Банкет залы

Министр тойы өтпей қалған қазақстандықтар қанша теңгесін қайтарып алғанын жария етті

2702
Министр Сұлтанов тұтынушының заңды талаптары орындалмаған жағдайда қызмет ұсынушыға немесе сатушыға айыппұл салынатынын ескертеді

НҰР-СҰЛТАН, 11 шілде – Sputnik. Сауда және интеграция министрлігінің тұтынушылар құқығын қорғау комитеті мамандарының араласуымен тұтынушылардың 5 миллион теңгеден астам ақшасы қайтарылған. Бұл туралы сауда және интеграция министрі Бақыт Сұлтанов мәлімдеді, деп хабарлайды Sputnik Қазақстан.

Комитетке мейрамханалар мен кафелерде немесе басқа да жерлерде түрлі отбасылық мерекелер тойлау жоспарланып, бірақ өтпей қалғаны үшін қаражаттың қайтарылуына қатысты 47 өтініш түскен.

"Осылайша, қазақстандықтар жалпы сомасы 7,5 миллион теңгенің қайтарылуына қатысты көмек сұрады. Бүгінге дейін 5 миллион теңгеден астам соманың қайтарымы жасалды", – деп жазды сауда және интеграция министрі Бақыт Сұлтанов Facebook-тегі парақшасында.

Наурыз айының ортасында коронавирус пандемиясына байланысты Қазақстанда карантин мен төтенше жағдай жариялағаны белгілі. Соның аясында кез келген ұжымдық немесе отбасылық іс-шараларды өткізуге тыйым салынды.

Сондай-ақ, министр өз жазбасында тұтынушылардың құқықтарын қорғау комитеті орындалмаған туристік турлар үшін 24,2 миллион теңге сомасындағы қаражатты қайтаруды сұраған 85 өтінім қаралғанын атап өтті. Оның ішінде 23,5 миллионы шетелдегі демалыстарға, 670 мың теңге ел ішіндегі туристік нысандарға төленген болса, қазірге дейін тұтынушыларға 4,2 миллион теңге қайтарылған. Сонымен қатар тараптар арасындағы өзара келісім бойынша, кейбір турларды кейінге қалдыру туралы мәміле жасалды.

Оқи отырыңыз: Вице-премьер тығылып той өткізетіндер туралы айтты

Айта кетейік, Сұлтанов өз жазбасында тұтынушылардың құқығын қорғау комитеті тұтынушының заңды талаптары орындалмаған жағдайда қызмет ұсынушыға немесе сатушыға  айыппұл төлетуге құқығы бар екенін еске салып өткен.

2702
Кілт сөздер:
той, карантин
Тақырып:
Төтенше жағдай және карантин (595)
Тақырып бойынша
Төтенше жағдай аяқталды: қазақстандықтарға той-томалақ өткізуге бола ма
Бас санитар дәрігер той-томалақ өткізуге бола ма деген сұраққа жауап берді
Алматыда той жасауға рұқсат берілді ме
Қазір той тойлап жүретін уақыт емес – президент
Қатаң карантин: қазақстандықтар алдағы екі аптада да той өткізе алмайды
iPhone, архивтегі фото

Нұр-Сұлтанда ірі техника дүкенінде жарық сөнгенін пайдаланып қалғандар ұсталды

1204
Тұрмыстық және электронды техника сататын дүкеннің қызметкерлері 6 миллион теңгенің ұялы телефондарын ұрлаған

НҰР-СҰЛТАН, 12 тамыз – Sputnik. "Sulpak" дүкенінің екі қызметкері бірнеше ұялы телефон ұрлағаны үшін айыпталып отыр, деп хабарлайды Sputnik Қазақстан Нұр-Сұлтан қалалық полиция департаментіне сілтеме жасап.   

Тергеу материалдарына сәйкес, 28 шілдеге қараған түні екі жас қызметкер түнгі ауысымда жұмыс істеген. Сол кезде жарық сөніп қалған. Олар соны пайдаланып, дүкен қоймасынан қымбат ұялы телефондарды алып шыққан. Атап айтқанда,  9 iPhone мен 11 Samsung-ті қолды еткен. Ұрланған мүліктің жалпы сомасы 6 миллион теңгені құрады.

Оқи отырыңыз: Арыста танысының үйінде қонақта болған жігіт ұятқа қалды  

Тергеу кезінде екеуі де ұрлық жасағанын мойындады. Ал ұялы телефондар олардың пәтерінен табылды. Екеуі бір пәтерді жалдап тұрған.  

"Қазіргі кезде Қылмыстық кодекстің 188-бабы (Ұрлық) бойынша сотқа дейінгі тергеу шаралары басталды. Оған сәйкес, ірі көлемде айыппұл салудан бастап бес жылға дейін бас бостандығынан айыру жазасы қарастырылған", - дейді полицейлер.

