Шприц, архивтегі сурет

Коронавирусты емдеу тәртібі өзгерді ауруханалар қалай босатылады

6295
(Жаңартылды 14:52 30.06.2020)
Егер үш күн бойы жоғары температура болмаса, компьютерлік томография мен ренген кезінде өкпеде оң динамика байқалса пациент амбулаториялық емделуге жіберіледі

НҰР-СҰЛТАН, 30 маусым – Sputnik. Денсаулық сақтау вице-министрі Людмила Бюрабекова коронавирус инфекциясын емдеудің клиникалық хаттамасына маңызды өзгерістердің енгізілгенін мәлімдеді, деп хабарлайды Sputnik Қазақстан тілшісі.

Вице-министрдің сөзіне қарағанда, хаттаманы әзірлеген жетекші инфекционистер мен пульманологтар және тағы басқа клиникалық мамандар орташа ауыр жағдайы бар COVID-19 науқастарын инфекциялық стационарға жатқызбай тұрып, алдымен амбулаториялық деңгейде вирусқа қарсы препараттармен емдеуге ұсыныс жасады.

"Денсаулық сақтау министрлігінің сапа жөніндегі бірлескен комиссиясына кіретін мамандардың басым бөлігі мұндай ұсынысты қолдады", - деп жазды Бюрабекова өзінің Facebook парақшасында.

Осылайша, амбулаториялық емделу кезінде гидроксихлорохин мен лопинавир/ритонавир қолданылады.

Бұл дегеніміз, үйде жатып емделетіндер осы дәрі-дәрмекті ішетін болады. Ал ауруханада жатқан науқастарға қазіргі препараттармен бірге фавипиравир де беріледі.

Бүгінде оны Жапония мен Ресейде COVID-19-ға қарсы кеңінен пайдаланып келеді. Ауыр пневмония болса, қолданыстағы терапиямен қоса дексаметазон ұсынылады.

"Бұдан бөлек, үш күн бойы жоғары температура болмаса, ал компьютерлік томография немесе ренген кезінде өкпеде оң динамика байқалса, пациентті амбулаториялық емдеуге, яғни ауруханадан ерте шығаруға шешім қабылданды", - деп атап көрсетті Бюрабекова.

Оқи отырыңыз: Таптырмас ем: құйрық майдың біз білмейтін қандай пайдасы бар?

Айта кетейік, ауруханадан кейін аурудың орташа ауыр және ауыр түрінен жазылғандарды үй жағдайында бақылайды. Бақылау мерзімі жеке-дара белгіленеді.

Ресми мәліметке сәйкес, бүгінгі таңда республика бойынша аурухана орындарының 60 проценті бос емес. Ал Нұр-Сұлтан мен Алматыда осы көрсеткіш 90 процентті құрап отыр.

"348 медициналық ұйымда науқастарды емдеу үшін 26 мың төсек орын қойылды. Тамыздың аяғына дейін стационарларда қосымша 10 мың кереует жасақталады деген жоспар бар. Соның ішіне жан сақтау бөлімдері мен өкпені жасанды желдету аппараттары қойылған интенсивті терапия палаталары да бар", - дейді министр Алексей Цой.

6295
Кілт сөздер:
аурухана, коронавирус
Тақырып:
Коронавирус эпидемиясы (1095)
Тақырып бойынша
"Рактан жазылды". Қымыз бен шұбат қандай ауруларға ем?
Тоқаев коронавирусқа шалдыққандар туралы: науқастар сапалы ем алып жатыр
Ғалымдар әжімге қарсы ем ойлап тапты
Дәрігер кәрі адамдарды жастардың қанымен емдеу жолын тапты
Бұғы мүйізімен емдеу: Қатонқарағайдағы марал шаруашылығы қолдауға зәру
Отшашу, архивтегі фото

Карантин кезінде отшашу жасау заңды ма ішкі істер министрлігі жауап берді

204
Бас санитар дәрігердің қаулысында жазылған талаптар бұзылса ғана жеке және заңды тұлғалар жауапқа тартылады, деп түсіндірді вице-министр Калайчиди

НҰР-СҰЛТАН, 7 шілде – Sputnik. Ішкі істер министрінің орынбасары Алексей Калайчиди карантин кезінде отшашу ұйымдастыруға қатысты пікір білдірді, деп хабарлайды Sputnik Қазақстан тілшісі.  

Оның айтуынша, бас санитар дәрігердің қаулысын бұзғаны үшін жауапкершілік қарастырылған.

"Ол жаза Әкімшілік құқық бұзушылық туралы кодекстің 425-бабында көрсетілген. Демек, қаулыда жазылған талаптар бұзылса ғана жеке және заңды тұлғалар жауапқа тартылады. Ал осы құжатта отшашуға тыйым салу жайында жазылмаған", - деді Калайчиди бүгінгі онлайн брифингте.

