Жүргізуші құжаттарын тексеріп жатқан полицей

Нұр-Сұлтан қаласының айналасына бекеттер қойылды

3729
(Жаңартылды 11:27 24.07.2020)
Бұған дейін Ақмола облыстық туризм басқармасы 3 тамызға дейін Бурабай мен Зеренді жабылатынын хабарлаған

НҰР-СҰЛТАН, 24 шілде – Sputnik. Нұр-Сұлтан қаласынан шығаберіс жолдарға бекеттер қойылды, деп хабарлады полиция департаменті.

"Полиция қызметкерлері қаладан шығатын азаматтарға демалыс орындарында шектеу енгізілгені жайында түсіндіріп, бетперде режимін және арақашықтықты сақтау қажеттігі туралы ескертіп отырады", - дейді тәртіп сақшылары.

Коронавирусқа шалдыққан науқас санының артуына және карантиндік шаралардың күшейтілуіне байланысты туристік аумақтарды жабуға шешім қабылданғаны белгілі.

"Шектеу шаралары үнемі ерекше бақылауда болады. Елорда тұрғындары мен қонақтары осы жағдайға түсіністікпен қарау қажет. Шомылу маусымы өтіп жатқан демалыс аумағына және адамдар жаппай жиналатын орындарға бармау қажет", – деп атап көрсетті жергілікті полиция қызметінің бастығы Госман Жакин.

Айта кетейік, өткен екі тәулікте Нұр-Сұлтан қаласында 50 тәртіп бұзушылық анықталды. Соның ішінде бетперде тақпау, арақашықтықты сақтамау және тыйым салынған уақытта кәсіпкерлік қызметті жүргізу сияқты фактілер бар. Барлық материалдар тауарлар мен көрсетілетін қызметтердің сапасы мен қауіпсіздігін бақылау департаментіне жолданды.

Қазіргі уақытта бақылау жүргізетін 16 мобильді топ бар. Полиция қызметкерлері көңіл көтеру мекемелері, аттракциондар, қоғамдық тамақтану орындары, сауна мен моншаларды аралап, олардың иелеріне карантиндік шаралар туралы ескертеді, сондай-ақ заңбұзушылық фактілерді анықтайды.

Бурабай мен Зеренді жабылды

Бұған дейін Ақмола облыстық туризм басқармасы 24 шілдеден бастап 3 тамызға дейін Бурабай мен Зеренді жабылатынын хабарлады. Оған карантин шараларының күшейтілуі мен демалушылардың азаматтық жауапкершілігінің төмен болуы себеп.

Осыған байланысты куруорттық аймақтарға кіреберісте блок бекеттер орнатылады. Сондай-ақ, көлік қозғалысы шектеледі. Бұған дейін келген туристер қонақ үйлер мен шипажай, курорттық нысандарда қалады. Демалыстағы адамдар бетперде тағып, қашықтықты сақтауы тиіс екені айтылған.

Қонақ үйлер бөлмелерді брондауға тапсырыс алмайды. Ал мемлекеттік тапсырыс бойынша жұмыс істейтін нысандар күшейтілген санитарлық-дезинфекциялық режимде қызметін жалғастырады.

Жалға берілетін жағажайлар, сауна, қонақ үй бассейні жабылады. Жағалаудағы сауда орындары мен қайық стансаларының жұмысы тоқтатылады.

Алакөл де жабық

Ал кешеден бері Алакөл карантинге жабылды. Осы уақытқа дейін келген демалушыларға жолдама мерзімі біткенше демалыс орындарында тұруға рұқсат етіледі.

Ауданда коронавирус инфекциясының таралу жағдайына байланысты шектеу шараларының режимі мен талаптары өзгертілуі мүмкін.

Үржар ауданының әкімі мен учаскелік полиция бөліміне Алакөлдің туристік-рекреациялық аймағына кіре берісті жауып, көлге баратын жолдарда жылжымалы посттардың жұмысын қамтамасыз ету жүктелді.

Оқи отырыңыз: Бас санитар Қазақстанда қандай жағдайда карантин күшейтілетінін айтты

Ақмола облысындағы Көбейтұз да жабық. Оған ерекше қорғалатын табиғи аймақ мәртебесін беруге шешім қабылданды.

