Алматы әуежайындағы күту залы

Алматыда жаңа шектеу шаралары енгізілді

228
(Жаңартылды 14:06 20.07.2020)
Демалыс күндері ұлттық саябақ жабық болады. Сондай-ақ, тауда пикник жасап, от жағуға тыйым салынады

АЛМАТЫ, 20 шілде – Sputnik. Алматыда 2020 жылдың 21 шілдесінен бастап бастап қатаң шектеу шаралары енгізіледі. Бұл жайында қаланың бас санитар дәрігері Жандарбек Бекшиннің қаулысында хабарланды.

Қаулыға сәйкес, қалааралық автобус тасымалдары тоқтады. Қала маңындағы автобустар мен қаладағы қоғамдық көлік, оның ішінде метрополитен 50%-і толып жұмыс істейді. Қала маңындағы және қаладағы қоғамдық көлік, оның ішінде метрополитен сенбі және жексенбі күндері толық жұмысын тоқтатады.

Сондай-ақ, барлық ұйымда жиналыс, кеңес, конференция, форум, семинар, көрме, тренинг, оқыту курстарын өткізуге тыйым салынған. Адам көп жиналатын басқа да іс-шараларды, отбасылық жиындарды ашық ауада да өткізуге болмайды.

Мұражай, театр, көрмелердің қызметі тоқтап, діни нысандар (мешіт, шіркеу, собор, синагогалар) қызметі тоқтайды.

Балаларды қосымша оқыту орындары мен балаларды сауықтыру лагерьлерінің, білім беру орталықтары, түзету кабинеттерінің, мектепке дейінгі балалар мекемелерінің қызметіне тыйым салынды.

65 жастан асқан адамдардың қозғалысы шектеледі.

Көліктің кез келген түрінде ұлттық саябақтардың, танымал туристік және таулар (Медеу, Бутаковка, Алма-Арасан) аумағына шығуға тыйым салынды. Демалыс күндері ұлттық саябақ жабық болады. Жаяу серуендеушілерге жұмыс күндері тауда пикник жасауға, от жағуға тыйым салынған. Парк аумағында үш адамнан артық топ болып отыруға болмайды.

Ашық ауада жеке жаттығу жасауға рұқсат берілген, сондай-ақ, өңірлер арасында жеке автокөліктің жүріп-тұруына рұқсат.

Кәсіпкерлік нысандар қалай жұмыс істейді

Сауда-ойын сауық орталықтары, сауда үйлері, сауда желілері жабық болады. Оларда орналасқан азық-түлік супермаркеті, дәріхана, жазғы терассасы мен жеке кіретін есігі бар стационарлық тамақтану нысандары жұмыс істейді.

Ойын-сауық орталықтары, караоке, кальян, бильярд, компьютер клубтары, букмекер кеңселері, түнгі клубтар, балалар ойын алаңдары, батуттар, кинотеатрлар жұмыс істемейді.

СПА-орталық, фитнес-орталық, спорт-сауықтыру орталықтары, қоғамдық монша, сауна, сұлулық салондары, шаштараз орталықтары жабық болады.

Жабық азық-түлік және азық-түлік сатпайтын базарлар қызметіне тыйым салынады.

Халыққа қызмет көрсету орталығы күшейтілген санитариялық-дезинфекциялық режимді сақтай отырып, сағат 09.00-ден 16.00-ге дейін жұмыс істейді. "Қазпошта" АҚ жұмыс күндері 8.00-ден 14.00-ге дейін жұмыс істейді.

Автомобиль жуу, тұрмыстық техниканы жөндеу, химиялық тазалау сағат 10.00-ден 17.00-ге дейін қызмет көрсетеді.

Жұмыс және демалыс күндері жұмыс кестесін белгілей отырып, бизнес орталықтар, сақтандыру компаниялары, нотариус, бухгалтер және консалтинг, жылжымайтын мүлік агенттігі, жарнама агенттігі, айырбастау пункттері, ломбард сағат 9.00-ден 17.00-ге дейін жұмыс істейді.

Оқи отырыңыз: Нұр-Сұлтанда карантин туралы қаулы жаңартылды: не өзгерді?

Сонымен қатар қала тұрғындары мен қонақтары қоғамдық орындарда (сауда нысандары, көше, саябақ, әуежай), қоғамдық көлікте маска тағу режимі мен әлеуметтік арақашықтықты сақтауы қажет. Адамдарды шақырып туған күн, мерейтой, той, еске алу өткізуге болмайды.

