Қоқыс жәшіктері

Министр Тоқаевтың қоқысқа қатысты тапсырмасы қалай орындалатынын айтты

369
Жаңа Экология кодексінде қоқыс шығаратын көліктерге GPS датчиктерді міндетті түрде орнату шаралары көзделіп отыр

НҰР-СҰЛТАН, 14 шілде – Sputnik. Экология, геология және табиғи ресурстар министрі Мағзұм Мырзағалиев Қазақстанда қоқыс орындары қалай азайтылатынын түсіндірді, деп хабарлайды Sputnik Қазақстан тілшісі.

"Жылдар бойы заңсыз қоқыс орындары көбеюде. Шыны керек, бұл мәселенің шешімі әлі табылмай келеді. "Қазақстан ғарыш сапары" компаниясының ғарыштық мониторингі аясында 11 шілдедегі жағдай бойынша осындай 7,5 мыңнан астам қоқыс орны анықталды. Біз әкімдіктермен бірлесіп, оларды жою жоспарын әзірледік", - деді Мырзағалиев үкімет отырысында.

Ол премьер-министрден әкімдіктерге бір ай ішінде заңсыз қоқыстарды жоюды тапсыруды сұрады.

Қазақстанда қоқыстан энергия өндіріледі - парламентте заң жобасы қаралып жатыр 

Министр жаңа заңсыз қоқыс орындарының пайда болуына барынша жол бермеу қажеттігін атап өтті. Ол үшін қоғамдық рейд өткізіп, анықталған фактілерді жұртқа жария ету керек деп санайды ведомство.

"Осы мәселені жүйелі түрде шешу үшін жаңа Экология кодексінде қоқыс шығаратын көліктерге GPS датчиктерді міндетті түрде орнату шаралары көзделген", - деді Мырзағалиев.

Қоқыстан энергия өндіру

Айтуынша, қоқыс шығару тарифінің төмен болуына байланысты қоқыс өңдеу саласы инвесторлардың қызығушылығын тудыра қоймайды.  

"Осыған орай мемлекет басшысының "Waste to Energy" (Қоқыстан энергияға – Sputnik ескерт.) технологиясын енгізу мақсатында заңға тиісті өзгерістер енгізілуде. Мәжіліс түзетулерді мақұлдады, заң жобасын күзде сенат қарайды", - деп атап өтті министр.

Экология министрлігі заң қабылданғаннан кейін алғашқы аукциондарды өткізуді жоспарлап отыр.

Мырғазалиев жаңа жүйенің жұмыс істеу алгоритмін түсіндірді.

"Өртелген қоқыстан шыққан электр энергиясына ең төмен бағаны кім ұсынса, зауыт құрылысын сол жүзеге асырады. Алғашқы аукциондарды келесі жылы өткізуді көздеп отырмыз", - деп түсіндірді ол.

Ведомство 6 пилоттық қаланы анықтаған. Олар: Ақтөбе, Алматы, Атырау, Нұр-Сұлтан, Тараз және Шымкент.

Қазір министрлік потенциалды инвесторлармен жұмыс істеп жатыр. Осыған байланысты әкімдіктерден бір ай ішінде министрлікпен жер учаскелерін, инфрақұрылымның қолжетімділігі мен қалдықтарды кепілді түрде тиеу мәселелерін пысықтауды сұрады.

Сонымен қатар, ведомство білім және ғылым министрлігіне мектептерде енгізілетін "Балаларға экологиялық білім беру" атты жаңа пәннің стандарттарын әзірлеуге көмектесуге дайын.

369
Кілт сөздер:
Қасым-Жомарт Тоқаев, заң, қоқыс
Тақырып бойынша
Президенттің тапсырмасы: мектептерде жаңа пән енгізіледі
Тоқаев "Көк Жайлау" құрылысына қатысты соңғы сөзін айтты
Қазақстанда қоршаған ортаны ластайтын заттардың электронды дерекқоры жасалады
"Бізді жамандай бермеңдер": Татьяна қар тазалаушылардың жанайқайын жеткізді - видео
Қоқыс өртеп энергия өндіру қолға алынады – мәжіліс заң жобасын сенатқа жіберді
Ресей ұшағы

Қазақстанда жұмыс істеген ресейлік дәрігерлер еліне қайтты 

21
Қазақстан тарапы пандемия індетінің шарықтау кезеңінде уақытылы көмек көрсеткені үшін ресейлік дәрігерлерге шын жүректен алғысын білдірді

НҰР-СҰЛТАН, 3 тамыз – Sputnik. Шілденің басында қазақстандық мамандарға коронавирус инфекциясымен күресуге көмектесу үшін келген ресейлік дәрігерлер жұмысын аяқтап, отанына оралды, деп хабарлады Ресейдің Қазақстандағы елшілігі.

