Дәріхана алдында кезекте тұрған адамдар

"20 миллион теңге төледі": жүздеген адам бетперде тақпағаны үшін жауапқа тартылды

447
(Жаңартылды 16:34 23.07.2020)
Бүгінге дейін санитарлық-эпидемиологиялық қадағалау органдары 270 нысанға жоспардан тыс тексерістер жүргізген

НҰР-СҰЛТАН, 23 шілде – Sputnik. Қатаң карантин басталғалы бері 495 жеке тұлғаға айыппұл салынды. Бұл туралы бас мемлекеттік санитар дәрігер Айжан Есмағамбетова мәлім етті, деп хабарлайды Sputnik Қазақстан тілшісі.

"Бүгінде карантин талаптарын бұзатын жеке тұлғалар да жауапқа тартылады. 5 шілдеден бері 495 адамға 20 миллион теңгеден аса айыппұл салынды. Ондай тәртіп бұзушылықтардың басым бөлігі Алматы қаласында және Түркістан қаласында тіркелген. Соның ішінде бетпердені жабық үй-жайда және көлікте тақпау, арақашықтықты сақтамау бар", - деді Есмағамбетова орталық коммуникациялар қызметінде өткен онлайн брифингте.

Карантин басталғалы бері арнайы бақылау топтары республика бойынша 25 438 нысанды тексеріп шықты. 3 мыңнан астам тәртіп бұзушылықтар анықталды.

"Екі апталық карантиннің басында тексерушілер тек ескерту ғана жасады. Осылайша, 16 мыңнан ұйғарым табысталды. Ал 742 нысан өз еркімен жұмысын тоқтатты. Бүгінде көп жағдайда бетперде тағу талабы орындалмайды, арақашықтық сақталмайды, антисептик қойылмайды. Сондай-ақ, карантин кезінде жұмыс істеуге рұқсаты жоқ нысандар да анықталды", - деп атап көрсетті Есмағамбетова.

Бүгінде санитарлық-эпидемиологиялық қадағалау органдары жоспардан тыс тексерістерді де жүргізеді. Осы уақытқа дейін 270 нысан тексерілді. Барлығында тәртіп бұзушылықтар анықталды. Соның нәтижесінде 1 036 әкімшілік хаттама рәсімделіп, 23 кәсіпкерлік нысанның жұмысы тоқтатылды.

"Жалпы, жоспардан тыс тексерістер мен бақылау топтарының рейдтері кезінде 457 лауазымды тұлға жауапқа тартылды. Оларға 65 миллион теңгеден астам айыппұл салынды", - дейді Есмағамбетова.

Оқи отырыңыз: ДДҰ бетперде тағуға қатысты ұсынысын өзгертті

Оның айтуынша, төтенше жағдай енгізілгелі бері көпшілік шараларға тыйым салынған. Соған қарамастан, кейбір адамдар әлі күнге дейін үйлену, ұзату, туған күн және тағы басқа да жиындар өткізеді.

"Ондай шараларда инфекцияны жұқтыру қаупі жоғары. Себебі, отбасылық мерекелерге туыстар мен таныстар жиналады. Басқа аймақтардан да келеді. Олар үйлеріне қайтқанда вирусты бүкіл елге таратады", - деді Есмағамбетова.

447
Кілт сөздер:
карантин, тексеріс
Тақырып:
Төтенше жағдай және карантин (577)
Тақырып бойынша
Бекшин көшеде бетперде кию міндетті емес деген сөзін жоққа шығарды
Денсаулық сақтау министрлігі қай жерде бетперде тағып жүру керек екенін айтты
"Мен сондай шешім қабылдадым": Алматы әкімі бетперде тағуға қатысты пікір білдірді
Астаналық студенттерге ресейліктер 5 мың бетперде жіберді
Алматыда бетперде таққан автобус пайда болды - фото
Ресей ұшағы

Қазақстанда жұмыс істеген ресейлік дәрігерлер еліне қайтты 

42
Қазақстан тарапы пандемия індетінің шарықтау кезеңінде уақытылы көмек көрсеткені үшін ресейлік дәрігерлерге шын жүректен алғысын білдірді

НҰР-СҰЛТАН, 3 тамыз – Sputnik. Шілденің басында қазақстандық мамандарға коронавирус инфекциясымен күресуге көмектесу үшін келген ресейлік дәрігерлер жұмысын аяқтап, отанына оралды, деп хабарлады Ресейдің Қазақстандағы елшілігі.