3729
Кілт сөздер:
карантин, бекет
Тақырып:
Төтенше жағдай және карантин (592)
Тақырып бойынша
Министр карантин кезінде кімдер қылмыстық жазаға тартылуы мүмкін екенін айтты
Нұр-Сұлтанда карантин туралы қаулы жаңартылды: не өзгерді?
Қазақстанда тағы бір облыста карантин күшейтілді 
Блок бекет арқылы кіріп-шығуға рұқсат етілген азаматтардың тізімі кеңейтілді
Қостанай қайта жабыла ма: интернетте блок бекет орнатып жатқан видео пайда болды
Дәрі-дәрмектер мен емдік шаралар

Коронавирус пен тұмау: денсаулық министрлігі күзде не болатынын болжады

3779
(Жаңартылды 18:06 10.08.2020)
Ресми өкілдің сөзіне қарағанда, бүгінде ең пессимистік болжамдар негізге алынады. Соның арқасында денсаулық жүйесін барынша дайындап қоюға мүмкіндік бар

НҰР-СҰЛТАН, 10 тамыз – Sputnik. Қазақстанда жыл сайын вирустық инфекциялар мен тұмауға 1 миллионға жуық адам шалдығады. Күзде оған коронавирус та қосылуы мүмкін. Бұл туралы денсаулық сақтау министрлігінің ресми өкілі Бағдат Қожахмет мәлімдеді, деп хабарлайды Sputnik Қазақстан тілшісі.

"Биыл күзде коронавирус күшейеді деген болжам бар. Сол кезде жіті респираторлық вирустық инфекциялар мен тұмаудың маусымы басталады. Соның аясында коронавирустың жаңа толқыны болады деген болжам бар", - деді Қожахмет орталық коммуникациялар қызметінде өткен онлайн брифингте.

Оның айтуынша, соңғы 5-7 жылдың ішінде Қазақстанда қазан мен наурыз аралығында ЖРВИ мен тұмауға шалдыққандардың жалпы саны 600 мыңнан бастап 1 миллион адамға дейін барған.

"Демек, осы жолы да ЖРВИ мен тұмауға шалдығатындар аз болмайды. Оған коронавирустық инфекция да қосылуы мүмкін", - деп атап көрсетті Қожахмет.

Оның сөзіне қарағанда, бүгінде ең пессимистік болжамдар негізге алынады. Соның арқасында денсаулық жүйесін барынша дайындап қоюға мүмкіндік бар.

Дәрі-дәрмек қорына қатысты мәселе қалай шешілуде

Министрліктің ресми өкілі дәрі-дәрмектің қорына да тоқталды. Оның сөзіне қарағанда, "СК-Фармация" ЖШС жалпы құны 8,7 миллиард теңге болатын 91 түрлі дәрі-дәрмекті аймақтарға жіберді. Бұл препараттар орташа есеппен 40 мың науқасқа жетеді. Бес күннен кейін, яғни 15 тамыздан бастап тағы екі айға жететін қор әзірленеді.

Оқи отырыңыз: Денсаулық вице-министрі коронавирустың екінші толқыны туралы айтты

Ал  амбулаторлық деңгейде, яғни, үйде ем алатын науқастарға арналған тегін дәрінің бес түрін сатып алу жұмыстары аяқталуға жақын. Ол препараттар 1 миллион пациентке жетеді. Тегін дәрілердің ішінде "Парацетамол", "Ибупрофен", "Ривароксабан", "Апиксабан" мен "Дабигатран" деген препараттар бар. Бұның барлығы емхана арқылы таратылады.

3779
Кілт сөздер:
тұмау, коронавирус
Тақырып:
Коронавирус эпидемиясы
Тақырып бойынша
Билік коронавирустан қайтыс болғандардың нақты санын жасырып отыр ма?
Коронавирус пен пневмония: мыңдаған адамның өлімі статистикаға неге енгізілмеді
Коронавирусқа қарсы ресейлік вакцина балаларға қашан салынатыны айтылды
Министрлік парацетамол орнына қолдануға болатын дәрілер тізімін жариялады
Цой: солтүстік жарты шарда тұмау ауруы белең алып барады
Дәріхана, архивтегі сурет

Министрлік тегін дәрі алу үшін не істеу керек екенін айтты

101
(Жаңартылды 17:43 10.08.2020)
Коронавирус пен оған ұқсас пневмонияға шалдыққан пациенттерге дәрі-дәрмектің бір айлық қоры сатып алынды

НҰР-СҰЛТАН, 10 тамыз – Sputnik. Денсаулық сақтау министрлігі коронавирусқа қарсы тегін дәрілерді тарату мерзімін жариялады, деп хабарлайды Sputnik Қазақстан тілшісі. 

Министрліктің ресми өкілі Бағдат Қожахметтің айтуынша, амбулаторлық деңгейде, яғни, үйде ем алатын науқастарға арналған тегін дәрінің бес түрін сатып алу жұмысы аяқталуға жақын. Ол препараттар 1 миллион пациентке жетеді. 