Ол Нұр-Сұлтан қаласында кешегі фейерверкті тамашалаған адамдар да жауапқа тартылмағанын атап өтті.

"Отшашуды тамашалағаны үшін бірде-бір адам жауапқа тартылған жоқ. Фейерверкті көргені үшін жауапкершілік қарастырылмаған. Санитар дәрігердің қаулысында көрсетілген талаптар бұзылса ғана жаза қолданылады. Егер ондай жағдайлар анықталса, онда заңды түрде адамды жауапқа тарту мәселесін көтеруге болады. Ал ондай себеп болмаса, жазаға тарта алмаймыз", - деп түсіндірді Калайчиди.

Айта кетейік, бұған дейін 6 шілде күні елорда күнін тойлау отшашумен аяқталған болатын. Отшашу орталық саябақ, ботаника бағы және Пушкин мен Абылайхан көшелерінің қиылысынан атылды. Әлеуметтік желі қолданушылары пандемия кезінде отшашу жасау орынсыз екенін айтып, наразылық білдірді.

Оқи отырыңыз: Нұр-Сұлтан әкімдігі пандемия кезіндегі отшашуды түсіндірді 

Нұр-Сұлтан әкімдігі пандемия кезіндегі отшашуға қатысты сынға жауап берді. Мәдениет басқармасы отшашу арқылы коронавирус пандемиясымен күресіп жатқан медицина қызметкерлерін қолдағысы келгенін хабарлады. Сондай-ақ, қала тұрғындарының көңіл-күйін көтеруге тырысқан.

Нұр-Сұлтан қаласында Жеңіс күніне арналған отшашу COVID-19 инфекциясына байланысты ұйымдастырылған жоқ. Ал Ұлыбританияның патшайымы екінші Елизавета 2020 жылдың сәуірінде 94 жасқа толды. Ол коронавирусқа байланысты дәстүрлі отшашуды ұйымдастыруды орынсыз деп тапты.

204
Кілт сөздер:
отшашу, карантин
Тақырып:
Коронавирус эпидемиясы (1095)
Тақырып бойынша
Пневмония эпидемиясы: коронавирус қайда кетті?
"Бұған жол беруге болмайды": Тоқаев жұртты алаңдатқан мәселе туралы айтты
Нұр-Сұлтанда дәрі-дәрмекке қатысты жедел желі іске қосылды
"Кеш қалдыңыздар": дәрігер қазақстандықтардың ең басты қателігін атады
"Ненің құрметіне?!": Димаш шенеуніктерге неге шүйлікті
Парацетамол

Тоқаев ел азаматтарын дүрбелеңге салынбауға шақырды

145
Мемлекет басшысы әлеуметтік желіде халықты дәрі-дәрмекпен қамтамасыз ету жұмысы жалғасып жатқанын мәлімдеді

НҰР-СҰЛТАН, 7 шілде – Sputnik. Құқық қорғау органдары дәрі-дәрмектің бағасын заңсыз қымбаттатқан адамдарды ұстап жатыр. Бұл туралы Қазақстан президенті Қасым-Жомарт Тоқаев айтты.

"Менің тапсырмам бойынша құқық қорғау органдары дәрі-дәрмектің бағасын заңсыз қымбаттатқан адамдарды ұстап жатыр. Халықты дәрі-дәрмекпен қамтамасыз ету жұмысы жалғасуда", - деп жазды Тоқаев Twitter-де.

"Ел азаматтарын дәрі тапшылығын туғызып, дүрбелеңге салынбауға шақырамын", - деп толықтырды мемлекет басшысы.

Оқи отырыңыз: Дәрі-дәрмекті заңсыз сатқандарға қандай жаза қарастырылған?

Өткен жексенбіде президент азаматтар аса қажетті дәрі-дәрмектердің негізсіз қымбаттауына байланысты шағымданып жатқанын хабарлаған болатын. "Пандемия кезінде бұған жол беруге болмайды", - деп атап өтті ол. Мемлекет басшысы үкімет пен құқық қорғау органдарына аталған мәселені реттеуді тапсырып, кінәлілерді жауапқа тартуға уәде берді.  

145
Кілт сөздер:
дәрі-дәрмек, Қасым-Жомарт Тоқаев
Тақырып:
Коронавирус эпидемиясы (1095)
Тақырып бойынша
Министр коронавирустан емделетіндердің басты қателігін атады
Алматыда парацетамол мен термометр тапшылығы мәселесі қалай шешілді?
Денсаулық министрі алыпсатарлар қанша табыс тауып жатқанын айтты
Шымкентте тегін таратылуы тиіс дәрілерді ұрлаған сатушы ұсталды
Нұр-Сұлтанда дәрі-дәрмекке қатысты жедел желі іске қосылды
Үш айға жететін дәрі-дәрмекті бір аптада сатып алды – облыс әкімі