Нұр-Сұлтан, архивтегі фото

Жүгірген кезде маска тағу керек пе министр жауабы

202
Қоғамдық орында адамның жасына қарамастан, оның ішінде балалар да міндетті түрде бетперде тағуы керек

АЛМАТЫ, 30 шілде – Sputnik. Денсаулық сақтау министрі Алексей Цой барлық жерде барлық адамға медициналық маска тағу қажет екенін айтты, деп хабарлайды Sputnik Қазақстан тілшісі.

"Қоғамдық орында міндетті түрде бетперде тағу туралы бұйрық шықты. Адамның немен айналысатынына қарамастан барлық жастағы адам бетперде тағуы қажет. Дәмханалардың жаздық алаңына арналған арнайы ереже бар, арақашықтық шамамен екі метр болуы керек", - деді Цой.

Айтуынша, адамның жасына қарамастан, оның ішінде балалар да бетперде тағуы керек.

Тойда 16 қонаққа вирус жұқтырған: Тоғжанов қайғылы жағдайлар туралы айтты 

Ал үкімет басшысының орынбасары Ералы Тоғжанов талаптың қоғамдық орындарға қатысты екеніне назар аударды.

"Егер көшеде жүгіргіңіз келсе, бетперде тақпай жүгіруге және спортпен шұғылдануға мүмкіндік беретін арнайы орындар бар. Алайда саябақ пен көшеде бетперде тағу маңызды болып отыр, оған үйренетін уақыт келді. Тәулігіне 1 472 адамнан инфекция анықталды. Бұл аз адам емес. Айналамыздағы елдің бәрі сақтанып жатыр. Енді мейрамханалар мен кез келген нысанның басшысы осы режимнің сақталуына жеке жауап береді және барлық үстелді дұрыс қоюы керек. Біз жоғалтқан адамдарды ойлауымыз қажет", - деді Тоғжанов.

Сонымен қатар Ералы Тоғжанов төрт жарым мыңға жуық заңбұзушылық тіркелгенін айтып өтті.

"Аз адамнан айырылдық па? Қонаққа да, жаназа шықса да барамыз, туған күнге барамыз. Төрт жарым мыңға жуық заңбұзушылық тіркелді. Әрқайсының артында адам өмірі тұр", - деді вице-премьер.

202
Кілт сөздер:
министр, бетперде
Тақырып:
Коронавирус эпидемиясы (1340)
Ресей ұшағы

Қазақстанда жұмыс істеген ресейлік дәрігерлер еліне қайтты 

42
Қазақстан тарапы пандемия індетінің шарықтау кезеңінде уақытылы көмек көрсеткені үшін ресейлік дәрігерлерге шын жүректен алғысын білдірді

НҰР-СҰЛТАН, 3 тамыз – Sputnik. Шілденің басында қазақстандық мамандарға коронавирус инфекциясымен күресуге көмектесу үшін келген ресейлік дәрігерлер жұмысын аяқтап, отанына оралды, деп хабарлады Ресейдің Қазақстандағы елшілігі.

"Ресей үкімет басшысы Михаил Мишустин мен Қазақстан премьер-министрі Асқар Маминнің келісімі аясында 6 шілдеде Қазақстанға келген ресейлік мамандар тобы коронавирустың таралуына қарсы күресте республикалық және өңірлік медициналық ұйымдарға тәжірибелік және консультативтік көмек көрсету бойынша миссиясын сәтті аяқтады", - делінген елшіліктің Facebook-тегі хабарламасында.

Дүйсенбі, 3 тамызда дәрігерлер Ресей ТЖМ арнайы ұшағымен Қазақстаннан кетті.

Оған дейін қабылдаушы тарап бауырлас Қазақстанға пандемияның шарықтау кезеңінде дер кезінде көмек көрсеткені үшін, сондай-ақ республикадағы эпидемиологиялық жағдайды тұрақтандыруға қосқан үлесі үшін шын жүректен алғысын білдірді.

"Біз де Қазақстан Республикасы денсаулық сақтау министрлігі мен облыстық денсаулық сақтау басқармаларының басшылығына ресейлік мамандарды жылы қабылдап, жақсы қарым-қатынас жасағаны үшін шынайы ризашылығымызды білдіреміз", - деп атап өтті Ресей елшілігі.

Дипломатиялық қызметтің өкілдері "бірлескен жұмыс тәжірибесы екі елдің салалық ведомстволары арасындағы жан-жақты ынтымақтастықты, мемлекетаралық өзара іс-қимыл мен Қазақстан және Ресей халықтарының достығын одан әрі нығайтуға қызмет етеді" деген сенім білдірді.

Шілде айының басында анестезиолог-реаниматологтар, жұқпалы аурулар жөніндегі мамандар, пульмонологтар, эпидемиологтар COVID-19 індетімен күресу үшін Қазақстанға жіберілді. Жұмыс қорытындысы бойынша дәрігерлер Қазақстан денсаулық сақтау министрлігінің "Ерен еңбегі үшін" төсбелгісімен марапатталды.

42
Дәрігер, архивтегі фото

Қазақстанда 8,5 мың медицина маманы коронавирус жұқтырды

23
Өтемақыдан үмітті 123 маманның өтініші мақұлданды. Олардың әрқайсына 2 миллион теңге төленеді, деп атап өтті Алексей Цой 

НҰР-СҰЛТАН, 3 тамыз – Sputnik. Денсаулық сақтау министрлігі коронавирус жұқтырған медицина мамандарының санын жариялады, деп хабарлайды Sputnik Қазақстан тілшісі.

