Қоғам

Жаңа туған сәби жерде жатыр: басқарма перзентханада түсірілген суретке түсініктеме берді

© AP Photo Архивное фото новорожденного
Архивное фото новорожденного - Sputnik Қазақстан
Жазылу
Сурет елордадағы №1 көпбейінді қалалық аурухананың акушерлік бөлімінде түсірілген, денсаулық сақтау басқармасы төсек-орын жеткілікті екенін хабарлады

НҰР-СҰЛТАН, 21 шілде – Sputnik. Нұр-Сұлтан қаласының қоғамдық денсаулық сақтау басқармасы еденде жатқан нәрестенің суретіне қатысты түсініктеме берді, деп хабарлайды Sputnik Қазақстан.

Қала тұрғыны eto_astana_detka паблигінде елордадағы перинаталдық орталықта орын жетіспейтініне шағымданды. Айтуынша, сіңлісі босанғаннан кейін сәбиімен бірге дәліздегі еденде жатуға мәжбүр болған.

Посмотреть эту публикацию в Instagram

Публикация от Астана| Нур-Султан (@eto_astana_detka)

Желі қолданушылары перзентханада коронавирусқа дейін де дәл осылай болғанын жарыса жазып жатыр.

Нұр-Сұлтанның қоғамдық денсаулық сақтау басқармасы желіде тараған ақпаратқа түсініктеме берді.

Белгілі болғандай, сурет №1 көпбейінді қалалық аурухананың акушерлік бөлімінде түсірілген.

Оқи отырыңыз: Коронавирустан қанша жүкті әйел қайтыс болғаны белгілі болды 

Басқарма ауруханада төсек-орын жеткілікті екенін хабарлады.

"Босанатын әйелдерге арналған орындар жеткілікті. Осы дерек бойынша басшының орынбасарына сөгіс жарияланды", - деп мәлімдеді баспасөз қызметі.

Жаңалықтар
0