"Ресей үкімет басшысы Михаил Мишустин мен Қазақстан премьер-министрі Асқар Маминнің келісімі аясында 6 шілдеде Қазақстанға келген ресейлік мамандар тобы коронавирустың таралуына қарсы күресте республикалық және өңірлік медициналық ұйымдарға тәжірибелік және консультативтік көмек көрсету бойынша миссиясын сәтті аяқтады", - делінген елшіліктің Facebook-тегі хабарламасында.

Дүйсенбі, 3 тамызда дәрігерлер Ресей ТЖМ арнайы ұшағымен Қазақстаннан кетті.

Оған дейін қабылдаушы тарап бауырлас Қазақстанға пандемияның шарықтау кезеңінде дер кезінде көмек көрсеткені үшін, сондай-ақ республикадағы эпидемиологиялық жағдайды тұрақтандыруға қосқан үлесі үшін шын жүректен алғысын білдірді.

"Біз де Қазақстан Республикасы денсаулық сақтау министрлігі мен облыстық денсаулық сақтау басқармаларының басшылығына ресейлік мамандарды жылы қабылдап, жақсы қарым-қатынас жасағаны үшін шынайы ризашылығымызды білдіреміз", - деп атап өтті Ресей елшілігі.

Дипломатиялық қызметтің өкілдері "бірлескен жұмыс тәжірибесы екі елдің салалық ведомстволары арасындағы жан-жақты ынтымақтастықты, мемлекетаралық өзара іс-қимыл мен Қазақстан және Ресей халықтарының достығын одан әрі нығайтуға қызмет етеді" деген сенім білдірді.

Шілде айының басында анестезиолог-реаниматологтар, жұқпалы аурулар жөніндегі мамандар, пульмонологтар, эпидемиологтар COVID-19 індетімен күресу үшін Қазақстанға жіберілді. Жұмыс қорытындысы бойынша дәрігерлер Қазақстан денсаулық сақтау министрлігінің "Ерен еңбегі үшін" төсбелгісімен марапатталды.

21
Дәрігер, архивтегі фото

Қазақстанда 8,5 мың медицина маманы коронавирус жұқтырды

20
Өтемақыдан үмітті 123 маманның өтініші мақұлданды. Олардың әрқайсына 2 миллион теңге төленеді, деп атап өтті Алексей Цой 

НҰР-СҰЛТАН, 3 тамыз – Sputnik. Денсаулық сақтау министрлігі коронавирус жұқтырған медицина мамандарының санын жариялады, деп хабарлайды Sputnik Қазақстан тілшісі.

"Елімізде індетті жұқтырған медицина мамандарының саны 8 518 адамға жетті. Ал пневмониямен қанша қызметкердің ауырып қалғаны әзірге белгісіз. Бірақ коронавируспен күрес шаралары кезінде пневмонияға шалдыққан әріптестеріміз өтемақыға өтініш берсе, біз қолдау жасаймыз. Барлық құжатты көтеріп, комиссияның қарауына жібереміз", - деді вице-министр Ажар Ғиният орталық коммуникациялар қызметінде өткен онлайн брифингте.

Оқи отырыңыз: Министр карантин қандай жағдайда ұзартылатынын айтты 

Ал денсаулық сақтау министрі Алексей Цойдың айтуынша, осы уақытқа дейін 123 маманның өтініші мақұлданған. Олардың әрқайсына 2 миллион теңге көлемінде өтемақы төленеді. Басқа өтініштер қаралып жатыр. Алайда министр нақты санын атамады.

"Қазір ондай ақпарат жоқ. Себебі өтініштер әрьөңірдегі комиссияларда қаралады", - дейді Цой.