"Елімізде індетті жұқтырған медицина мамандарының саны 8 518 адамға жетті. Ал пневмониямен қанша қызметкердің ауырып қалғаны әзірге белгісіз. Бірақ коронавируспен күрес шаралары кезінде пневмонияға шалдыққан әріптестеріміз өтемақыға өтініш берсе, біз қолдау жасаймыз. Барлық құжатты көтеріп, комиссияның қарауына жібереміз", - деді вице-министр Ажар Ғиният орталық коммуникациялар қызметінде өткен онлайн брифингте.

Оқи отырыңыз: Министр карантин қандай жағдайда ұзартылатынын айтты 

Ал денсаулық сақтау министрі Алексей Цойдың айтуынша, осы уақытқа дейін 123 маманның өтініші мақұлданған. Олардың әрқайсына 2 миллион теңге көлемінде өтемақы төленеді. Басқа өтініштер қаралып жатыр. Алайда министр нақты санын атамады.

"Қазір ондай ақпарат жоқ. Себебі өтініштер әрьөңірдегі комиссияларда қаралады", - дейді Цой.

Айта кетейік, шілденің соңында коронавирус инфекциясын жұқтырған және одан қайтыс болған дәрігерлерге өтемақы беру тәртібі өзгерді. Денсаулық және еңбек министрлерінің бірлескен бұйрығына сәйкес, енді коронавируспен ғана емес, вирустық пневмониямен ауырған және одан қайтыс болған медицина мамандарына да өтемақы төленеді. Бірақ ауруды жұқтыру дерегі эпидемияға қарсы күрес шаралары кезінде тіркелуі шарт. Ал пневмонияның клиникалық белгілері коронавирусқа ұқсас болуы қажет.

Барлық өтемақы мемлекеттік сақтандыру қорынан төленеді. Атап айтқанда, медицина маманы COVID-19 коронавирус инфекциясын жұқтырған немесе вирустық пневмонияға шалдыққан жағдайда 2 миллион теңге мөлшерінде өтемақы төленеді. Ал осы аурулардан қайтыс болса, оның отбасы мүшелеріне 10 миллион теңге беріледі.

23
Кілт сөздер:
өтемақы, дәрігерлер, коронавирус
Тақырып:
Коронавирус эпидемиясы (1340)
Тақырып бойынша
Билік коронавирустан қайтыс болғандардың нақты санын жасырып отыр ма?
Қазақстанда коронавирус эпидемиясына қатысты жағдай тұрақталып келеді - Цой
Пневмониядан қайтыс болғандар саны екі есеге артты - министр
Қазақстан коронавирустың таралуы бойынша "қызыл тізімге" енді
"Телефонмен көңіл айтыңыз": вице-министр қазақстандықтарға кеңес берді
Бала, ойыншық

Алматыда полицейлер екі баланы түні бойы іздеді

0
Балалар дүйсенбі күні таңертең табылды. Олар түнді шағын дәмхананың қасында өткізгені белгілі болды. Екеуі де үйден кету себебін айтқысы келмеді

НҰР-СҰЛТАН, 3 тамыз – Sputnik. Алматыда 11 және 8 жастағы екі ағайынды үйден кетіп, қайта оралмаған. Балаларды 30 полицей мен 15 кинолог іздеді. Алты сағаттан кейін балалар аман-сау табылды.

Екі ағайындының жоғалып кеткені туралы хабарлама полицияға түнгі сағат 01:45-те түсті, деп хабарлайды Polisia.kz порталы.

Оқи отырыңыз: Түркістан облысында үш бала тауда адасып кетті, біреуі жардан құлаған 

Ата-анасы балалар үйден кетіп, қайтып оралмағанын айтқан, бірақ бұған дейін ондай әрекет жасамаған.  

Дереу криминалдық полиция қызметкерлері, учаскелік инспекторлар, ювеналды полиция өкілдері мен тергеу-жедел тобының қызметкерлерінен арнайы іздеу тобы құрылды. Сондай-ақ, балаларды іздеуге 15 кинолог тартылды.

"Ең алдымен, үйдің жанындағы аумақты, жақын жерде орналасқан жыра-сайды тексердік, көршілерден сұрастырдық. Қалай болғанда да, біз жақсы нәтижеге қол жеткізуді көздедік", - дейді Алатау ауданы полиция басқармасының бастығы Ілияс Өмірсеріков.  

Ол балалар сағат 07:35-те табылғанын атап өтті. Ағайындылар түнді шағын дәмхананың қасында өткізгені белгілі болды. Балалар бір-бірін мықтап ұстап алыпты. Олар үйден неліктен кеткенін айтқысы келмеген.

Полиция қызметкерлері олардың тұрмысын, отбасылық тәрбиені міндетті түрде тексеріп, ата-анасымен жұмыс істейтіндерін жеткізді. Олар балалар себепсіз үйден кетіп қалмайды деп есептейді.  

0
Кілт сөздер:
балалар, Алматы
Тақырып бойынша
Атырауда үйдің ауласынан 6 жасар қыздың денесі табылды
Түлкібас ауданында 6 ай бұрын жоғалған оқушының не істеп жүргені анықталды
Алматыда әкім іздеу салған оқушы табылды
Атырауда бір жарым жасар сәби жоғалып кетті
Ақмола облысында жоғалған жасөспірімнің 9 жыл бойы қайда жүргені белгілі болды