Дәрігер, архивтегі фото

Қазақстандық дәрігерлерге сақтық жетіспейді Ресей денсаулық сақтау вице-министрі

226
(Жаңартылды 16:07 07.07.2020)
Қауіпті вирусты жеңу үшін ел билігі мен медицина қызметкерлері бірлесе әрекет етіп, халық арасында әлеуметтік қашықтық сақталуы керек   

НҰР-СҰЛТАН, 7 шілде – Sputnik. Қазақстандық дәрігерлерге коронавирусқа қатысты сақтық жетіспейді. Ресей денсаулық сақтау министрінің орынбасары Олег Гриднев Нұр-Сұлтанның бірнеше медициналық мекемесін аралағаннан кейін осындай тұжырымға келді.

Заместитель министра здравоохранения России Олег Гриднев
© Sputnik / Владислав Воднев
Ресей денсаулық сақтау министрінің орынбасары Олег Гриднев

Ресей денсаулық сақтау вице-министрі түске дейін бірінші қалалық аурухананың екі филиалында, тоғызыншы емхана мен елорданың жедел жәрдем станциясында болды.  

Оқи отырыңыз: Министр коронавирустан емделетіндердің басты қателігін атады

"Мен көргеннің бәрі дұрыс және жоғары деңгейде ұйымдастырылған. Дәрігерлер жеке қорғаныс құралдарымен қамтамасыз етілген, ұйымдастыру логистикасы да дұрыс жолға қойылған. Жұмыстан анау айтқандай қателік көрмедім, алайда медицина қызметкерлері онша сақтық танытпайтынын байқадым. Дәрігерлердің ауырғаны қиын. Дәрігерлерді қорғаныс костюмдері ғана емес, ең алдымен олардың сақтық шаралары қорғауы тиіс. Вирус көрінбейді, бірақ ол бар", - деді Олег Гриднев Sputnik Қазақстан тілшісіне.  

Сондай-ақ ресейлік шенеунік Қазақстанда 5 шілдеден бастап карантин енгізу дұрыс шешім болғанын айтты. Гридневтің пікірінше, бұл шектеулер медициналық мекемелерге түсетін науқастардың санын азайтады.

"Адамдардың дүрлігіп жатқаны өте өкінішті. Бұл карантин шаралары жағдайды жақсартуға көмектеседі. Себебі вирустың таралуын әлеуметтік қашықтық пен шектеулерсіз тоқтату өте қиын. Медициналық мекемелерге түсетін пациенттердің санын барынша азайтуға тырысу керек. Қазір Қазақстанда енгізілген шектеулер өте орынды", - деп жалғастырды вице-министр.

Олег Гриднев келген дәрігерлердің бәрі Мәскеу облысының ауруханаларында, федералды орталықтар мен Роспотребнадзорда жұмыс істейтінін мәлімдеді.

"Дәрігерлер Қазақстанның басқа өңірлерінде жұмыс істеуі мүмкін, олар денсаулық сақтау министрлігінің басшылығы жүктейтін міндеттерді орындайды", - деп толықтырды Олег Гриднев.

Айта кетейік, 6 шілдеде Ресейден арнайы рейспен 32 адамнан тұратын дәрігерлер делегациясы келді. Олардың арасында реабилитологтар, жұқпалы аурулар жөніндегі мамандар, пульмонологтар мен эпидемиологтар бар.

226
Кілт сөздер:
Ресей, дәрігерлер, коронавирус
Тақырып:
Коронавирус эпидемиясы (1541)
Тақырып бойынша
"Ненің құрметіне?!": Димаш шенеуніктерге неге шүйлікті
Қазақстанға келген ресейлік дәрігерлер қай өңірлерге жіберілетіні айтылды
Қазақстанда COVID-19 жұқтырғандар саны 50 мыңға жуықтады
28 мың науқас ем алуда: вице-министр пневмониямен ауырғандар туралы айтты
Нұр-Сұлтан әкімдігі пандемия кезіндегі отшашуды түсіндірді
 Архивтегі фото

Алматы Ұланбатыр арасында әуе рейсі ашылды

53
Ұшақ қаншалықты жиі ұшатыны әзірге белгісіз. Ол әлемдегі эпидемиологиялық жағдай жақсарғаннан кейін анықталады

АЛМАТЫ, 28 қыркүйек – Sputnik. Алматы – Ұланбатыр бағыты бойынша жаңа әуе рейсі ашылды, деп хабарлады Қазақстанның сыртқы істер министрлігі.

Министрліктің хабарлауынша, Қазақстанның Моңғолиядағы елшісі Жалғас Әділбаев Моңғолия үкіметінің атқарушы агенттігі – Азаматтық авиация бас басқармасы және "Хунну эйр" әуе компаниясының басшылығымен бірге Алматы – Ұланбатыр әуе қатынасын ашу туралы конференцияға қатысты.

"Елші Қазақстанның ең ірі мегаполисі мен Моңғолияның астанасы арасындағы тікелей әуе қатынасының ашылуымен құттықтады. 2019 жылдың 10 қазанында Нұр-Сұлтанда өткен екі елдің премьер-министрі арасындағы келіссөздер барысында көтерілген әуе қатынасын ашу жөніндегі келісімнің орындалғанын айтты", - делінген ақпаратта.

Бұл әуе бағыты екіжақты саяси, сауда-экономикалық, мәдени-гуманитарлық және туристік саладағы байланыстың қарқынды дамуына мүмкіндік береді.

Оқи отырыңыз: Польша Қазақстанмен әуе қатынасын қайта қалпына келтіретін болды 

Айта кетейік, 28 қыркүйекте "Хунну эйр" әуе компаниясының ұшағы "Ұланбатыр – Алматы – Ұланбатыр" бағыты бойынша алғашқы репатриациялық рейсті орындады.

