Офис, жұмыс

Коронавируспен ауырғандар жұмысқа қашан шыға алады

1551
(Жаңартылды 17:55 15.07.2020)
Эпидемиология кафедрасының доценті коронавирус белгілері бар адамдарға екі апта үйден шықпауды ұсынды

АЛМАТЫ, 15 шілде – Sputnik. Пандемия кезінде көптеген қазақстандық қашықтан жұмыс істеуге ауысты. Алайда карантин аяқталған соң жұмысты кеңседе жалғастырады. Заң бойынша қызметкерлер COVID-19-ға ақылы ПТР-тест тапсыруға міндетті емес.

Коронавируспен ауырғандар әріптестеріне инфекция жұқтырып алмау үшін қандай сақтық шараларын сақтауы қажет екенін Sputnik Қазақстан тілшісіне қоғамдық денсаулық сақтау жоғары мектебінің эпидемиология кафедрасының доценті Рафаиль Қыпшақбаев айтып берді.

Тест оң нәтиже көрсетсе...

Егер қызметкер тапсырған ПТР-тест оң нәтиже көрсетсе, ол 14 күн оқшаулауда болуы керек. Содан кейін қайтадан коронавирустың бар-жоғын анықтау үшін анализ тапсыруы қажет,  дейді Қыпшақбаев.

"Екі апта оқшаулануы керек. Содан кейін қайта тест тапсыруы қажет. Егер талдау нәтижесі теріс болса, кеңсеге барып жұмыс істеуге болады", - деп жауап берді маман Sputnik Қазақстан тілшісіне.

ПЦР-тест теріс, бірақ COVID-19 белгілері болса

Қыпшақбаев ПЦР-тест теріс нәтиже көрсеткен жағдайда кеңседе жұмыс істеуге болатынын атап өтті.

Дегенмен, коронавирус белгілері болса, сақтанып, екі апта үйде болу керек, дейді ол.

"Мұндай жағдайда екі жолы бар. Біріншісі - талдау нәтижесі дұрыс, демек қызметкер суық тигізіп алған. Екіншісі – талдау нәтижесі қате. Осындай жағдаймен бетпе-бет келсе, екі апта сақтанған дұрыс. Немесе біраз уақыт өткен соң қайтадан анализ тапсыруға болады", - деді ол.

Үйде емделіп, COVID-19 бар-жоғын анықтамаса, кеңсеге баруға бола ма

Доцент үйде ем алғандарға коронавирустың бар-жоғын нақтылауды ұсынды.

"Әр түрлі жағдай болуы мүмкін, алайда мұндай жағдайда тек өз пікіріне сенудің қажеті жоқ. Тест тапсыру қажет", - деп жауап берді ол.

Пневмониямен ауырса, қалпына келуге қанша күн кетеді

Егер адам пневмониямен ауырса, онда жұмысқа шықпас бұрын өз жағдайын мұқият зерттеуі қажет.

"Бактериялық және вирустық пневмония кезде ағза әлсірейді. Әрине, әр адамда әртүрлі болады. Алайда әдетте қалпына келу үшін бес күн жеткілікті. Адам ауырып болғаннан кейін тест тапсырып, содан кейін ғана жұмысқа барғаны дұрыс", - деді Қыпшақбаев.

Қазақстанда ұжымдық иммунитет қашан қалыптасады

Эпидемиология кафедрасының доцентінің айтуынша, Қазақстанда коронавирусқа ұжымдық иммунитет қалыптасу үшін халықтың жартысынан көбі ауырып шығуы керек.

