Қолдағы ақша, архивтегі сурет

"Жемқорлық жойыла ма": криптотеңгені тездетіп енгізу ұсынылды

129
Агенттік төрағасының айтуынша, қазіргі кезде барлық деңгейдегі бюджеттің ашықтығын қамтамасыз еткен жөн

НҰР-СҰЛТАН, 21 шілде – Sputnik. Сыбайлас жемқорлыққа қарсы іс-қимыл агенттігінің төрағасы Алик Шпекбаев электронды теңгені тездетіп жасап шығару қажеттігін мәлімдеді, деп хабарлайды Sputnik Қазақстан тілшісі.

"Тағы бір маңызды әрі болашағы бар бағытқа назар аударғым келеді. Ол – электронды ұлттық валютаны жасау. Біріншіден, осы бастаманың арқасында қолма-қол ақша азаяды. Жемқорлар үшін қолма-қол ақшаның болғаны ыңғайлы екені белгілі. Екіншіден, электронды валюта мемлекеттік сатып алу кезінде бюджет қаражатының ашықтығын толығымен қамтамасыз етеді",– деді Шпекбаев жарты жылдың жұмысына арналған алқа мәжілісінде.

Өз сөзінде агенттік басшысы пара беру жүйесінің бар екенін де жеткізді. Ал оның "ставкаларын" бәрі біледі.

"Қазіргі қиын жағдайға қарамастан, кейбір шенеуніктер ардан безіп, медициналық препараттар мен құрал-жабдықтарды сатып алудан пайда көреді. Сөйтіп, байып отырады. Ашығын айту керек, осы проблеманы тек ұстау мен қамаумен ғана шеше алмаймыз. Сондықтан жоспарлау мен бюджет қаражатын игеру жүйесін түбегейлі өзгерту керек", – деп атап көрсетті Шпекбаев.

Оқи отырыңыз: Екі министрліктің жоғары лауазымды тұлғалары тергеуге алынды

Оның айтуынша, бүгінде барлық деңгейдегі бюджеттердің ашықтығын қамтамасыз еткен жөн. Сонымен қатар, қоғамдық және азаматтық бақылауды күшейту керек.

129
Кілт сөздер:
Алик Шпекбаев, парақорлық, жемқорлық
Тақырып бойынша
Ата-аналардан жиналған ақша қандай жағдайда жемқорлық болып есептеледі?
Тестілеу орталығына жемқорлық дауынан кейін жаңа басшы келді
Жемқорлық үшін бірінші басшы жазаланады – мәжіліс заң жобасын мақұлдады
Жемқорлық үшін бірінші басшы жазаланады - Тоқаевтың тапсырмасы қалай орындалып жатыр?
Тоқаев жемқорлық туралы: мемлекеттік орган басшылары отставкаға кетуі керек
Зорлық-зомбылық

Үш айлық баласын дәретхана суына тұншықтыруға тырысқан әкенің сұмдық әрекеті мәлім болды

24
(Жаңартылды 18:10 07.08.2020)
Әйел өзі мен балаларының зорлық-зомбылық көргенін айтып, арыз жазған соң 1976 жылы туған ер адам ұсталып, уақытша ұстау изоляторына қамалды

НҰР-СҰЛТАН, 7 тамыз – Sputnik. Алматы облысында ер адамның көптен бері әйелі мен балаларын аяусыз азаптап келгені әшкере болды. Әйелін қорқыту үшін ол үш айлық баласын дәретхана суына тұршықтыруға тырысқан. Бұл туралы "Не молчи" қоғамдық қорының өкілдері мәлімдеді.

Ерлі-зайыптылар бір жылдан астам уақыттан бері бірге тұрған. Осы уақыт ішінде әбден қысым көрген әйел полицияға хабар беруге қорыққан. Бірінші некеден екі ұлы бар әйелдің соңғы күйеуінен ортақ перзентінің туғанына үш ай болған.

"3 тамызда әйелдің анасы бізге қоңырау шалып, қызының күйеуінен зәбір көріп жатқан сәті түсірілген суреттер жіберді. Оны немересі түсіріп алған екен және мұндай жайт бірінші рет емес көрінеді. Оны білім қалған ер адам телефондарды жиып, есіктерді жауып алып, оларды көмек сұрау мүмкіндігінен айырған", - деп жазды қордың негізін қалаушы Дина Смайылова.

Қоғамдық қор өкілінің айтуынша, тоғыз жасар баланың жуыну бөлмесіндегі су ағызу шүмегін абайсызда сындырып алғаны үшін ер адам жасөспірімге зәбір көрсеткен.

"Содан кейін ол анасы мен балаларды ұрып-соғып, денесін көгерткен. Тіпті, үш айлық баланы ұстап алып, әйелін қорқыту үшін дәретхана суына тұншықтыруға тырысқан. Әйелдің қабырғасы сынып, бас миы шайқалған. Сондай-ақ, үлкен ұлының да қабырғасы сынып ауруханаға түсті", - делінген жарияланымда.

