Карантиндегі астана

Қазақстанда карантин кезінде қандай мәселе ушыға түскені айтылды

145
(Жаңартылды 17:28 06.08.2020)
16 наурыз бен 11 мамыр аралығында 156 қылмыстық құқықбұзушылық тіркелді. Ал қатаң карантин уақытында жеті қылмыстық іс қозғалған

НҰР-СҰЛТАН, 6 тамыз – Sputnik. Ішкі істер министрлігінің әкімшілік полиция комитеті карантин кезіндегі тұрмыстық зорлық-зомбылықтың статистикасын жариялады, деп хабарлайды Sputnik Қазақстан тілшісі. 

Ювеналды полиция және әйелдерді зорлық-зомбылықтан қорғау бөлімінің бастығы Әсет Оспановтың айтуынша, биыл коронавирус пандемиясы басталғалы әлем бойынша тұрмыстық зорлық-зомбылық мәселесі ушыға түсті. 

"Қазақстан да осындай жағдай болды. Отбасылық-тұрмыстық қылмыстардың саны 21 процентке өсті.  Қазіргі кезде полиция қиын жағдайда жұмыс істеп жатыр. Әріптестеріміз пандемия кезінде өздеріне және туған-туыстарына қауіп төніп тұрса да, қызметтік және азаматтық міндеттерін абыроймен атқарып жүр", - деді Оспанов бүгін орталық коммуникациялар қызметінде өткен онлайн брифингте.

Оның сөзіне қарағанда, карантин кезінде полиция қызметкерлерінің жұмысы көбейді. Қоғамдық тәртіппен қатар санитарлық режимді бақылау жұмысы жүргізіледі. Тұрмыстық зорлық-зомбылықты дер кезінде анықтауға да басымдық беріледі. Осы орайда карантин жағдайында тәртіп бұзушыларды бақылаудың тың әдісі қолға алынды. Тіркеуде тұрған және тәртіп бұзуға бейім адамдарды қашықтан бақылап отырады.  

"Біз оларға әлеуметтік мессенджерлер арқылы видеоқоңырау жасаймыз да, үйдегі жағдайды өз көзімізбен көреміз. Бұл – тиімді шара. Себебі байланысқа шұғыл шығуға болады. Жалпы, оқшаулау шаралары кезінде отбасылық-тұрмыстық қарым-қатынастар саласындағы тәртіп бұзушылықтар үшін 8 мыңнан астам адам әкімшілік жауапқа тартылды. Олардың жартысы әкімшілік қамауға алынған болатын", - деп атап көрсетті Оспанов.

Төтенше жағдай режимі кезінде тұрмыстық зорлық-зомбылыққа қатысты қылмыстық істер де қозғалды. Мәселен, 16 наурыз бен 11 мамыр аралығында 156 қылмыстық құқықбұзушылық тіркелді. Ал қатаң карантин уақытында, яғни, 5 шілдеден бері жеті қылмыстық іс қозғалған болатын. Бүгінде екеуі сотқа жолданды.

145
Кілт сөздер:
отбасы, зорлық-зомбылық, карантин, Қазақстан
Тақырып бойынша
Айдалаға апарған: Нұр-Сұлтанда ер адам әйелін өртеп жіберді  
Күйеуін өлтіріп, анасының қабіріне көмген: елордалық әйелдің адам шошырлық қылмысы
Әйел адам телефонының паролін бермегені үшін күйеуін тірідей өртеп жіберді
Әйелін жерлеу рәсімі кезінде күйеуі адам сенгісіз жайтты байқап қалды
Оралда ер адам әйелін гранатаға ұқсас затпен кепілге алды
Архивтегі фото

Коронавирустан бір аптада 28 адам қайтыс болды

23
Қазақстанда өткен аптада коронавирус инфекциясынан болатын өлім-жітім алдыңғы аптамен алыстырғанда азайды

НҰР-СҰЛТАН, 22 қыркүйек – Sputnik. 14-20 қыркүйек аралығында Қазақстанда коронавирус инфекциясынан 28 адам көз жұмды, деп хабарлады COVID-19 індетін таратпау жөніндегі ведомствоаралық комиссия.

Бір апта ішінде қанша адам қайтыс болды  

  • Алматы қаласы – 2,
  • Шымкент қаласы – 1,
  • Атырау облысы – 5,
  • Шығыс Қазақстан облысы – 6,
  • Жамбыл облысы – 3,
  • Батыс Қазақстан облысы – 4,
  • Қарағанды облысы – 3,
  • Қостанай облысы – 1,
  • Маңғыстау облысы – 1,
  • Павлодар облысы – 1,
  • Солтүстік Қазақстан облысы – 1.

Салыстыру үшін айтсақ, бұдан алдыңғы аптада індет 37 қазақстандықтың өмірін жалмаған еді.

Ресми мәлімет бойынша, Қазақстанда барлығы 1 699 адам қайтыс болды.

