Дәрігер, аурухана

COVID-19: дәрігерге дер кезінде бармау неге әкеп соғады

399
(Жаңартылды 18:07 09.07.2020)
Өкпесінің 30-50%-і зақымданған қазақстандықтарға үйде ем алу ұсынылды. Ал азаматтар дәрігерлерден, тіпті, телефон арқылы да кеңес ала алмай отырғанын айтып шағымданды

АЛМАТЫ, 9 шілде – Sputnik. Коронавирус инфекциясы кезінде медициналық көмекке дер кезінде жүгіну қажет. Дәрігерге кеш бару науқас жағдайының нашарлауына әкеліп соғуы мүмкін, деп мәлімдеді Sputnik Қазақстан тілшісіне Одинцово облыстық ауруханасының анестезиология және реанимация орталығының басшысы Денис Цветков.

Реаниматолог Қазақстанға коронавирус пандемиясын жеңуге көмектесу үшін Ресейден келген дәрігерлер тобының құрамында болған. Ол жағдайы ауыр науқастармен жұмыс істейді. Сонымен қатар өңірлердегі қазақстандық дәрігерлерге видео арқылы кеңес береді. Цветков қазір дәрігерлердің науқасты жасанды тыныс алу аппаратына дейін жеткізбеуге тырысып жатқанын атап өтті.

"Жасанды тыныс алу аппаратына қосылған науқастардың жазылу көрсеткіші барша әлемде бірдей. Ең жақсы дегені – 20%, ең шынайы көрсеткіш – 10-15%. Жасанды тыныс алу аппараты адамды өлтірмейді. Алайда бұл аппаратқа өкпесі қатты зақымданған науқастар қосылады. Олардың жағдайы ауыр болатыны соншалық, тыныс алатын өкпе тіндері мүлде қалмайды",- деп түсіндірді Цветков.

Жасанды тыныс алу аппараты өкпені ұзақ уақыт бойы протездейдІ. Бірақ вирусты пневмония кезінде өкпе тіні ол уақыт аралығында қалпына келіп үлгермейді.

"Қазір жасанды тыныс алу аппаратына қосылғандардың саны аз. Себебі барлығы науқастарды аппаратқа қосудың міндетті емес екенін біледі. Міндет науқаста пайда болатын цитокинді дауылды (гиперцитокинемия) тоқтатып, өкпе тінінің зақымдануын азайту екенін түсінеді. Ал жасанды тыныс алу аппараты өкпенің қалпына келуі үшін уақыт ұтуға мүмкіндік береді. Алайда вирустық зақымдану кезінде олай емес", - деп атап өтті реаниматолог.

Реаниматологтар сауығып кету үшін ертерек медициналық көмекке жүгіну қажет деп санайды.

"Дәрігерге кеш қаралу жағдайды ушықтырады. Жоғары температурамен апталап үйде отыру және өз күшімен емделу салдарынан жасанды тыныс алу аппаратына қосуға тура келеді",- деді ол.

Қазақстанда хаттамаға сәйкес, өкпенің 30-50% зақымданған пациенттерді амбулаториялық жағдайда емдейді. Кейбірі өзінің жағдайының қаншалықты ауыр екенін де білмейді. Себебі компьютерлік томография мен өкпе рентгенін жасай алмайды.

"Бұл жағдайға байланысты қандай да бір пікір айту қиын. Біз күн сайын стационарда болып, науқастардың қалай түсіп жатқанын, медицина қызметкерлерінің науқастармен қалай жұмыс істеп, толық медициналық көмек көрсетіп жатқанын көріп отырмыз. Сол себепті амбулаториялық ем жайлы ештеңе айта алмаймын", - деді Цветков.

Бұған дейін Нұр-Сұлтан қаласының қоғамдық денсаулық сақтау басқармасының басшысы Сәуле Қисықова астанада 40 науқастың жасанды тыныс алу аппаратына қосуды қажет етіп отырғанын айтты.