228
Кілт сөздер:
Алматы, карантин
Тақырып:
Төтенше жағдай және карантин (592)
Тақырып бойынша
Карантин жыл соңына дейін ұзарса, 42 500 теңге төлеу жалғаса ма – министр жауабы
Карантин аяқталғаннан кейін мектеп формасын кию қайта міндеттеле ме?
Карантин режимін бұзғандар үшін қандай жаза қарастырылған - министр жауабы
Министр карантин кезінде кімдер қылмыстық жазаға тартылуы мүмкін екенін айтты
Қазақстанда тағы бір облыста карантин күшейтілді 
Дәрі-дәрмектер мен емдік шаралар

Коронавирус пен тұмау: денсаулық министрлігі күзде не болатынын болжады

3786
(Жаңартылды 18:06 10.08.2020)
Ресми өкілдің сөзіне қарағанда, бүгінде ең пессимистік болжамдар негізге алынады. Соның арқасында денсаулық жүйесін барынша дайындап қоюға мүмкіндік бар

НҰР-СҰЛТАН, 10 тамыз – Sputnik. Қазақстанда жыл сайын вирустық инфекциялар мен тұмауға 1 миллионға жуық адам шалдығады. Күзде оған коронавирус та қосылуы мүмкін. Бұл туралы денсаулық сақтау министрлігінің ресми өкілі Бағдат Қожахмет мәлімдеді, деп хабарлайды Sputnik Қазақстан тілшісі.

"Биыл күзде коронавирус күшейеді деген болжам бар. Сол кезде жіті респираторлық вирустық инфекциялар мен тұмаудың маусымы басталады. Соның аясында коронавирустың жаңа толқыны болады деген болжам бар", - деді Қожахмет орталық коммуникациялар қызметінде өткен онлайн брифингте.

Оның айтуынша, соңғы 5-7 жылдың ішінде Қазақстанда қазан мен наурыз аралығында ЖРВИ мен тұмауға шалдыққандардың жалпы саны 600 мыңнан бастап 1 миллион адамға дейін барған.

"Демек, осы жолы да ЖРВИ мен тұмауға шалдығатындар аз болмайды. Оған коронавирустық инфекция да қосылуы мүмкін", - деп атап көрсетті Қожахмет.

Оның сөзіне қарағанда, бүгінде ең пессимистік болжамдар негізге алынады. Соның арқасында денсаулық жүйесін барынша дайындап қоюға мүмкіндік бар.

Дәрі-дәрмек қорына қатысты мәселе қалай шешілуде

Министрліктің ресми өкілі дәрі-дәрмектің қорына да тоқталды. Оның сөзіне қарағанда, "СК-Фармация" ЖШС жалпы құны 8,7 миллиард теңге болатын 91 түрлі дәрі-дәрмекті аймақтарға жіберді. Бұл препараттар орташа есеппен 40 мың науқасқа жетеді. Бес күннен кейін, яғни 15 тамыздан бастап тағы екі айға жететін қор әзірленеді.

Оқи отырыңыз: Денсаулық вице-министрі коронавирустың екінші толқыны туралы айтты

Ал  амбулаторлық деңгейде, яғни, үйде ем алатын науқастарға арналған тегін дәрінің бес түрін сатып алу жұмыстары аяқталуға жақын. Ол препараттар 1 миллион пациентке жетеді. Тегін дәрілердің ішінде "Парацетамол", "Ибупрофен", "Ривароксабан", "Апиксабан" мен "Дабигатран" деген препараттар бар. Бұның барлығы емхана арқылы таратылады.

3786
Кілт сөздер:
тұмау, коронавирус
Тақырып:
Коронавирус эпидемиясы
Тақырып бойынша
Билік коронавирустан қайтыс болғандардың нақты санын жасырып отыр ма?
Коронавирус пен пневмония: мыңдаған адамның өлімі статистикаға неге енгізілмеді
Коронавирусқа қарсы ресейлік вакцина балаларға қашан салынатыны айтылды
Министрлік парацетамол орнына қолдануға болатын дәрілер тізімін жариялады
Цой: солтүстік жарты шарда тұмау ауруы белең алып барады
Дәріхана, архивтегі сурет

Министрлік тегін дәрі алу үшін не істеу керек екенін айтты

103
(Жаңартылды 17:43 10.08.2020)
Коронавирус пен оған ұқсас пневмонияға шалдыққан пациенттерге дәрі-дәрмектің бір айлық қоры сатып алынды

НҰР-СҰЛТАН, 10 тамыз – Sputnik. Денсаулық сақтау министрлігі коронавирусқа қарсы тегін дәрілерді тарату мерзімін жариялады, деп хабарлайды Sputnik Қазақстан тілшісі. 

Министрліктің ресми өкілі Бағдат Қожахметтің айтуынша, амбулаторлық деңгейде, яғни, үйде ем алатын науқастарға арналған тегін дәрінің бес түрін сатып алу жұмысы аяқталуға жақын. Ол препараттар 1 миллион пациентке жетеді. 