"Ресей үкімет басшысы Михаил Мишустин мен Қазақстан премьер-министрі Асқар Маминнің келісімі аясында 6 шілдеде Қазақстанға келген ресейлік мамандар тобы коронавирустың таралуына қарсы күресте республикалық және өңірлік медициналық ұйымдарға тәжірибелік және консультативтік көмек көрсету бойынша миссиясын сәтті аяқтады", - делінген елшіліктің Facebook-тегі хабарламасында.

Дүйсенбі, 3 тамызда дәрігерлер Ресей ТЖМ арнайы ұшағымен Қазақстаннан кетті.

Оған дейін қабылдаушы тарап бауырлас Қазақстанға пандемияның шарықтау кезеңінде дер кезінде көмек көрсеткені үшін, сондай-ақ республикадағы эпидемиологиялық жағдайды тұрақтандыруға қосқан үлесі үшін шын жүректен алғысын білдірді.

"Біз де Қазақстан Республикасы денсаулық сақтау министрлігі мен облыстық денсаулық сақтау басқармаларының басшылығына ресейлік мамандарды жылы қабылдап, жақсы қарым-қатынас жасағаны үшін шынайы ризашылығымызды білдіреміз", - деп атап өтті Ресей елшілігі.

Дипломатиялық қызметтің өкілдері "бірлескен жұмыс тәжірибесы екі елдің салалық ведомстволары арасындағы жан-жақты ынтымақтастықты, мемлекетаралық өзара іс-қимыл мен Қазақстан және Ресей халықтарының достығын одан әрі нығайтуға қызмет етеді" деген сенім білдірді.

Шілде айының басында анестезиолог-реаниматологтар, жұқпалы аурулар жөніндегі мамандар, пульмонологтар, эпидемиологтар COVID-19 індетімен күресу үшін Қазақстанға жіберілді. Жұмыс қорытындысы бойынша дәрігерлер Қазақстан денсаулық сақтау министрлігінің "Ерен еңбегі үшін" төсбелгісімен марапатталды.

42
Дәрігер, архивтегі фото

Қазақстанда 8,5 мың медицина маманы коронавирус жұқтырды

23
Өтемақыдан үмітті 123 маманның өтініші мақұлданды. Олардың әрқайсына 2 миллион теңге төленеді, деп атап өтті Алексей Цой 

НҰР-СҰЛТАН, 3 тамыз – Sputnik. Денсаулық сақтау министрлігі коронавирус жұқтырған медицина мамандарының санын жариялады, деп хабарлайды Sputnik Қазақстан тілшісі.

"Елімізде індетті жұқтырған медицина мамандарының саны 8 518 адамға жетті. Ал пневмониямен қанша қызметкердің ауырып қалғаны әзірге белгісіз. Бірақ коронавируспен күрес шаралары кезінде пневмонияға шалдыққан әріптестеріміз өтемақыға өтініш берсе, біз қолдау жасаймыз. Барлық құжатты көтеріп, комиссияның қарауына жібереміз", - деді вице-министр Ажар Ғиният орталық коммуникациялар қызметінде өткен онлайн брифингте.

Оқи отырыңыз: Министр карантин қандай жағдайда ұзартылатынын айтты 

Ал денсаулық сақтау министрі Алексей Цойдың айтуынша, осы уақытқа дейін 123 маманның өтініші мақұлданған. Олардың әрқайсына 2 миллион теңге көлемінде өтемақы төленеді. Басқа өтініштер қаралып жатыр. Алайда министр нақты санын атамады.

"Қазір ондай ақпарат жоқ. Себебі өтініштер әрьөңірдегі комиссияларда қаралады", - дейді Цой.