Айта кетейік, 2020 жылдың басында ұрлық ауыр қылмыстардың санатына қосылған болатын. Енді ондай әрекеттер үшін 3-7 жылға бас бостандығынан айыру жазасы қолданылады. Оған қоса, кінәлі адамдардың мүлкі тәркіленеді. Екі жақтың татуласуына рұқсат жоқ.

1204
Кілт сөздер:
Нұр-Сұлтан, ұрлық, ұялы телефон
Тақырып бойынша
Белгісіз біреулер 13 миллион теңгені ұрлау үшін Нұр-Сұлтан тұрғынын аңдыған
Ақтөбеде полиция тергеушісі ноутбук ұрламақ болды
Банк қызметкері 87 миллион теңгені қымқырып, шетелге қашып кетті
Банк қызметкері үйлену тойын жасау үшін бес жарым миллион теңге ұрлаған
Абитуриенттер

Білім министрлігі шетелде оқитын студенттерге арнайы жеңілдік ұсынды

33
Қазақстандық оқу орнына ауысу үшін студенттер университеттің виртуалды қабылдау комиссиясына жүгінуі қажет

АЛМАТЫ, 12 тамыз – Sputnik. Білім және ғылым министрлігі шетелде оқитын студенттерге еліміздегі жоғары оқу орындарына ауысу бойынша көмек көрсетуге дайын, деп хабарлады министрліктің баспасөз қызметі.

Министрлік шетелдік жоғары оқу орындарына өз бетінше түскен және коронавирус инфекциясына байланысты жоғары оқу орындарына оралу мәселесіне тап болған қазақстандық студенттерге көмек көрсете бастады.

"Шетелдік жоғары оқу орындарының көпшілігі студенттерін қашықтан оқытады. Алайда, кейбір оқу орындарында ондай мүмкіндік қарастырылмаған. Өздеріне байланысты емес себептермен оқуын жалғастыру үшін елден шыға алмайтын студенттерге министрлік отандық жоғары оқу орындарына ауысуға көмектесуге дайын", - делінген министрлік ақпаратында.

Осыған байланысты құжаттарды рәсімдеу форматы жеңілдетіледі. Қазақстандық оқу орнына ауысу үшін студент университеттің виртуалды қабылдау комиссиясына жүгінуі қажет. Оқу орнына ауысу туралы өтініш онлайн-режимде қарастырылады.

Оқи отырыңыз: Ресейде оқитын студент коронавирус жұқтырып, Қазақстанға келген

Студенттер 8 7172 74-16-24 нөміріне дүйсенбіден жұмаға дейін сағат 9.30-дан 18.30-ға дейін хабарласып кеңес ала алады.

33
Кілт сөздер:
ЖОО, студенттер
Тақырып бойынша
"Жаны сұлу еді": қаза болған қазақстандық студент Канадада жерленді
Қытайдан эвакуацияланған студент Қазақстан халқына үндеу жасады
Ресейде оқитын студент коронавирус жұқтырып, Қазақстанға келген
Шетелде оқитын 145 студент Қазақстанға оралды
Жітіқарада студент терезеден құлаған баланы қағып алды
Иллюстративті фото

Шымкентте жоғалған қыз Алматы облысынан табылды

0
Хабар-ошарсыз кеткен қызды табуға Абай АПБ-ның барлық жеке құрамы мен полиция департаментінің бөлімшелері жұмылдырылды

НҰР-СҰЛТАН, 12 тамыз – Sputnik. Шымкент қаласы полиция департаментінің қызметкерлері жоғалған қызды Алматы облысының Қаскелең қаласынан тапты.

Абай ауданының полиция басқармасына әйел қызының жоғалып кеткені туралы арызданды, деп хабарлады Polisia.kz.

Оқи отырыңыз: Түркістанда жоғалған бойжеткеннің екі апта бойы не істегені белгілі болды 

Хабар-ошарсыз кеткен қыздың жүрген жерін анықтау мақсатында Абай АПБ-ның барлық жеке құрамы мен полиция департаментінің бөлімшелері жұмылдырылды. Жедел іздестіру шаралары барысында, атап айтқанда, республиканың барлық өңіріне бағдар жіберілгеннен кейін хабар-ошарсыз кеткен қыздың Алматы облысының Қаскелең қаласында екені анықталды.

Абай АПБ криминалдық полиция бөлімінің қызметкерлері қызды Шымкент қаласына жеткізді.

 

0
Кілт сөздер:
Шымкент
Тақырып бойынша
Түркияда қазақ қызы жұмбақ жағдайда жоғалып кетті
19 жыл бұрын ұшты-күйлі жоғалған қазақстандық қыз Тәжікстаннан табылды
"Қызымды жылатқан" Есікте жігітпен желі арқылы танысқан қыз жоғалып кетті
Жиырма жыл бұрын жоғалған қыз ата-анасымен қауышты – видео