Астана көшелері

Маман тамыз айына болжам жасады: қазақстандықтарды не күтіп тұр?

48212
Қазақстандық астрологтың болжамынша, тамыз ауыр ай болғалы тұр, саяси және әлеуметтік жағдай шиеленіседі

НҰР-СҰЛТАН, 1 тамыз – Sputnik. Белгілі қазақстандық астролог Ирина Әбдірайымова тамыз айына болжам жасады, деп хабарлайды Sputnik Қазақстан тілшісі.

Жаппай тәртіпсіздіктер

Ирина Әбдірайымова тамыз айының басты астрологиялық оқиғаларына тоқталды.

Айтуынша, осы айда біраз елде саяси және әлеуметтік жағдай шиеленіседі. Билік өз күшімен халықты басқан сайын, олардың наразылығы күшейеді, көшеге митингке шығуы жиілейді.

"Әлемдік тұрақсыздықтың соңы ашық әскери агрессияға әкеп соғуы мүмкін. Көптеген елде жаппай тәртіпсіздіктер, ереуілдер орын алады. Заң шығару билігіне қатысты түйткілдер туындайды. Билік қарсыласты тоқтату үшін қатаң әдіс-тәсілдер қолданады, бірақ мұның арты жақсылыққа апармайды. Мемлекет басшылары күш құрылымдарын күшейту шараларын қолға алуы мүмкін", - деп болжады қазақстандық маман.

Сонымен қатар, оның болжамынша, қылмыс көбейеді, табиғи апаттар, алапат өрт болады.

Тамыздың соңында мұнай бағасы аздап көтерілуі мүмкін, бірақ жалпы экономикалық жағдай одан әрі нашарлайды.

Кредитті төлеу қиындайды

Астрологтың айтуынша, осы айда транссатурндық планеталар ретроградты қозғалыста болады. Сатурн мен Юпитер де олардың қатарында. Әлеуметтік планеталардың кері қозғалысы бизнесте проблемаларға әкеп соғуы мүмкін, деп ескертті ол.

Тағы оқыңыз: Министрлік тамыз айында кімдер 63 мың теңге алатынын айтты

"Бұл айда кәсібін кеңейту үшін кредит алғысы келетін немесе инвестор тартуды жоспарлап жүрген азаматтарға күте тұруға кеңес беремін. Осы кезеңде банктен несие алғандар оны уақытында төлей алмай қиналады. Қазір тың дүниені қолға алудың қажеті жоқ, ең дұрысы, тексерілген жолдармен жүру", - деді Әбдірайымова.

Ол тамыз айы ұзақмерзімді келісімшарт бекіту үшін де қолайсыз кезең екенін атап өтті.

Айтуынша, осы айда жергілікті олигархтардың қаржылық заңбұзушылықтары бүкіл жұртқа жария болуы мүмкін. Капиталын шетелге шығарған байлардың шоттары бұғатталуы ғажап емес.

Адамдар дау-жанжалға бейім болады

Әбдірайымова тамыздың басында адамдардың жұмысқа ынтасы артатынын айтты. Сондай-ақ, олар атаққұмарлыққа, өктемдікке ұмтылады. Дау-жанжалға бейім болады.

"1-3 тамыз – белсенділік, ашушаңдық, дау-жанжалға бейімділік уақыты. Жол апаттары жиілеуі мүмкін. Адамдар арасындағы қарым-қатынасқа сызат түседі", - деп ескертті маман.

Ол 1 мен 5 тамыз аралығында бірмезетте бірнеше істі бастамауға кеңес берді. Мүмкіндіктеріңізді асыра бағалап, опық жеп қалуыңыз мүмкін.

"Менмендік, асығыс шешім қабылдау, бәсекелестік сізді қателіктер мен дау-жанжалға ұрындырады. Білім жүйесін толығымен онлайнға көшіру мәселесі көтеріледі. Бұл балалардың денсаулығы мен психикасына кері әсерін тигізуі мүмкін", - дейді астролог.

Ал 5 тамыздан ақыл-ой жұмысы күшейеді. 8 тамыздан берік отбасы құруға құлшыныс оянады. Кездейсоқ кездесу баянды махаббатқа ұласуы мүмкін.

