Блок бекеттегі полицейлер

"30 маусымда қатаң карантин енгізіледі": үкімет ақпаратқа қатысты түсініктеме берді

7340
(Жаңартылды 16:21 30.06.2020)
29 маусымда әлеуметтік желі мен мессенджерлерде "Қазақстанда 2020 жылдың 30 маусымы сағат 00.01-ден бастап шектеу шаралары енгізіледі" деген хабарлама тарады

АЛМАТЫ, 30 маусым – Sputnik. Премьер-министрдің баспасөз қызметі 30 маусымнан бастап қатаң карантин енгізу туралы тараған ақпаратты жоққа шығарды.

"Әлеуметтік желілерде ведомствоаралық комиссия бекіткен қосымша шектеу шараларын енгізу туралы хабарлама тарап жатыр. Ол жалған ақпарат және шындыққа сәйкес келмейді. Ресми дереккөзге ғана сенуді сұраймыз", - деп хабарлады премьер-министр баспасөз қызметінің жетекшісі Зарина Нұрланова.

29 маусымда кешке әлеуметтік желі мен мессенджерлерде "Қазақстанда 2020 жылдың 30 маусымы сағат 00.01-ден бастап белгіленбеген уақытқа дейін шектеу шаралары енгізіледі" деген хабарлама тарады. 

Алматы қаласы әкімдігі де тараған ақпараттың жалған екенін хабарлады. 

"Әлеуметтік желілер мен мессенджерлерде қосымша шектеу шараларын енгізу, оның ішінде ірі сауда нысандарының және жаяу жүргіншілер аймақтарының, саябақтардың, қалаға кіріп-шығатын жолдардың жабылатыны туралы ақпараттың тарады. Алматы әкімдігі жанынан құрылған коронавирустың таралуын болдырмау жөніндегі комиссия ақпараттың шындыққа сәйкес келмейтінін ресми түрде мәлімдейді, - делінген әкімдік таратқан ресми ақпаратта.

Сонымен қатар әкімдік тек ресми ақпаратқа сенуге шақырды және жалған ақпарат таратқаны үшін жауапкершілікке тартылатынын атап өтті.

Қала тұрғындарына әлеуметтік арақашықтықты сақтап, бетперде тағып, адамдар көп жиналатын орындардан аулақ жүруге кеңес берілді. Жасы 65-тен асқан тұрғындарға үйден шықпау ұсынылды.

Айта кетейік, 29 маусымда президент Қасым-Жомарт Тоқаев коронавирус инфекциясының таралуына қарсы іс-қимыл шаралары бойынша жиын өткізді. Мемлекет басшысы үкіметке екі күнде Қазақстанда қатаң карантин бойынша ұсыныстар енгізуді тапсырды.

30 маусымда денсаулық сақтау министрі Алексей Цой коронавирустың өршуін жеңу үшін Қазақстанда төрт апта карантин енгізу қажет екенін мәлімдеді.

 

7340
Кілт сөздер:
түсініктеме, жалған ақпарат, карантин, үкімет, Қазақстан
Тақырып:
Төтенше жағдай және карантин (521)
Тақырып бойынша
Қатаң карантин қайта оралуы мүмкін: Тоқаев үкіметке екі күн уақыт берді 
Коронавирусты емдеу тәртібі өзгерді – ауруханалар қалай босатылады
Министр қатаң карантин жайлы: жақын арада түпкілікті шешім қабылданады
Президент үкіметті ұзаққа созылатын пандемияға дайындалуға шақырды 
"Бұл фестиваль мен форум өткізу емес": президент қазіргі жағдайды соғысқа теңеді 
Зират, архивтегі фото

Әлеуметтік желіде зираттардың видеосы қызу талқыға түсті

240
(Жаңартылды 08:26 15.07.2020)
Алматыда жерлеу рәсімімен айналысатын орталықтың бірі күніне орташа 80 адамды соңғы сапарға аттандырамыз деп отыр

НҰР-СҰЛТАН, 14 шілде – Sputnik. Әлеуметтік желіде бірнеше аптада кенет лық толған зираттардың видеосы қызу талқыға түсті. Көңіл жабырқатар көріністі көпшілік коронавируспен байланыстырады.

Жерлеу рәсімімен айналысатын орталықтар да тапсырыстың бірден үш есеге артқанын айтып отыр, деп хабарлады КТК.

"Мынаны қара! Ана жақта көміп жатыр. Міне, тағы қазып жатыр".

Желіде тараған видеолардағы қаз-қатар тізілген, топырағы кеппеген ондаған мола кімнің де болмасын денесін түршіктереді.

