Нұр-Сұлтан қаласындағы карантин

Карантиннен кейін алдымен қандай нысандар ашылатыны айтылды

1728
Алдағы екі апта кәсіпкерлік субъектілердің күшейтілген дайындық жұмыстарын жүргізуіне мүмкіндік береді

АЛМАТЫ, 30 шілде – Sputnik. Карантин шаралары аяқталғаннан кейін бірінші кезеңмен жұмысын бастайтын кәсіпкерлік субъектілердің тізбесі жасалды. Бұл туралы премьер-министрдің орынбасары Ералы Тоғжанов мәлімдеді, деп хабарлайды Sputnik Қазақстан тілшісі.

Премьер-министр орынбасарының айтуынша, бүгінгі таңда Қазақстанда 15 провизорлық стационар жабылған.

"Аурудың тәуліктік өсімі 4%-тен 1,5%-ке төмендеді. Аурудан жазылғандар саны 66%-ке жетті. Жедел жәрдем шақыру 40%-ке, оның ішінде коронавирусқа байланысты шақырту 52%-ке, пневмония бойынша шақыру 35%-ке азайды. Ауруханаларда жататын орындарды қолдану 90%-тен 40%-ке дейін төмендеді. Осыған байланысты жеті өңірде он бес провизорлық стационар жабылды", - деді Тоғжанов.

Оқи отырыңыз: Алматыда карантин режимін сақтамаған мыңнан астам адамға айыппұл салынды

Сонымен қатар, аурухана мен емханаларда бір айлық дәрі-дәрмек қоры құрылды. Бөлшек сауда нарығын қолдау үшін шетелден 10 миллионға жуық дәрі Қазақстанға жеткізілді.

"Нәтиже жақсы, дегенмен босаңсуға негіз жоқ. Керісінше, осы жетістікті әрі қарай жетілдіру керек. Осыған байланысты президент тапсырмасына орай, премьер-министрдің төрағалығымен өткен мемлекеттік комиссия карантин шараларын екі аптаға ұзартуға шешім қабылдады", - деді Тоғжанов.

Ал адағы екі апта кәсіпкерлік субъектілердің күшейтілген дайындық жұмыстарын жүргізуге мүмкіндік береді.

"Олардың ішіне ойын-сауық орталықтары, сауда үйі, сауда желілері, азық-түлік және азық-түлік сатпайтын базарлар, сұлулық салондары, балаларға арналған түзету кабинеттері, білім беру орталықтары, үйірмелер, мектепке дейінгі топтар режиміндегі балабақшалар бар", - деді Тоғжанов.

Әрбір нысан бойынша санитарлық режимнің нақты шаралары қабылданады, деп нақтылады ол.

1728
Кілт сөздер:
төтенше жағдай, карантин
Тақырып:
Төтенше жағдай және карантин (595)
Тақырып бойынша
Бас санитар Қазақстанда қандай жағдайда карантин күшейтілетінін айтты
Министр Қазақстанда карантин қашан жеңілдейтінін айтты
Карантин тағы ұзартылды: Тоқаев кеңес өткізді
Қазақстанда тағы бір облыста карантин күшейтілді 
Алматыда карантин режимін сақтамаған мыңнан астам адамға айыппұл салынды
iPhone, архивтегі фото

Нұр-Сұлтанда ірі техника дүкенінде жарық сөнгенін пайдаланып қалғандар ұсталды

1471
Тұрмыстық және электронды техника сататын дүкеннің қызметкерлері 6 миллион теңгенің ұялы телефондарын ұрлаған

НҰР-СҰЛТАН, 12 тамыз – Sputnik. "Sulpak" дүкенінің екі қызметкері бірнеше ұялы телефон ұрлағаны үшін айыпталып отыр, деп хабарлайды Sputnik Қазақстан Нұр-Сұлтан қалалық полиция департаментіне сілтеме жасап.   

Тергеу материалдарына сәйкес, 28 шілдеге қараған түні екі жас қызметкер түнгі ауысымда жұмыс істеген. Сол кезде жарық сөніп қалған. Олар соны пайдаланып, дүкен қоймасынан қымбат ұялы телефондарды алып шыққан. Атап айтқанда,  9 iPhone мен 11 Samsung-ті қолды еткен. Ұрланған мүліктің жалпы сомасы 6 миллион теңгені құрады.

Оқи отырыңыз: Арыста танысының үйінде қонақта болған жігіт ұятқа қалды  

Тергеу кезінде екеуі де ұрлық жасағанын мойындады. Ал ұялы телефондар олардың пәтерінен табылды. Екеуі бір пәтерді жалдап тұрған.  

"Қазіргі кезде Қылмыстық кодекстің 188-бабы (Ұрлық) бойынша сотқа дейінгі тергеу шаралары басталды. Оған сәйкес, ірі көлемде айыппұл салудан бастап бес жылға дейін бас бостандығынан айыру жазасы қарастырылған", - дейді полицейлер.

