Абай Құнанбаев

Абайдың туған жерін көру үшін ағайынды жігіттер 46 күн жаяу жүрді

62
(Жаңартылды 11:51 30.07.2020)
Алматыдан Семейге жаяу барған ағайынды Дамир мен Дәулет Көшеевтер бұл саяхатын еріктілер жылы және Абайдың мерейтойымен байланыстырды

АЛМАТЫ, 30 шілде – Sputnik. Алматылық ағайынды Дамир мен Дәулет Көшеевтер оңтүстік астанадан Семейге бару үшін 46 күн жаяу жүрді. Олар осы уақыт ішінде 1 200 шақырым қашықтықты артта қалдырып, ақын Абай өскен киелі жерге барды.

Дамир мен Дәулет Көшеевтер алғаш рет осындай ерекше жобаның ортасынан табылды, деп хабарлайды "Хабар 24" телеарнасы.

Ағайындылар Алматыдан жаяу экспедицияға 12 маусымда жолға шықты. Олардың айтуынша, бұл ой кенеттен пайда болды. Олар өздерінің бұл жорығын еріктілер жылы мен Абай Құнанбаевтың мерейтойына қарай орайластырды. Өскелең ұрпақтың қазақ халқының тарихы мен мәдениетіне деген қызығушылығын арттыруға арналған жоба "Абайға апарар жол"деген атауға ие болды.

"Бұл біздің алғашқы жобамыз. Аяқ асты ой келді де, тез жиналып шығып кеттік. Жолда кей адам тоқтап неге көлікпен немесе велосипедпен, атпен шықпағанымызды сұрады. Егер мақсат қойсаң, соған қалай да жетесің. Біз де дәл солай, мақсатымызға жеттік", - дейді ерікті әрі саяхатшы Дамир Көшеев.

Саяхатшылардың айтуынша, көпкүндік сапарға ағайынды Көшеевтермен бірге тағы екі адам бірге шыққан. Алайда олар біраз уақыт өткен соң саяхаттың қиындығына төтеп бере алмай, өз жолдарымен кетті.

"Өзімізге, табиғатқа қарсы келдік... Шығыс Қазақстан облысында үнемі жаңбыр жауып тұрды. Арасында көліктер тоқтап "жеткізіп салайық, біз ешкімге айтпаймыз" деп жатты. Ондай кісілерден құтылу үшін "бізде спутник байланысы бар, бізді бақылап отыр" деуге тура келді. Ал шын мәнінде бұл жай ғана принцип болатын", - деп түсіндірді Дамир Көшеев.

Саяхатшылар күніне орташа есеппен 40 шақырым жүріп отырған. Әрине, арасында қысқа үзілістер де жасады. Абайдың туған жеріне жеткен еріктілер ақын жерленген кесенеге, киелі жерлерге, Абай білім алған медресеге, сондай-ақ, қазақ ойшылы тұрған үйге барды.

Оқи отырыңыз: Абай мерейтойына арналған шаралар қай кезде басталады

Олардың айтуынша, Алматыдан Семейге дейін жаяу жету кезінде өз күш-жігерін сынап көргісі келген. Саяхаттың арқасында Дамир мен Дәулеттің көптеген жаңа идеясы пайда болды. Енді ағайындылар сапар бойы ойлаған ойларын жүзеге асырмақ. Алайда ерікті саяхатшылар жоспарын егжей-тегжейлі айтқысы келмеді.

62
Кілт сөздер:
саяхат, еріктілер, Абайдың 175 жылдығы
Тақырып бойынша
Қазақстанда қанша Абай Құнанбайұлы бар – статистика белгілі болды
Татарстан президенті Абай өлеңін қазақ тілінде оқыды
"Абай" операсы Мәскеудегі Үлкен театрда сахналанады
Пандемия кезінде Абай фильмі қалай түсіріледі – министр жауап берді
Польшада Абай бейнеленген пошта маркасы шығарылды
Алматыдағы Шәмші Қалдаяқов ескерткіші

"Ұлттың баға жетпес байлығы": Тоқаев желіде жазба жариялады

3220
(Жаңартылды 14:34 15.08.2020)
Он бесінші тамызда Қазақстанның халық әртісі, ұлы композитор Шәмші Қалдаяқовтың туғанына тоқсан жыл толды

НҰР-СҰЛТАН, 15 тамыз – Sputnik. Шәмші Қалдаяқовтың шығармашылығы - ұлттың баға жетпес байлығы, дейді президент Қасым-Жомарт Тоқаев.

