Құрбан айт

Мүфтият қандай малды құрбандыққа шалуға болмайтынын айтты

5099
(Жаңартылды 18:45 26.07.2020)
Биыл Қазақстан тарихында алғаш рет карантинге байланысты мешіттерде Ораза айт намазы оқылған жоқ. Ал соңғы екі апталық шектеу шараларын ұзартқаннан кейін Құрбан айт намазы да оқылмайтын болды. Себебі барлық мешіт қайтадан жабылды

НҰР-СҰЛТАН, 26 шілде – Sputnik, Арман Асқар. Құрбандық шалу шарттары өзгеріп отыр. Мүфтияттың бастамасымен Qurban2020.kz сайты іске қосылды. Сол арқылы онлайн тапсырыс беріп, құрбандық шалуға болады. Sputnik Қазақстан тілшісі қазақстандық мұсылмандар үшін осы бір тың бастаманың негізгі ерекшеліктерін зерделеп шықты. 

Онлайн-құрбандықтың басты ерекшелігі неде

Шыны керек, бұған дейін құрбандық шалуға шектеу қойылады деп ешкім ойламаған. Бірақ коронавирус бұрынғы салт-сананы түбегейлі өзгертті. Осы жолы да құрбандық қашықтан шалынады дегенде онлайн-құрбандықтың не екенін түсінбегендер көп болды. 

Қазақстан мұсылмандары діни басқармасының төрағасы, бас мүфти Наурызбай қажы Тағанұлының айтуынша, бүгінде қашықтан құрбандық шалу тәжірибесі Түркия, Малайзия, Индонезия, Біріккен Араб Әмірліктері сияқты бірқатар мұсылман мемлекеттерінде бұрыннан бері бар және жыл сайын жасалады. Қазіргі карантин жағдайында осындай жаңашылдықты елімізде қолға алу туралы шешім қабылданды. Бірақ онлайн-құрбандықтың барлық еті мұқтаж адамдарға таратылады.   

"Осы кезге дейін құрбан шалған азаматтар құрбан етін үшке бөліп, бір бөлігіне ағайын-туыс, көрші қолаңға арнап айттық дастарқан жаятын. Пандемия жағдайына байланысты биылғы онлайн бойынша құрбандық шалынған кезде еттің үштен бірі шалған адамға берілмей, түгелдей мұқтаж жандарға үлестірілетін болады", - дейді Тағанұлы.

Мал қай жерде сойылады

Биыл жергілікті әкімдіктер бұрынғыдай мал сою орындарын ашады. Бірақ оған барлығын бірдей кіргізбейді. Ол жерде тек онлайн-тапсырыстар ғана орындалады. Тәртіп сақшылары карантин талаптарын бақылайды. Имамдар мен қасапшылар құрбандық шалады. Ал "Зекет" қорының еріктілері тапсырыс берген адамдарға фото-есеп жіберіп, құрбандық етін тарататын болады. 

"Онлайн тапсырыс арқылы құрбандық шалу кезінде осы кезге дейін үйреніп қалған малды таңдау, қасапшының жанына барып өзіміз сою секілді жағдай болмайын деп тұр. Имамдарымыз делдалдық қызмет жасамайды, екі ортада жүріп пайда табумен айналыспайды. Біздің міндетіміз – құрбандық шалу рәсімін ұйымдастыру және құрбандық мал етін үлестіру", - дейді Тағанұлы.

Осы орайда бас мүфти сатушыларды мал бағасын қымбаттатпауға шақырды. Қасапшылар да өз қызметі үшін көп ақша сұрамайды деген сенім бар.

Малдың бағасы қанша

Qurban2020.kz сайтында кез келген құрбандық малын таңдауға болады. Бағасы да әртүрлі. Мәселен, қойдың орташа құны - 50 000 теңге. Наиб мүфти Ершат Оңғаровтың айтуынша, құрбандыққа шалынатын қойларға нақты талап бар. 

"Ауылдық жерлерде тұратын адамдар өз  ауласында шала береді. Бірақ бір нәрсені ескерген дұрыс. Шариғат бойынша құрбандыққа шалынатын қой малы бір жастан асқан болуы керек. Сондықтан биыл төлдің барлығы бірдей құрбандыққа жарамайды. Алты айдан асқан тоқтылар ғана жарайды. Қозы мен марқа қозылар жарамайды", - дейді Оңғаров.

Онлайн-тапсырыс беру сайтында тоқтының бағасы 40 000 - 45 000 теңгенің айналасында. Бұдан бөлек, ешкі - 35 000 - 40 000 теңге, ірі қара – 300 000 - 400 000 теңге, ал түйенің бағасы 450 000 теңгеден 800 000-ға дейін барады.  

Онлайн-тапсырыс қалай беріледі?