"Болды, толды. Толды, орын жоқ енді, ары кетсе, бір жиырма адамдық қана жер қалды", - дейді тағы бір видеоның авторы.

Бұл зират Талдықорған шетіндегі Еркін ауылында орналасқан деп көрсетілген. Қазір мұндай бейнероликтер желіде желдей еседі.

Алматыдағы Кеңсай зиратының етегі де жаңа қабірлерге толған. Жер қазып жатқан қабіршілер көп. Бейітке ескерткіш тас дайындайтын шеберлер де мұнда беттеген қаралы көштің көбейгенін растап отыр.

Оқи отырыңыз: Діни басқарма індеттен көз жұмғандарды жерлеуге қатысты пәтуа шығарды 

Алматыдағы жерлеу рәсімімен айналысатын орталықтың бірі қазір күніне орташа 80 адамды соңғы сапарға аттандырамыз деп отыр. Бұрын бұл көрсеткіш екі жарым есе аз болған екен.

"Бұрын күніне 27-28 адам, 25 адам қайтыс болса, бүгін, мысалы, 80 адам көз жұмды. Бұрын арнайы қорым, бөлек зират болған. Қазір кез келген зиратқа қойып жатырмыз", - дейді Жерлеу рәсімі орталығының өкілі Марат Исмаилов.

240
Кілт сөздер:
коронавирус, видео, зират
Тақырып:
Коронавирус эпидемиясы
Тақырып бойынша
Індеттен көз жұмғандар жерленген зиратта 32 қабір бар – әкімдік жағдайды түсіндірді
Тоқаев карантин режимі қашанға дейін жалғасатынын айтты
Маман өзін-өзі емдеуде антибиотик несімен қауіпті екенін айтты
Қытайдан әкелінген маскаларға инфекция жұқтырылған - министрлік түсініктеме берді
Бас санитар дәрігер вирус жұқтырғандар саны неге артып жатқанын түсіндірді
Дезинфекция жүргізу

Нұр-Сұлтанда ауқымды дезинфекция жұмыстары жүргізіледі

121
(Жаңартылды 22:05 14.07.2020)
Бас санитар дәрігердің қаулысына орай, сауда үйлері мен базарлар, ойын-сауық орталықтары мен басқа да көпшілік жиналатын орындардың басшылары жұмыс орындарында дезинфекция жүргізуі тиіс

НҰР-СҰЛТАН, 14 шілде – Sputnik. 15 шілде күні Нұр-Сұлтан қаласында халық көп жиналатын орындарда (саябақ, сквер, гүлзар, жағалау және т.б.) ауқымды дезинфекция жүргізіледі, деп хабарлайды қала әкімдігінің баспасөз қызметі.

"Дезинфекция таңғы сағат 6-7-де басталады. Өңдеу кезінде қала тұрғындары адамдар көп жиналатын орындарға бармағаны жөн. Қаланы өңдеуге коммуналдық сала қызметтерімен бірге төтенше жағдайлар жөніндегі департаменттің және мамандандырылған компания қызметкерлері қатысады", - делінген хабарламада.

Дезинфекция жұмыстары жаяу және арнайы машиналардың көмегімен жүргізіледі.

Қалалық бас санитар дәрігердің қаулысына сәйкес, сауда үйлері мен базарлар, ойын-сауық орталықтары мен басқа да көпшілік жиналатын орындардың басшылары да жұмыс орындарында дезинфекция жүргізуі тиіс.

Осы кезге дейін қалада барлығы 20 миллион шаршы метрден астам аумақта дезинфекция жасалды. Дезинфекциялау тұрақты түрде жүргізіледі.

Оқи отырыңыз: Тоқаев дезинфекция жасап жүрген жігітті таныды - видео

Айта кетейік, 5 шілдеден 2 тамызға дейін елімізде шектеу шаралары енгізілді. Қала тұрғындары санитария нормаларды қатаң сақтап, маска тағып, антисептик қолданып, әлеуметтік қашықтық сақтауы қажет.

121
Кілт сөздер:
Нұр-Сұлтан, тазалық
Тақырып:
Төтенше жағдай және карантин (521)
Тақырып бойынша
Жұртты дүрліктірген видеодағы тікұшақтардың не істеп жүргені белгілі болды  
Арыста дезинфекция жұмыстары басталды
Алматыда қоғамдық көлік уақытша тоқтатылды
Елордада дезинфекция шаралары қалай жасалды – видео
Нұр-Сұлтанда демалыс күндері ауқымды дезинфекция жұмыстары жүргізіледі