Зардап шеккен әйелдің анасының айтуына қарағанда залым кісі олардың отбасына үш жыл бұрын келген және бірнеше айдан кейін әйеліне қорлық көрсете бастаған. Әрекетінің жария болмауы үшін балаларын қорқытып, қысымда ұстаған. Сонымен қатар, әйелдің шешесі ер адам төрт жасар баланы зорлаған болуы мүмкін деп күдіктенеді.

Қазіргі жағдай қалай өрбуде

Дина Смайылова қазіргі кезде балалар қосымша сараптамалық тексерістен өтіп жатқанын мәлімдеді. Ол мұндай сұмдық жағдайға қатысты ақпаратты Іле аудандық полиция бөліміне шұғыл тапсырғанын айтады.

Тиісті сала мамандары мен құқық қорғау органдарының жетекшілері дереу оқиға орнына жетіп, ер адам кәмелетке толмағандарды азаптады деген күдікпен қамауға алынған.

"Не молчи" өкілдерінен осындай хабар түскен бойда іске шұғыл кірістік. Әйел өзі мен балаларының зорлық-зомбылық көргенін айтып, арыз жазды. 1976 жылы туған ер адам ұсталып, уақытша ұстау изоляторына қамалды", - дейді полицейлер.

Оқи отырыңыз: Бала зорлық-зомбылыққа ұшыраса, қайда хабарласу керек – "111" нөмірі қайта іске қосылды

Қазіргі кезде күдіктіге қатысты Қылмыстық кодекстің 110-бап, 2-бөлігінің 1-тармағы бойынша (кәмелетке толмағанға қатысты азаптау) сотқа дейінгі тергеу басталды. Бұл әрекет үш жылдан жеті жылға дейінгі мерзімге бас бостандығын шектеуге немесе дәл сол мерзімге бас бостандығынан айыруға жазаланады.

24
Кілт сөздер:
бала құқығы, зорлық-зомбылық
Тақырып бойынша
Зорлық жасады деген күдікті Нұр-Сұлтандағы аурухананың аумағынан қашып кетті
Түркістан облысының әкімі өңірде неге зорлық жиілеп кеткенін түсіндірді
Тараздағы зорлық: тағы бір шенеунік қызметінен кетті
Алматыда зорлық-зомбылыққа арандатты деген күдікпен екі адам ұсталды
Балалар зорлық-зомбылығы үшін жазаны күшейту керек пе – президент кеңесшісі пікір білдірді
Коронавирус, сынама

COVID-19: Бекшин қандай науқастар ең қауіпті екенін айтты

41
(Жаңартылды 17:15 07.08.2020)
Алматыда ең көп ауру жұқтыратындар 20-29 жас аралығындағы жастар, науқастардың 20,6%-і – 30-39 жас аралығындағы азаматтар

АЛМАТЫ, 7 тамыз – Sputnik. Алматыда үй карантинін сақтамаған 15 науқас карантиндік стационарға жатқызылды. Бұл туралы брифинг барысында Алматының бас санитар дәрігері Жандарбек Бекшин мәлімдеді, деп хабарлайды Sputnik Қазақстан тілшісі.

"1300-ге жуық ауру белгісі жоқ және аурудың жеңіл түрімен ауырып жатқан науқас үйде карантинде отыр. Оның ішінде 600-ден астам адамда ауру белгілері жоқ. Алайда қазір үйдегі карантин талаптары бұзылып жатыр деген ақпарат түсуде. Мұның алдында 200-ге жуық ауру ошағын тексерген кезде, 23 адам үй карантинінде отырмағаны анықталды. Бұл – алаңдататын көрсеткіш. Себебі олар ауруды таратып жүреді", - дейді Бекшин.

Сонымен қатар қаланың бас дәрігері ауру симптомдары жоқ науқастарды ең қауіпті науқас деп атады.

"Осыны тоқтату үшін тамыздың үшінен бастап үйдегі карантинді бұзған науқастарды карантиндік стационарға орналастырып жатырмыз. Кейінгі 3-4 күнде дәл осы себеппен 18 адам стационарға жатқызылды. Оның ішінде өз еркімен үш адам стационарға келді. Олар үйінде жалғыз оқшаулануға мүмкіндігі жоқ адамдар", - деді қаланың бас санитар дәрігері.

Бекшиннің айтуынша, қазір арнайы топ үй карантиніндегі ауру белгілері жоқ науқастарға қоңырау шалады. Егер олар үйде болмаса, әкімшілік шаралар қолданылады. Әкімшілік құқық бұзушылық туралы кодекстің 425-бабына сәйкес, 83 340 теңге көлеміндегі айыпұл төлейді. Егер адам айыппұлды бір апта ішінде төлесе, онда бұл сома 50 процентке азаяды. Ал сол уақыт арасында біреуге инфекция жұқтырса, қылмыстық іс қозғалады. Сонымен қатар Жандарбек Бекшин қалада инфекция жұқтырғандардың азайып жатқанын хабарлады. 