"Мұндай шаралар алғаш рет қабылданып отыр. Вирус жұқтырдым деп күдіктенсеңіз, тіркелген емханаңызға қаралуға болады. Егер вирус жұқтырғаныңыз анықталса, бұрынғыдай дәріхана жағалап жүрмей-ақ қойыңыз. Барлық емханада қажетті дәрі-дәрмек бар және тегін беріледі", - деді Қожахмет орталық коммуникациялар қызметінде өткен онлайн брифингте. 

Оның сөзіне қарағанда, аурудың алдын алуға арналған "Парацетамол", "Ибупрофен", сондай-ақ, тағы үш коагулянт аптаның соңына дейін барлық емханаға жеткізіледі. Кейін ол дәрілер науқастарға тегін таратылады. 

Айта кетейік, 15 шілдеде денсаулық сақтау министрлігі жанындағы бірлескен комиссия клиникалық хаттаманың 10-шы редакциясына тағы түзету енгізді. Дәрігерлер "Гидроксихлорохин" және "Лопинавир"  сияқты препараттарды алып тастауға шешім қабылдапты. Себебі шетелдік ғалымдар бұл дәрілерді коронавирусқа қарсы қолданған тиімсіз деген қорытындыға келген. 

Соңғы хаттамаға коронавирустан амбулаториялық деңгейде, яғни үйде емделу үшін дене қызуын басатын дәрілер мен инъекциялық емес антикоагулянттар да қосылды. Олардың ішінде "Парацетамол", "Ибупрофен", "Ривароксабан", "Апиксабан" мен "Дабигатран" деген препараттар бар. Үйде емделетін науқастар үшін осы дәрі-дәрмектің бәрі тегін таратылады. Ал барлық шығын медицининалық сақтандыру қорының есебінен өтеледі.

Министрліктің ресми өкілі Бағдат Қожахметтің айтуынша, ауруханада емделетін науқастар үшін де ем-дом бар. Коронавирус пен оған ұқсас пневмонияға шалдыққан пациенттерге дәрі-дәрмектің бір айлық қоры сатып алынды. 

"Қазіргі кезде осы жұмысқа жауапты бірыңғай дистрибьютор ("СК-Фармация" ЖШС - Sputnik) жалпы құны 8,7 миллиард теңге болатын 91 түрлі дәрі-дәрмекті аймақтарға жіберді. Бұл препараттар орташа есеппен 40 мың науқасқа жетеді. Бес күннен кейін, яғни 15 тамыздан бастап тағы екі айға жететін қор әзірленуде. Атап айтқанда, стационарда 200 мың науқасты емдеуге жететін дәрі-дәрмектің 50 түрі жеткізіледі", - деп атап көрсетті Қожахмет.

103
Кілт сөздер:
денсаулық, дәрі
Тақырып:
Коронавирус эпидемиясы
Тақырып бойынша
COVID-19: денсаулық министрлігі жағымды жаңалықты бөлісті
Қауіпті синдром – балаларда анықталып жатқан дерт туралы ақпарат жарияланды
Қытайда соңы өлімге әкелетін жаңа вирус тарала бастады
Алматыда тағы бір модульді аурухана салынып жатыр
42 500 теңгені төлеу ережесіне өзгерістер енгізілді
Кісен, архивтегі сурет

Ресей Қазақстанға ұйымдасқан топ құрған адамды тапсырды

0
Есірткі Қазақстанға поштамен жіберілген. Бизнесті ұйымдастырушы құжаттарды қолдан жасағаны белгілі болды

НҰР-СҰЛТАН, 10 тамыз - Sputnik. Ресей Қазақстанға есірткі контрабандасымен айналысатын трансұлттық ұйымдасқан топты құрған Қазақстан азаматы Стас Ларинды берді. Бұл туралы Ресейдің бас прокуратурасының баспасөз қызметі. 

Ол қылмыстық кодекстің 264-бабы 1-бөлігі (трансұлттық ұйымдасқан топты құру, жетекшілік ету)
286-бабы 4-бөлігі (есірткі және психотроптық заттар контрабандасы), 297-бабы 4-бөлігі (есірткі және психотроптық заттарды заңсыз сату және сақтау) және 385-баптың 2-бөлігі (жалған құжат қолдан жасау) бойынша айыпталып отыр.

Ларин 2016 жылы есірткі контрабандасымен айналысатын трансұлттық ұйымдасқан топ құрған. 2017 жылдың қазан айына дейін жетекшілік етті.

Ларин 2019 жылдың желтоқсанында Новосибирск  облысында ұсталды. Жуырда Стас Ларин арнайы конвоймен Қазақстанға жеткізілді.

0