Роза Рымбаева

Әли Оқапов шаңырақ көтеріп жатыр - Рымбаева келіні туралы не ойлайтынын айтты

35246
(Жаңартылды 11:18 20.08.2020)
19 тамызда Ақерке Бүркітбайдың ұзату тойы өтті. Роза Рымбаева екі жастың тойы карантин аяқталғасын өтетінін жеткізді

АЛМАТЫ, 20 тамыз — Sputnik. Қазақстанның халық әртісі Роза Рымбаеваның үлкен ұлы Әли Оқапов шаңырақ көтеріп жатыр. Әншінің таңдауы "Асыл" тобының солисі Ақерке Бүркітбайға түсті.

Посмотреть эту публикацию в Instagram

Публикация от Anna Danchenko (@ann_2905)

19 тамызда Ақерке Бүркітбайдың ұзату тойы өтті. Sputnik Қазақстан тілшісі әнші Роза Рымбаеваға хабарласып, екі жастың тойын қашан өткізуді жоспарлап отырғанын сұрады.

"Тойды 100% карантин аяқталғаннан кейін өткіземіз. Барлық халық карантиннен шығып, жағдай тынышталғаннан кейін, барлық мекеме жұмыс істеп, бүкіл ауру кеткеннен кейін өтеді", - деді Рымбаева.

Халық әртісі індеттің таралуы аяқталуына қанша уақыт кететініне қарамайтынын жеткізді.

"Халықтың біреуі жұқтырып алса, ауру қайтадан өршиді. Сондықтан бұл өте қауіпті", - дейді ол.

Роза Рымбаева Атыраудан келін түсіріп, шеркеш руымен құда болып отыр. Сонымен қатар халық әртісі болашақ келінінің мамандығына мән бермегенін айтты.

"Келінімнің мамандығы мен үшін маңызды болған жоқ. Өнер саласы болсын, басқа сала болса да, ең маңыздысы ол емес. Жастар өздері таңдайды. Өздері кездесті, өздері отау құрамыз деп шешті, екеуі бірге жүр. Ешқашан мамандығын ойлаған емеспін", - дейді Рымбаева.

Айтуынша, Әлидің таңдауы Ақерке Бүркітбайға түскенін халық әртісі 2019 жылдың аяғында білген.

"Бұған дейін қарым-қатынасын жасырын ұстағандарын дұрыс деп санаймын, себебі алдын ала жариялауды дұрыс деп есептемеймін. Бірақ оны әркім өзі шешеді. Әлидің таңдауы кімге түскенін кейінгі кезде, 2019 жылдың аяғында білдім", - дейді Роза Рымбаева.

Посмотреть эту публикацию в Instagram

Публикация от 𝘈𝘬𝘦𝘳𝘬𝘦 𝘉𝘶𝘳𝘬𝘪𝘵𝘣𝘢𝘺 (@akerkeburkitbay)

Айта кетейік, Әли Оқапов – композитор Тасқын Оқапов пен әнші Роза Рымбаеваның тұңғышы. Ол 1991 жылы Алматыда дүниеге келген. Ал әншіден бір жас кіші Ақерке Бүркітбай – қыздардан құралған "Асыл" тобының солисі, топта қобыз тартады.

35246
Кілт сөздер:
келін, Әли Оқапов, Роза Рымбаева
Айзат Молдағасымова

Сынақ мерзімінен өтпеді: Молдағасымова тағы да жұмыссыз қалды

827
Молдағасымова Гигиена және эпидемиология ғылыми орталығының басшысы қызметінен төрт айдан кейін босатылды

НҰР-СҰЛТАН, 21 қыркүйек – Sputnik. Жұматов атындағы Гигиена және эпидемиология ғылыми орталығын басқарған Айзат Молдағасымова тағайындалғаннан кейін төрт ай өткен соң жұмыстан босатылды.

Денсаулық сақтау министрлігі ол осы уақыттың басым бөлігінде жұмыста болмағанын хабарлады.

Сынақ мерзімінен өтпеуіне байланысты оны жұмыстан босату туралы бұйрыққа 14 қыркүйекте қол қойылды, деп түсіндірді денсаулық сақтау министрлігі.

"Айзат Молдағасымова 2020 жылдың 3 маусымында қойылған міндеттерді тиімді орындау мақсатында Жұматов атындағы гигиена ғылыми орталығының директоры қызметіне қабылданды. Алайда ол уақытша еңбекке жарамсыздық парағын алып, 1 шілде мен 14 қыркүйек аралығында жұмыста болмады. 14 қыркүйектен бастап сынақ мерзімінен өте алмауына байланысты онымен еңбек шарты тоқтатылды", - деп  түсіндірді ұлттық денсаулық сақтау орталығының директоры Дамир Көпжасаров.

Оның айтуынша, онымен еңбек шарты сынақ мерзімі кезінде нашар жұмыс істеуіне байланысты бұзылған.

