Қорғаныш костюмін киген дәрігер

Автобустар жүрмейді: Шымкентте карантин мерзімі ұзартылды

364
(Жаңартылды 16:32 01.07.2020)
Сауда орталықтары жұмыс күндері таңғы тоғыздан кешкі алтыға дейін істейді, ал сенбі-жексенбі жабылады, қоғамдық көлік жүрмейді

НҰР-СҰЛТАН, 1 шілде – Sputnik. Шымкентте карантин мерзімі 20 шілдеге дейін ұзартылды. Бұл туралы қаланың бас мемлекеттік санитар дәрігері Әбдіманап Төлебаевтың қаулысында айтылған.

Шымкентте не жабылады

1 мен 20 шілде аралығында қалада мына нысандар жұмыс істемейді:

  • қоғамдық тамақтану орындары (ашық аспан астындағы дәмханалар мен тамақты үйге жеткізетіндер жабылмайды);
  • мектепке дейінгі ұйымдар;
  • спорт нысандары (құрамаларды Токио Олимпиадасына және Паралимпиада ойындарына дайындау үшін Ұлттық олимпиада комитетінде аккредиттелген спорт базаларын қоспағанда);
  • мектептен тыс қосымша білім беру ұйымдары (дамыту орталықтары, үйірмелер және тағы басқа);
  • сұлулық салондары, шаштараз, маникюр кабинеттері;
  • монша кешендері, SPA, сауна;
  • нан-тоқаш өнімдерін, фастфуд, балмұздақ, сусын сататын дүңгіршектер;
  • автокөлік жуу (өзіне-өзі қызмет етуге арналған бөлек орындар істей береді);
  • кинотеатрлар, түнгі клубтар.

Сауда орталықтары демалыста жұмыс істемейді

Автосалондар, азық-түлік емес тауарлар сататын сауда орындары, сауда орталықтары, сауда үйлері, химиялық тазалау, кір жуу, шеберхана, ателье, кілем тазалау нысандары сағат 9.00-ден 18.00-ге дейін істейді. Ал демалыс күндері жабылады.

Ашық аспан астындағы дәмханалар жұмыс күндері 9.00-ден 21.00-ге дейін ашық, сенбі және жексенбі жабық болады.

Тағы оқыңыз: Қазақстанда 1 шілдеден бастап не өзгереді

Бөлек тұрған азық-түлік гипермаркеттері, супермаркеттер, минимаркертер мен үй ауласындағы дүкендерге 10.00-ден 21.00-ге дейін, демалыс күндері сағат 10.00-ден 18.00-ге дейін жұмыс істеуге рұқсат етілді.

Қоғамдық көлік

Жұмыс күндері қоғамдық көліктің жұмыс уақыты шектеледі: енді автобустар 07.00-ден 11.00-ге дейін және 17.00-ден 20.00-ге дейін жүреді.

Демалыс күндері қатынамайды.

Әдеттегі режимде жұмысын жалғастыратындар

  • медициналық ұйымдар, дәріханалар, процедуралық кабинеттер, коммуналдық қызметтер;
  • жанар-жағармай құю станциясы мен сол маңдағы дүкендер, техникалық қызмет көрсету станциясы, шиномонтаж, өзіне-өзі қызмет етуге арналған автокөлік жуу орындары.

Пандемия басталғалы бері Шымкентте 3 мыңнан астам адам вирус жұқтырды, 705 пациент жазылып шықты, он бес адам қайтыс болды.

364
Кілт сөздер:
автобус, Шымкент, карантин
Тақырып:
Төтенше жағдай және карантин (641)
 Архивтегі фото

Алматы Ұланбатыр арасында әуе рейсі ашылды

53
Ұшақ қаншалықты жиі ұшатыны әзірге белгісіз. Ол әлемдегі эпидемиологиялық жағдай жақсарғаннан кейін анықталады

АЛМАТЫ, 28 қыркүйек – Sputnik. Алматы – Ұланбатыр бағыты бойынша жаңа әуе рейсі ашылды, деп хабарлады Қазақстанның сыртқы істер министрлігі.

Министрліктің хабарлауынша, Қазақстанның Моңғолиядағы елшісі Жалғас Әділбаев Моңғолия үкіметінің атқарушы агенттігі – Азаматтық авиация бас басқармасы және "Хунну эйр" әуе компаниясының басшылығымен бірге Алматы – Ұланбатыр әуе қатынасын ашу туралы конференцияға қатысты.

"Елші Қазақстанның ең ірі мегаполисі мен Моңғолияның астанасы арасындағы тікелей әуе қатынасының ашылуымен құттықтады. 2019 жылдың 10 қазанында Нұр-Сұлтанда өткен екі елдің премьер-министрі арасындағы келіссөздер барысында көтерілген әуе қатынасын ашу жөніндегі келісімнің орындалғанын айтты", - делінген ақпаратта.

Бұл әуе бағыты екіжақты саяси, сауда-экономикалық, мәдени-гуманитарлық және туристік саладағы байланыстың қарқынды дамуына мүмкіндік береді.

Оқи отырыңыз: Польша Қазақстанмен әуе қатынасын қайта қалпына келтіретін болды 

Айта кетейік, 28 қыркүйекте "Хунну эйр" әуе компаниясының ұшағы "Ұланбатыр – Алматы – Ұланбатыр" бағыты бойынша алғашқы репатриациялық рейсті орындады.

Ұшақ қаншалықты жиі ұшатыны әзірге белгісіз. Ол әлемдегі эпидемиологиялық жағдай жақсарғаннан кейін анықталады.     