399
Кілт сөздер:
науқас, дәрігер, коронавирус
Тақырып:
Коронавирус эпидемиясы (1518)
Тақырып бойынша
Үкімет Қазақстанның бір облысында карантинді күшейтуді тапсырды
Өскеменнің бас полицейі қайтыс болды
Атырауда емхана басшылығы дәрігерлерден ақша жинағаны әшкере болды
Қазақстанға келген гуманитарлық көмек екі айға жуық қоймада жатқан
Түркістан облысында пневмонияға шалдыққандар саны 5 мыңнан асты
Ұшақ, аспан

Қазақстан мен Ресей арасындағы әуе қатынасы жанданады

15
Бұған дейін екі ел арасында репатриациялық рейстер ғана жүзеге асырылды. Ол үшін құзырлы органдардың келісімін алу керек болатын

НҰР-СҰЛТАН, 20 қыркүйек — Sputnik. Ресей өз аумағына Қазақстан азаматтарының кіруіне рұқсат берді. Шектеу коронавирустың таралуына байланысты енгізілген болатын.

"Қазақстан, Қырғызстан, Беларусь және Корея елдерінің азаматтарына және осы елдерде тұруға ықтиярхаты барларға Ресейге әуе өткізу пунктері арқылы кіруге рұқсат етіледі. Ресейліктер де бұл елдерге емін-еркін бара алады", - делінген Ресей үкіметінің сайтында жарияланған ақпаратта. 

Бұған дейін екі ел арасында репатриациялық рейстер ғана болды. Ол үшін құзырлы органдардың келісімін алу керек еді.

Рейстер аптасына бір рет жүзеге асырылады.

Қазақстан мен Ресей арасындағы әуе қатынасы 21 қыркүйекте жанданады.

15
Роза Рымбаева мен Бақытжан Сағынтаев

Роза Рымбаева Алматының құрметті азаматы атанды

87
"Алматының құрметті азаматы" атағы тоғыз тұрғынға берілді. Сағынтаев олар қаланың қалыптасуы мен дамуына ерекше үлес қосқанын атап өтті

НҰР-СҰЛТАН, 20 қыркүйек – Sputnik. Қала күнінде Қазақстанның халық әртісі Роза Рымбаева "Алматының құрметті азаматы" атағына ие болды.

Алматы әкімі Бақытжан Сағынтаев қаланың қалыптасуы мен дамуына ерекше үлес қосқан қала тұрғындарының еңбегін атап өтілгенін айтты. 

"Белгілі қоғам мен саяси қайраткерлер, ғылым мен білім, медицина мен мәдениет, кино мен әдебиет саласының қызметкерлері қоғамға қызмет етіп қана қоймай, ұрпақтар сабақтастығын қамтамасыз етіп, өскелең ұрпақ үшін үлгі болуда", - деп жазды Сағынтаев.

"Алматының құрметті азаматы" атағы Роза Рымбаевамен қатар экономика ғылымдарының докторы  Рахман Алшанов, мемлекеттік және қоғам қайраткері Тұрарбек Асанов, білім саласының ең сіңірген қайраткері Шамша Беркімбаева, Алматы ардагерлер кеңесінің төрағасы Ахан Бижанов, Қазақстанның халық әртісі, актер, кинорежиссер Досхан Жолжақсынов, Қазақстанның халық жазушысы Қабдеш Жұмаділов, медицина ғылымдарының докторы Нина Каюпова және Алматының басты реаниматологы Тілеуберді Қуандықовқа берілді. 

87
Кілт сөздер:
құрметті азаматтар, Алматы, Роза Рымбаева
Тақырып бойынша
"Бәрін Тасқынмен салыстырдым": Роза Рымбаева туралы қызықты деректер
"Әлем елдеріне үлгі боларлық дүние": Тоқаев Роза Рымбаеваға алғыс айтты
"Бала-шағамды зейнетақымен асырап отырмын": Роза Рымбаева карантиндегі өмірі жайлы
"7500 теңге таратамыз": Роза Рымбаеваның ұлы желіде тараған ақпарат туралы жазды  
Роза Рымбаеваның ұлы үйленді: қызын ұзатқан отбасыға айыппұл салынды