Айта кетейік, шілденің соңында коронавирус инфекциясын жұқтырған және одан қайтыс болған дәрігерлерге өтемақы беру тәртібі өзгерді. Денсаулық және еңбек министрлерінің бірлескен бұйрығына сәйкес, енді коронавируспен ғана емес, вирустық пневмониямен ауырған және одан қайтыс болған медицина мамандарына да өтемақы төленеді. Бірақ ауруды жұқтыру дерегі эпидемияға қарсы күрес шаралары кезінде тіркелуі шарт. Ал пневмонияның клиникалық белгілері коронавирусқа ұқсас болуы қажет.

Барлық өтемақы мемлекеттік сақтандыру қорынан төленеді. Атап айтқанда, медицина маманы COVID-19 коронавирус инфекциясын жұқтырған немесе вирустық пневмонияға шалдыққан жағдайда 2 миллион теңге мөлшерінде өтемақы төленеді. Ал осы аурулардан қайтыс болса, оның отбасы мүшелеріне 10 миллион теңге беріледі.

20
Кілт сөздер:
өтемақы, дәрігерлер, коронавирус
Тақырып:
Коронавирус эпидемиясы
Тақырып бойынша
Билік коронавирустан қайтыс болғандардың нақты санын жасырып отыр ма?
Қазақстанда коронавирус эпидемиясына қатысты жағдай тұрақталып келеді - Цой
Пневмониядан қайтыс болғандар саны екі есеге артты - министр
Қазақстан коронавирустың таралуы бойынша "қызыл тізімге" енді
"Телефонмен көңіл айтыңыз": вице-министр қазақстандықтарға кеңес берді
Бала, ойыншық

Алматыда полицейлер екі баланы түні бойы іздеді

0
Балалар дүйсенбі күні таңертең табылды. Олар түнді шағын дәмхананың қасында өткізгені белгілі болды. Екеуі де үйден кету себебін айтқысы келмеді

НҰР-СҰЛТАН, 3 тамыз – Sputnik. Алматыда 11 және 8 жастағы екі ағайынды үйден кетіп, қайта оралмаған. Балаларды 30 полицей мен 15 кинолог іздеді. Алты сағаттан кейін балалар аман-сау табылды.

Екі ағайындының жоғалып кеткені туралы хабарлама полицияға түнгі сағат 01:45-те түсті, деп хабарлайды Polisia.kz порталы.

Оқи отырыңыз: Түркістан облысында үш бала тауда адасып кетті, біреуі жардан құлаған 

Ата-анасы балалар үйден кетіп, қайтып оралмағанын айтқан, бірақ бұған дейін ондай әрекет жасамаған.  

Дереу криминалдық полиция қызметкерлері, учаскелік инспекторлар, ювеналды полиция өкілдері мен тергеу-жедел тобының қызметкерлерінен арнайы іздеу тобы құрылды. Сондай-ақ, балаларды іздеуге 15 кинолог тартылды.

"Ең алдымен, үйдің жанындағы аумақты, жақын жерде орналасқан жыра-сайды тексердік, көршілерден сұрастырдық. Қалай болғанда да, біз жақсы нәтижеге қол жеткізуді көздедік", - дейді Алатау ауданы полиция басқармасының бастығы Ілияс Өмірсеріков.  

Ол балалар сағат 07:35-те табылғанын атап өтті. Ағайындылар түнді шағын дәмхананың қасында өткізгені белгілі болды. Балалар бір-бірін мықтап ұстап алыпты. Олар үйден неліктен кеткенін айтқысы келмеген.

Полиция қызметкерлері олардың тұрмысын, отбасылық тәрбиені міндетті түрде тексеріп, ата-анасымен жұмыс істейтіндерін жеткізді. Олар балалар себепсіз үйден кетіп қалмайды деп есептейді.  

0
Кілт сөздер:
балалар, Алматы
Тақырып бойынша
Атырауда үйдің ауласынан 6 жасар қыздың денесі табылды
Түлкібас ауданында 6 ай бұрын жоғалған оқушының не істеп жүргені анықталды
Алматыда әкім іздеу салған оқушы табылды
Атырауда бір жарым жасар сәби жоғалып кетті
Ақмола облысында жоғалған жасөспірімнің 9 жыл бойы қайда жүргені белгілі болды