Жайылымда жүрген сиырлар, архивтегі сурет

Қостанай облысында ауыл тұрғындарының сиырын ауру деп әкетіп жатыр

168
(Жаңартылды 09:05 29.06.2020)
Тұрғындардың айтуынша вакциналациялау ерте көктемде мал қорада тұрған кезінде қолға алынбай, өріске шыққанда жүргізілуі ауруға себеп болуы мүмкін дейді

НҰР-СҰЛТАН, 29 маусым – Sputnik. Қостанай облысындағы Рыспай ауылының тұрғындары бар малымыздан айырылып қаламыз ба деп алаңдаулы. Себебі, бір айдың ішінде олардың 75 бас ірі қарасын бруцеллез деген желеумен алып кеткен, деп хабарлайды 24.kz.

Бірақ кейін солардың үшеуінен ғана нақты жұқпалы дерт анықталыпты. Қалғандары күмәнді деген диагнозбен пышаққа іліккен. Тұрғындар жақында тексерушілер тағы келеді деп отыр.

Баршагүл Есболатованың үш сауынды сиыры бар. Күніне алатын 30 литр сүтінен қаймақ-майын айырып, артылғанын өткізеді. Бүтін бір отбасы осы төрт-бес тұяқты малға қарап отыр. Ертең алып кетсе не болады деп налиды. 

"Енді келіп, карантинге жабамыз, қолда бар малдың бәрін бір айдың ішінде құртыңдар деді. Соны біз түсінбейміз. Егер шықпаса, мен неге ол малды құртуым керек", – дейді Рыспай ауылының тұрғыны Баршагүл Есболатова.

Бұл мәселе тек Баршагүлді емес, осындағы бар жұртты мазалайды. Өздерінің айтуынша, бір аптадан бері мұнда Күлтөбенің басында күнде жиын.

"Ауру ма, ауру емес пе, біз қайдан білейік, әкетті бітті" деген халықтың көкейінде сұрақ көп. Әсіресе, күмәнді деген диагноздың не білдіретіндігін түсінбей дал.

"Үшінші келгенде егер тағы ауру күмәні шықса малдың барлығын жинап, алып кетеміз деді. Уақыт барда сендер бәрін тапсырып жіберіңдер дейді. Сонда бізге малсыз қал деп отыр ғой", – дейді жергілікті азаматтардың бірі Еркін Молыбаев.

Ал Құралай Қуатова болса, мал кеткен соң жұмыссыз қалғанын айтады.

"Сол сиырға қарап отырғанбыз. Енді 1-2 қойымыз, бір бұзауым бар. Оны айтуға қорқам, келіп алып кете ме деп", – дейді. 

Ауылдықтардың айтуынша жылда бруцеллез әрі кеткенде 3-4 бастан шығатын. Бірақ мұндай жаппай ауруға шалдығу болған емес. Оған вакциналациялау ерте көктемде мал қорада тұрғанда қолға алынбай, өріске шыққанда жүргізілуі негізгі себеп болуы мүмкін дейді.

Ал бұл пікірге қатысты аудандық бас ветеринардың айтар өз уәжі бар. 

"Барлық аурудың алдын-алу жұмыстары жоспар бойынша жүргізілді. Қостанай ауданында 6 елді мекен бар. Көктем айлары солардың әрқайсысында ветеринарлық шаралар тиісті мезгілінде өткізілді. Біз Рыспайға 24 сәуірде келдік, 235 қан сынамасы алынды. Егер үш сатылы сараптама қорытындысының біреуі оң нәтиже көрсетсе, ол күмәнді саналады. Тағы қайтара талдау күмәнді болса, малда ауру белгілері бар деген сөз", – дейді "Ветеринарлық станция" КМК басшысының міндетін атқарушы Самат Құсайынов.

Оқи отырыңыз: Мал сойғанын хабарламағандарға да айыппұл салынуы мүмкін

Рыспайлықтар осы мәселенің ақ-қарасын анықтауды сұрап, облыс, аудан әкімдігіне хат жолдады. Арна тілшілерінен кейін аудандық денгейдегі жауапты мамандар, билік өкілдері жергілікті тұрғындармен кездесуге барған. Енді ауыл карантинге жабылады. Республикалық арнайы отряд келіп, малдарды қайтара тексереді. Ал карантиннің қаншаға созылары әзірге беймәлім.

168
Кілт сөздер:
Қостанай облысы, мал
Тақырып бойынша
Асанов сотталған құдағи мен мал бағу құқығынан айырылған бақташы туралы айтты
Мал қорадағы масқараны көрген президент облыс шенділерін қызметінен қуды - видео
Арыста ескі мал қорымдары табылды: аурудың таралу қаупі бар ма?
Бас мүфти Құрбан айтта мал бағасын шарықтатып жіберетіндерге үндеу жасады
Қазақстаннан мал шығаруға толығымен тыйым салынды
iPhone, архивтегі фото

Нұр-Сұлтанда ірі техника дүкенінде жарық сөнгенін пайдаланып қалғандар ұсталды

1507
Тұрмыстық және электронды техника сататын дүкеннің қызметкерлері 6 миллион теңгенің ұялы телефондарын ұрлаған

НҰР-СҰЛТАН, 12 тамыз – Sputnik. "Sulpak" дүкенінің екі қызметкері бірнеше ұялы телефон ұрлағаны үшін айыпталып отыр, деп хабарлайды Sputnik Қазақстан Нұр-Сұлтан қалалық полиция департаментіне сілтеме жасап.   

