Аурухана бөлмесі

Қазақстанда бір тәулікте коронавирус пен пневмониядан 50 адам көз жұмды

1440
(Жаңартылды 12:58 06.08.2020)
Осы уақытқа дейін республика бойынша коронавирус жұқтырған 95 942 науқас тіркелді. Ал инфекциядан 1 159 адам көз жұмды

НҰР-СҰЛТАН, 6 тамыз – Sputnik. Қазақстанда бір тәуліктің ішінде коронавирус пен пневмониядан 50 науқас қайтыс болды, деп хабарлайды Sputnik Қазақстан.

Денсаулық сақтау министрлігі фейсбуктегі парақшасында қазіргі кезде коронавирус инфекциясынан 25 912 науқас емделіп жатқанын хабарлады. Олардың ішінде 139 бала бар. Стационарларда 5 507 науқас жатыр. 20 405 адам амбулаториялық жағдайда, яғни үйде емделуде. ⠀

"Бір тәуліктің ішінде 1 060 адамнан коронавирус анықталды. Ал 1 530 пациент пневмонияға шалдыққаны белгілі болды. Соңғы тәулікте ПТР-тест арқылы коронавирус жұқтырғаны анықталған 34 адам қайтыс болды, ал көз жұмған 16 науқастан вирус табылмаған", - дейді мамандар.  

Бүгінде стационарда жатқан 170 науқастың жағдайы нашар. Соның ішінде 36 пациенттің жағдайы өте ауыр. 41 науқас өкпені жасанды желдету аппаратына қосылған.

Жалпы, осы уақытқа дейін республика бойынша коронавирус жұқтырған 95 942 науқас тіркелді. Инфекциядан 1 159 адам көз жұмды.

Оқи отырыңыз: Билік коронавирустан қайтыс болғандардың нақты санын жасырып отыр ма?

1 тамыздан бастап коронавирус статистикасына коронавирустық пневмония да қосылатын болды. Оған ПТР тест теріс нәтиже көрсеткен және COVID-19-ға ұқсас пневмониялар кіреді. Денсаулық министрлігінің мәліметіне сәйкес, 1-6 тамыз аралығында коронавирустық пневмонияға шалдыққан 9 584 науқас тіркелген. Бес күннің ішінде 102 адам қайтыс болды.

1440
Кілт сөздер:
қайтыс болды, коронавирус
Тақырып:
Коронавирус эпидемиясы (1524)
Тақырып бойынша
Ғалымдар коронавирусты емдейтін жаңа қондырғы ойлап тапты
Мамин коронавирус пандемиясының жаңа толқыны туралы айтты
Ордабасы ауданында коронавирус жұқтырған соңғы науқас жазылып шықты
Қазақстанда коронавирус індетін жұқтырғандар саны 1060 адамға көбейді  
Коронавирус анықтамасын сатқан медицина қызметкері қылмыс үстінде ұсталды – видео  
Архивтегі фото

Коронавирустан бір аптада 28 адам қайтыс болды

2
Қазақстанда өткен аптада коронавирус инфекциясынан болатын өлім-жітім алдыңғы аптамен алыстырғанда азайды

НҰР-СҰЛТАН, 22 қыркүйек – Sputnik. 14-20 қыркүйек аралығында Қазақстанда коронавирус инфекциясынан 28 адам көз жұмды, деп хабарлады COVID-19 індетін таратпау жөніндегі ведомствоаралық комиссия.

Бір апта ішінде қанша адам қайтыс болды  

  • Алматы қаласы – 2,
  • Шымкент қаласы – 1,
  • Атырау облысы – 5,
  • Шығыс Қазақстан облысы – 6,
  • Жамбыл облысы – 3,
  • Батыс Қазақстан облысы – 4,
  • Қарағанды облысы – 3,
  • Қостанай облысы – 1,
  • Маңғыстау облысы – 1,
  • Павлодар облысы – 1,
  • Солтүстік Қазақстан облысы – 1.

Салыстыру үшін айтсақ, бұдан алдыңғы аптада індет 37 қазақстандықтың өмірін жалмаған еді.

Ресми мәлімет бойынша, Қазақстанда барлығы 1 699 адам қайтыс болды.

2
Кілт сөздер:
коронавирус
Тақырып:
Коронавирус эпидемиясы (1524)
Тақырып бойынша
Министрлік қатаң карантин қандай жағдайда енгізілетінін айтты
Ғалымдар коронавирусқа қарсы дәрінің өлімге әкеп соғатын қаупін анықтады
Ракпен ауыратын қазақстандықтарға емді тоқтату ұсынылды
Қазақстанда коронавирусты қайта жұқтырғандар бар ма?
Өзбекстанның вице-премьері қайтыс болды
Air Astana ұшағы

Қазақстандықтар 26 қыркүйектен бастап Мәскеуге ұша алады

13
Барып-келу үшін билетке 91 800 теңге төлеу керек. Бірінші рейсті 26 қыркүйек күні Air Astana әуе компаниясы орындайды

АЛМАТЫ, 22 қыркүйек – Sputnik. 26 қыркүйектен бастап Нұр-Сұлтан – Мәскеу (Домодедово) бағыты бойынша әуе рейстері қайта жанданады. Қазақстандық Air Astana әуе компаниясының баспасөз қызметі жолаушылардың Boeing 767 әуе лайнері арқылы ұшатынын хабарлады.

Әуе компаниясының ресми хабарламасына сәйкес, алғашқы ұшақ сенбіде ұшады, ал кейінгі рейстер тек сәрсенбіде орындалады. Билет құны екі жаққа 91 800 теңгеден басталады.

Компания рейсті тек Ресей мен Қазақстан азаматтары, сондай-ақ Қазақстанда тұруға ықтиярхаты бар адамдар ғана пайдалана алатынын атап өтті.

Оқи отырыңыз: Польша Қазақстанмен әуе қатынасын қайта қалпына келтіретін болды 

Әуе компаниясының мәліметінше, Ресейге барған шетел азаматтары ұшудан 72 сағат бұрын ПТР-тест тапсыруы қажет.

Ресейліктер келген кезде сауалнама толтырып, келген сәттен бастап үш күн ішінде тест тапсыруы керек. Ресей астанасы арқылы үшінші елге транзитке уақытша тыйым салынған.

Билеттерді Air Astana ресми сайтынан алуға болады.

Айта кетейік, қазір Қазақстан үшін кейбір елмен тұрақты рейстер, сондай-ақ эвакуациялық рейстер ашылды.

Тұрақты халықаралық рейстер

21 қыркүйектегі жағдай бойынша Қазақстан тікелей әуе қатынасын қайта бастаған елдердің тізіміне Беларусь, Германия, Египет (чартерлік рейстер), Қырғызстан, Нидерланды, БАӘ, Ресей, Түркия, Өзбекстан, Оңтүстік Корея кіреді.

Украинаға тұрақты рейстер аптасына екі рет орындалады, бірақ қазақстандықтарға кіруге шектеу қойылған.

13
Кілт сөздер:
ұшақ, Нұр-Сұлтан, Мәскеу
Тақырып бойынша
Қырғызстанға ұшуға рұқсат берілді: алғашқы рейске билеттер сатылып кетті
Алматыға ұшқалы тұрған: Павлодарда ұшаққа найзағай түсті
Қазақстаннан Ресейге ұшатын рейстерге билет сатып алғанда нені білу керек?
Қазақстанда кімдер тегін ұша алатыны белгілі болды