"Алматыда бір ай ішінде коронавирус жұқтырудың күн сайынғы өсімі 4,2%-тен 1,4%-ке дейін төмендеді. Инфекция таралуының шыңына жеткен кезде бір науқас төрт адамға инфекция жұқтыруы мүмкін болса, қазір бұл көрсеткіш 0,9%-ке дейін төмендеді. Демек, қазір бір науқас бір адамға инфекция жұқтырады. Бұл індеттің таралуының төмендегенін көрсетеді", - деді Бекшин.

Айта кетсек, жетінші маусымдағы жағдай бойынша Алматы қаласы бойынша 12 997 адам коронавирус инфекциясын жұқтырды, оның ішінде 7 897 адамда ауру белгілері бар, ал қалған 5 110 адамда ауру белгілері жоқ.

Алматыда ең көп ауру жұқтыратындар 20-29 жас аралығындағы жастар, олар науқастардың 21%-ін құрайды, науқастардың 20,6%-і – 30-39 жас аралығындағы азаматтар. Ал алпыс жастан асқан науқастар инфекция жұқтырғандардың 17,7%-ін құрайды.

 

41
Кілт сөздер:
Жандарбек Бекшин, Алматы, науқастар, коронавирус
Тақырып:
Коронавирус эпидемиясы
Тақырып бойынша
Денсаулық вице-министрі коронавирустың екінші толқыны туралы айтты
Бетперденің бағасы арзандайды – денсаулық министрлігі
Коронавирусқа қарсы алғашқы вакцина қашан тіркеуден өтетіні белгілі болды
"СК-Фармацияның" басшысы қанша жалақы алатынын айтты
Damumed дауы: жалған мәлімет енгізген өңірлер аталды
Қызметкер, жұмыс

Агенттік жұмыстан кеткен басшылардың есімін жариялады

0
(Жаңартылды 18:01 07.08.2020)
Сыбайлас жемқорлыққа қарсы іс-қимыл агенттігі қоластындағы қызметкерлердің сыбайлас жемқорлығы үшін басшыларды отставкаға жіберу және тәртіптік жазаға тарту нормасының орындалуы бойынша есеп берді

НҰР-СҰЛТАН, 7 тамыз – Sputnik. Сыбайлас жемқорлыққа қарсы іс-қимыл агенттігі қоластындағы қызметкерлердің сыбайлас жемқорлығы үшін басшыларды отставкаға жіберу және тәртіптік жазаға тарту нормасының орындалуы бойынша есеп берді, деп хабарлайды Sputnik Қазақстан тілшісі.

Ресми мәліметке сәйкес, индустрия және инфрақұрылымдық даму министрлігінің лауазымды тұлғасын тәртіптік жауапкершілікке тарту жоспарланған болатын. Атап айтқанда, индустриялық даму және өнеркәсіптік қауіпсіздік комитетінің төрағасы Қанат Баитовқа тікелей бағынатын қызметкер сыбайлас жемқорлық әрекетін жасаған. Заң бойынша комитет басшысы жауап беруі тиіс. 

"25 шілде күні комитеттің Ақмола облыстық департамент басшысы Молдағұловқа қатысты сот үкімі заңды күшіне енді. Мамыр айында ол бір топ адаммен алдын ала сөз байласу арқылы кәсіпкерден 700 мың теңге сомасында заңсыз сыйақы алып, өнеркәсіптік қауіпсіздік саласында аттестат алуға қатысты оң шешім қабылдауға уәде берді", - дейді агенттік мамандары. 

Департамент басшысы осы қылмыс үшін параның он есеге артық мөлшерін, яғни, 7 миллион теңге көлемінде айыппұл төлеуге міндеттелді. Мемлекеттік қызметте лауазым атқару құқығынан да өмір бойына айырылды. Алайда комитет төрағасы Баитов Молдағұловқа қатысты сот үкімінің заңды күшіне енуіне дейін өз еркімен қызметінен босатылды.

"Бұдан бөлек, Қостанай облысы әкімінің өкімімен білім басқармасының басшысы Цымбалюк өз еркімен жұмыстан кетті. 29 шілде күні оған бағынышты "Ақпараттандыру және білім сапасын бағалау орталығы" КММ-нің басшысы Павличенко қызметтерді мемлекеттік сатып алу туралы шарт бойынша кезекті төлемді жедел аударғаны үшін пара алған. Сот үкімі заңды күшіне енбеген", - деді құқық қорғаушылар.

 

0
Кілт сөздер:
басшы, жұмыс
Тақырып бойынша
Қазақстанда бірнеше әкім отставкаға кетуге өтініш берді
"Ұпай жинайсыз деді": Тоқаев үкіметті неге отставкаға жібермегенін ашық айтты
Ұлттық ұланның лауазымды қызметкері ұсталды – видео
Әкімдікке қарасты кәсіпорынның былық-шылығы ашылды - видео
Қостанай әкімі отставкаға кетуі мүмкін