Тоқаевтың атына жазылған хатты тапсыруға келген адамдар

Ақорданың маңына жиналған бір топ адам кредиттің кешірілуін талап етті

11692
(Жаңартылды 17:20 04.08.2020)
Жиналғандармен кездесуге президент әкімшілігінің арыз-шағымдарды қарау бөлімі басшысының орынбасары Данияр Қадыров шықты

НҰР-СҰЛТАН, 4 тамыз – Sputnik. Қазақстанда тіркелмеген Демократиялық партияның жетекшісі Жанболат Мамай және жақтастары Ақорданың алдында жиналды, деп хабарлайды Sputnik Қазақстан тілшісі.

Бұған дейін Мамай 4 тамызда Ақордаға барып, 100 мың адамның арызын тапсыратынын хабарлаған болатын. Барлығы кредитті кешіруді талап етіп отыр. Осыған орай, президент Қасым-Жомарт Тоқаевтың атына арнайы хат та әзірленген. 

"Қазақстанда халықтың бір бөлігіне ғана төленген 42 500 теңге мардымды көмек деп айта алмаймыз. Бұл күнкөріске жетпейтін, табысынан айрылған елге қолдау болатын ақша емес. Оның үстіне, жұмыссыз қалып, айлығынан қағылған халықты қыспаққа алып отырған басты әлеуметтік мәселе — несиелік борыш болып отыр. Бүгінгі таңда 5.3 миллион халықтың 4.4 триллион теңгені құрайтын несиелік борышы бар. Оны халық қазір төлей алмай отыр", – делінген хатта. 
Толпа собралась у правительственных зданий, чтобы передать обращение Токаеву
© Sputnik / Стрингер
Кредиттің кешірілуін сұраған хатты Тоқаевқа тапсыру үшін үкімет үйінің алдына жиналған адамдар

Сондай-ақ, хат иелері несиелік амнистия жариялауға ақша жоқ деген сылтауға сенбейтіндерін жеткізеді.

"Сіздің сөзіңізге сенсек, Ұлттық қорымызда 90 миллиард доллар қаражат бар. Одан бөлек, тәуелсіздік жылдарында офшорға 140 миллиард доллар аударылған. Сол ақшаны неге қайтармасқа? Ұлттық қордың қаржысын неге қолданбасқа? Осы уақытқа дейін банктеріне көмек алып келген олигархтарды өз қаржысын Қазақстанға қайтарып, қарызын төлетуге неге мәжбүрлемеске? Біз сізге хат жазуымыздың себебі де осында", – дейді олар.

Бүгін Жанболат Мамай бір топ адамдармен бірге Ақордаға хатты және арыздарды тапсыру үшін жиналған. Оның әлеуметтік желідегі парақшасында видео жарияланды.

"Біз 100 мыңға жуық халықтың несиелік амнистия бойынша арызын тапсырғалы отырмыз. Сол үшін жиналдық. Барлығымызда медициналық бетперде мен қолғап бар. Әлеуметтік арақашықтықты сақтап, тәртіп бұзып тұрған жоқпыз. Мақсатымыз – осы арыздарды тапсыру. Бір айдай уақыт береміз. Егер біздің талаптарымыз орындалмайтын болса, онда митингке шығуға мәжбүр боламыз", – дейді Мамай.

Хат пен арыздарды тапсыруға келгендер алдымен жолаушылар көпірі арқылы Ақордаға қарай өтпек болған. Бірақ олардың жолын құқық қорғаушылар бөгеді. Одан кейін министрліктер үйінің екінші аркасына барып еді, ол жақтан да бір топ сақшыларға тап болды. Содан соң президент әкімшілігінің арыз-шағымдарды қарау бөлімі басшысының орынбасары Данияр Қадыров шықты. Ол барлық арызды қабылдауға әзір екенін жеткізді.

Оқи отырыңыз: Қаржы министрлігі үкіметтен көмек алу үшін не істеу керек екенін түсіндірді

Президент әкімшілігінің азаматтарды қабылдау кабинеті министрліктер үйінде орналасқан. Карантинге байланысты оған адамдардың шектеулі санын ғана кіргізді.

Кейіннен Жанболат Мамай өзінің әлеуметтік желідегі парақшасында барлық арыздың қабылданғанын мәлімдеді.

11692
Кілт сөздер:
Ақорда, кредит
Ішік

Нұр-Сұлтан тұрғыны анасының миллион теңге тұратын ішігін ұрлап, 30 мыңға сатпақ болды

78
Мас ер адам өтіп бара жатқан адамдарға қаракүзен ішігін сатып алуды ұсынған – оны учаскелік инспектор ұстады

НҰР-СҰЛТАН, 24 қыркүйек – Sputnik. Алкогольге тәуелділіктен зардап шегетін ер адам анасының бір миллион теңге тұратын қаракүзен ішігін ұрлап алған.