Тергеу материалдарына сәйкес, 28 шілдеге қараған түні екі жас қызметкер түнгі ауысымда жұмыс істеген. Сол кезде жарық сөніп қалған. Олар соны пайдаланып, дүкен қоймасынан қымбат ұялы телефондарды алып шыққан. Атап айтқанда,  9 iPhone мен 11 Samsung-ті қолды еткен. Ұрланған мүліктің жалпы сомасы 6 миллион теңгені құрады.

Оқи отырыңыз: Арыста танысының үйінде қонақта болған жігіт ұятқа қалды  

Тергеу кезінде екеуі де ұрлық жасағанын мойындады. Ал ұялы телефондар олардың пәтерінен табылды. Екеуі бір пәтерді жалдап тұрған.  

"Қазіргі кезде Қылмыстық кодекстің 188-бабы (Ұрлық) бойынша сотқа дейінгі тергеу шаралары басталды. Оған сәйкес, ірі көлемде айыппұл салудан бастап бес жылға дейін бас бостандығынан айыру жазасы қарастырылған", - дейді полицейлер.

Айта кетейік, 2020 жылдың басында ұрлық ауыр қылмыстардың санатына қосылған болатын. Енді ондай әрекеттер үшін 3-7 жылға бас бостандығынан айыру жазасы қолданылады. Оған қоса, кінәлі адамдардың мүлкі тәркіленеді. Екі жақтың татуласуына рұқсат жоқ.

1507
Кілт сөздер:
Нұр-Сұлтан, ұрлық, ұялы телефон
Тақырып бойынша
Белгісіз біреулер 13 миллион теңгені ұрлау үшін Нұр-Сұлтан тұрғынын аңдыған
Ақтөбеде полиция тергеушісі ноутбук ұрламақ болды
Банк қызметкері 87 миллион теңгені қымқырып, шетелге қашып кетті
Банк қызметкері үйлену тойын жасау үшін бес жарым миллион теңге ұрлаған
Абитуриенттер

Білім министрлігі шетелде оқитын студенттерге арнайы жеңілдік ұсынды

40
Қазақстандық оқу орнына ауысу үшін студенттер университеттің виртуалды қабылдау комиссиясына жүгінуі қажет

АЛМАТЫ, 12 тамыз – Sputnik. Білім және ғылым министрлігі шетелде оқитын студенттерге еліміздегі жоғары оқу орындарына ауысу бойынша көмек көрсетуге дайын, деп хабарлады министрліктің баспасөз қызметі.

Министрлік шетелдік жоғары оқу орындарына өз бетінше түскен және коронавирус инфекциясына байланысты жоғары оқу орындарына оралу мәселесіне тап болған қазақстандық студенттерге көмек көрсете бастады.

"Шетелдік жоғары оқу орындарының көпшілігі студенттерін қашықтан оқытады. Алайда, кейбір оқу орындарында ондай мүмкіндік қарастырылмаған. Өздеріне байланысты емес себептермен оқуын жалғастыру үшін елден шыға алмайтын студенттерге министрлік отандық жоғары оқу орындарына ауысуға көмектесуге дайын", - делінген министрлік ақпаратында.

Осыған байланысты құжаттарды рәсімдеу форматы жеңілдетіледі. Қазақстандық оқу орнына ауысу үшін студент университеттің виртуалды қабылдау комиссиясына жүгінуі қажет. Оқу орнына ауысу туралы өтініш онлайн-режимде қарастырылады.

Оқи отырыңыз: Ресейде оқитын студент коронавирус жұқтырып, Қазақстанға келген

Студенттер 8 7172 74-16-24 нөміріне дүйсенбіден жұмаға дейін сағат 9.30-дан 18.30-ға дейін хабарласып кеңес ала алады.

40
Кілт сөздер:
ЖОО, студенттер
Тақырып бойынша
"Жаны сұлу еді": қаза болған қазақстандық студент Канадада жерленді
Қытайдан эвакуацияланған студент Қазақстан халқына үндеу жасады
Ресейде оқитын студент коронавирус жұқтырып, Қазақстанға келген
Шетелде оқитын 145 студент Қазақстанға оралды
Жітіқарада студент терезеден құлаған баланы қағып алды
Иллюстративті фото

Шымкентте жоғалған қыз Алматы облысынан табылды

0
Хабар-ошарсыз кеткен қызды табуға Абай АПБ-ның барлық жеке құрамы мен полиция департаментінің бөлімшелері жұмылдырылды

НҰР-СҰЛТАН, 12 тамыз – Sputnik. Шымкент қаласы полиция департаментінің қызметкерлері жоғалған қызды Алматы облысының Қаскелең қаласынан тапты.

Абай ауданының полиция басқармасына әйел қызының жоғалып кеткені туралы арызданды, деп хабарлады Polisia.kz.

Оқи отырыңыз: Түркістанда жоғалған бойжеткеннің екі апта бойы не істегені белгілі болды 

Хабар-ошарсыз кеткен қыздың жүрген жерін анықтау мақсатында Абай АПБ-ның барлық жеке құрамы мен полиция департаментінің бөлімшелері жұмылдырылды. Жедел іздестіру шаралары барысында, атап айтқанда, республиканың барлық өңіріне бағдар жіберілгеннен кейін хабар-ошарсыз кеткен қыздың Алматы облысының Қаскелең қаласында екені анықталды.

Абай АПБ криминалдық полиция бөлімінің қызметкерлері қызды Шымкент қаласына жеткізді.

 

0
Кілт сөздер:
Шымкент
Тақырып бойынша
Түркияда қазақ қызы жұмбақ жағдайда жоғалып кетті
19 жыл бұрын ұшты-күйлі жоғалған қазақстандық қыз Тәжікстаннан табылды
"Қызымды жылатқан" Есікте жігітпен желі арқылы танысқан қыз жоғалып кетті
Жиырма жыл бұрын жоғалған қыз ата-анасымен қауышты – видео