Пробиркалар

Министрлік коронавирус әсер етіп, бірақ басқа аурудан қайтыс болғандар туралы айтты

121
(Жаңартылды 17:49 17.08.2020)
Министрліктің ресми өкілі мәліметті жаңартқан күннің өзінде өлімнің негізгі себебі өзгермейтінін алға тартады

НҰР-СҰЛТАН, 17 тамыз – Sputnik. Денсаулық сақтау министрлігінің ресми өкілі Бағдат Қожахмет ағзасында коронавирус табылса да, басқа аурудан қайтыс болғандар туралы айтты, деп хабарлайды Sputnik Қазақстан тілшісі.

Орталық коммуникациялар қызметінде өткен онлайн брифингте журналистер осы санаттағы науқастар туралы сұрады. Мәселен, 23 шілде күні ағзасынан коронавирус табылған, бірақ басқа аурудан қайтыс болған 319 адам жайында айтылған болатын. Тілшілер ондай адамдардың саны нешеге жеткененін және көп жағдайда қандай аурудан қайтыс болатынын сұрап сауал қойды.

Министрліктің ресми өкілі қолында дерек болмағандықтан соңғы мәліметті жариялаған жоқ. Бірақ мәліметті жаңартқан күннің өзінде өлімнің негізгі себебі өзгермейтінін айтты.

"20 шілдедегі есеп 319 адам дедік қой. Оларға коронавирус қосымша диагноз ретінде қойылған. Бірақ науқастардың өліміне басқа аурулар себеп болған. Негізгісі – қан айналымы жүйесінің аурулары. Одан науқастардың 68 проценті көз жұмды. Қатерлі ісіктен 15 адам, яғни 4,7 процент, жүйке жүйесі ауруларынан 10 науқас – 3 процент, ал жарақат алғандардың саны 1-ақ процент болды. Негізі, жаңа цифрлар белгілі болғанымен, проценттік көрсеткіштер өзгермейтін шығар", - деді Қожахмет.

Оның айтуынша, бүгінгі таңда коронавирустық инфекцияның таралуы күннен-күнге төмендеп келеді. Нәтижесінде медициналық мекемелердің жүктемесі азаюда. Сонымен қатар, кейбір өңірлерде науқастар түгел жазылып шыққан. Ал кейбір ауруханалар бос тұр.

"Мәселен, Түркістан облысының Ордабасы ауданындағы инфекциялық бөлім қазір бос тұр. Яғни, аталған ауданда коронавируспен ауыратын науқастар жоқ", - деп атап көрсетті Қожахмет.

Оқи отырыңыз: Ғалымдар коронавирус пандемиясы тағы қанша уақытқа жалғасатынын айтты

121
Кілт сөздер:
індет, коронавирус
Тақырып:
Коронавирус эпидемиясы (1548)
Тақырып бойынша
Ғалымдар коронавирусты емдейтін жаңа қондырғы ойлап тапты
Қытайда тауық етінен коронавирус анықталып жатыр
Коронавирус жұқтырған 500 медицина қызметкері 2 миллион теңгеден алды
Ғалымдар коронавирус қандай суда өлетінін анықтады
Коронавирус туралы ән жазған Марат Омаров АҚШ-тан арнайы шақырту алды
Бурабай

Бурабай мен Көк Жайлаудағы жердің бір бөлігі қайтарылады Тоқаев заңға қол қойды

73
Туризм инфрақұрылымын салуға бөлінген, алайда мақсатқа сай пайдаланылмаған жерлер мемлекетке қайтарылады

НҰР-СҰЛТАН, 30 қыркүйек – Sputnik. Қазақстан президенті Қасым-Жомарт Токаев "Қазақстан Республикасының кейбір заңнамалық актілеріне ерекше қорғалатын табиғи аумақтар мәселелері бойынша өзгерістер мен толықтырулар енгізу туралы" заңға қол қойды, деп хабарлады Ақорда.

Заң Іле Алатауы мемлекеттік ұлттық табиғи паркі, Бурабай және Көк Жайлау табиғи парктері жерлерінің бір бөлігін мемлекет меншігіне қайтаруды көздейді. Заң Жер кодексіне өзгерістер мен толықтырулар енгізуді қарастырады.

Оқи отырыңыз: Тоқаев "Көк Жайлау" құрылысына қатысты соңғы сөзін айтты 

"Өзгерістер ерекше экологиялық, ғылыми, тарихи-мәдени және рекреациялық құндылығы бар және қайтарылған жер учаскелерінде орналасқан табиғи қорық қорының табиғи кешендері мен нысандарын сақтау қажеттілігінен туындады", - деп түсіндірді бұған дейін мәжілісмен Роман Ким сенат қабырғасында заң жобасын таныстыра отырып.