9 -10 тамыз күндері жұмыста келеңсіз жайттар, қызметкерлер жұмыстан шығарылуы немесе қысқартылу мүмкін. Келісімдер бұзылып, кездесулер мен сапарлар кейінге қалады деп болжануда. Жерүсті және әуе көлігі апаттарының жиілеуіне байланысты жолға шықпаған абзал.

"Тамыз – ауыр ай"

"12 мен 18 тамыз аралығында халық бас көтеруі мүмкін. Сол себепті кісі көп жүретін жерлерге бармаңыз, зардап шегуіңіз ғажап емес. Бұл күндері қатыгездікпен, арсыздықпен бетпе-бет келесіз. Фанатиктер, экстремистер мен террористер, адам зорлайтындар белсенді іс-қимылға көшеді. Күш құрылымдарымен қақтығыстар орын алуы мүмкін",  - деп бөлісті өз болжамымен Әбдірайымова.

Тағы оқыңыз: Карантин тағы ұзартылды: Тоқаев кеңес өткізді

Десе де, айтуынша, осы аралық қызықты, шығармашылық әрі интеллектуалды кездесулер мен әңгімелер үшін өте сәтті уақыт. Романтикалық кездесулер мен достар кешін ұйымдастыруға жақсы.

Ал 19 тамызда іскерлік кездесу өткізіп, құжаттарды реттеуге және жаңа келісімдер бекітуге болады.

Астролог 24-25 және 29, 30 тамыз күндері ақшаны босқа шашпауға кеңес берді.

"Жарамдылық мерзімі бір немесе одан көп жылды құрайтын азық-түлік тауарларын сатып ала беріңіз. Бұл ай ауыр болғалы тұр. Тамыз ғана емес, жалпы күз мезгілі азаматтарға оңайға соқпайды", - деді маман.

48212
Кілт сөздер:
астролог, тамыз, болжам
Зорлық-зомбылық

Дәретхана суына тұншықтырды: Алматы облысында ер адам өз отбасын көп жыл азаптаған

30
(Жаңартылды 18:32 07.08.2020)
Күдіктіні полиция ұстап, уақытша ұстау изоляторына қамады. Балаларды азаптаған ер адам жеті жылға дейін сотталуы мүмкін

НҰР-СҰЛТАН, 7 тамыз – Sputnik. Алматы облысында ер адамның көптен бері әйелі мен балаларын аяусыз азаптап келгені мәлім болды. Келіншегін қорқыту үшін ол тіпті үш айлық баласын дәретхана суына тұршықтырған. Бұл туралы "Не молчи" қоғамдық қорының өкілдері хабарлады.

Ерлі-зайыптылар бір жылдан астам уақыттан бері бірге тұрған. Осы уақыт ішінде әбден қысым көрген әйел полицияға хабар беруге қорыққан. Бірінші некеден тоғыз және төрт жасар екі ұлы бар әйелдің соңғы күйеуінен ортақ перзентінің туғанына үш ай болған.

"3 тамызда әйелдің анасы бізге қоңырау шалып, қызының күйеуінен зәбір көріп жатқан сәті түсірілген суреттер жіберді. Оны немересі түсіріп алған екен және мұндай жайт бірінші рет емес көрінеді. Оны біліп қалған ер адам телефондарды жиып, есіктерді жауып алып, оларды көмек сұрау мүмкіндігінен айырған", - деп жазды қордың негізін қалаушы Дина Смайылова.

Қоғамдық қор өкілінің айтуынша, тоғыз жасар бала жуыну бөлмесіндегі су ағызу шүмегін абайсызда сындырып алғаны үшін ер адам оны ұрып-соққан.

"Содан кейін ол анасы мен балаларды ұрып-соғып, денесін көгерткен. Тіпті, үш айлық баланы ұстап алып, әйелін қорқыту үшін дәретхана суына тұншықтырып өлтіруге тырысқан. Әйелдің қабырғасы сынып, бас миы шайқалған. Сондай-ақ, үлкен ұлының да қабырғасы сынып, ауруханаға түсті", - делінген жарияланымда.

Зардап шеккен әйелдің анасының айтуына қарағанда залым кісі олардың отбасына үш жыл бұрын келген және бірнеше айдан кейін әйеліне қорлық көрсете бастаған. Әрекетінің жария болмауы үшін балаларын қорқытып, қысымда ұстаған. Сонымен қатар, әйелдің шешесі ер адам төрт жасар баланы зорлаған болуы мүмкін деп күдіктенеді.

