Зертхана қызметкері

Алматыда коронавирус инфекциясымен күресудің жаңа стратегиясы әзірленді

350
(Жаңартылды 20:34 16.07.2020)
Надыровтың айтуынша, денсаулық сақтау министрлігі бекіткен клиникалық хаттамаға сәйкес, талдау нәтижесін күтпестен коронавирус диагнозын қоюға болады

АЛМАТЫ, 16 шілде – Sputnik. Алматыда коронавирусқа қатысты күрделі эпидемиологиялық жағдайға байланысты инфекциямен күресудің жаңа стратегиясы әзірленді. Соған сәйкес, енді емханалар провизорлық және инфекциялық болып бөлінбейді. Бұл жайында Алматы қаласы қоғамдық денсаулық сақтау басқармасының басшысы Қамалжан Надыров мәлімдеді, деп хабарлайды Sputnik Қазақстан тілшісі.

Науқастар ағынын басқару тәсілдерін өзгертіледі. Яғни, бұдан былай клиникаларды провизорлық және инфекциялық бейіндерге бөлу принципі болмайды.

"Қазір провизорлық стационарларға келіп түсетін барлық науқаста коронавирус диагнозы расталғандықтан науқастарды провизорлық және инфекциялық стационарлар арасында бөлудің ешқандай мағынасы жоқ", - деді Надыров.

Айтуынша, денсаулық сақтау министрлігі бекіткен клиникалық хаттамаға сәйкес, коронавирустың бар-жоғын көрсететін талдау нәтижесін күтпестен, рентгенологиялық немесе компьютерлік томография зерттеулерінің қорытындысы бойынша коронавирус диагнозын қоюға болады.

Стационарлар үш эшелонға бөлінді

"Жаңа стратегия пациенттерді ауруының ауырлық дәрежесіне байланысты емдеуге жатқызумен шектеледі. Стационарларды үш эшелонға бөлдік.

Бірінші эшелонға дайын материалдық-техникалық базасы, реанимация бөлімшелері және қарқынды терапия палатасы бар клиникалар енді. Қазір қалада осындай бес аурухана бар", - деді басқарма басшысы.

Ол жерлерде науқастарға арналған 1 850 төсек-орын бар.

Ал емханалардың екінші тобында 1 875 төсек-орын бар 16 қайта бейінделген клиника базасы жұмыс істейді.

"Үшінші эшелонға 1 350 төсек-орын бар екі ұйымды кіргіземіз. Оның бірі 1 000 төсек-орын бар Halyk Arena базасында ұйымдастырылған кешен. Ол жерде жуырда 60 орынға арналған жансақтау бөлімі ашылады", - деді Надыров.

Оқи отырыңыз: COVID-19: Қазақстан мен Ресейдің емдеу хаттамасы неге әртүрлі

Сондай-ақ, "Қазақстан" мен "Көктем" шипажайларында төсек-орындарды одан әрі ұлғайту жоспарда бар.

Айта кетейік, Алматыда 8259 адам коронавирус инфекциясын жұқтырды, 4 945 адам жазылып шықты, 54 адам қайтыс болды.

350
Кілт сөздер:
Алматы, емделу, науқастар
Тақырып:
Коронавирус эпидемиясы (1384)
Тақырып бойынша
Бұғы мүйізімен емдеу: Қатонқарағайдағы марал шаруашылығы қолдауға зәру
Дәрігер кәрі адамдарды жастардың қанымен емдеу жолын тапты
Коронавирусты емдеу тәртібі өзгерді – ауруханалар қалай босатылады
Коронавирусты үйде қалай емдеу керек
COVID-19: Ресей дәрігерлері науқастарды емдеу тәжірибесін бөлісіп жатыр
iPhone, архивтегі фото

Нұр-Сұлтанда ірі техника дүкенінде жарық сөнгенін пайдаланып қалғандар ұсталды

1352
Тұрмыстық және электронды техника сататын дүкеннің қызметкерлері 6 миллион теңгенің ұялы телефондарын ұрлаған

НҰР-СҰЛТАН, 12 тамыз – Sputnik. "Sulpak" дүкенінің екі қызметкері бірнеше ұялы телефон ұрлағаны үшін айыпталып отыр, деп хабарлайды Sputnik Қазақстан Нұр-Сұлтан қалалық полиция департаментіне сілтеме жасап.   

Тергеу материалдарына сәйкес, 28 шілдеге қараған түні екі жас қызметкер түнгі ауысымда жұмыс істеген. Сол кезде жарық сөніп қалған. Олар соны пайдаланып, дүкен қоймасынан қымбат ұялы телефондарды алып шыққан. Атап айтқанда,  9 iPhone мен 11 Samsung-ті қолды еткен. Ұрланған мүліктің жалпы сомасы 6 миллион теңгені құрады.

Оқи отырыңыз: Арыста танысының үйінде қонақта болған жігіт ұятқа қалды  

Тергеу кезінде екеуі де ұрлық жасағанын мойындады. Ал ұялы телефондар олардың пәтерінен табылды. Екеуі бір пәтерді жалдап тұрған.  