Qurban2020.kz сайтына кіргеннен кейін бірнеше батырма болады. Тапсырыс жасайтындар "Құрбандық малын шалу үшін тапсырыс беру" деген батырманы басады. Одан кейін бірнеше мәлімет енгізу керек. Олар: 

  • өңірді таңдау;
  • аты-жөнін және телефон нөмірін жазу; 
  • құрбандық малын таңдау;
  • құрбандық есебін белгілеу/белгілемеу (телефонда WhatsApp мессенджері болуы керек)
    төлем жасау.

Бас мүфтидің айтуынша, онлайн тапсырыстар 30 шілдеге дейін қабылданады. 

Құрбандық еті қалай таратылады

Құрбандық етін алу үшін де Qurban2020.kz сайтында өтініш қалдыру қажет. Ол үшін алдымен "Құрбандық етін алу үшін өтініш қалдыру" батырмасын басып, жеке мәліметтерді енгізу керек. Олар:

  • өңірді таңдау;
  • ЖСН, аты-жөнін және телефон нөмірін енгізу;
  • мекенжайды көрсету;
  • әлеуметтік мәртебені жазу;
  • құжаттардың көшірмесін тіркеп жіберу.

"Ауқатты және мұқтаж емес адамдар өтініш бере алмайды. Шын мәнінде қиын жағдайда қалған мұқтаж жандарды ойлап, түсіністік танытуларыңызды сұраймыз. Жәрдемге мұқтаж жандар құрбандыққа шалынатын малдың санына қарай көмек алады", - делінген сайттың ескертуінде. 

Айта кеткен жөн, еріктілер құрбандық етін мұқтаж адамдардың үйіне дейін жеткізіп береді. Сол кезде барлық санитарлық шаралар сақталуы шарт.

 

5099
Кілт сөздер:
құрбандық мал, құрбан айт
Тақырып бойынша
Құрбандық шалу кезінде неге тыйым салынады?
"Жеті адам ортақтаса алады": мешітте құрбандық шалу шарттары қандай?
Елорда тұрғындарына Құрбан айтта мал союға рұқсат етіле ме
Мүфтият Құрбан айтқа қатысты мәлімдеме жасады
Құрбан айт намазы оқылмайды – бас мүфти мәлімдеме жасады
Архивтегі фото

Отставкаға өтініш берген шенеуніктердің аты-жөні жарияланды

4394
(Жаңартылды 21:19 14.08.2020)
Солтүстік Қазақстан облысының әкімі отставкаға жіберу туралы екі өтінішті қарап жатыр. Шешім президент әкімшілігімен келісіле отырып қабылданады

НҰР-СҰЛТАН, 14 тамыз – Sputnik. Сыбайлас жемқорлыққа қарсы іс-қимыл агенттігі отставкаға өтініш берген шенеуніктердің аты-жөнін жариялады. Олардың қол астындағы қызметкерлерінің сыбайлас жемқорлық жасағаны дәлелденген, деп хабарлайды Sputnik Қазақстан тілшісі.

Ресми мәліметке сәйкес, Солтүстік Қазақстан облысының әкімі отставкаға жіберу туралы екі өтінішті қарап жатыр.

"Біріншісін 28 шілде күні оның орынбасары Федяев жазды. Себебі 25 шілде күні сыбайлас жемқорлық қылмысын жасаған мемлекеттік сәулет-құрылыс бақылау және лицензиялау басқармасының басшысы Қалабаевқа қатысты сот үкімі заңды күшіне енді", - делінген ресми хабарламада.

Бұдан бөлек, 3 тамызда Ақжар ауданының әкімі Мадияров та өтініш берді. Оның орынбасары Досымбеков өз кінәсін мойындап, келтірген залалдың көлемін өтеді. Оған қатысты тергеу шаралары тоқтатылған болатын.

Оқи отырыңыз: Облыс әкімі орынбасарының заңсыз әрекеті видеоға түсіп қалды 

"Мемлекеттік қызмет туралы" заңның 60-бабы, 2-тармағына сәйкес отставканы қабылдау немесе одан бас тарту туралы шешім бір ай мерзімде президент әкімшілігімен келісіле отырып қабылдануы тиіс", - дейді агенттік мамандары.

Отставкаға тағы кім өтініш жазады

Қазіргі кезде сыбайлас жемқорлық бойынша бірқатар іс сотта қаралып жатыр. Айыптау үкімдері заңды күшіне енген жағдайда отставкаға кету туралы өтінішті төмендегі лауазымды тұлғалар беруі тиіс:

  1. Атырау облысы Құрманғазы ауданының әкімі Нұртаев. Оның орынбасары Тәжібаевқа қатысты үкім 3 шілдеде шықты, прокуратураның наразылығы бойынша отырыс 25 тамызға тағайындалды.
  2. Түркістан облысы Келес ауданының әкімі Есбаев. Апелляцияға өтініш берілмесе, Жамбыл ауылдық округінің әкімі Құрманалиевке қатысты үкім 15 тамызда күшіне енеді.
  3. Алматы облысы Текелі қаласының әкімі Өнербаев. 22 тамыз күні Текелі қаласы әкімі аппаратының басшысы Норқұловқа қатысты сот үкімі заңды күшіне енеді.
4394
Кілт сөздер:
шенеуніктер, отставка
Тақырып бойынша
Министрлер мен әкімдер отставкаға кетеді: Бектенов жаңа заңды түсіндірді
Қазақстанда бірнеше әкім отставкаға кетуге өтініш берді
Алтай Көлгінов өзінің отставкасы туралы сұраққа жауап берді
Қостанай әкімі отставкаға кетуі мүмкін 
Архивтегі фото