23
Кілт сөздер:
коронавирус
Тақырып:
Коронавирус эпидемиясы
Тақырып бойынша
Министрлік қатаң карантин қандай жағдайда енгізілетінін айтты
Ғалымдар коронавирусқа қарсы дәрінің өлімге әкеп соғатын қаупін анықтады
Ракпен ауыратын қазақстандықтарға емді тоқтату ұсынылды
Қазақстанда коронавирусты қайта жұқтырғандар бар ма?
Өзбекстанның вице-премьері қайтыс болды
Air Astana ұшағы

Қазақстандықтар 26 қыркүйектен бастап Мәскеуге ұша алады

22
Барып-келу үшін билетке 91 800 теңге төлеу керек. Бірінші рейсті 26 қыркүйек күні Air Astana әуе компаниясы орындайды

АЛМАТЫ, 22 қыркүйек – Sputnik. 26 қыркүйектен бастап Нұр-Сұлтан – Мәскеу (Домодедово) бағыты бойынша әуе рейстері қайта жанданады. Қазақстандық Air Astana әуе компаниясының баспасөз қызметі жолаушылардың Boeing 767 әуе лайнері арқылы ұшатынын хабарлады.

Әуе компаниясының ресми хабарламасына сәйкес, алғашқы ұшақ сенбіде ұшады, ал кейінгі рейстер тек сәрсенбіде орындалады. Билет құны екі жаққа 91 800 теңгеден басталады.

Компания рейсті тек Ресей мен Қазақстан азаматтары, сондай-ақ Қазақстанда тұруға ықтиярхаты бар адамдар ғана пайдалана алатынын атап өтті.

Оқи отырыңыз: Польша Қазақстанмен әуе қатынасын қайта қалпына келтіретін болды 

Әуе компаниясының мәліметінше, Ресейге барған шетел азаматтары ұшудан 72 сағат бұрын ПТР-тест тапсыруы қажет.

Ресейліктер келген кезде сауалнама толтырып, келген сәттен бастап үш күн ішінде тест тапсыруы керек. Ресей астанасы арқылы үшінші елге транзитке уақытша тыйым салынған.

Билеттерді Air Astana ресми сайтынан алуға болады.

Айта кетейік, қазір Қазақстан үшін кейбір елмен тұрақты рейстер, сондай-ақ эвакуациялық рейстер ашылды.

Тұрақты халықаралық рейстер

21 қыркүйектегі жағдай бойынша Қазақстан тікелей әуе қатынасын қайта бастаған елдердің тізіміне Беларусь, Германия, Египет (чартерлік рейстер), Қырғызстан, Нидерланды, БАӘ, Ресей, Түркия, Өзбекстан, Оңтүстік Корея кіреді.

Украинаға тұрақты рейстер аптасына екі рет орындалады, бірақ қазақстандықтарға кіруге шектеу қойылған.

22
Кілт сөздер:
ұшақ, Нұр-Сұлтан, Мәскеу
Тақырып бойынша
Қырғызстанға ұшуға рұқсат берілді: алғашқы рейске билеттер сатылып кетті
Алматыға ұшқалы тұрған: Павлодарда ұшаққа найзағай түсті
Қазақстаннан Ресейге ұшатын рейстерге билет сатып алғанда нені білу керек?
Қазақстанда кімдер тегін ұша алатыны белгілі болды
Алматыда ашаршылық құрбандарына орнатылған ескерткіш

Тоқаев ашаршылық қасіреті туралы іс-шаралар қабылдауды тапсырды

0
Мемлекет басшысы келесі жылы өтетін Тәуелсіздіктің 30 жылдығына дайындық мәселесіне ерекше көңіл бөлу қажет екенін атап өтті

НҰР-СҰЛТАН, 22 қыркүйек – Sputnik. Президент Қасым-Жомарт Тоқаев Мемлекеттік хатшы Қырымбек Көшербаевты қабылдады, деп хабарлады Ақорда.

Президентке бүкіләлемдік пандемияға қарамастан ұлы Абайдың 175 жылдығы, Әл-Фарабидің 1150 жылдығы, Алтын орданың (Ұлық Ұлыс) 750 жылдығы және ТМД елдерінің биылғы мәдени астанасы Шымкент қаласының 2200 жылдығына арналған іс-шаралардың мазмұнды түрде жүзеге асуы туралы ақпарат берілді.

Оқи отырыңыз: Бірде-бір елге Қазақстан секілді толықтай жойылып кету қаупі төнбеген – Назарбаев 

Кездесуде мемлекет басшысы келесі жылы өтетін Тәуелсіздіктің 30 жылдығына дайындық мәселесіне ерекше көңіл бөлу қажет екенін атап өтті.

"Қасым-Жомарт Тоқаев Саяси қуғын-сүргін құрбандарын толық ақтау жөніндегі арнайы мемлекеттік комиссияға кезінде қазақ халқының басынан өткен ашаршылық қасіреті туралы іс-шаралар қабылдауды міндеттеді", - делінген хабарламада.

Сонымен қатар мемлекеттік хатшы қазақ тілін латын әліпбиіне көшіру және мемлекеттік тілдің функционалдық мәртебесін көтеру жөніндегі ұсыныс-пікірлерді баяндады. "Рухани жаңғыру" бағдарламасын ұлтты жаңғырту бағдарламасы ретінде жалғастыру қажеттігі атап өтілді.  

Президент мемлекеттік хатшыға 1 қыркүйектегі Қазақстан халқына арнаған жолдауында айтылған әлеуметтік мәселелерді шешуде орталық және жергілікті атқарушы органдардың жұмысын үйлестіруді бақылауда ұстауды тапсырды.

0
Кілт сөздер:
тәуелсіздік, ашаршылық
Тақырып бойынша
Тоқаев қазақстандықтарға үндеу жасады
"Халық тағдыры – карта ойыны емес": Міржақып Дулатұлы жайлы қызықты деректер
Күрес пен үміт: АЛЖИР мен Карлаг лагерьлерінің қайғы-қасіреті - фото