"Қазіргі кезде Қылмыстық кодекстің 188-бабы (Ұрлық) бойынша сотқа дейінгі тергеу шаралары басталды. Оған сәйкес, ірі көлемде айыппұл салудан бастап бес жылға дейін бас бостандығынан айыру жазасы қарастырылған", - дейді полицейлер.

Айта кетейік, 2020 жылдың басында ұрлық ауыр қылмыстардың санатына қосылған болатын. Енді ондай әрекеттер үшін 3-7 жылға бас бостандығынан айыру жазасы қолданылады. Оған қоса, кінәлі адамдардың мүлкі тәркіленеді. Екі жақтың татуласуына рұқсат жоқ.

1352
Кілт сөздер:
Нұр-Сұлтан, ұрлық, ұялы телефон
Тақырып бойынша
Белгісіз біреулер 13 миллион теңгені ұрлау үшін Нұр-Сұлтан тұрғынын аңдыған
Ақтөбеде полиция тергеушісі ноутбук ұрламақ болды
Банк қызметкері 87 миллион теңгені қымқырып, шетелге қашып кетті
Банк қызметкері үйлену тойын жасау үшін бес жарым миллион теңге ұрлаған
Абитуриенттер

Білім министрлігі шетелде оқитын студенттерге арнайы жеңілдік ұсынды

36
Қазақстандық оқу орнына ауысу үшін студенттер университеттің виртуалды қабылдау комиссиясына жүгінуі қажет

АЛМАТЫ, 12 тамыз – Sputnik. Білім және ғылым министрлігі шетелде оқитын студенттерге еліміздегі жоғары оқу орындарына ауысу бойынша көмек көрсетуге дайын, деп хабарлады министрліктің баспасөз қызметі.

Министрлік шетелдік жоғары оқу орындарына өз бетінше түскен және коронавирус инфекциясына байланысты жоғары оқу орындарына оралу мәселесіне тап болған қазақстандық студенттерге көмек көрсете бастады.

"Шетелдік жоғары оқу орындарының көпшілігі студенттерін қашықтан оқытады. Алайда, кейбір оқу орындарында ондай мүмкіндік қарастырылмаған. Өздеріне байланысты емес себептермен оқуын жалғастыру үшін елден шыға алмайтын студенттерге министрлік отандық жоғары оқу орындарына ауысуға көмектесуге дайын", - делінген министрлік ақпаратында.

Осыған байланысты құжаттарды рәсімдеу форматы жеңілдетіледі. Қазақстандық оқу орнына ауысу үшін студент университеттің виртуалды қабылдау комиссиясына жүгінуі қажет. Оқу орнына ауысу туралы өтініш онлайн-режимде қарастырылады.

Оқи отырыңыз: Ресейде оқитын студент коронавирус жұқтырып, Қазақстанға келген

Студенттер 8 7172 74-16-24 нөміріне дүйсенбіден жұмаға дейін сағат 9.30-дан 18.30-ға дейін хабарласып кеңес ала алады.

36
Кілт сөздер:
ЖОО, студенттер
Тақырып бойынша
"Жаны сұлу еді": қаза болған қазақстандық студент Канадада жерленді
Қытайдан эвакуацияланған студент Қазақстан халқына үндеу жасады
Ресейде оқитын студент коронавирус жұқтырып, Қазақстанға келген
Шетелде оқитын 145 студент Қазақстанға оралды
Жітіқарада студент терезеден құлаған баланы қағып алды
Иллюстративті фото

Шымкентте жоғалған қыз Алматы облысынан табылды

0
Хабар-ошарсыз кеткен қызды табуға Абай АПБ-ның барлық жеке құрамы мен полиция департаментінің бөлімшелері жұмылдырылды

НҰР-СҰЛТАН, 12 тамыз – Sputnik. Шымкент қаласы полиция департаментінің қызметкерлері жоғалған қызды Алматы облысының Қаскелең қаласынан тапты.

Абай ауданының полиция басқармасына әйел қызының жоғалып кеткені туралы арызданды, деп хабарлады Polisia.kz.

Оқи отырыңыз: Түркістанда жоғалған бойжеткеннің екі апта бойы не істегені белгілі болды 

Хабар-ошарсыз кеткен қыздың жүрген жерін анықтау мақсатында Абай АПБ-ның барлық жеке құрамы мен полиция департаментінің бөлімшелері жұмылдырылды. Жедел іздестіру шаралары барысында, атап айтқанда, республиканың барлық өңіріне бағдар жіберілгеннен кейін хабар-ошарсыз кеткен қыздың Алматы облысының Қаскелең қаласында екені анықталды.

Абай АПБ криминалдық полиция бөлімінің қызметкерлері қызды Шымкент қаласына жеткізді.

 

0
Кілт сөздер:
Шымкент
Тақырып бойынша
Түркияда қазақ қызы жұмбақ жағдайда жоғалып кетті
19 жыл бұрын ұшты-күйлі жоғалған қазақстандық қыз Тәжікстаннан табылды
"Қызымды жылатқан" Есікте жігітпен желі арқылы танысқан қыз жоғалып кетті
Жиырма жыл бұрын жоғалған қыз ата-анасымен қауышты – видео