Жедел жәрдем

Ғалым пневмонияның "қазақстандық" түріне қатысты пікір білдірді

924
(Жаңартылды 12:40 16.07.2020)
Ғалым коронавирус пневмониясын тыныс алу органдарын зақымдайтын өткір қабыну ауруы екенін айтып отыр

АЛМАТЫ, 15 шілде – Sputnik. Пневмонияның "қазақстандық" түріт уралы қауесет тым асыра сілтенген, деп мәлімдеді медицина ғылымдарының докторы, профессор, Қазақстан ҰҒА академигі, фтизиатр-дәрігер және жұқпалы ауруларды емдеу жөніндегі оқулықтың авторы Талғат Мүмінов.

"Меніңше, пневмонияның "қазақстандық " түрі туралы қауесет тым асыра сілтенген. Мұндай тұжырымдар ауру себебін дұрыс түсіндірмеуден, сапалы диагностиканың жеткіліксіз болуынан және жалпы шиеленіскен және дүрбелең жағдайдан пайда болуы мүмкін", - деді ол "Казахстанская правда" газетіне берген сұхбатында.

Ғалымның пікірінше, коронавирус пневмониясы – тыныс алу органдарын зақымдайтын өткір қабыну ауруы, аурудың өз ерекшеліктері бар.

"Аурудың даму механизмі қабынудан ғана емес, өкпе тінінің тыныс алу беті құрылымының ыдырауынан тұрады. Сол себепті коронавирус пневмониясына тән басты белгінің бірі – ентігу", - деді ол.

Сырқаттың ауыр кезеңінде капилляр тамыр бұзылады, ал ол жерде газ алмасу процесі жүріп, оттегі өкпе арқылы қанға өтеді. Зақымдалған капиллярлар мен мембраналардың орнына микротромбтар тосқауылы пайда болады. Ал оның соңы сұйықтықтың жиналуы және өкпенің ісінуімен аяқталуы мүмкін, деп атап өтті ғалым.

Айтуынша, аурудың мұндай ерекшелігі ғылым үшін жаңа құбылыс болып отыр. Алғаш рет дәрігерлер мен ғалымдар бұл аурумен 2003 жылы SARS індеті кезінде бетпе-бет келді. Ол ауыр респираторлық синдром ретінде анықталды, бірақ соңына дейін зерттелмеді.

"Ауру дамуының толық бейнесі пайда болмай, оны пневмония деп атау қиын. "Пневмотитке" әлдеқайда ұқсас. Альвеолалардағы тамыр қабырғалардың қабынуы деп атаса да болады. Әдетте бұл термин тіндердің ыдырауына және кейіннен тыртықтануға әкелетін атипті пневмония кезінде қолданылады", - деді Мүмінов.

Ғалымның айтуынша, ремдесивирді санамағанда, әлі күнге дейін коронавирусқа қатысты тиімділігі дәлелденген бірде-бір препарат жоқ. Бұл дәрі бастапқыда Эбола безгегімен күресу үшін әзірленді, кейінірек SARS және MER коронавирус инфекциясымен күресте де жақсы әсер етті. Ресейліктер соның негізінде дәрі жасады. Алайда мәселенің шешілгені жайлы айту әлі ерте, деді маман.

Практикалық тәжірибе ауыр науқастарды емдеуге төмен дозалы гормондарды, соның ішінде дексаметазон және антикоагулянттарды қосуға мүмкіндік берді. Мысалы қан сұйылтатын және қанның ұюы мен капиллярлардың ыдырауын болдырмайтын кардиомагнил, клексан, фраксипарин дәрілері қосылды. Алайда бұл дәрілерді тағайындау үшін науқастың жағдайына сауатты диагностика жүргізілу қажет. қалай әсер ететінін түсіну керек, деді Мүмінов.

Тағы оқыңыз: Өкпе зақымданған кезде қымыз бен шұбат ішуге бола ма - дәрігер жауабы

Азитромицин мен сумамед секілді емдеу хаттасына енген кең спектрлі антибиотиктер инфекция көзіне әсер етпейді. Олар тек иммунитеттің әлсіреуі кезінде ескі аурулардың асқынып кетуіне жол бермейді. Дәл сол сияқты вирусқа қарсы препараттар да пайдасыз, сондықтан оны қаптамамен сатып алудың қажеті жоқ. Оның ағзаға артық жүктеме екені тексерілген, дәлелденген, деп атап өтті академик.

