Нурсултан Назарбаев и Михаил Горбачев на целинной земле

"Мен таңғалған жоқпын": Горбачев Назарбаев туралы сұқбат берді

13128
(Жаңартылды 10:41 06.07.2020)
Михаил Горбачев Қазақстанның тұңғыш президенті – Елбасы Нұрсұлтан Назарбаевтың 80 жасқа толуына орай Sputnik Қазақстанға сұқбат берді

НҰР-СҰЛТАН, 6 шілде – Sputnik, Айжан Нұрғазинова, Нұргүл Абай. КОКП Орталық комитетінің соңғы бас хатшысы, КСРО басшысы Михаил Горбачев Қазақстанның тұңғыш президенті Нұрсұлтан Назарбаевты қандай қасиеттері үшін бағалайтынын айтты. 

Бір сұқбатында Михаил Горбачев Назарбаевты КСРО премьер-министрі етіп тағайындауға дайын болғанын айтып қалған еді. Қазақ саясаткерінің табандылығы мен жауапкершілігі Одақ басшысын тәнті еткен.

"Нұрсұлтан Әбішұлы Назарбаевтың Кеңес Одағының саяси аренасында пайда болғанынан бері отыз жылдан аса уақыт өтті. Ол кезде Қазақстан елге біртуар саясаткер сыйлағанын бәрі атап өткен шығар деп ойлаймын. Бірақ мен бұған таңғалған жоқпын. Өйткені республиканың әлеуеті, соның ішінде кадрлық, ең дұрысы адами әлеуеті өте мол ғой. Бұл кісінің іске мемлекеттік көзқараспен қарайтыны бірден назар аудартты. Табанды әрі жауапкершілік сезімі зор. Сол уақытта бұл қасиеттер көбіне жетіспейтін. Назарбаевтың шаруашылық және саяси тәжірибесі, Одақты сақтауға қолдау көрсетуі оны премьер қызметіне лайықты кандидат санауға негіз болатын", - деп еске алды Горбачев Sputnik Қазақстанға берген сұқбатында.

Ол Назарбаевтың осы қасиеттерінің арқасында бүгінде Қазақстан қуатты, дамушы, заманауи мемлекетке айналды деп санайды.

Тағы оқыңыз: Карантинмен тұспа-тұс келген мерейтой: Назарбаев 80 жасқа толды

"Біз бәріміз оның Қазақстан мен Ресей арасында достық пен етене серіктестікті сақтауға және нығайтуға деген ұмтылысын ерекше бағалауымыз қажет", - деді КСРО басшысы.  

Горбачев Назарбаевқа жаһандық сын-қатерлерді, олардың ел ішінде шешілетін міндеттермен өзара байланысын терең ұғыну қасиеті тән екенін атап өтті.

М.С. Горбачев и Н.А. Назарбаев
© Sputnik / Борис Бабанов
Михаил Горбачев пен Нұрсұлтан Назарбаев

"Біз онымен қарусыздандыру, даму, экология мәселелері жайлы хат алмастық. Мен оның бастамалары мен ұсыныстарын үнемі қолдайтынмын. Әлем елдері көшбасшыларының оны жоғары бағалауы заңдылық", - дейді ол.

Осы орайда КСРО-ның соңғы басшысы Қазақстанның тұңғыш президентіне өз бағасын берді.

"Нұрсұлтан Назарбаев – әлем лидерлері арасында лайықты орын иеленген ірі мемлекет қайраткері. Оның қызметі жалғасып жатыр. Қазірдің өзінде оның қол жеткізген жетістіктері Қазақстан шегінен асып, бүкіл әлемге үлгі болуда", - деді Горбачев.

Қазақстанның тұңғыш президенті – Елбасы Нұрсұлтан Назарбаев 6 шілде күні сексен жасқа толды.

Елбасының мерейтойы биыл карантинмен тұспа-тұс келіп тұр. Осыған байланысты елде бұқаралық шаралар мен мерекелік концерттерге тыйым салынған.

13128
Кілт сөздер:
сұхбат, КСРО, Назарбаев
iPhone, архивтегі фото

Нұр-Сұлтанда ірі техника дүкенінде жарық сөнгенін пайдаланып қалғандар ұсталды

1400
Тұрмыстық және электронды техника сататын дүкеннің қызметкерлері 6 миллион теңгенің ұялы телефондарын ұрлаған

НҰР-СҰЛТАН, 12 тамыз – Sputnik. "Sulpak" дүкенінің екі қызметкері бірнеше ұялы телефон ұрлағаны үшін айыпталып отыр, деп хабарлайды Sputnik Қазақстан Нұр-Сұлтан қалалық полиция департаментіне сілтеме жасап.   

Тергеу материалдарына сәйкес, 28 шілдеге қараған түні екі жас қызметкер түнгі ауысымда жұмыс істеген. Сол кезде жарық сөніп қалған. Олар соны пайдаланып, дүкен қоймасынан қымбат ұялы телефондарды алып шыққан. Атап айтқанда,  9 iPhone мен 11 Samsung-ті қолды еткен. Ұрланған мүліктің жалпы сомасы 6 миллион теңгені құрады.

Оқи отырыңыз: Арыста танысының үйінде қонақта болған жігіт ұятқа қалды  

Тергеу кезінде екеуі де ұрлық жасағанын мойындады. Ал ұялы телефондар олардың пәтерінен табылды. Екеуі бір пәтерді жалдап тұрған.  

