Көппәтерлі тұрғын үй

Қазақстанда "5-10-20" тұрғын үй бағдарламасына өтініш қабылдау басталды

613
"Шаңырақ" жобасы – "Нұрлы жер" бағдарламасының жаңа бағыты. Оған 1986-2010 жылдары әкімдіктерде баспанаға мұқтаж азамат ретінде тіркелген қазақстандықтар қатыса алады

АЛМАТЫ, 17 тамыз – Sputnik. Қазақстандықтарға жеке баспана сатып алу үшін тиімді несие беру үшін әзірленген "5-10-20" бағдарламасы бойынша тұрғын үй алуға өтінімдер қабылдау басталды. Бұл жаңалықты "Қазақстанның тұрғын үй құрылыс жинақ банкі" хабарлады.

Банктің хабарлауынша, 1986 жылдан бастап 2010 жылға дейін әкімдіктерде баспанаға мұқтаж азамат ретінде тіркелген қазақстандықтар бағдарлама бойынша жеңілдікпен несие алуға өтініш бере алады.

"Өтінімдерді қабылдау мерзімі аяқталғаннан кейін, егер банктің "Шаңырақ" бағдарламасы бойынша несиелендіруге қаражаты болса, екінші кезеңге көрсетілген жылдардан кейінгі жылдары тіркелген жергілікті атқарушы органдарда кезекте тұрған адамдар қатысуға шақырылуы мүмкін", - делінген ресми хабарламада.

Үміткерлер отбасының әр мүшесі үшін кейінгі алты айдағы отбасының кірісі туралы ақпаратты ұсынуы керек. Айта кетейік, отбасы мүшелеріне шаққандағы кіріс мөлшері 2020 жылы 101 271 теңгеден аспауы тиіс.

Баспананы қайдан сатып алуға болады

Бағдарлама бойынша тұрғын үйді тек бастапқы нарықтан сатып алуға болады. Бұған "5-10-20" бағдарламасы бойынша салынып жатқан баспана және жеке құрылысшылардың пәтерлері кіреді.

"Шаңырақ" бағдарламасы бойынша пәтер алуға болатын құрылыс компанияларының тізімі hcsbk.kz сайтында жарияланды.

Бағасы қаншадан?

Сондай-ақ, әкімдік салған тұрғын үйдің бір шаршы метрінің бағасы бекітілді:

Алматы – 240 мың теңгеге дейін;

Нұр-Сұлтан – 220 мың теңгеге дейін;

Шымкент пен Алматы қаласының маңы – 200 мың теңгеге дейін;

Ақтөбе, Атырау, Ақтау, Түркістан, Қарағанды облысы мен Қарағанды ​​қаласында – 180 мың теңгеге дейін;

Басқа аймақтар – 160 мың теңгеге дейін.

Алматы мен Нұр-Сұлтаннан тұрғын үй сатып алуға несиенің ең жоғары сомасы – 18 миллион теңге. Атырау, Ақтау, Ақтөбе, Шымкент, Түркістан, Қарағанды ​​және Қарағанды ​​облыстарында – 15 миллион теңге. Басқа аймақтарда бұл сома 12 миллион теңгеден аспауы керек.

Оқи отырыңыз: Баспана алуға арналған бағдарламалар: мамандар жиі қайталанатын қателікті атады

"Биыл "Шаңырақ"  пилоттық жобасын іске асыру үшін мемлекет бюджетінен 210 миллиард теңге бөлу жоспарланып отыр. 90 миллиард теңге көлеміндегі қаражаттың бірінші бөлігі Тұрғын үй құрылыс жинақ банкіне жіберілді. Осы бюджет аясында біз шамамен 7-8 мың қазақстандық отбасын қолжетімді баспанамен қамтамасыз етуді жоспарлап отырмыз", - деді "Қазақстанның тұрғын үй құрылыс жинақ банкі" АҚ басқарма төрағасы Ләззат Ибрагимова.

Айтуынша, өтініш берушілерде несие сомасының 10% бастапқы жарнасы болуы керек. Несие 20 жылға дейін беріледі. Өтінімдер 17 тамыздан 16 қыркүйекке дейін қабылданады.

Өтінішті қалай беру керек

Бірінші қадам – ​​электронды өтінімді hcsbk.kz веб-сайтында "Қолжетімді баспана"/"Шаңырақ" пилоттық жобасы бөлімінде беруге болады. Үш күн ішінде өтініш берушіге банк қызметкері хабарласып, несие шарттары, бағдарлама талаптары туралы егжей-тегжейлі кеңес береді. Өтініш беруі үшін филиалға тіркеп қояды.

Содан кейін төлем қабілеттігін бағалау үшін өтініш беруші қажет құжаттар пакетімен банк бөлімшесіне баруы керек.

Егер оң шешім қабылданса, банктің талаптарына сәйкес келетін құрылысшылардан баспана тауып, келісімді бекітуі қажет.

