Данелия Төлешова

Данэлия Төлешова America"s Got Talent шоуының жартылай финалына өтті

300
(Жаңартылды 11:17 20.08.2020)
America"s Got Talent жартылай финалының қашан өтетіні және ол кезде Данэлияның қандай композиция ұсынатыны қазірше белгісіз

НҰР-СҰЛТАН, 20 тамыз – Sputnik. Қазақстандық әнші Данэлия Төлешова америкалық әйгілі America"s Got Talent шоуының жартылай финалына өтті.

"Әлемдік шоудың жартылай финалына іріктеу сайысы тікелей эфирде көрсетілді. Ал жеңімпаздар АҚШ аумағында тұратын көрермендердің NBC сайтында дауыс беруімен және кейбір қатысушылардың қазылар алқасынан қосымша ұпай алуы арқылы анықталды", – деп хабарлады әншінің PR қызметі. 
Посмотреть эту публикацию в Instagram

Публикация от Daneliya Tuleshova (@tuleshova_daneliya)

Бұл туралы Данэлия Instagram желісінде жанкүйерлеріне арнаған жазбасында: "Мен келесі раундқа өткеніме сене алар емеспін. Дауыс бергендеріңіз үшін алғысым шексіз және жартылай финалда сіздерді тағы да қуантуға бар күшімді саламын", – деді.

Жас әншінің айтуынша, бұл шоуда жаңа жетістіктерге шабыттандыратын және ынталандыратын "таңғажайып орта" бар. Енді Данэлия күн сайын жарыстың жартылай финалына дайындалуды жоспарлап отыр.

"Лос-Анджелесте анам мен ұстазым Наталья Александровна менімен бірге. Өнер көрсететін кезде біз қатты толқыдық. Өйткені, бір күн бұрын мендегі жүктеме өте көп болды және аздап ауырып қалғаныма қарамай, академиялық ұстазым Гүлзат Дәуірбаевадан қосымша сабақ алдым. Бақытымызға орай, бәрі сәтті өтті. Қолдау білдіргендеріңіз үшін бәріңізге рахмет", – дейді Төлешова.

Оқи отырыңыз: Димаш пен Данэлия Төлешова Америкада әлемдік дарындылар шоуына қатысты

Данэлия анасымен және мұғалімімен бірге АҚШ-қа бірнеше күн бұрын барған. Шоудың барлық қатысушылары үшін міндетті шарт – бұл карантиндік шараларды қатаң сақтау.

"Біз коронавирусты анықтау тестін ұшудан бұрын тапсырдық. Сондай-ақ, бұл жаққа келген соң басқа қатысушылар сияқты міндетті карантиндік күндерді өткізіп, тағы да тексерістен өттік. Бәріміздің денсаулығымыз жақсы. Қазіргі кезде қауіпсіздік шарасын қатаң ұстанамыз. Әсіресе, дауысты сақтау үшін тіпті, қонақүй қызметін пайдалану кезінде де байланыс болмауына қатты көңіл бөліп отырмыз", – деді Данэлияның мұғалімі Наталия Чуракова.

Айта кетейік, ширек финалда жас әнші Harry Styles-тың "Sign of the Times" әнін шырқады. Ал көрермендер мен қазылар алқасы Данэлияны America"s Got Talent сахнасындағы алғашқы қойылымындағыдай зор қошеметпен қарсы алды. София Вергара бұл қойылым кештің ең жақсысы болды дегенде, Данэлия көз жасына ерік берді. 

Қазірше America"s Got Talent жартылай финалының қашан өтетіні және ол кезде Данэлияның қандай композиция ұсынатыны белгісіз.

300
Кілт сөздер:
қазақ әншілері, әнші, Данэлия Төлешова
Тақырып бойынша
Димаштың кісілігіне қайран қалдым – Данэлия Төлешова
Данэлия Төлешова: Димашпен бірге ән айтуды армандаймын
Данэлия Төлешова Sputnik Қазақстан оқырмандары үшін арнайы ән салды – видео   
"Бетіме тиіп кетсе қайтемін" Данэлия Төлешова неден қорқатынын айтты - видео
Тік тұрып қол соқты: Данэлия Төлешова америкалықтардың қошеметіне бөленді – видео
Бурабай

Бурабай мен Көк Жайлаудағы жердің бір бөлігі қайтарылады Тоқаев заңға қол қойды

78
Туризм инфрақұрылымын салуға бөлінген, алайда мақсатқа сай пайдаланылмаған жерлер мемлекетке қайтарылады

НҰР-СҰЛТАН, 30 қыркүйек – Sputnik. Қазақстан президенті Қасым-Жомарт Токаев "Қазақстан Республикасының кейбір заңнамалық актілеріне ерекше қорғалатын табиғи аумақтар мәселелері бойынша өзгерістер мен толықтырулар енгізу туралы" заңға қол қойды, деп хабарлады Ақорда.

Заң Іле Алатауы мемлекеттік ұлттық табиғи паркі, Бурабай және Көк Жайлау табиғи парктері жерлерінің бір бөлігін мемлекет меншігіне қайтаруды көздейді. Заң Жер кодексіне өзгерістер мен толықтырулар енгізуді қарастырады.