"Мұндай шаралар алғаш рет қабылданып отыр. Вирус жұқтырдым деп күдіктенсеңіз, тіркелген емханаңызға қаралуға болады. Егер вирус жұқтырғаныңыз анықталса, бұрынғыдай дәріхана жағалап жүрмей-ақ қойыңыз. Барлық емханада қажетті дәрі-дәрмек бар және тегін беріледі", - деді Қожахмет орталық коммуникациялар қызметінде өткен онлайн брифингте. 

Оның сөзіне қарағанда, аурудың алдын алуға арналған "Парацетамол", "Ибупрофен", сондай-ақ, тағы үш коагулянт аптаның соңына дейін барлық емханаға жеткізіледі. Кейін ол дәрілер науқастарға тегін таратылады. 

Айта кетейік, 15 шілдеде денсаулық сақтау министрлігі жанындағы бірлескен комиссия клиникалық хаттаманың 10-шы редакциясына тағы түзету енгізді. Дәрігерлер "Гидроксихлорохин" және "Лопинавир"  сияқты препараттарды алып тастауға шешім қабылдапты. Себебі шетелдік ғалымдар бұл дәрілерді коронавирусқа қарсы қолданған тиімсіз деген қорытындыға келген. 

Соңғы хаттамаға коронавирустан амбулаториялық деңгейде, яғни үйде емделу үшін дене қызуын басатын дәрілер мен инъекциялық емес антикоагулянттар да қосылды. Олардың ішінде "Парацетамол", "Ибупрофен", "Ривароксабан", "Апиксабан" мен "Дабигатран" деген препараттар бар. Үйде емделетін науқастар үшін осы дәрі-дәрмектің бәрі тегін таратылады. Ал барлық шығын медицининалық сақтандыру қорының есебінен өтеледі.

Министрліктің ресми өкілі Бағдат Қожахметтің айтуынша, ауруханада емделетін науқастар үшін де ем-дом бар. Коронавирус пен оған ұқсас пневмонияға шалдыққан пациенттерге дәрі-дәрмектің бір айлық қоры сатып алынды. 

"Қазіргі кезде осы жұмысқа жауапты бірыңғай дистрибьютор ("СК-Фармация" ЖШС - Sputnik) жалпы құны 8,7 миллиард теңге болатын 91 түрлі дәрі-дәрмекті аймақтарға жіберді. Бұл препараттар орташа есеппен 40 мың науқасқа жетеді. Бес күннен кейін, яғни 15 тамыздан бастап тағы екі айға жететін қор әзірленуде. Атап айтқанда, стационарда 200 мың науқасты емдеуге жететін дәрі-дәрмектің 50 түрі жеткізіледі", - деп атап көрсетті Қожахмет.

101
Кілт сөздер:
денсаулық, дәрі
Тақырып:
Коронавирус эпидемиясы
Тақырып бойынша
COVID-19: денсаулық министрлігі жағымды жаңалықты бөлісті
Қауіпті синдром – балаларда анықталып жатқан дерт туралы ақпарат жарияланды
Қытайда соңы өлімге әкелетін жаңа вирус тарала бастады
Алматыда тағы бір модульді аурухана салынып жатыр
42 500 теңгені төлеу ережесіне өзгерістер енгізілді
Кісен, архивтегі сурет

Ресей Қазақстанға ұйымдасқан топ құрған адамды тапсырды

0
Есірткі Қазақстанға поштамен жіберілген. Бизнесті ұйымдастырушы құжаттарды қолдан жасағаны белгілі болды

НҰР-СҰЛТАН, 10 тамыз - Sputnik. Ресей Қазақстанға есірткі контрабандасымен айналысатын трансұлттық ұйымдасқан топты құрған Қазақстан азаматы Стас Ларинды берді. Бұл туралы Ресейдің бас прокуратурасының баспасөз қызметі. 

Ол қылмыстық кодекстің 264-бабы 1-бөлігі (трансұлттық ұйымдасқан топты құру, жетекшілік ету)
286-бабы 4-бөлігі (есірткі және психотроптық заттар контрабандасы), 297-бабы 4-бөлігі (есірткі және психотроптық заттарды заңсыз сату және сақтау) және 385-баптың 2-бөлігі (жалған құжат қолдан жасау) бойынша айыпталып отыр.

Ларин 2016 жылы есірткі контрабандасымен айналысатын трансұлттық ұйымдасқан топ құрған. 2017 жылдың қазан айына дейін жетекшілік етті.

Ларин 2019 жылдың желтоқсанында Новосибирск  облысында ұсталды. Жуырда Стас Ларин арнайы конвоймен Қазақстанға жеткізілді.

0