Қоғам

Келесі жылы бірінші сынып оқушыларына жаңа пән енгізіледі

© Photo : Public DomainДети за компьютером
Дети за компьютером - Sputnik Қазақстан
Жазылу
Бүгінде оқушылар сарайларында 560-тан астам балалар технопаркі мен робот техникасы кабинеті жұмыс істейді

НҰР-СҰЛТАН, 30 маусым – Sputnik. 2021 жылы мектептерде "Цифрлық сауаттылық" пәні бірінші сыныптан бастап енгізіледі. Бұл туралы білім және ғылым министрі Асхат Аймағамбетов мәлімдеді, деп хабарлайды Sputnik Қазақстан тілшісі.

"2021 жылдан бастап "Цифрлық сауаттылық" пәні бірінші сыныптан бастап енетін болады. Балалар мектепте оқығанда алгоритмді, ақпараттық гигиена мен қауіпсіздікті, кодтау тілін үйренеді. Робототехника негіздерін меңгереді", - деді министр үкімет отырысында.

Сондай-ақ оның айтуынша, оқушылар iOS, Android операциялық жүйелерін үйренеді. Ол үшін облыс орталықтарында жаңа 25 арнаулы ІТ лицей ашылған.

Бұдан бөлек, 447 STEM зертханасы мен екі мыңға жуық робот техникасы кабинеті ұйымдастырылды. Оқушылар сарайларында 560-тан астам балалар технопаркі мен робот техникасы кабинеті жұмыс істейді.

"Бірақ, бұл әлі де жеткіліксіз деп есептейміз. Осыған байланысты арнаулы программалау мектептерін әр облыста ашуды әкімдіктерге тапсыруды сұраймын", - деді министр.

Оқи отырыңыз: Қазақстандағы кітапханалар заманауи білім беру орталығына айналады

Жаңалықтар
0