53
Кілт сөздер:
Алматы, ұшақ
Тақырып бойынша
Қазақстан мен Ресей арасындағы әуе қатынасы жанданады
Қырғызстанға ұшуға рұқсат берілді: алғашқы рейске билеттер сатылып кетті
Қазақстан Қырғызстан және Өзбекстанмен шекарасын ашқан жоқ – ҰҚК
Экология, геология және табиғи ресурстар министрі Мағзұм Мырзағалиев

Министр Мырзағалиев "Алтынемелде" түсірілген видеоны жариялады

2598
(Жаңартылды 18:53 28.09.2020)
Орта Азияда сирек кездесетін қар барысы көктемде "Сайрам Өгем" ұлттық паркінде де көрініп еді, дейді экология министрі

АЛМАТЫ, 28 қыркүйек – Sputnik. Алматы облысында "Алтынемел" ұлттық паркінде алғаш рет қар барысы видеоға түсірілді. Бұл туралы экология, геология және табиғи ресурстар министрі Мағзұм Мырзағалиев мәлімдеді, деп хабарлайды Sputnik Қазақстан.

​Министр Twitter парақшасында қар барысының фото және видеосын жариялады.

"Жақсы жаңалықты бөліскім келіп отыр. "Алтынемел" мемлекеттік ұлттық табиғи паркінде алғаш рет қар барысы байқалды. Жануар фототұзақ объективіне ілінген. Орта Азияда сирек кездесетін сүтқоректі көктемде "Сайрам Өгем" ұлттық паркінде де көрініп еді", - деп жазды министр.

Министрдің айтуынша, Қазақстан аумағында 120-130 бас қар барысы бар. Жануар жоғалып кетудің алдында тұр.  

"Барыстың көзге түсуі – ерекше құбылыс. Біз сирек кездесетін жануарларды барынша қорғауымыз керек. Экология, геология және табиғи ресурстар министрлігі бұл үшін бірқатар шара қабылдап, жүзеге асырады", - деп жазды Мырзағалиев.

Айта кетейік, Қазақстанның ерекше қорғалатын 13 аймағына 294 фототұзақ орнатылған.

2598
Кілт сөздер:
видео
Тақырып бойынша
Белгісіз құбыжық тұрғындардың зәресін алды – жантүршігерлік видео
Шымкент зообағында жас жігіт жирафқа мініп алды - видео
Африкада түсірілген видео жұртты күлдірді
Семейде жыртқыш аң видеоға түсіп қалды
Ребенок у окна, архивное фото

Шипажайда баланы сүлгімен ұрған тәрбиеші қылмыстық жазаға тартылмайтын болды

0
Ақтөбе қаласының Алматы аудандық полиция бөлімі жүргізген сотқа дейінгі тергеу екі жақтың татуласуымен аяқталды, қылмыстық іс тоқтатылды

АЛМАТЫ, 28 қыркүйек – Sputnik. Ақтөбеде баланы сүлгімен ұрған тәрбиешіге қатысты қылмыстық іс тоқтатылды, деп хабарлады өңірлік "Мой Город" басылымы.

2020 жылдың наурызында Ақтөбе облысындағы "Шағала" шипажайының 58 жастағы тәрбиешісі баланы сүлгімен ұрып-соққаны жария болған еді. Сол жердегі баланың бірі оқиғаны видеоға түсіріп алған, ал оны ата-анасы әлеуметтік желіде жариялады. Бұл шипажайда туберкулезбен ауыратын балалар оңалтудан өтеді.

Видеода балалардың еденде отырғанын, ал ақ халат киген әйелдің бір баланы сүлгімен ұрғанын көруге болады. Бала жыласа да, әйел оны бірнеше рет ұрған. Басқа балалар да "бізді аяқ киіммен де ұрады" дейді.  

Видео жарияланғаннан кейін шипажайға полиция мен прокуратура қызметкерлері барған. Аталған факті бойынша Қылмыстық кодекстің 140-бабы 2-бөлігі бойынша сотқа дейінгі тергеу басталып, сараптама тағайындалды.

Оқи отырыңыз: Алматы облысында балабақшадағы видеодан кейін тәрбиеші хабарсыз кетті 

Тергеу барысында тәрбиешінің 20 жылдық жұмыс өтілі бар екені белгілі болды. Оның айтуынша, бала тәрбиешіге тіл тигізген. Содан ашуланып, сүлгімен сабай бастаған.

Ақтөбе қаласының Алматы аудандық полиция бөлімі жүргізген сотқа дейінгі тергеу екі жақтың татуласуымен аяқталды, қылмыстық іс тоқтатылды.

Ал шипажайдың хабарлауынша, баланы ұрған тәрбиеші мен сол жерде әйелді тоқтатпаған екінші тәрбиеші Еңбек кодексінің 52-бабы 14-бөлігі бойынша жұмыстан босатылған.

0
Кілт сөздер:
қылмыстық іс, тәрбиеші
Тақырып бойынша
Түркістан облысы лагеріндегі шу: оқиғаның неден басталғаны белгілі болды
"Аюға намаз үйреткен таяқ": тәрбиеші әріп білмеген бүлдіршінді ұрып-соқты – видео
Студент тәрбиешінің балаларды ұрып жатқанын видеоға түсіріп алды
Атырауда тәрбиешінің бүлдіршінді сабап жатқан сәті видеоға түсіп қалды
Балабақшада балалар кішкентай қызды жабылып соққыға жықты – видео