"Қазіргі кезде Қылмыстық кодекстің 188-бабы (Ұрлық) бойынша сотқа дейінгі тергеу шаралары басталды. Оған сәйкес, ірі көлемде айыппұл салудан бастап бес жылға дейін бас бостандығынан айыру жазасы қарастырылған", - дейді полицейлер.

Айта кетейік, 2020 жылдың басында ұрлық ауыр қылмыстардың санатына қосылған болатын. Енді ондай әрекеттер үшін 3-7 жылға бас бостандығынан айыру жазасы қолданылады. Оған қоса, кінәлі адамдардың мүлкі тәркіленеді. Екі жақтың татуласуына рұқсат жоқ.

1400
Кілт сөздер:
Нұр-Сұлтан, ұрлық, ұялы телефон
Тақырып бойынша
Белгісіз біреулер 13 миллион теңгені ұрлау үшін Нұр-Сұлтан тұрғынын аңдыған
Ақтөбеде полиция тергеушісі ноутбук ұрламақ болды
Банк қызметкері 87 миллион теңгені қымқырып, шетелге қашып кетті
Банк қызметкері үйлену тойын жасау үшін бес жарым миллион теңге ұрлаған
Абитуриенттер

Білім министрлігі шетелде оқитын студенттерге арнайы жеңілдік ұсынды

38
Қазақстандық оқу орнына ауысу үшін студенттер университеттің виртуалды қабылдау комиссиясына жүгінуі қажет

АЛМАТЫ, 12 тамыз – Sputnik. Білім және ғылым министрлігі шетелде оқитын студенттерге еліміздегі жоғары оқу орындарына ауысу бойынша көмек көрсетуге дайын, деп хабарлады министрліктің баспасөз қызметі.

Министрлік шетелдік жоғары оқу орындарына өз бетінше түскен және коронавирус инфекциясына байланысты жоғары оқу орындарына оралу мәселесіне тап болған қазақстандық студенттерге көмек көрсете бастады.

"Шетелдік жоғары оқу орындарының көпшілігі студенттерін қашықтан оқытады. Алайда, кейбір оқу орындарында ондай мүмкіндік қарастырылмаған. Өздеріне байланысты емес себептермен оқуын жалғастыру үшін елден шыға алмайтын студенттерге министрлік отандық жоғары оқу орындарына ауысуға көмектесуге дайын", - делінген министрлік ақпаратында.

Осыған байланысты құжаттарды рәсімдеу форматы жеңілдетіледі. Қазақстандық оқу орнына ауысу үшін студент университеттің виртуалды қабылдау комиссиясына жүгінуі қажет. Оқу орнына ауысу туралы өтініш онлайн-режимде қарастырылады.

Оқи отырыңыз: Ресейде оқитын студент коронавирус жұқтырып, Қазақстанға келген

Студенттер 8 7172 74-16-24 нөміріне дүйсенбіден жұмаға дейін сағат 9.30-дан 18.30-ға дейін хабарласып кеңес ала алады.

38
Кілт сөздер:
ЖОО, студенттер
Тақырып бойынша
"Жаны сұлу еді": қаза болған қазақстандық студент Канадада жерленді
Қытайдан эвакуацияланған студент Қазақстан халқына үндеу жасады
Ресейде оқитын студент коронавирус жұқтырып, Қазақстанға келген
Шетелде оқитын 145 студент Қазақстанға оралды
Жітіқарада студент терезеден құлаған баланы қағып алды
Иллюстративті фото

Шымкентте жоғалған қыз Алматы облысынан табылды

0
Хабар-ошарсыз кеткен қызды табуға Абай АПБ-ның барлық жеке құрамы мен полиция департаментінің бөлімшелері жұмылдырылды

НҰР-СҰЛТАН, 12 тамыз – Sputnik. Шымкент қаласы полиция департаментінің қызметкерлері жоғалған қызды Алматы облысының Қаскелең қаласынан тапты.

Абай ауданының полиция басқармасына әйел қызының жоғалып кеткені туралы арызданды, деп хабарлады Polisia.kz.

Оқи отырыңыз: Түркістанда жоғалған бойжеткеннің екі апта бойы не істегені белгілі болды 

Хабар-ошарсыз кеткен қыздың жүрген жерін анықтау мақсатында Абай АПБ-ның барлық жеке құрамы мен полиция департаментінің бөлімшелері жұмылдырылды. Жедел іздестіру шаралары барысында, атап айтқанда, республиканың барлық өңіріне бағдар жіберілгеннен кейін хабар-ошарсыз кеткен қыздың Алматы облысының Қаскелең қаласында екені анықталды.

Абай АПБ криминалдық полиция бөлімінің қызметкерлері қызды Шымкент қаласына жеткізді.

 

0
Кілт сөздер:
Шымкент
Тақырып бойынша
Түркияда қазақ қызы жұмбақ жағдайда жоғалып кетті
19 жыл бұрын ұшты-күйлі жоғалған қазақстандық қыз Тәжікстаннан табылды
"Қызымды жылатқан" Есікте жігітпен желі арқылы танысқан қыз жоғалып кетті
Жиырма жыл бұрын жоғалған қыз ата-анасымен қауышты – видео