"СК-Фармацияның" бұрынғы басшысы ұсталды

1605
(Жаңартылды 18:55 14.08.2020)
Ол медициналық бұйымдарды сатып алу кезінде өкілеттігін теріс пайдаланған, хабарлады сыбайлас жемқорлыққа қарсы қызмет

НҰР-СҰЛТАН, 14 тамыз – Sputnik. "СК-Фармация" ЖШС-ның бұрынғы басшысы ұсталды. Бұл туралы сыбайлас жемқорлыққа қарсы іс-қимыл агенттігі мәлімдеді, деп хабарлайды Sputnik Қазақстан тілшісі.

Сыбайлас жемқорлыққа қарсы қызметтің мәліметінше, ол төтенше жағдай жарияланған кезеңде медициналық бұйымдарды сатып алу кезінде өкілеттігін теріс пайдаланған.

"СК-Фармация" ЖШС-ның бұрынғы басқарма төрағасы ұсталып, Нұр-Сұлтан қалалық полиция департаментінің уақытша ұстау изоляторына қамалды", - делінген ресми хабарламада.

14 тамызда соттың санкциясымен күдікті қамауға алынды.

"Соңғы шешімді сот шығарады. Тергеу мүддесі үшін өзге ақпарат жария етілмейді", - дейді агенттік қызметкерлері.

Оқи отырыңыз: Медициналық сақтандыру қорының бұрынғы басшылығы тергеуге алынды 

Айта кетейік, мемлекет басшысы Қасым-Жомарт Тоқаев үкіметтің кеңейтілген отырысында әлеуметтік медициналық сақтандыру қоры мен "СК-Фармация" ЖШС жұмысын сынға алып, басшылығын жұмыстан босатуды тапсырған болатын. Қажет болса тергеу шараларын да жүргізуге нұсқау берді. Ертесінде әлеуметтік медициналық сақтандыру қорының басқарма төрағасы Айбатыр Жұмағұлов пен "СК-Фармация" ЖШС басшысы Берік Шәріп қызметінен алынды.

12 шілдеде "СК-Фармация" ЖШС басқарма төрағасы қызметіне Ерхат Есқалиев тағайындалды.

 

1605
Тақырып бойынша
"СК-Фармацияның" басшысы қанша жалақы алатынын айтты
Мамин министрлер мен әкімдерге тапсырма берді
"СК-Фармация" басшылығы қазақстандықтардан кешірім сұрады
"СК-Фармация" басшысы атышулы фотосын не себепті алып тастағанын түсіндірді
Министрлік тегін дәрі алу үшін не істеу керек екенін айтты
Архивтегі фото

Нұр-Сұлтанда басқарма басшысы 1 миллион теңгеге дейін пара алған видео

0
Елорда әкімдігінің лауазымды қызметкерлері заңды тұлғаларға құрылыс-монтаждау жұмыстарымен айналысуға лицензияларды заңсыз берген

НҰР-СҰЛТАН, 14 тамыз – Sputnik. Сыбайлас жемқорлыққа қарсы іс-қимыл агенттігі елорда әкімдігінің лауазымды тұлғасын тергеуге алды, деп хабарлайды Sputnik Қазақстан тілшісі.

Ресми ақпаратқа сәйкес, "Нұр-Сұлтан қаласының қалалық орта сапасы және бақылау басқармасы" мемлекеттік мекемесінің басшысы мен басқа да тұлғаларына қатысты сотқа дейінгі тергеу басталды.

"Олар 100 000 теңгеден 1 000 000 теңгеге дейінгі ақшалай сыйақы үшін заңды тұлғаларға құрылыс-монтаждау жұмыстарымен айналысуға 1,2,3-санаттағы лицензияларды заңсыз бергені үшін айыпталып отыр", - дейді тергеушілер.

Ал Алматы облысы Кербұлақ ауданының тұрғын-үй коммуналдық шаруашылығы және тұрғын үй инспекциясы бөлімінің басшысы мен басқа да қызметкерлері бюджет қаражатын жымқырғаны үшін тергеуге алынды.

Оқи отырыңыз: Алматы полициясының лауазымды тұлғасы қылмыс үстінде қолға түсті – видео

"Олар 2019 жылдың шілде-тамыз айларында "Сарыөзек ауылының сумен жабдықтау жүйесін ағымдағы жөндеу" объектісі бойынша нақты орындалмаған жұмыстар үшін 35 855 570 теңгені аудару арқылы бюджет қаражатын жымқырды",- делінген ресми хабарламада.

0
Кілт сөздер:
видео, пара