Теңге, архивтегі фото

БЖЗҚ зейнетақы жинағының 10%-ін пайдалану ұсынысына қатысты мәлімдеме жасады

11780
Евгений Сейпульниктің ұсынысы егжей-тегжейлі пысықталмаған және негіздеме бола алатын есептеулер жүргізілмегендіктен қолдау таппады 

НҰР-СҰЛТАН, 22 шілде – Sputnik. Бірыңғай жинақтаушы зейнетақы қоры салымшыларға есепшоттағы ақшасының 10 процентін пайдалануға рұқсат беруге қатысты өз ұстанымын жариялады. Бұл ұсынысты қор жанындағы қоғамдық кеңестің төрағасы Евгений Сейпульник жасаған болатын, деп хабарлайды Sputnik Қазақстан тілшісі.  

"Евгений Сейпульниктің коронавирус пандемиясы кезеңінде салымшыларға зейнетақы жинағын жеке қажеттілігі үшін пайдалану мүмкіндігін беру туралы бастамасы оның жеке пікірі болып саналады. БЖЗҚ жанындағы қоғамдық кеңестің 2020 жылдың 17 шілдесінде өткізілген кезекті отырысында бұл ұсыныс талқыланған жоқ", - делінген қордың ресми хабарламасында.

Қор мамандары пандемия кезінде мемлекет тарапынан азаматтарды бюджет және бюджеттен тыс қаражат есебінен қолдау шараларының қолға алынғанын жеткізіп, төтенше жағдайдан туындаған мәселелер зейнетақы жинағы есебінен шешілмейтінін ерекше атап өтті.

Ал зейнетақы жүйесіне қатысты ұсыныстар азаматтарды зейнетақымен қамсыздандыру мен мемлекеттік шығыстар тұрғысынан жан-жақты пысықталуы қажет. Экономикалық есептеулер де жасалуы шарт.

Оқи отырыңыз: Қазақстанда зейнетақы қорындағы ақшаның 10%-ін алуға рұқсат ету ұсынылды 

"Евгений Сейпульниктің ұсынысы егжей-тегжейлі пысықталмаған және негіздеме бола алатын есептеулер жүргізілмегендіктен, БЖЗҚ жанындағы қоғамдық кеңестің онлайн талқылауы барысында оның әлеуметтік желілерде айтылған позициясы қолдау таппады", - дейді мамандар.

Сейпульниктің бастамасы

Осы аптаның басында БЖЗҚ жанындағы қоғамдық кеңестің басшысы Евгений Сейпульник карантин кезінде есепшоттағы ақшаның 10 процентін пайдалануды ұсынған болатын. Оның айтуынша, әр салымшы өз жинағының 10%-ін мерзімінен бұрын шешіп алса, халыққа біраз көмек болатын еді.

Атап айтқанда:

  • шоғырландырылған жинақ 1,7 триллион теңгеге азаяды;
  • орташа төлем әр салымшыға 42500 теңгеден 100 000 теңгеге дейін ұлғаюы мүмкін;
  • салымшылардың Қор мен Ұлттық банк қызметіне сенімі артады;
  • қордың жұмысы жаңа деңгейге шығады.

Сейпульник салымшыға жинақтың 10%-ін төлеу міндет емес, оның құқығы ретінде қарастырылуы тиіс деп санайды. Бұл тәсіл біреудің өмірін құтқаруы мүмкін.

Оның сөзіне қарағанда, аталған төлемді заңнамалық түрде бекітуге болады. Сонда әр салымшы шотындағы жинағының мөлшеріне қарамастан ақшаны мерзімінен бұрын бір рет шешіп алуға құқылы болады.

Ол қоғамдық кеңестің бастамасы көпшіліктің қолдауына ие болса, ұсыныс президентке жолданатынын атап өтті.

11780
Кілт сөздер:
БЖЗҚ, зейнетақы жинағы
Тақырып бойынша
Министрлік 42 500 теңгеге қатысты жиі қойылатын сұрақтарға жауап берді
Жасы 85-тен асқан ардагерлер пойызбен тегін жүретін болады
Депутаттар мүгедек баласы бар ата-аналарға жалақы төлеуді ұсынды 
БЖЗҚ жыл басынан бері қазақстандықтарға қанша ақша төледі
Қазақстанда әскери қызметкерлердің зейнетақысы қайта есептеледі
iPhone, архивтегі фото

Нұр-Сұлтанда ірі техника дүкенінде жарық сөнгенін пайдаланып қалғандар ұсталды

1259
Тұрмыстық және электронды техника сататын дүкеннің қызметкерлері 6 миллион теңгенің ұялы телефондарын ұрлаған

НҰР-СҰЛТАН, 12 тамыз – Sputnik. "Sulpak" дүкенінің екі қызметкері бірнеше ұялы телефон ұрлағаны үшін айыпталып отыр, деп хабарлайды Sputnik Қазақстан Нұр-Сұлтан қалалық полиция департаментіне сілтеме жасап.   

Тергеу материалдарына сәйкес, 28 шілдеге қараған түні екі жас қызметкер түнгі ауысымда жұмыс істеген. Сол кезде жарық сөніп қалған. Олар соны пайдаланып, дүкен қоймасынан қымбат ұялы телефондарды алып шыққан. Атап айтқанда,  9 iPhone мен 11 Samsung-ті қолды еткен. Ұрланған мүліктің жалпы сомасы 6 миллион теңгені құрады.