Ол "Астаналық базардың" маңында өтіп бара жатқан адамдарға ішікті 30 мың теңгеге сатпақ болды, деп хабарлады Нұр-Сұлтанның полиция департаменті.

Оқи отырыңыз: Нұр-Сұлтанда қымбат телефонды ұрлап кеткен оқушының әрекеті видеоға түсіп қалды   

Тон ұстаған мас адамды учаскелік инспектор Бақтияр Байқанов байқап қалып, оны тергеу үшін полицияға жеткізген.

Нәтижесінде ішік заңды иесіне қайтарылды. Ол полиция қызметкеріне қырағылығы мен қызметтік міндетін адал атқарғаны үшін ризашылығын білдірді.   

78
Кілт сөздер:
Нұр-Сұлтан, ұрлық
Тақырып бойынша
Қарағанды облысында ұрланған көлік өртеніп кетті
Нұр-Сұлтанда қарақшылық шабуыл жасаған ағалы-інілі ұсталды
Талдықорғанда 35 жыл түрмеде отырған баукеспе ұры ұсталды
Сарыағашта ана мен баланың бірігіп жасаған қылмысы ашылды – видео
Қорғаныс министрі Нұрлан Ермекбаев Сарыөзек гарнизонын тексерді

Қорғаныс министрі Сарыөзек гарнизонының қысқы дайындығын қатаң сынға алды

31
(Жаңартылды 21:03 24.09.2020)
Әскери қалашық, казарма ғимараттарын жөндеуге тартылған мердігер компаниялар жұмысты аяқтау мерзімін сақтамаған

НҰР-СҰЛТАН, 24 қыркүйек – Sputnik. Қорғаныс министрі Нұрлан Ермекбаев Сарыөзек гарнизоны нысандарының қысқы дайындығын қатаң сынға алды, деп хабарлады ведомствоның баспасөз қызметі.

Оның айтуынша, Сарыөзек гарнизонындағы жылу желілері жылыту маусымына толық дайын емес. Ал қараша айына жоспарланған әскери қалашық, казарма ғимараттарын жөндеуге тартылған мердігерлер жұмысты аяқтау мерзімін сақтап отырған жоқ.

Суық күндер келе жатыр, бұған жол беруге болмайды, деп атап өтті қорғаныс ведомствосының басшысы.

  • Сарыөзек гарнизоны нысандарының қысқа дайындығына қорғаныс министрінің көңілі толмады
    Сарыөзек гарнизоны нысандарының қысқа дайындығына қорғаныс министрінің көңілі толмады
    © Photo : Минобороны Казахстана
  • Сарыөзек гарнизоны нысандарының қысқа дайындығына қорғаныс министрінің көңілі толмады
    Сарыөзек гарнизоны нысандарының қысқа дайындығына қорғаныс министрінің көңілі толмады
    © Photo : Минобороны Казахстана
  • Сарыөзек гарнизоны нысандарының қысқа дайындығына қорғаныс министрінің көңілі толмады
    Сарыөзек гарнизоны нысандарының қысқа дайындығына қорғаныс министрінің көңілі толмады
    © Photo : Минобороны Казахстана
1 / 3
© Photo : Минобороны Казахстана
Сарыөзек гарнизоны нысандарының қысқа дайындығына қорғаныс министрінің көңілі толмады

Генерал-лейтенант Нұрлан Ермекбаев қорғаныс министрлігінің мердігерлері тек қана үлгілі ұйым болуы керек екенін атап өтіп, мердігер ұйым басшыларынан нысандарды тапсыру мерзімін сақтауды талап етті.

Оқи отырыңыз: Қорғаныс министрлігі арнайы жиынға кімдерді шақырмайды 

Ал мердігерлер әскери нысандарға кіруге рұқсат алу мерзімі созылып кететінін айтып шағымданды.

Қалыптасқан жағдайға байланысты министр байқауларды өткізу тәртібі мен шарттарын жетілдіруді, командирлер, ҚР Қарулы күштері әскерлерін пәтерлерге орналастыру бас басқармасы, аудандық пайдалану бөлімдері мен мердігерлер арасында міндеттерді бөлу бойынша кешенді жүйелі ұсыныстар әзірлеуді тапсырды.  

31
Кілт сөздер:
қыс, Ермекбаев
Тақырып бойынша
Тоқаев Ақордадағы кеңесте алдағы өзгерістердің басты мақсатын айтты
Тоқаев былтыр жарылыс болған Арыс қаласына барды
Қыркүйекте әскерге шақырудың күзгі науқаны басталады
Маңғыстау облысында ірі ауқымды әскери оқу-жаттығу өтті