 

1551
Кілт сөздер:
жұмыс, коронавирус
Тақырып:
Коронавирус эпидемиясы (1364)
Тақырып бойынша
Депутат мәйітханада болған сұмдық жағдайдың себебін айтты
42 500 теңгені қайта қарап, балалы отбасыларға қосымша ақша төлеу ұсынылды
"Тойды жаназа үшін жасамайық": зиялы қауым өкілдері халыққа өтініш жасады
Пневмония коронавирус статистикасына қосыла ма – Қазақстан ДДҰ жауабын күтіп отыр
Сәуле Қисықова қызметінен кетті
Арыс қаласындағы тұрғын үйді қалпына келтіру

Арыс қаласына бөлінген қыруар қаржы ұрланған шенеуніктер ұсталды

0
Әкімдік қызметкерлері 46 тұрғын үйдің ағымдағы жөндеуіне бөлінген 50 миллион теңгеден астам сомадағы бюджет қаражатын жымқырған

НҰР-СҰЛТАН, 7 тамыз – Sputnik. Сыбайлас жемқорлыққа қарсы іс-қимыл агенттігі Арыс қаласын қалпына келтіруге бөлінген қыруар қаражатты ұрлаған шенеуніктерді ұстады, деп хабарлайды Sputnik Қазақстан тілшісі.

Агенттіктің аға тергеушісі Данияр Биғайдаровтың айтуынша, Батыс Қазақстан облысының сыбайлас жемқорлыққа қарсы қызметі аса ірі мөлшерде қаржы жымқыру фактісі бойынша "БҚО энергетика және тұрғын үй-коммуналдық шаруашылық басқармасы" мемлекеттік мекемесінің лауазымды тұлғаларына қатысты сотқа дейінгі тергеуді бастады.

"Олар Түркістан облысы Арыс қаласындағы төтенше жағдайдың салдарын қалпына келтіру бойынша 46 тұрғын үйдің ағымдағы жөндеуіне бөлінген 50 миллион теңгеден астам сомадағы аса ірі көлемдегі бюджет қаражатын 2019 жылы тамыз бен желтоқсан айлары аралығында мердігер ұйыммен сөз байласып, жымқырған", - деді Биғайдаров онлайн брифингте.

2019 жылдың 24 маусымында Түркістан облысы Арыс қаласында әскери бөлімнің оқ-дәрі қоймасында жойқын жарылыс болды. Төтенше жағдай салдарынан төрт адам қаза тапты. Оның екеуі әскери қызметкер болса, екеуі жергілікті тұрғын. Оның бірі жасөспірім.

Оқи отырыңыз: Арыс оқиғасы: министр "табиғи нәрсе" деген сөзді дұрыс аудармағандарға шүйлікті

Төрт айдан кейін Арыс маңындағы полигонда оқ-дәрілердің жиналған бөлшектерін жою жұмыстары кезінде әскери бөлімнің инженерлік қызметінің басшысы көз жұмды. Жарылыс салдарынан Арыс қаласындағы жүздеген тұрғын үй мен нысандарға едәуір зақым келіп, қоймаға жақын орналасқан ғимараттар қирап қалды.

0
Кілт сөздер:
сыбайлас жемқорлық, жемқорлық, пара
Тақырып бойынша
Жедел жәрдем бригадасы Арыс тұрғынын тірілтіп алды
Арыс оқиғасы: 55 мыңнан астам тұрғынға  бір реттік өтемақы беріледі
"70 бала сыйып кетті": Арыс қаһармандары жарылыс кезінде не істегендерін айтты
Шөкеев Арыс тұрғындары туралы: жағдайды пайдаланып қалғысы келгендер табылды
Арыс қаласына 14 мыңнан астам тұрғын оралды - видео
Зорлық-зомбылық

Дәретхана суына тұншықтырды: Алматы облысында ер адам өз отбасын көп жыл азаптаған

44
(Жаңартылды 18:36 07.08.2020)
Күдіктіні полиция ұстап, уақытша ұстау изоляторына қамады. Балаларды азаптаған ер адам жеті жылға дейін сотталуы мүмкін

НҰР-СҰЛТАН, 7 тамыз – Sputnik. Алматы облысында ер адамның көптен бері әйелі мен балаларын аяусыз азаптап келгені мәлім болды. Келіншегін қорқыту үшін ол тіпті үш айлық баласын дәретхана суына тұршықтырған. Бұл туралы "Не молчи" қоғамдық қорының өкілдері хабарлады.