Оқи отырыңыз: Алматының бас санитары дәрігерлердің қалай ауру жұқтырғанын айтты 

Айзат Молдағасымова бұған дейін Алматының бас санитар дәрігері қызметін атқарды. Оның кезінде Орталық қалалық клиникалық аурухананың қызметкерлері жаппай коронавирус жұқтырды. Қаланың бас санитары бұған дәрігерлердің  қауіпсіздік шараларын сақтамауы себеп болуы мүмкін деп мәлімдеген болатын. Алайда ақхалаттылар Молдағасымованы жала жапты деп айыптап, президенттің атына хат жазды.

Осы жағдайдан кейін, 18 сәуірде Айзат Молдағасымова қызметінен кетті, оның орнына Жандарбек Бекшин тағайындалды.  

827
Тақырып бойынша
Жаппай індет жұқтыру оқиғасы: Алматыда аурухананың бас дәрігері қызметінен кетті
Алматының бас санитары 12 дәрігерден коронавирус табылғаннан кейін мәлімдеме жасады
Алматыда коронавирус табылған дәрігерлер 300-ден аса адаммен байланыста болған
Жандарбек Бекшин жаңа қызметке тағайындалды
Қабан, архивтегі фото

Нұр-Сұлтан қаласына жабайы қабандар кіріп кетті видео

171
Экология министрлігі орман шаруашылығы және жануарлар дүниесі комитетінің инспекторлары мән-жайды анықтап жатыр

АЛМАТЫ, 21 қыркүйек – Sputnik. Елорда тұрғындары түнде қалада жүрген бірнеше жабайы қабанды видеоға түсіріп алды. Қазір экология, геология және табиғи ресурстар министрлігі жануарлардың Нұр-Сұлтанға қалай кіріп кеткенін анықтап жатыр.

Қаланың орталық даңғылында жүрген қабандар жайлы видеоны Instagram желісіне zhaloby_astana паблигінің қолданушылары жариялады. Видеодан топтасқан жануарлардың жол бойымен жүгіріп бара жатқанын көруге болады. Автордың айтуынша, бұл Тұран даңғылында "Астана Арена" стадионының жанында болған.

Елорда тұрғындары Нұр-Сұлтанға жабайы қабандар қайдан келгенін біле алмай дал.

Sputnik Қазақстан экология министрлігінен жағдайды түсіндіруді сұрады. Ведомствоның баспасөз қызметі орман шаруашылығы және жануарлар дүниесі комитетінің инспекторлары мән-жайды анықтап жатқанын хабарлады.  

171
Архивтегі фото

Қарағанды облысында ұрланған көлік өртеніп кетті

0
Полицияға ауылдан шығаберісте қатты жылдамдықпен жүрген көлік аударылып, өртеніп кеткені туралы хабарлама түскен

НҰР-СҰЛТАН, 21 қыркүйек – Sputnik. Қарағанды облысында біреудің көлігін айдап әкеткен азамат жол апатына ұшырады, деп хабарлады Polisia.kz.  

20 қыркүйек күні Қарағанды облысы Бұқар жырау аудандық полиция басқармасына 47 жастағы Қарағанды қаласының тұрғыны хабарласып, аудан орталығына туысының үйіне келгенде түнгі сағат 1.00 шамасында белгісіз біреу аулада тұрған автокөлігін айдап әкеткенін жеткізген.

Арада біршама уақыт өткенде полицияға ауылдан шығаберісте қатты жылдамдықпен жүрген көлік аударылып, өртеніп кеткені туралы хабарлама түскен. Оқиға орнына келген полиция қызметкерлері өртенген ұрланған көлік екенін анықтады.

Оқи отырыңыз: Ордабасы тұрғыны көшеде келе жатып, ұрланған көлігін танып қойды 

Куәгерлер көлік аударылғанда оның ішінен белгісіз азамат шығып, оқиға орнынан ізін суытқанын айтқан.

Автокөліктің қатты өртенгені сондай, қайта жөндеуге жарамсыз болған. Жәбірленушіге келтірілген шығын көлемі үш миллион теңгеден асқан.

Жедел іздестіру іс-шаралары барысында полиция қызметкерлері аталған іске қатысы бар деген күдікпен 28 жастағы ер адамды ұстап, оған қатысты Қазақстан Қылмыстық кодексінің 200-бабына сәйкес қылмыстық іс қозғады.

Қазіргі уақытта тергеу амалдары жүргізіліп жатыр.

0
Кілт сөздер:
ұрлық, көлік
Тақырып бойынша
Түркістанның екі тұрғыны ұрланған көлікпен жол апатына түсті
Денис Теннің өліміне күдікті өз өмірі туралы шындықты айтты
Алматыда 350-ге жуық көлік айнасын ұрлаушы ұсталды
Ұрланған ақшаға көлік алған: Шымкент тұрғынын өртеп жіберген қаскүнем ұсталды
Алматыда көлік айдап әкеткен қос ұры өлім аузынан қалды - фото
Жоғалған автокөлік нөмірін үйден шықпай-ақ қалпына келтіруге болады