Ұшақ қаншалықты жиі ұшатыны әзірге белгісіз. Ол әлемдегі эпидемиологиялық жағдай жақсарғаннан кейін анықталады.     

53
Кілт сөздер:
Алматы, ұшақ
Тақырып бойынша
Қазақстан мен Ресей арасындағы әуе қатынасы жанданады
Қырғызстанға ұшуға рұқсат берілді: алғашқы рейске билеттер сатылып кетті
Қазақстан Қырғызстан және Өзбекстанмен шекарасын ашқан жоқ – ҰҚК
Экология, геология және табиғи ресурстар министрі Мағзұм Мырзағалиев

Министр Мырзағалиев "Алтынемелде" түсірілген видеоны жариялады

2605
(Жаңартылды 18:53 28.09.2020)
Орта Азияда сирек кездесетін қар барысы көктемде "Сайрам Өгем" ұлттық паркінде де көрініп еді, дейді экология министрі

АЛМАТЫ, 28 қыркүйек – Sputnik. Алматы облысында "Алтынемел" ұлттық паркінде алғаш рет қар барысы видеоға түсірілді. Бұл туралы экология, геология және табиғи ресурстар министрі Мағзұм Мырзағалиев мәлімдеді, деп хабарлайды Sputnik Қазақстан.

​Министр Twitter парақшасында қар барысының фото және видеосын жариялады.

"Жақсы жаңалықты бөліскім келіп отыр. "Алтынемел" мемлекеттік ұлттық табиғи паркінде алғаш рет қар барысы байқалды. Жануар фототұзақ объективіне ілінген. Орта Азияда сирек кездесетін сүтқоректі көктемде "Сайрам Өгем" ұлттық паркінде де көрініп еді", - деп жазды министр.

Министрдің айтуынша, Қазақстан аумағында 120-130 бас қар барысы бар. Жануар жоғалып кетудің алдында тұр.  

"Барыстың көзге түсуі – ерекше құбылыс. Біз сирек кездесетін жануарларды барынша қорғауымыз керек. Экология, геология және табиғи ресурстар министрлігі бұл үшін бірқатар шара қабылдап, жүзеге асырады", - деп жазды Мырзағалиев.

Айта кетейік, Қазақстанның ерекше қорғалатын 13 аймағына 294 фототұзақ орнатылған.

2605
Кілт сөздер:
видео
Тақырып бойынша
Белгісіз құбыжық тұрғындардың зәресін алды – жантүршігерлік видео
Шымкент зообағында жас жігіт жирафқа мініп алды - видео
Африкада түсірілген видео жұртты күлдірді
Семейде жыртқыш аң видеоға түсіп қалды
Ребенок у окна, архивное фото

Шипажайда баланы сүлгімен ұрған тәрбиеші қылмыстық жазаға тартылмайтын болды

0
Ақтөбе қаласының Алматы аудандық полиция бөлімі жүргізген сотқа дейінгі тергеу екі жақтың татуласуымен аяқталды, қылмыстық іс тоқтатылды

АЛМАТЫ, 28 қыркүйек – Sputnik. Ақтөбеде баланы сүлгімен ұрған тәрбиешіге қатысты қылмыстық іс тоқтатылды, деп хабарлады өңірлік "Мой Город" басылымы.

2020 жылдың наурызында Ақтөбе облысындағы "Шағала" шипажайының 58 жастағы тәрбиешісі баланы сүлгімен ұрып-соққаны жария болған еді. Сол жердегі баланың бірі оқиғаны видеоға түсіріп алған, ал оны ата-анасы әлеуметтік желіде жариялады. Бұл шипажайда туберкулезбен ауыратын балалар оңалтудан өтеді.

Видеода балалардың еденде отырғанын, ал ақ халат киген әйелдің бір баланы сүлгімен ұрғанын көруге болады. Бала жыласа да, әйел оны бірнеше рет ұрған. Басқа балалар да "бізді аяқ киіммен де ұрады" дейді.  

Видео жарияланғаннан кейін шипажайға полиция мен прокуратура қызметкерлері барған. Аталған факті бойынша Қылмыстық кодекстің 140-бабы 2-бөлігі бойынша сотқа дейінгі тергеу басталып, сараптама тағайындалды.

Оқи отырыңыз: Алматы облысында балабақшадағы видеодан кейін тәрбиеші хабарсыз кетті 

Тергеу барысында тәрбиешінің 20 жылдық жұмыс өтілі бар екені белгілі болды. Оның айтуынша, бала тәрбиешіге тіл тигізген. Содан ашуланып, сүлгімен сабай бастаған.

Ақтөбе қаласының Алматы аудандық полиция бөлімі жүргізген сотқа дейінгі тергеу екі жақтың татуласуымен аяқталды, қылмыстық іс тоқтатылды.

Ал шипажайдың хабарлауынша, баланы ұрған тәрбиеші мен сол жерде әйелді тоқтатпаған екінші тәрбиеші Еңбек кодексінің 52-бабы 14-бөлігі бойынша жұмыстан босатылған.

0
Кілт сөздер:
қылмыстық іс, тәрбиеші
Тақырып бойынша
Түркістан облысы лагеріндегі шу: оқиғаның неден басталғаны белгілі болды
"Аюға намаз үйреткен таяқ": тәрбиеші әріп білмеген бүлдіршінді ұрып-соқты – видео
Студент тәрбиешінің балаларды ұрып жатқанын видеоға түсіріп алды
Атырауда тәрбиешінің бүлдіршінді сабап жатқан сәті видеоға түсіп қалды
Балабақшада балалар кішкентай қызды жабылып соққыға жықты – видео