"Дәрігерлер жағдайы ең ауыр деген науқастарды да құтқаруды үйренгенін қайталап айтқым келеді. Өкінішке қарай, барлығын емес. Науқастың егде жаста болуы, қосалқы аурулар, әлсіреген иммунитет секілді факторлары да бар. Мұндай жағдайда ағза вирустың шабуылына төтеп бере алмайды", - деп атап өтті ғалым.

Инфекцияның даму жылдамдығы бірінші кезекте иммунитетке байланысты. Иммунитет әлсіз болса, ауру қиын өтеді.

"Дене шынықтырумен айналысып, зиянды әдеттерден бас тарту туралы кеңестер бос сөз емес", -деді Мүмінов.

924
Кілт сөздер:
ауру, пікір, қазақстандықтар, ғалым
Тақырып:
Коронавирус эпидемиясы (1391)
Тақырып бойынша
Қазақстандықтарға арнайы қордан бір миллион теңге беріледі - талабы қандай
Қазақстандық дәрігер коронавирус індеті қашан тоқтайтынын айтты
Желіде 42 500 теңгеге қатысты жалған ақпарат тарап жатыр
COVID-19: Қазақстанда науқастардың саны 65 мыңнан асты
Әкімдік вирусқа қарсы препараттар кімдерге тегін берілетінін хабарлады
Архивтегі фото

Отставкаға өтініш берген шенеуніктердің аты-жөні жарияланды

4662
(Жаңартылды 21:19 14.08.2020)
Солтүстік Қазақстан облысының әкімі отставкаға жіберу туралы екі өтінішті қарап жатыр. Шешім президент әкімшілігімен келісіле отырып қабылданады

НҰР-СҰЛТАН, 14 тамыз – Sputnik. Сыбайлас жемқорлыққа қарсы іс-қимыл агенттігі отставкаға өтініш берген шенеуніктердің аты-жөнін жариялады. Олардың қол астындағы қызметкерлерінің сыбайлас жемқорлық жасағаны дәлелденген, деп хабарлайды Sputnik Қазақстан тілшісі.

Ресми мәліметке сәйкес, Солтүстік Қазақстан облысының әкімі отставкаға жіберу туралы екі өтінішті қарап жатыр.

"Біріншісін 28 шілде күні оның орынбасары Федяев жазды. Себебі 25 шілде күні сыбайлас жемқорлық қылмысын жасаған мемлекеттік сәулет-құрылыс бақылау және лицензиялау басқармасының басшысы Қалабаевқа қатысты сот үкімі заңды күшіне енді", - делінген ресми хабарламада.

Бұдан бөлек, 3 тамызда Ақжар ауданының әкімі Мадияров та өтініш берді. Оның орынбасары Досымбеков өз кінәсін мойындап, келтірген залалдың көлемін өтеді. Оған қатысты тергеу шаралары тоқтатылған болатын.

Оқи отырыңыз: Облыс әкімі орынбасарының заңсыз әрекеті видеоға түсіп қалды 

"Мемлекеттік қызмет туралы" заңның 60-бабы, 2-тармағына сәйкес отставканы қабылдау немесе одан бас тарту туралы шешім бір ай мерзімде президент әкімшілігімен келісіле отырып қабылдануы тиіс", - дейді агенттік мамандары.

Отставкаға тағы кім өтініш жазады

Қазіргі кезде сыбайлас жемқорлық бойынша бірқатар іс сотта қаралып жатыр. Айыптау үкімдері заңды күшіне енген жағдайда отставкаға кету туралы өтінішті төмендегі лауазымды тұлғалар беруі тиіс:

  1. Атырау облысы Құрманғазы ауданының әкімі Нұртаев. Оның орынбасары Тәжібаевқа қатысты үкім 3 шілдеде шықты, прокуратураның наразылығы бойынша отырыс 25 тамызға тағайындалды.
  2. Түркістан облысы Келес ауданының әкімі Есбаев. Апелляцияға өтініш берілмесе, Жамбыл ауылдық округінің әкімі Құрманалиевке қатысты үкім 15 тамызда күшіне енеді.
  3. Алматы облысы Текелі қаласының әкімі Өнербаев. 22 тамыз күні Текелі қаласы әкімі аппаратының басшысы Норқұловқа қатысты сот үкімі заңды күшіне енеді.
4662
Кілт сөздер:
шенеуніктер, отставка
Тақырып бойынша
Министрлер мен әкімдер отставкаға кетеді: Бектенов жаңа заңды түсіндірді
Қазақстанда бірнеше әкім отставкаға кетуге өтініш берді
Алтай Көлгінов өзінің отставкасы туралы сұраққа жауап берді
Қостанай әкімі отставкаға кетуі мүмкін 
Архивтегі фото

"СК-Фармацияның" бұрынғы басшысы ұсталды

1632
(Жаңартылды 18:55 14.08.2020)
Ол медициналық бұйымдарды сатып алу кезінде өкілеттігін теріс пайдаланған, хабарлады сыбайлас жемқорлыққа қарсы қызмет

НҰР-СҰЛТАН, 14 тамыз – Sputnik. "СК-Фармация" ЖШС-ның бұрынғы басшысы ұсталды. Бұл туралы сыбайлас жемқорлыққа қарсы іс-қимыл агенттігі мәлімдеді, деп хабарлайды Sputnik Қазақстан тілшісі.