Келесі қадам – ​​банктен несие алу.

Несие өтініш берушінің жинақ шотында несие сомасының 10%-тен кем емес мөлшері болған кезде беріледі.

613
Кілт сөздер:
бағдарлама, тұрғын үй, баспана
Тақырып бойынша
Карантин баспана бағасына қалай әсер етті?
Әкімдікте баспана кезегі болмайды - "Отбасы банкі" қалай жұмыс істейді 
Алматылық жастар үшін баспана алу шарты жеңілдеді
Талап жеңілдеді: Алматы әкімі баспана алуға қатысты жазба жариялады
Баспана алу тәртібі қалай өзгерді: "сатылы жүйенің" ерекшелігі қандай?
Айзат Молдағасымова

Сынақ мерзімінен өтпеді: Молдағасымова тағы да жұмыссыз қалды

122
Молдағасымова Гигиена және эпидемиология ғылыми орталығының басшысы қызметінен төрт айдан кейін босатылды

НҰР-СҰЛТАН, 21 қыркүйек – Sputnik. Жұматов атындағы Гигиена және эпидемиология ғылыми орталығын басқарған Айзат Молдағасымова тағайындалғаннан кейін төрт ай өткен соң жұмыстан босатылды.

Денсаулық сақтау министрлігі ол осы уақыттың басым бөлігінде жұмыста болмағанын хабарлады.

Сынақ мерзімінен өтпеуіне байланысты оны жұмыстан босату туралы бұйрыққа 14 қыркүйекте қол қойылды, деп түсіндірді денсаулық сақтау министрлігі.

"Айзат Молдағасымова 2020 жылдың 3 маусымында қойылған міндеттерді тиімді орындау мақсатында Жұматов атындағы гигиена ғылыми орталығының директоры қызметіне қабылданды. Алайда ол уақытша еңбекке жарамсыздық парағын алып, 1 шілде мен 14 қыркүйек аралығында жұмыста болмады. 14 қыркүйектен бастап сынақ мерзімінен өте алмауына байланысты онымен еңбек шарты тоқтатылды", - деп  түсіндірді ұлттық денсаулық сақтау орталығының директоры Дамир Көпжасаров.

Оның айтуынша, онымен еңбек шарты сынақ мерзімі кезінде нашар жұмыс істеуіне байланысты бұзылған.

Оқи отырыңыз: Алматының бас санитары дәрігерлердің қалай ауру жұқтырғанын айтты 

Айзат Молдағасымова бұған дейін Алматының бас санитар дәрігері қызметін атқарды. Оның кезінде Орталық қалалық клиникалық аурухананың қызметкерлері жаппай коронавирус жұқтырды. Қаланың бас санитары бұған дәрігерлердің  қауіпсіздік шараларын сақтамауы себеп болуы мүмкін деп мәлімдеген болатын. Алайда ақхалаттылар Молдағасымованы жала жапты деп айыптап, президенттің атына хат жазды.

Осы жағдайдан кейін, 18 сәуірде Айзат Молдағасымова қызметінен кетті, оның орнына Жандарбек Бекшин тағайындалды.  

122
Тақырып бойынша
Жаппай індет жұқтыру оқиғасы: Алматыда аурухананың бас дәрігері қызметінен кетті
Алматының бас санитары 12 дәрігерден коронавирус табылғаннан кейін мәлімдеме жасады
Алматыда коронавирус табылған дәрігерлер 300-ден аса адаммен байланыста болған
Жандарбек Бекшин жаңа қызметке тағайындалды
Қабан, архивтегі фото

Нұр-Сұлтан қаласына жабайы қабандар кіріп кетті видео

101
Экология министрлігі орман шаруашылығы және жануарлар дүниесі комитетінің инспекторлары мән-жайды анықтап жатыр

АЛМАТЫ, 21 қыркүйек – Sputnik. Елорда тұрғындары түнде қалада жүрген бірнеше жабайы қабанды видеоға түсіріп алды. Қазір экология, геология және табиғи ресурстар министрлігі жануарлардың Нұр-Сұлтанға қалай кіріп кеткенін анықтап жатыр.

Қаланың орталық даңғылында жүрген қабандар жайлы видеоны Instagram желісіне zhaloby_astana паблигінің қолданушылары жариялады. Видеодан топтасқан жануарлардың жол бойымен жүгіріп бара жатқанын көруге болады. Автордың айтуынша, бұл Тұран даңғылында "Астана Арена" стадионының жанында болған.

Елорда тұрғындары Нұр-Сұлтанға жабайы қабандар қайдан келгенін біле алмай дал.

Sputnik Қазақстан экология министрлігінен жағдайды түсіндіруді сұрады. Ведомствоның баспасөз қызметі орман шаруашылығы және жануарлар дүниесі комитетінің инспекторлары мән-жайды анықтап жатқанын хабарлады.  

101