Ерлі-зайыптылар бір жылдан астам уақыттан бері бірге тұрған. Осы уақыт ішінде әбден қысым көрген әйел полицияға хабар беруге қорыққан. Бірінші некеден тоғыз және төрт жасар екі ұлы бар әйелдің соңғы күйеуінен ортақ перзентінің туғанына үш ай болған.

"3 тамызда әйелдің анасы бізге қоңырау шалып, қызының күйеуінен зәбір көріп жатқан сәті түсірілген суреттер жіберді. Оны немересі түсіріп алған екен және мұндай жайт бірінші рет емес көрінеді. Оны біліп қалған ер адам телефондарды жиып, есіктерді жауып алып, оларды көмек сұрау мүмкіндігінен айырған", - деп жазды қордың негізін қалаушы Дина Смайылова.

Қоғамдық қор өкілінің айтуынша, тоғыз жасар бала жуыну бөлмесіндегі су ағызу шүмегін абайсызда сындырып алғаны үшін ер адам оны ұрып-соққан.

"Содан кейін ол анасы мен балаларды ұрып-соғып, денесін көгерткен. Тіпті, үш айлық баланы ұстап алып, әйелін қорқыту үшін дәретхана суына тұншықтырып өлтіруге тырысқан. Әйелдің қабырғасы сынып, бас миы шайқалған. Сондай-ақ, үлкен ұлының да қабырғасы сынып, ауруханаға түсті", - дейді ол.

Зардап шеккен әйелдің анасының айтуына қарағанда, ер адам олардың отбасына үш жыл бұрын келген және бірнеше айдан кейін-ақ әйеліне қорлық көрсете бастаған. Сонымен қатар, әйелдің шешесі ер адам төрт жасар баланы зорлаған болуы мүмкін деп күдіктенеді.

Дина Смайылова қазіргі кезде балалар қосымша сараптамалық тексерістен өтіп жатқанын мәлімдеді. Ол мұндай сұмдық жағдайға қатысты ақпаратты Іле аудандық полиция бөліміне шұғыл тапсырған.

Қазіргі уақытта ер адам кәмелетке толмағандарды азаптады деген күдікпен қамауға алынды.

"Не молчи" өкілдерінен осындай хабар түскен бойда іске шұғыл кірістік. Әйел өзі мен балаларының зорлық-зомбылық көргенін айтып, арыз жазды. 1976 жылы туған ер адам ұсталып, уақытша ұстау изоляторына қамалды", - дейді полицейлер.

Оқи отырыңыз: Бала зорлық-зомбылыққа ұшыраса, қайда хабарласу керек – "111" нөмірі қайта іске қосылды

Қазіргі кезде күдіктіге қатысты Қылмыстық кодекстің 110-бабы 2-бөлігінің 1-тармағы бойынша (кәмелетке толмағанға қатысты азаптау) сотқа дейінгі тергеу басталды. Бұл қылмыс үшін үш жылдан жеті жылға дейінгі мерзімге бас бостандығын шектеу немесе дәл сол мерзімге бас бостандығынан айыру қарастырылған.

44
Кілт сөздер:
бала құқығы, зорлық-зомбылық
Тақырып бойынша
Зорлық жасады деген күдікті Нұр-Сұлтандағы аурухананың аумағынан қашып кетті
Түркістан облысының әкімі өңірде неге зорлық жиілеп кеткенін түсіндірді
Тараздағы зорлық: тағы бір шенеунік қызметінен кетті
Алматыда зорлық-зомбылыққа арандатты деген күдікпен екі адам ұсталды
Балалар зорлық-зомбылығы үшін жазаны күшейту керек пе – президент кеңесшісі пікір білдірді