Сыбайлас жемқорлыққа қарсы қызметтің мәліметінше, ол төтенше жағдай жарияланған кезеңде медициналық бұйымдарды сатып алу кезінде өкілеттігін теріс пайдаланған.

"СК-Фармация" ЖШС-ның бұрынғы басқарма төрағасы ұсталып, Нұр-Сұлтан қалалық полиция департаментінің уақытша ұстау изоляторына қамалды", - делінген ресми хабарламада.

14 тамызда соттың санкциясымен күдікті қамауға алынды.

"Соңғы шешімді сот шығарады. Тергеу мүддесі үшін өзге ақпарат жария етілмейді", - дейді агенттік қызметкерлері.

Оқи отырыңыз: Медициналық сақтандыру қорының бұрынғы басшылығы тергеуге алынды 

Айта кетейік, мемлекет басшысы Қасым-Жомарт Тоқаев үкіметтің кеңейтілген отырысында әлеуметтік медициналық сақтандыру қоры мен "СК-Фармация" ЖШС жұмысын сынға алып, басшылығын жұмыстан босатуды тапсырған болатын. Қажет болса тергеу шараларын да жүргізуге нұсқау берді. Ертесінде әлеуметтік медициналық сақтандыру қорының басқарма төрағасы Айбатыр Жұмағұлов пен "СК-Фармация" ЖШС басшысы Берік Шәріп қызметінен алынды.

12 шілдеде "СК-Фармация" ЖШС басқарма төрағасы қызметіне Ерхат Есқалиев тағайындалды.

 

1632
Тақырып бойынша
"СК-Фармацияның" басшысы қанша жалақы алатынын айтты
Мамин министрлер мен әкімдерге тапсырма берді
"СК-Фармация" басшылығы қазақстандықтардан кешірім сұрады
"СК-Фармация" басшысы атышулы фотосын не себепті алып тастағанын түсіндірді
Министрлік тегін дәрі алу үшін не істеу керек екенін айтты
Архивтегі фото

Нұр-Сұлтанда басқарма басшысы 1 миллион теңгеге дейін пара алған видео

0
Елорда әкімдігінің лауазымды қызметкерлері заңды тұлғаларға құрылыс-монтаждау жұмыстарымен айналысуға лицензияларды заңсыз берген

НҰР-СҰЛТАН, 14 тамыз – Sputnik. Сыбайлас жемқорлыққа қарсы іс-қимыл агенттігі елорда әкімдігінің лауазымды тұлғасын тергеуге алды, деп хабарлайды Sputnik Қазақстан тілшісі.

Ресми ақпаратқа сәйкес, "Нұр-Сұлтан қаласының қалалық орта сапасы және бақылау басқармасы" мемлекеттік мекемесінің басшысы мен басқа да тұлғаларына қатысты сотқа дейінгі тергеу басталды.

"Олар 100 000 теңгеден 1 000 000 теңгеге дейінгі ақшалай сыйақы үшін заңды тұлғаларға құрылыс-монтаждау жұмыстарымен айналысуға 1,2,3-санаттағы лицензияларды заңсыз бергені үшін айыпталып отыр", - дейді тергеушілер.

Ал Алматы облысы Кербұлақ ауданының тұрғын-үй коммуналдық шаруашылығы және тұрғын үй инспекциясы бөлімінің басшысы мен басқа да қызметкерлері бюджет қаражатын жымқырғаны үшін тергеуге алынды.

Оқи отырыңыз: Алматы полициясының лауазымды тұлғасы қылмыс үстінде қолға түсті – видео

"Олар 2019 жылдың шілде-тамыз айларында "Сарыөзек ауылының сумен жабдықтау жүйесін ағымдағы жөндеу" объектісі бойынша нақты орындалмаған жұмыстар үшін 35 855 570 теңгені аудару арқылы бюджет қаражатын жымқырды",- делінген ресми хабарламада.

0
Кілт сөздер:
видео, пара