Қазіргі жағдай қалай өрбуде

Дина Смайылова қазіргі кезде балалар қосымша сараптамалық тексерістен өтіп жатқанын мәлімдеді. Ол мұндай сұмдық жағдайға қатысты ақпаратты Іле аудандық полиция бөліміне шұғыл тапсырғанын айтады.

Тиісті сала мамандары мен құқық қорғау органдарының жетекшілері дереу оқиға орнына жетіп, ер адам кәмелетке толмағандарды азаптады деген күдікпен қамауға алынған.

"Не молчи" өкілдерінен осындай хабар түскен бойда іске шұғыл кірістік. Әйел өзі мен балаларының зорлық-зомбылық көргенін айтып, арыз жазды. 1976 жылы туған ер адам ұсталып, уақытша ұстау изоляторына қамалды", - дейді полицейлер.

Оқи отырыңыз: Бала зорлық-зомбылыққа ұшыраса, қайда хабарласу керек – "111" нөмірі қайта іске қосылды

Қазіргі кезде күдіктіге қатысты Қылмыстық кодекстің 110-бап, 2-бөлігінің 1-тармағы бойынша (кәмелетке толмағанға қатысты азаптау) сотқа дейінгі тергеу басталды. Бұл әрекет үш жылдан жеті жылға дейінгі мерзімге бас бостандығын шектеуге немесе дәл сол мерзімге бас бостандығынан айыруға жазаланады.

30
Кілт сөздер:
бала құқығы, зорлық-зомбылық
Тақырып бойынша
Зорлық жасады деген күдікті Нұр-Сұлтандағы аурухананың аумағынан қашып кетті
Түркістан облысының әкімі өңірде неге зорлық жиілеп кеткенін түсіндірді
Тараздағы зорлық: тағы бір шенеунік қызметінен кетті
Алматыда зорлық-зомбылыққа арандатты деген күдікпен екі адам ұсталды
Балалар зорлық-зомбылығы үшін жазаны күшейту керек пе – президент кеңесшісі пікір білдірді
Коронавирус, сынама

COVID-19: Бекшин қандай науқастар ең қауіпті екенін айтты

45
(Жаңартылды 17:15 07.08.2020)
Алматыда ең көп ауру жұқтыратындар 20-29 жас аралығындағы жастар, науқастардың 20,6%-і – 30-39 жас аралығындағы азаматтар

АЛМАТЫ, 7 тамыз – Sputnik. Алматыда үй карантинін сақтамаған 15 науқас карантиндік стационарға жатқызылды. Бұл туралы брифинг барысында Алматының бас санитар дәрігері Жандарбек Бекшин мәлімдеді, деп хабарлайды Sputnik Қазақстан тілшісі.

"1300-ге жуық ауру белгісі жоқ және аурудың жеңіл түрімен ауырып жатқан науқас үйде карантинде отыр. Оның ішінде 600-ден астам адамда ауру белгілері жоқ. Алайда қазір үйдегі карантин талаптары бұзылып жатыр деген ақпарат түсуде. Мұның алдында 200-ге жуық ауру ошағын тексерген кезде, 23 адам үй карантинінде отырмағаны анықталды. Бұл – алаңдататын көрсеткіш. Себебі олар ауруды таратып жүреді", - дейді Бекшин.

Сонымен қатар қаланың бас дәрігері ауру симптомдары жоқ науқастарды ең қауіпті науқас деп атады.

"Осыны тоқтату үшін тамыздың үшінен бастап үйдегі карантинді бұзған науқастарды карантиндік стационарға орналастырып жатырмыз. Кейінгі 3-4 күнде дәл осы себеппен 18 адам стационарға жатқызылды. Оның ішінде өз еркімен үш адам стационарға келді. Олар үйінде жалғыз оқшаулануға мүмкіндігі жоқ адамдар", - деді қаланың бас санитар дәрігері.

Бекшиннің айтуынша, қазір арнайы топ үй карантиніндегі ауру белгілері жоқ науқастарға қоңырау шалады. Егер олар үйде болмаса, әкімшілік шаралар қолданылады. Әкімшілік құқық бұзушылық туралы кодекстің 425-бабына сәйкес, 83 340 теңге көлеміндегі айыпұл төлейді. Егер адам айыппұлды бір апта ішінде төлесе, онда бұл сома 50 процентке азаяды. Ал сол уақыт арасында біреуге инфекция жұқтырса, қылмыстық іс қозғалады. Сонымен қатар Жандарбек Бекшин қалада инфекция жұқтырғандардың азайып жатқанын хабарлады. 