Айта кетейік, 2020 жылдың басында ұрлық ауыр қылмыстардың санатына қосылған болатын. Енді ондай әрекеттер үшін 3-7 жылға бас бостандығынан айыру жазасы қолданылады. Оған қоса, кінәлі адамдардың мүлкі тәркіленеді. Екі жақтың татуласуына рұқсат жоқ.

1471
Кілт сөздер:
Нұр-Сұлтан, ұрлық, ұялы телефон
Тақырып бойынша
Белгісіз біреулер 13 миллион теңгені ұрлау үшін Нұр-Сұлтан тұрғынын аңдыған
Ақтөбеде полиция тергеушісі ноутбук ұрламақ болды
Банк қызметкері 87 миллион теңгені қымқырып, шетелге қашып кетті
Банк қызметкері үйлену тойын жасау үшін бес жарым миллион теңге ұрлаған
Абитуриенттер

Білім министрлігі шетелде оқитын студенттерге арнайы жеңілдік ұсынды

39
Қазақстандық оқу орнына ауысу үшін студенттер университеттің виртуалды қабылдау комиссиясына жүгінуі қажет

АЛМАТЫ, 12 тамыз – Sputnik. Білім және ғылым министрлігі шетелде оқитын студенттерге еліміздегі жоғары оқу орындарына ауысу бойынша көмек көрсетуге дайын, деп хабарлады министрліктің баспасөз қызметі.

Министрлік шетелдік жоғары оқу орындарына өз бетінше түскен және коронавирус инфекциясына байланысты жоғары оқу орындарына оралу мәселесіне тап болған қазақстандық студенттерге көмек көрсете бастады.

"Шетелдік жоғары оқу орындарының көпшілігі студенттерін қашықтан оқытады. Алайда, кейбір оқу орындарында ондай мүмкіндік қарастырылмаған. Өздеріне байланысты емес себептермен оқуын жалғастыру үшін елден шыға алмайтын студенттерге министрлік отандық жоғары оқу орындарына ауысуға көмектесуге дайын", - делінген министрлік ақпаратында.

Осыған байланысты құжаттарды рәсімдеу форматы жеңілдетіледі. Қазақстандық оқу орнына ауысу үшін студент университеттің виртуалды қабылдау комиссиясына жүгінуі қажет. Оқу орнына ауысу туралы өтініш онлайн-режимде қарастырылады.

Оқи отырыңыз: Ресейде оқитын студент коронавирус жұқтырып, Қазақстанға келген

Студенттер 8 7172 74-16-24 нөміріне дүйсенбіден жұмаға дейін сағат 9.30-дан 18.30-ға дейін хабарласып кеңес ала алады.

39
Кілт сөздер:
ЖОО, студенттер
Тақырып бойынша
"Жаны сұлу еді": қаза болған қазақстандық студент Канадада жерленді
Қытайдан эвакуацияланған студент Қазақстан халқына үндеу жасады
Ресейде оқитын студент коронавирус жұқтырып, Қазақстанға келген
Шетелде оқитын 145 студент Қазақстанға оралды
Жітіқарада студент терезеден құлаған баланы қағып алды
Иллюстративті фото

Шымкентте жоғалған қыз Алматы облысынан табылды

0
Хабар-ошарсыз кеткен қызды табуға Абай АПБ-ның барлық жеке құрамы мен полиция департаментінің бөлімшелері жұмылдырылды

НҰР-СҰЛТАН, 12 тамыз – Sputnik. Шымкент қаласы полиция департаментінің қызметкерлері жоғалған қызды Алматы облысының Қаскелең қаласынан тапты.

Абай ауданының полиция басқармасына әйел қызының жоғалып кеткені туралы арызданды, деп хабарлады Polisia.kz.

Оқи отырыңыз: Түркістанда жоғалған бойжеткеннің екі апта бойы не істегені белгілі болды 

Хабар-ошарсыз кеткен қыздың жүрген жерін анықтау мақсатында Абай АПБ-ның барлық жеке құрамы мен полиция департаментінің бөлімшелері жұмылдырылды. Жедел іздестіру шаралары барысында, атап айтқанда, республиканың барлық өңіріне бағдар жіберілгеннен кейін хабар-ошарсыз кеткен қыздың Алматы облысының Қаскелең қаласында екені анықталды.

Абай АПБ криминалдық полиция бөлімінің қызметкерлері қызды Шымкент қаласына жеткізді.

 

0
Кілт сөздер:
Шымкент
Тақырып бойынша
Түркияда қазақ қызы жұмбақ жағдайда жоғалып кетті
19 жыл бұрын ұшты-күйлі жоғалған қазақстандық қыз Тәжікстаннан табылды
"Қызымды жылатқан" Есікте жігітпен желі арқылы танысқан қыз жоғалып кетті
Жиырма жыл бұрын жоғалған қыз ата-анасымен қауышты – видео