Заң нормалары туристік нысандар мен құрылыстарды салу және пайдалану үшін алынған, бірақ сол мақсатта пайдаланылмай жатқан жерлерді ерекше қорғалатын табиғи аумақтар құрамына қайтаруға мүмкіндік береді. 

73
Кілт сөздер:
Қасым-Жомарт Тоқаев, "Көк Жайлау" курорты, Бурабай
Тақырып бойынша
"Асығыстық танытуға болмайды" Тоқаев Байбектің шешіміне қолдау білдірді
Бурабай мен Көк Жайлаудағы жерлердің бір бөлігі мемлекетке қайтарылады
Архивтегі фото

Еуразиялық патенттік ұйым Төрегелді Шармановқа алтын медаль табыстады

42
Патенттік ұйымның алтын медалі өнертапқыштық қызметке және өнертабыстардың құқықтық қорғалуын дамытуға елеулі үлес қосқан адамдарға беріледі

НҰР-СҰЛТАН, 30 қыркүйек – Sputnik. Еуразиялық патенттік ұйым Қазақстандық өнертапқыштарды алтын медальмен марапаттады, деп хабарлады әділет министрлігінің аспасөз қызметі.

Медицина ғылымдарының докторы, профессор, Қазақстан Ұлттық ғылым академиясының және Ресей ғылым академиясының академигі, өнертапқыш Төрегелді Шарманов және тау-кен және мұнай саласындағы жетістіктерімен танымал Satbayev University В.И. Блинников атындағы алтын медалмен марапатталды.

Мұндай шешім Еуразиялық патенттік ұйым әкімшілік кеңесінің 36 отырысында қабылданды.

Оқи отырыңыз: Төрегелді Шарманов ұзақ өмір сүрудің құпиясын бөлісті

Салтанатты марапаттау рәсімі Қазақстан Республикасы Әділет органдары қызметкерлерінің күніне орай өткізілді. Аталған марапаттарды Алматы қаласы әділет департаменті басшысы Абай Арап тапсырды.

Айта кетейік, В.И. Блинников атындағы алтын медаль Еуразиялық патенттік конвенцияға қатысушы мемлекеттер үшін маңызды өнертапқыштық қызметке және өнертабыстардың құқықтық қорғалуын дамытуға елеулі үлес қосқан адамдарға беріледі.

42
Махамбет Досмұхамбетов

Атырау облысының әкімі орынбасарының кінәсі дәлелденсе, қызметінен кетуге дайын

0
Әкімнің бірінші орынбасары мен құрылыс басқармасының бастығы 420 мың доллар көлемінде пара алды деген күдікпен ұсталды

НҰР-СҰЛТАН, 30 қыркүйек – Sputnik. Атырау облысының әкімі Махамбет Досмұхамбетов бірінші орынбасары Нұрлан Таубаев шынымен де кінәлі деп танылып, сот үкімі шықса, қызметінен кететінін мәлімдеді.

Әкімнің орынбасары мен құрылыс басқармасының бастығы 182 миллион теңге (420 мың доллардан астам) көлемінде пара алды деген күдікпен ұсталды, деп жазды "Ақ Жайық" басылымы.

"Заң бәріне ортақ. Егер тергеу аяқталып, сот оны кінәлі деп тапса, онда мен заңға сәйкес, отставкаға кетуге дайынмын. Оны қабылдай ма, жоқ па, президент өзі шешеді", - деді әкім Махамбет Досмұхамбетов.

Еске сала кетейік, 2019 жылдың қарашасында "Мемлекеттік қызмет туралы" заңға түзетулер енгізілді, оған сәйкес қарамағындағы қызметкердің кінәсі дәлелденіп, сот үкімі заңды күшіне енгеннен кейін басшы қызметінен кетуге міндетті.   

Оқи отырыңыз: Қазақстанда бірнеше әкім отставкаға кетуге өтініш берді 

Сыбайлас жемқорлыққа қарсы іс-қимыл агенттігі бұған дейін заң аясында қандай қызметкерлер тікелей бағынышты ретінде қарастырылатынын түсіндірген болатын.

0
Кілт сөздер:
отставка, әкім, Атырау облысы
Тақырып бойынша
Білім саласында жемқорлық неге көбейді?
Нұр-Сұлтанда әкім қызметінен кетті
Жезқазғанға жаңа әкім тағайындалды
Тоқаевтың тапсырмасы: облыс әкімінің орынбасары мен аудан әкімі отставкаға кетті