"Алматыда бір ай ішінде коронавирус жұқтырудың күн сайынғы өсімі 4,2%-тен 1,4%-ке дейін төмендеді. Инфекция таралуының шыңына жеткен кезде бір науқас төрт адамға инфекция жұқтыруы мүмкін болса, қазір бұл көрсеткіш 0,9%-ке дейін төмендеді. Демек, қазір бір науқас бір адамға инфекция жұқтырады. Бұл індеттің таралуының төмендегенін көрсетеді", - деді Бекшин.

Айта кетсек, жетінші маусымдағы жағдай бойынша Алматы қаласы бойынша 12 997 адам коронавирус инфекциясын жұқтырды, оның ішінде 7 897 адамда ауру белгілері бар, ал қалған 5 110 адамда ауру белгілері жоқ.

Алматыда ең көп ауру жұқтыратындар 20-29 жас аралығындағы жастар, олар науқастардың 21%-ін құрайды, науқастардың 20,6%-і – 30-39 жас аралығындағы азаматтар. Ал алпыс жастан асқан науқастар инфекция жұқтырғандардың 17,7%-ін құрайды.

 

45
Кілт сөздер:
Жандарбек Бекшин, Алматы, науқастар, коронавирус
Тақырып:
Коронавирус эпидемиясы
Тақырып бойынша
Денсаулық вице-министрі коронавирустың екінші толқыны туралы айтты
Бетперденің бағасы арзандайды – денсаулық министрлігі
Коронавирусқа қарсы алғашқы вакцина қашан тіркеуден өтетіні белгілі болды
"СК-Фармацияның" басшысы қанша жалақы алатынын айтты
Damumed дауы: жалған мәлімет енгізген өңірлер аталды
Токаев, Есимов и Бозумбаев

Тоқаев Есімовті Ақордада қабылдады

0
Есімов мемлекет басшысына "Самұрық-Қазына" ұлттық әл-ауқат қорының" пандемиямен күрес кезіндегі қызметі жайында айтып берді

НҰР-СҰЛТАН, 7 тамыз – Sputnik. Президент Қасым-Жомарт Тоқаев "Самұрық-Қазына" ұлттық әл-ауқат қоры" АҚ басқарма төрағасы Ахметжан Есімовті қабылдады.

Кездесу барысында мемлекет басшысына "Самұрық-Қазына" ұлттық әл-ауқат қорының" пандемиямен күрес кезіндегі қызметі жайында баяндалды, деп хабарлайды Ақорда.

Есімов қордың биыл наурыз айында дәрігерлерге, полиция және әлеуметтік сала қызметкерлері үшін 6 миллион бетперде алуға қаржы бөлгенін айтты.

"Самұрық-Қазына" қорының басқарма төрағасы президентке компанияның денсаулық сақтау министрлігімен бірлесе атқарған жұмысы туралы мәлімет берді. Бірлескен іс-әрекеттің нәтижесінде қор қаржысына 100 жедел-жәрдем көлігі, 1000 оттегі концентраторы, 50 өкпені жасанды желдету аппараты, 1000 ипульстік оксиметр және 3000 вирусқа қарсы "Авифавир" дәрісі сатып алынған.

Ахметжан Есімов қор Нұр-Сұлтан және Алматы қалаларында салынатын жұқпалы аурулардың алдын алу және бақылау бойынша емханалардың құрылысына қаржы бөлетінін жеткізді.

Қор төрағасы президентке Ресеймен бірлесіп қолға алынған коронавирусқа қарсы вакцина өндіру жоспары жайында айтты.

Кездесуде "Самұрық-Қазына" қорына қарасты компаниялардың қазіргі жағдайы да талқыланды. Ахметжан Есімов биыл үкіметке 120 миллиард теңге көлемінде дивиденд төленетінін, мұның 2017 жылмен салыстырғанда он есе көп екенін айтты.

Бұған дейін "Самұрық-Қазына" ұлттық қорға 50 миллиард теңге қаржыны мерзімінен бұрын аударған болатын.

0
Кілт сөздер:
Ахметжан Есімов, Қасым-Жомарт Тоқаев