"Бүгін еліміздің Әнұраны "Менің Қазақстаным" әнінің авторы, ұлт руханиятына талай сырлы саз бен әсем әуен сыйлаған композитор Шәмші Қалдаяқовтың туғанына 90 жыл толды. Шәмші шығармашылығы – ұлттың баға жетпес байлығы. Оның туындыларын кеңінен насихаттау – бүгінгі ұрпақтың парызы", - деп жазды Тоқаев әлеуметтік желідегі парақшасында.

Шәмші Қалдаяқовтың өмірбаяны

Шәмші Қалдаяқов 1930 жылдың 15 тамызында Оңтүстік Қазақстан облысы Отырар ауданы Шәуілдір ауылында дүниеге келген. Ол бірден өнер жолына түскен жоқ. Әуелі Қапланбектегі ветеринарлық техникумды бітірсе, кейін Сахалиндегі әскери училищені, елге келген соң Ташкент қаласындағы Хамза Ниязи атындағы музыка училищесін, содан соң Құрманғазы атындағы консерваториясының композиторлар дайындайтын факультетінде оқыған.

Шәмші Қалдаяқовтың көптеген әні Роза Бағланова, Ришад Абдуллин, Бибігүл Төлегенова, Рашид Мұсабаев, Зейнеп Қойшыбаева сынды әншілердің репертуарынан берік орын алды. Халық арасында "Менің Қазақстаным" туындысы айрықша мәшһүр болды. Қазақтың музыка өнерінде Шәмшінің орны ерекше 300-ге жуық әні бар. 

Артына музыкалық мол мұра қалдырған Шәмші Қалдаяқов 1992 жылы 62-ге қараған шағында Алматы қаласында қайтыс болды.

1991 жылы Шәмші Қалдаяқов жайлы "Жылдарым менің, жырларым менің" атты ғұмырнамалық деректі фильм түсірілді. Осы жылы композитор Қазақстанның халық әртісі атағын алды.

3220
Кілт сөздер:
Шәмші Қалдаяқов, Қасым-Жомарт Тоқаев
дәмхана

Бекшин Алматыда карантин қалай жеңілдетілетінін айтты

449
(Жаңартылды 14:42 15.08.2020)
Он жетінші тамыздан бастап республика бойынша карантин жеңілдетіледі, дегенмен демалыс күндері қатаң шаралар сақталады

АЛМАТЫ, 15 тамыз –Sputnik. Алматы қаласының бас мемлекеттік санитар дәрігері Жандарбек Бекшин карантин қалай жеңілдетілетінін айтты, деп хабарлайды Sputnik Қазақстан тілшісі.

"Коронавирус екі айдың ішінде бітпейді. Сондықтан кәсіпорындар мен ұйымдар, қызмет көрсететін ұйымдардың жұмысын тоқтатпай, олардың жұмысын реттеп, коронавирусқа қарсы ісшараларды енгізу керек. Алматы – еліміздегі ерекше, ең ірі қала. Еліміздің түкпір-түкпірінен шағын бизнеспен айналысатын адамдар келеді, сауда жүріп жатыр. Ең ірі базарлар Алматыда орналасқан. Осыны ескеріп, індетке қарсы бірнеше іс-шара жоспарланды",- деді қаланың бас санитар дәрігері.

Айтуынша, күзде аурудың өршуіне дайындық жасалып жатыр.

"Күзде суық кезеңде көрсеткіш өсуі мүмкін. Бұл тек Қазақстанда ғана емес, айналамыздағы басқа елдерде де солай. Сондықтан осы жағдайға дайындық жасап жатырмыз. Ең алдымен кенет өршу болмау үшін эпидемиологиялық шараларды енгізіп жатырмыз. Себебі ондай жағдайда салмақ медицин ақызметкерлеріне түседі", - деді ол.

Бұрынғыша ойын-сауық, спорт, отбасылық, еске алу салтанаты және басқа да бұқаралық шараларды өткізуге, сонымен қатар жиындарды үйде өткізуге тыйым салынады. 

"Барлардың, түнгі және ойын клубтарының, караоке, фудкорттардың, кинотеатрлардың және балалар мен ересектерге арналған басқа да ойын-сауық орындарының жұмысына, мәдениет нысандарының, музейлердің қызметіне, конференциялар, көрмелер, форумдар өткізуге тыйым салынады", - деді Жандарбек Бекшин.

Жұмыс күндері қаладағы қоғамдық тамақтану орындары таңғы сағат 9.00-ден 22.00-ге дейін жұмыс істейді. Ал демалыс және мейрам күндері сағат 10.00-23.00 арасында ашық болады.

"Көптеген қоғамдық тамақтану орындары көпқабатты үйлердің бірінші қабатында орналасқан. Жеке орналасқан тамақтану орындарының халыққа ешқандай зияны тимесе, жұмыс уақытын бір сағатқа көтеруге мүмкіндік бар. Осыны қарастырып, бір шешімге келеміз", - деді Жандарбек Бекшин.