Оқи отырыңыз: Арыста танысының үйінде қонақта болған жігіт ұятқа қалды  

Тергеу кезінде екеуі де ұрлық жасағанын мойындады. Ал ұялы телефондар олардың пәтерінен табылды. Екеуі бір пәтерді жалдап тұрған.  

"Қазіргі кезде Қылмыстық кодекстің 188-бабы (Ұрлық) бойынша сотқа дейінгі тергеу шаралары басталды. Оған сәйкес, ірі көлемде айыппұл салудан бастап бес жылға дейін бас бостандығынан айыру жазасы қарастырылған", - дейді полицейлер.

Айта кетейік, 2020 жылдың басында ұрлық ауыр қылмыстардың санатына қосылған болатын. Енді ондай әрекеттер үшін 3-7 жылға бас бостандығынан айыру жазасы қолданылады. Оған қоса, кінәлі адамдардың мүлкі тәркіленеді. Екі жақтың татуласуына рұқсат жоқ.

1259
Кілт сөздер:
Нұр-Сұлтан, ұрлық, ұялы телефон
Тақырып бойынша
Белгісіз біреулер 13 миллион теңгені ұрлау үшін Нұр-Сұлтан тұрғынын аңдыған
Ақтөбеде полиция тергеушісі ноутбук ұрламақ болды
Банк қызметкері 87 миллион теңгені қымқырып, шетелге қашып кетті
Банк қызметкері үйлену тойын жасау үшін бес жарым миллион теңге ұрлаған
Абитуриенттер

Білім министрлігі шетелде оқитын студенттерге арнайы жеңілдік ұсынды

35
Қазақстандық оқу орнына ауысу үшін студенттер университеттің виртуалды қабылдау комиссиясына жүгінуі қажет

АЛМАТЫ, 12 тамыз – Sputnik. Білім және ғылым министрлігі шетелде оқитын студенттерге еліміздегі жоғары оқу орындарына ауысу бойынша көмек көрсетуге дайын, деп хабарлады министрліктің баспасөз қызметі.

Министрлік шетелдік жоғары оқу орындарына өз бетінше түскен және коронавирус инфекциясына байланысты жоғары оқу орындарына оралу мәселесіне тап болған қазақстандық студенттерге көмек көрсете бастады.

"Шетелдік жоғары оқу орындарының көпшілігі студенттерін қашықтан оқытады. Алайда, кейбір оқу орындарында ондай мүмкіндік қарастырылмаған. Өздеріне байланысты емес себептермен оқуын жалғастыру үшін елден шыға алмайтын студенттерге министрлік отандық жоғары оқу орындарына ауысуға көмектесуге дайын", - делінген министрлік ақпаратында.

Осыған байланысты құжаттарды рәсімдеу форматы жеңілдетіледі. Қазақстандық оқу орнына ауысу үшін студент университеттің виртуалды қабылдау комиссиясына жүгінуі қажет. Оқу орнына ауысу туралы өтініш онлайн-режимде қарастырылады.

Оқи отырыңыз: Ресейде оқитын студент коронавирус жұқтырып, Қазақстанға келген

Студенттер 8 7172 74-16-24 нөміріне дүйсенбіден жұмаға дейін сағат 9.30-дан 18.30-ға дейін хабарласып кеңес ала алады.

35
Кілт сөздер:
ЖОО, студенттер
Тақырып бойынша
"Жаны сұлу еді": қаза болған қазақстандық студент Канадада жерленді
Қытайдан эвакуацияланған студент Қазақстан халқына үндеу жасады
Ресейде оқитын студент коронавирус жұқтырып, Қазақстанға келген
Шетелде оқитын 145 студент Қазақстанға оралды
Жітіқарада студент терезеден құлаған баланы қағып алды
Иллюстративті фото

Шымкентте жоғалған қыз Алматы облысынан табылды

0
Хабар-ошарсыз кеткен қызды табуға Абай АПБ-ның барлық жеке құрамы мен полиция департаментінің бөлімшелері жұмылдырылды

НҰР-СҰЛТАН, 12 тамыз – Sputnik. Шымкент қаласы полиция департаментінің қызметкерлері жоғалған қызды Алматы облысының Қаскелең қаласынан тапты.

Абай ауданының полиция басқармасына әйел қызының жоғалып кеткені туралы арызданды, деп хабарлады Polisia.kz.

Оқи отырыңыз: Түркістанда жоғалған бойжеткеннің екі апта бойы не істегені белгілі болды 

Хабар-ошарсыз кеткен қыздың жүрген жерін анықтау мақсатында Абай АПБ-ның барлық жеке құрамы мен полиция департаментінің бөлімшелері жұмылдырылды. Жедел іздестіру шаралары барысында, атап айтқанда, республиканың барлық өңіріне бағдар жіберілгеннен кейін хабар-ошарсыз кеткен қыздың Алматы облысының Қаскелең қаласында екені анықталды.

Абай АПБ криминалдық полиция бөлімінің қызметкерлері қызды Шымкент қаласына жеткізді.

 

0
Кілт сөздер:
Шымкент
Тақырып бойынша
Түркияда қазақ қызы жұмбақ жағдайда жоғалып кетті
19 жыл бұрын ұшты-күйлі жоғалған қазақстандық қыз Тәжікстаннан табылды
"Қызымды жылатқан" Есікте жігітпен желі арқылы танысқан қыз жоғалып кетті
Жиырма жыл бұрын жоғалған қыз ата-анасымен қауышты – видео