейін мәдениет министрі Ақтоты Райымқұлова режиссерға қоңырау шалған.

"Ол кісіге менің ұсынысым ұнаған жоқ. Мәдениет пен спортты бөлуді ұнатпады. Сөзге келіп қалдық деп айтуға келмес, бірақ пікіріміз екі түрлі болды. Келіспей қалдық. Ал көпшілік менің айтқанымды өте жақсы қабылдады. Қазірге дейін сол отырыста айтқан сөзімді желіде жариялап отырады", - дейді режиссер.

Ермек Тұрсынов сол отырыстан бері бір жылға жуық уақыт өтсе де, ұсынысының еш нәтиже бермегенін айтып өтті. Алайда республика аумағын аралаған кезінде адамдар ілтипат танытып, режиссер пікірімен толық келісетінін жеткізетін көрінеді.

"Ұлттық кеңес мүшелері мәдениет пен спортты бөлу туралы ұсынысымды өте жақсы қабылдады. Мен қазір де солай ойлаймын. Бәрі мәдениеттен басталады", - дейді Тұрсынов. Ең өкініштісі – сол ұсыныс тек сөз болып қалды, деп толықтырды ол.

"Кино үйі" төңірегіндегі дау

Қазақстан кинематографистер одағының төрағасы одақ жұмыс істейтінін, алайда "Кино үйі" төңірегіндегі даудың екі жылдан бері шешімі табылмай жатқанын айтты.

"Кино үйі" мәселесі бір орыннан жылжымай тұр. Екі жылдан бері соттасып жатырмыз. Қара шаңырағымызды өзімізге қайтара алмай жүрміз. Сот жалғасып жатыр, қашан бітетіні тіпті белгісіз. Оны ешкім айта алмайды. Бармаған жерім жоқ. Қазір одақ мүшелері отырып жұмыс істейтін орын жоқ. Кейде "Қазақконцерт" ғимаратында, кейде мейрамханада кездесіп, жиналыс өткіземіз. Кейде "Қазақфильмнің" бірінші қабатындағы аядай бөлмеде жиналамыз", - дейді Тұрсынов.

Айтуынша, бұл мәселе кеше туындаған жоқ. Бір кездері одаққа басшылық еткен кісі "Кино үйінің" жартысын сатып жіберген. Одан кейін де басшылыққа келгендер қалған жарты бөлігін жалға беріп қойған. Содан бері сот процесі жүріп жатыр.

"Қазақфильм" басшылығы туралы

Ермек Тұрсыновтан бір салада жүрген әріптесі Ақан Сатаевтың "Қазақфильмге" басшы болып тағайындалғанына қатысты пікірін де сұрадық. Алайда режиссер бұл шешімнің артында жаман оқиға тұрғанын, алайда дәл қазір ашып айта алмайтынын жеткізді.

"Мұны дәл қазір ашып айта алмаймын. Себебі бұл мәселе қазір талқыланып жатыр. Қай жаққа шығаратынын айта алмаймын. Бірнеше аптада бұл мәселе шешіледі. Сатаевтың алдында "Қазақфильмді" Арман Әсенов басқарды. Оны бұл қызметте тоғыз ай қызмет істегеннен кейін орнынан алып тастау, меніңше, қате. Не болатынын көреміз", - дейді Тұрсынов.

Айтуынша, "Қазақфильмді" экономикадан хабары бар маман басқаруы керек.

"Қазақта "қисық аяққа қызыл кебіс не керек?" деген сөз бар. Режиссер – өнердің адамы, ал бұл қызметке есептің адамы, экономиканы білетін адам керек", - деді Ермек Тұрсынов.

"Істеп жүргені - мазақ"

"Тақиялы Періште", кешегі "Қыз Жібек" фильмдері ақша үшін жасалған жоқ. Бұл киноның авторлары ең алдымен елдің көңілін, елдің санасын ойлады. Ақша жағына келер болсақ, ол кейінгі заманның "модасына" айналып кеткен ұғым. Иә, ақшаға да мән беру керек, бірақ ақшадан басқа ешқандай мақсат болмаса, ол шедевр болмайды", - дейді Тұрсынов.

Премьера фильма Томирис
© Sputnik / Владислав Воднев
"Томирис" фильмінің премьерасы

"Ал арзанқол фильмнің миллиондап табыс табуы – көрерменнің надандығын көрсетеді, - деп жалғастырды Тұрсынов. - Қоянбаевтың түсіргенін кино деп айтуға болмайды, осыны адамдарға айтып түсіндіру керек. Баян Алакөзова да кітап жазды, бірақ ол әдебиет емес. Нұртас Адамбаев, Нұрлан Қоянбаев, Қайрат Нұртас пен Төреғалидің түсіріп жатқаны кино емес. Кино деп "Тақиялы періште", "Атамекен", "Қыз Жібекті" атауға болады. Ал бұлардың істеп жүргені – мазақ".

Сонымен қатар Тұрсынов "Томиристі" кино деп санамайтынын, бірақ оған әртістік құрамның еш кінәсі жоқ екенін айтты.

"Томирис" – кино емес. Бұған басқа алып-қосарым жоқ. Әртістердің еш жазығы жоқ, қойылған тапсырманы орындауға тырысты. Негізгі жауап беретін – режиссер", - деп түйіндеді сөзін Тұрсынов.

Режиссер Ермек Тұрсынов
© Photo : Ермек Тұрсыновтың жеке архивінен алынды
Ермек Тұрсынов режиссерлік мансабын "Келін" фильмінен бастаған. 2012 жылы режиссердің "Шал" фильмі шықты

Ермек Тұрсынов 1961 жылы Алматы облысында дүниеге келген. Режиссерлік мансабын "Келін" фильмінен бастаған. 2012 жылы режиссердің "Шал" фильмі шықты. Сонымен қатар Тұрсынов бірқатар фильмге сценарий жазған.

0
Кілт сөздер:
Ермек Тұрсынов, режиссер
Тақырып бойынша
"Томиристің" қазақшасы қайда?": Ақан Сатаев халықтан кешірім сұрады
"Қыз Жібекті" үш жыл түсірдік": актер әрі режиссер Асанәлі Әшімов жайлы не білеміз
Тұрсынов Димаштың жетістігіне ортақтасатын шенеуніктерді сынап тастады
Режиссер Ақан Сатаев басшылық қызметке тағайындалды
Белгілі режиссер Ақан Сатаев тұңғышын ұзатты – фото