Олжас Құдайбергенов

Бұл сұмдық трагедия президент кеңесшісі Қазақстандағы жағдай туралы айтты

10424
Президент кеңесшісі үкімет отставкаға кеткен жағдайда кадрларды іріктеу ережелерін өзгерту керек деп санайды

НҰР-СҰЛТАН, 13 шілде – Sputnik. Қазақстан президентінің штаттан тыс кеңесшісі Олжас Құдайбергенов Қазақстанда болып жатқан жағдайды сұмдық трагедия деп атады.

"Менің немере ағам кеше қайтыс болды. Артында төрт баласы қалды. Сондай-ақ, бірер күн бұрын екі досымның әкесі, әріптесімнің анасы да көз жұмды. Ал бүгін тіптен қорқынышты, айналамдағы таныстарымның арасынан 11 адам қайтыс болды. Барлық хабарламалар түстен кейін келді. Бір сағат бұрын 11-ші адам туралы қаралы хабар жетті – мен танитын бір жақсы адам 39 жастағы жалғыз ұлынан айырылғанын білдім", – деп жазды Құдайбергенов Facebook-тегі парақшасында.

"Қазір болып жатқан жағдайлар – сұмдық трагедия. Ерте ме, кеш пе, біз және біздің жақындарымыз, бәріміз де өлім құшамыз. Бірақ қолдан келгеннің бәрін жасап адам қайтыс болса, жөні басқа ғой. Ал адамдар дәрі-дәрмек жетіспеушілігінен, тыныс алдыру аппаратының жоқтығынан немесе ауруханаға жату үшін дәрігер мен төсек-орын тапшылығынан мәселенің шешілгенін күтіп жатып көз жұмса, бұл – қасірет. Бұл италиялық сценарий емес. Бұл ондаған жыл бойы бюрократия мен жауапсыздық жемқорлыққа ұласқан осындай қайғылы статистика көрсететін біздің өз сценарийіміз", – деді Құдайбергенов.

Ол карантин салдарынан жұмысын жоғалтқан адамдарға үкіметтің әлеуметтік көмек көрсетпей жатқанын да сынға алды.

"Өте өкініштісі сол, дәрі-дәрмекке соңғы ақшасын жұмсап жатқан немесе оны кез-келген пайызбен қарызға алатын адамдар бар. Ал біздің үкімет төлем жасау үшін құқықтық негіздерді көрмейді. Сол сияқты "осындай көзқарастағы" үкімет өз жұмысын жалғастыруының моральдық негізін адамдар көрмей жатыр",– деді Құдайбергенов.

Президент кеңесшісі өз жазбасында үкімет отставкаға кеткен жағдайда кадрларды іріктеу ережелерін өзгерту керек деп санайтынын білдірді.

Оқи отырыңыз: Коронавирус ауа арқылы таралуы мүмкін - Дүниежүзілік денсаулық сақтау ұйымы

"Бірақ үкімет отставкаға кетсе де, сол ережеге сай жаңа адамдарды таңдау ештеңені өзгертпейді. Сондықтан да, жаңа адамдар мен жаңа ережелер болуы керек. Содан кейін эпидемияның келесі толқыны осыншалықты қайғылы болмауы мүмкін", – деді ол.

Айта кетейік, 13 шілде Қазақстанда коронавирус эпидемиясына байланысты ұлттық аза тұту күні болып жарияланды.

10424
Кілт сөздер:
эпидемия, індет
Тақырып бойынша
ДДҰ әлемде коронавирус жедел тарап жатқанын мәлімдеді
Жамбыл облысында коронавирус жұқтырған жүкті әйелдер мен балалар ауруханада жатыр
Вице-министр коронавирус жұқтырған қазақстандық шенеуніктер қалай емделетінін айтты
Дәрігер коронавирус кезінде нені жеуге болмайтынын айтты
"Бұл екінші толқын емес": дәрігер Қазақстандағы коронавирус эпидемиясы туралы айтты
ҰБТ, архивтегі фото

Грант иегерлерінің тізімі қашан жарияланатыны белгілі болды

2
(Жаңартылды 17:06 15.08.2020)
2020 жылғы грант иегерлерінің тізімі 15 тамыз күні сағат 18:00-де testcenterkz парақшасында жарияланады

НҰР-СҰЛТАН, 15 тамыз – Sputnik. 2020 жылғы грант иегерлерінің тізімі 15 тамызда жарияланады, деп хабарлайды Sputnik Қазақстан.

"Грант иегерлерінің тізімі бүгін сағат 18:00-де testcenterkz парақшасында жарияланады", - деп жазды Ұлттық тестілеу орталығының басшысы Дидар Смағұлов Instagram-да.

Оның айтуынша, комиссия отырысы аяқталып, шешім қабылданған.

2
Кілт сөздер:
грант тізімі, грант
Алматыдағы Шәмші Қалдаяқов ескерткіші

"Ұлттың баға жетпес байлығы": Тоқаев желіде жазба жариялады

3319
(Жаңартылды 14:34 15.08.2020)
Он бесінші тамызда Қазақстанның халық әртісі, ұлы композитор Шәмші Қалдаяқовтың туғанына тоқсан жыл толды

НҰР-СҰЛТАН, 15 тамыз – Sputnik. Шәмші Қалдаяқовтың шығармашылығы - ұлттың баға жетпес байлығы, дейді президент Қасым-Жомарт Тоқаев.

"Бүгін еліміздің Әнұраны "Менің Қазақстаным" әнінің авторы, ұлт руханиятына талай сырлы саз бен әсем әуен сыйлаған композитор Шәмші Қалдаяқовтың туғанына 90 жыл толды. Шәмші шығармашылығы – ұлттың баға жетпес байлығы. Оның туындыларын кеңінен насихаттау – бүгінгі ұрпақтың парызы", - деп жазды Тоқаев әлеуметтік желідегі парақшасында.

Шәмші Қалдаяқовтың өмірбаяны

Шәмші Қалдаяқов 1930 жылдың 15 тамызында Оңтүстік Қазақстан облысы Отырар ауданы Шәуілдір ауылында дүниеге келген. Ол бірден өнер жолына түскен жоқ. Әуелі Қапланбектегі ветеринарлық техникумды бітірсе, кейін Сахалиндегі әскери училищені, елге келген соң Ташкент қаласындағы Хамза Ниязи атындағы музыка училищесін, содан соң Құрманғазы атындағы консерваториясының композиторлар дайындайтын факультетінде оқыған.

Шәмші Қалдаяқовтың көптеген әні Роза Бағланова, Ришад Абдуллин, Бибігүл Төлегенова, Рашид Мұсабаев, Зейнеп Қойшыбаева сынды әншілердің репертуарынан берік орын алды. Халық арасында "Менің Қазақстаным" туындысы айрықша мәшһүр болды. Қазақтың музыка өнерінде Шәмшінің орны ерекше 300-ге жуық әні бар. 

Артына музыкалық мол мұра қалдырған Шәмші Қалдаяқов 1992 жылы 62-ге қараған шағында Алматы қаласында қайтыс болды.

1991 жылы Шәмші Қалдаяқов жайлы "Жылдарым менің, жырларым менің" атты ғұмырнамалық деректі фильм түсірілді. Осы жылы композитор Қазақстанның халық әртісі атағын алды.

3319
Кілт сөздер:
Шәмші Қалдаяқов, Қасым-Жомарт Тоқаев