Оқи отырыңыз: Тоқаев "Көк Жайлау" құрылысына қатысты соңғы сөзін айтты 

"Өзгерістер ерекше экологиялық, ғылыми, тарихи-мәдени және рекреациялық құндылығы бар және қайтарылған жер учаскелерінде орналасқан табиғи қорық қорының табиғи кешендері мен нысандарын сақтау қажеттілігінен туындады", - деп түсіндірді бұған дейін мәжілісмен Роман Ким сенат қабырғасында заң жобасын таныстыра отырып.

Заң нормалары туристік нысандар мен құрылыстарды салу және пайдалану үшін алынған, бірақ сол мақсатта пайдаланылмай жатқан жерлерді ерекше қорғалатын табиғи аумақтар құрамына қайтаруға мүмкіндік береді. 

78
Кілт сөздер:
Қасым-Жомарт Тоқаев, "Көк Жайлау" курорты, Бурабай
Тақырып бойынша
"Асығыстық танытуға болмайды" Тоқаев Байбектің шешіміне қолдау білдірді
Бурабай мен Көк Жайлаудағы жерлердің бір бөлігі мемлекетке қайтарылады
Архивтегі фото

Еуразиялық патенттік ұйым Төрегелді Шармановқа алтын медаль табыстады

43
Патенттік ұйымның алтын медалі өнертапқыштық қызметке және өнертабыстардың құқықтық қорғалуын дамытуға елеулі үлес қосқан адамдарға беріледі

НҰР-СҰЛТАН, 30 қыркүйек – Sputnik. Еуразиялық патенттік ұйым Қазақстандық өнертапқыштарды алтын медальмен марапаттады, деп хабарлады әділет министрлігінің аспасөз қызметі.

Медицина ғылымдарының докторы, профессор, Қазақстан Ұлттық ғылым академиясының және Ресей ғылым академиясының академигі, өнертапқыш Төрегелді Шарманов және тау-кен және мұнай саласындағы жетістіктерімен танымал Satbayev University В.И. Блинников атындағы алтын медалмен марапатталды.

Мұндай шешім Еуразиялық патенттік ұйым әкімшілік кеңесінің 36 отырысында қабылданды.

Оқи отырыңыз: Төрегелді Шарманов ұзақ өмір сүрудің құпиясын бөлісті

Салтанатты марапаттау рәсімі Қазақстан Республикасы Әділет органдары қызметкерлерінің күніне орай өткізілді. Аталған марапаттарды Алматы қаласы әділет департаменті басшысы Абай Арап тапсырды.

Айта кетейік, В.И. Блинников атындағы алтын медаль Еуразиялық патенттік конвенцияға қатысушы мемлекеттер үшін маңызды өнертапқыштық қызметке және өнертабыстардың құқықтық қорғалуын дамытуға елеулі үлес қосқан адамдарға беріледі.

43
Махамбет Досмұхамбетов

Атырау облысының әкімі орынбасарының кінәсі дәлелденсе, қызметінен кетуге дайын

0
Әкімнің бірінші орынбасары мен құрылыс басқармасының бастығы 420 мың доллар көлемінде пара алды деген күдікпен ұсталды

НҰР-СҰЛТАН, 30 қыркүйек – Sputnik. Атырау облысының әкімі Махамбет Досмұхамбетов бірінші орынбасары Нұрлан Таубаев шынымен де кінәлі деп танылып, сот үкімі шықса, қызметінен кететінін мәлімдеді.

Әкімнің орынбасары мен құрылыс басқармасының бастығы 182 миллион теңге (420 мың доллардан астам) көлемінде пара алды деген күдікпен ұсталды, деп жазды "Ақ Жайық" басылымы.

"Заң бәріне ортақ. Егер тергеу аяқталып, сот оны кінәлі деп тапса, онда мен заңға сәйкес, отставкаға кетуге дайынмын. Оны қабылдай ма, жоқ па, президент өзі шешеді", - деді әкім Махамбет Досмұхамбетов.

Еске сала кетейік, 2019 жылдың қарашасында "Мемлекеттік қызмет туралы" заңға түзетулер енгізілді, оған сәйкес қарамағындағы қызметкердің кінәсі дәлелденіп, сот үкімі заңды күшіне енгеннен кейін басшы қызметінен кетуге міндетті.   

Оқи отырыңыз: Қазақстанда бірнеше әкім отставкаға кетуге өтініш берді 

Сыбайлас жемқорлыққа қарсы іс-қимыл агенттігі бұған дейін заң аясында қандай қызметкерлер тікелей бағынышты ретінде қарастырылатынын түсіндірген болатын.

0
Кілт сөздер:
отставка, әкім, Атырау облысы
Тақырып бойынша
Білім саласында жемқорлық неге көбейді?
Нұр-Сұлтанда әкім қызметінен кетті
Жезқазғанға жаңа әкім тағайындалды
Тоқаевтың тапсырмасы: облыс әкімінің орынбасары мен аудан әкімі отставкаға кетті