Айта кетейік, шілденің соңында коронавирус инфекциясын жұқтырған және одан қайтыс болған дәрігерлерге өтемақы беру тәртібі өзгерді. Денсаулық және еңбек министрлерінің бірлескен бұйрығына сәйкес, енді коронавируспен ғана емес, вирустық пневмониямен ауырған және одан қайтыс болған медицина мамандарына да өтемақы төленеді. Бірақ ауруды жұқтыру дерегі эпидемияға қарсы күрес шаралары кезінде тіркелуі шарт. Ал пневмонияның клиникалық белгілері коронавирусқа ұқсас болуы қажет.

Барлық өтемақы мемлекеттік сақтандыру қорынан төленеді. Атап айтқанда, медицина маманы COVID-19 коронавирус инфекциясын жұқтырған немесе вирустық пневмонияға шалдыққан жағдайда 2 миллион теңге мөлшерінде өтемақы төленеді. Ал осы аурулардан қайтыс болса, оның отбасы мүшелеріне 10 миллион теңге беріледі.

23
Кілт сөздер:
өтемақы, дәрігерлер, коронавирус
Тақырып:
Коронавирус эпидемиясы
Тақырып бойынша
Билік коронавирустан қайтыс болғандардың нақты санын жасырып отыр ма?
Қазақстанда коронавирус эпидемиясына қатысты жағдай тұрақталып келеді - Цой
Пневмониядан қайтыс болғандар саны екі есеге артты - министр
Қазақстан коронавирустың таралуы бойынша "қызыл тізімге" енді
"Телефонмен көңіл айтыңыз": вице-министр қазақстандықтарға кеңес берді
Бала, ойыншық

Алматыда полицейлер екі баланы түні бойы іздеді

0
Балалар дүйсенбі күні таңертең табылды. Олар түнді шағын дәмхананың қасында өткізгені белгілі болды. Екеуі де үйден кету себебін айтқысы келмеді

НҰР-СҰЛТАН, 3 тамыз – Sputnik. Алматыда 11 және 8 жастағы екі ағайынды үйден кетіп, қайта оралмаған. Балаларды 30 полицей мен 15 кинолог іздеді. Алты сағаттан кейін балалар аман-сау табылды.

Екі ағайындының жоғалып кеткені туралы хабарлама полицияға түнгі сағат 01:45-те түсті, деп хабарлайды Polisia.kz порталы.

Оқи отырыңыз: Түркістан облысында үш бала тауда адасып кетті, біреуі жардан құлаған 

Ата-анасы балалар үйден кетіп, қайтып оралмағанын айтқан, бірақ бұған дейін ондай әрекет жасамаған.  

Дереу криминалдық полиция қызметкерлері, учаскелік инспекторлар, ювеналды полиция өкілдері мен тергеу-жедел тобының қызметкерлерінен арнайы іздеу тобы құрылды. Сондай-ақ, балаларды іздеуге 15 кинолог тартылды.

"Ең алдымен, үйдің жанындағы аумақты, жақын жерде орналасқан жыра-сайды тексердік, көршілерден сұрастырдық. Қалай болғанда да, біз жақсы нәтижеге қол жеткізуді көздедік", - дейді Алатау ауданы полиция басқармасының бастығы Ілияс Өмірсеріков.  

Ол балалар сағат 07:35-те табылғанын атап өтті. Ағайындылар түнді шағын дәмхананың қасында өткізгені белгілі болды. Балалар бір-бірін мықтап ұстап алыпты. Олар үйден неліктен кеткенін айтқысы келмеген.

Полиция қызметкерлері олардың тұрмысын, отбасылық тәрбиені міндетті түрде тексеріп, ата-анасымен жұмыс істейтіндерін жеткізді. Олар балалар себепсіз үйден кетіп қалмайды деп есептейді.  

0
Кілт сөздер:
балалар, Алматы
Тақырып бойынша
Атырауда үйдің ауласынан 6 жасар қыздың денесі табылды
Түлкібас ауданында 6 ай бұрын жоғалған оқушының не істеп жүргені анықталды
Алматыда әкім іздеу салған оқушы табылды
Атырауда бір жарым жасар сәби жоғалып кетті
Ақмола облысында жоғалған жасөспірімнің 9 жыл бойы қайда жүргені белгілі болды