Қаланың бас санитары кәсіпорындардың жұмысы тоқтамауы қажет екенін, соған сәйкес санитарлық нормалар қабылданғанын айтты.

"Қоғамдық тамақтану нысандарының күндіз келушілерді қабылдау ережесі бар. Олар толымдылығы 50%-ке дейін қабылдай алады. Үстелдердің арасында екі метр арақашықтық болуы керек, ал енді орындықтар арасы 60 сантиметрден кем болмауы керек. Тамақтану орындарының қызметкерлері бетперде мен қолғап киіп жүруі керек. Сондай-ақ, қоғамдық экрандар қойылады", - деді Алматының бас санитар дәрігері.

Алматы қаласы кәсіпкерлік және инвестициялар басқармасының басшысы Еркебұлан Оразалин сауда және ойын-сауық орталықтары, аумағы 2000 шаршы метрден асатын сауда орталықтары, таза ауада орналасқан аттракциондар аудиттен өтетінін хабарлады.

"Басқарма аудандармен бірге аудитті жылдам түрде өткізуге дайын. Қазір республиканың бас санитар дәрігерінің қаулысын күтіп отырмыз. Демалыс күндеріне қарамай жұмыс жүргізіледі. Жандарбек Бекшиннің қаулысына қосымша ереже енгізіліп жатыр. Ең алдымен, жұмыскерлерді тестілеу. Кәсіпкерлер қызметкерлерін тестілеуден өткізу үшін infokazakhstan.kz сайтына тіркеліп, қаладағы 12 лабораторияда тестілеуден өткізуге өтініш бере алады",- деді Оразалин.

Айтуынша, қаланың бас санитар дәрігерінің қаулысында кәсіпкерлік нысандарға, кәсіпкерлік компанияларға видеобақылау орнату пилоттық жобасы қабылданып жатыр.

"Жұмыскерлер мен келушілер бойынша медициналық бетпердені қалай таққаны, арақашықтықты қалай сақтап жатқанын бақылау үшін видеобақылау орнату қабылданып жатыр", - деді басқарма басшысы.

Айта кетейік, мемлекеттік комиссия карантинді жеңілдетуге байланысты жұмысын қайта бастайтын қызмет түрлерінің тізімін бекітті:

  • сауда ойын-сауық орталығы, сауда үйлері, сауда желілері, жабық базарлар (бір келушіге төрт шаршы метр). 
  • сұлулық салондары, шаштараз, СПА орталықтары, косметологиялық қызмет көрсететін нысандар (алдын ала жазылу бойынша 1 келушіге 4 ш.м.); 
  • бассейні жоқ фитнес орталықтары (толымдылығы 50%-тен аспауы тиіс, 1 келушіге 5 ш.м.), бассейні жоқ моншалар мен сауналар (толымдылығы 50%-дан аспауы тиіс, 1 келушіге 4ш.м.); 
  • балаларға арналған түзету кабинеттері, балалар және ересектерге білім беру орталықтары (топта 5 адамнан артық болмайды, жазылу бойынша қабылдайды); 
  • мектепке дейінгі балалар мекемелерінің кезекші топтары (5 адамнан артық болмауы керек);
  • ашық ауадағы аттракциондарар ақашықтықты сақтау, маска тағу және адамдар ағынын реттеу арқылы жұмыс істейді.
449
Кілт сөздер:
карантин
Нұр-Сұлтан, қала келбеті

Қазақстанда 16 тамызда қандай маңызды оқиғалар болады

0
Sputnik Қазақстан 16-20 тамыз аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.

16 ТАМЫЗҒА ЖОСПАРЛАНҒАН ШАРАЛАР

12.00 – "Классика детям" - "Музыка рисует и показывает" концерті, "Астана Опера" театры (Трансляция tengri.tv-да).

19.00 – "Салтанат" мемлекеттік би ансамблі ұжымының жазып алынған қойылымдары көрсетіледі (Мәдениет және спорт министрлігінің Youtube каналында трансляцияланады).

17 ТАМЫЗҒА ЖОСПАРЛАНҒАН ШАРАЛАР

15.00 - экологиялық білім беру тақырыбында тікелей эфирде пікірталас өтеді. Іс-шараға Қазақстанның экология, геология және табиғи ресурстар министрі Мағзұм Мырзағалиев; ақпарат және қоғамдық даму министрі Аида Балаева; білім және ғылым министрі Асхат Аймағамбетов, сондай-ақ білім беру және экология саласындағы сарапшылар мен халықаралық ұйымдардың өкілдері қатысады.  

20 ТАМЫЗҒА ЖОСПАРЛАНҒАН ШАРАЛАР
19.00 - "Тоска" операсы, "Астана Опера" театры (трансляция tengri.tv-да)

Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.

0