Қорғаныс министрлігінің ғимараты

Әскери полиция бас басқармасының бастығы ауысты

332
(Жаңартылды 14:19 22.08.2020)
Әскери полиция қызметінің басым бағыттарының бірі –Қазақстан Қарулы күштеріндегі сыбайлас жемқорлыққа қарсы іс-қимыл   

НҰР-СҰЛТАН, 22 тамыз – Sputnik. Қорғаныс министрі Қазақстан Қарулы күштері Әскери полиция бас басқармасының жаңа бастығы Марат Нұрымбетті ұжымға таныстырды.

"Бүгінде қорғаныс ведомствосында басымдықтардың арасында екі бағыт бар: олар сыбайлас жемқорлыққа қарсы іс-қимыл және қызмет қауіпсіздігін қамтамасыз ету. Бұл міндеттер көбінесе әскери полицияға жүктелген", - деп атап өтті қорғаныс министрі Нұрлан Ермекбаев.

Өткен жылы әскери полиция бас басқармасының құрылымында екі жаңа басқарма құрылды. Оларға сыбайлас жемқорлыққа қарсы іс-қимыл және әскери қызмет қауіпсіздігінің жай-күйін бақылау жөніндегі міндеттер жүктелген.

Оқи отырыңыз: Тоқаев әскери жағдайда өзінің өкілеттігін кеңейту мәселесін заңдастырды 

Министрдің айтуынша, Қарулы күштердің басқа күштік ведомстволардан айырмашылығы, өзіндік қауіпсіздік қызметі жоқ, бірақ Қарулы күштер басқа мемлекеттік орган сияқты бірқатар бақылаушы және қадағалаушы құрылымдардың жіті назарында. Бұл әскери қызметшілердің тәртіп бұзбауына жоғары талаптар қояды.

Министр 2017 жылдың қазан айынан бастап осы уақытқа дейін әскери полиция бас басқармасының бастығы қызметін атқарып, зейнеткерлікке шыққан полковник Бауыржан Лекеровке алғысын білдірді.

Марат Нұрымбет туралы не білеміз

Полковник Марат Нұрымбет – Қазақ мемлекеттік заң институтының түлегі.

Ол Ұлттық қауіпсіздік комитеті мен Мемлекеттік күзет қызметі жүйесінде түрлі басшылық қызметтер атқарған, оның ішінде қарсы барлау және жедел-іздестіру шаралары террористік актілерге қарсы іс-қимылды ұйымдастыруда тәжірибесі мол.

332
Кілт сөздер:
қорғаныс министрі, Ермекбаев
Тақырып бойынша
Қорғаныс саласында жемқорлық көбейді – әскери басшылар ұсталды
Тоқаев Шпекбаевты қорғаныс министрінің орынбасары қызметіне тағайындады
Қорғаныс министрлігі ұшаққа қатысты тараған ақпаратқа түсініктеме берді
Тоқаев былтыр жарылыс болған Арыс қаласына барды
Операторлар, иллюстративті фото

Журналистердің кәсіподағы құрылды

3
Жаңа ұйымның төрағалығына журналистика саласында 30 жылдық тәжірибесі бар танымал тележүргізуші Зейін Әліпбек сайланды

НҰР-СҰЛТАН, 22 қыркүйек – Sputnik. Қазақстанда бұқаралық ақпарат құралдары мен телерадио хабарларын тарату қызметкерлерінің "BAQ KASIPODAQ" салалық кәсіподағы құрылды. Бұл туралы бүгін ZOOM платформасында өткен бейнеконференцияда белгілі болды, деп хабарлайды Sputnik Қазақстан тілшісі.

Бейнеконференцияға танымал журналистер мен медиаменеджерлер қатысты. Сол жерде жаңа ұйымның төрағалығына журналистика саласында 30 жылдық тәжірибесі бар танымал тележүргізуші Зейін Әліпбек сайланды. Осыдан кейін кәсіподақ басшысы құрылымның жоспары мен алдағы бағыттары туралы жан-жақты баяндап берді.

Оқи отырыңыз: Қазақстанда митингтен хабар тарататын журналистер нені білуі тиіс 

"Алда журналистердің әлеуметтік-құқықтық жағдайын жақсартуды көздейтін көптеген шаруа, игі бастамалар тұр. Әсіресе, журналистердің шеберлігін шыңдап, кәсіби өсуіне бағытталған және қазақстандық БАҚ-тың әлеуетін күшейтуге арналған ілкімді жобалар бар. Оны тек қана кәсіподақ атқарады деуге болмайды. Оның барлығына сіздермен, құрметті әріптестер, бірлесе отырып қана қол жеткізе аламыз", - деді Әліпбек.

Айта кетейік, 2020 жылдың 10 қаңтарындағы мәлімет бойынша Қазақстанда 3669 БАҚ тіркелген. Республикада 2964 мерзімді басылым, 161 телеарна, 73 радио, 471 ақпарат агенттігі және желілік басылым бар.

3
Кілт сөздер:
журналистика
Шикі ет

Желіні шулатқан видео: полиция шикі ет жеп отырған баланың ата-анасын іздеп жатыр

59
Бүлдіршіннің заңды өкілдері табылғаннан кейін, олармен түсіндіру жұмысы жүргізіледі, қажет болған жағдайда балаға медициналық көмек көрсетіледі

НҰР-СҰЛТАН, 22 қыркүйек – Sputnik. Қазақстанның ішкі істер министрлігі Қазнетте тараған видеода шикі ет жеп отырған баланың әке-шешесін іздестіріп жатыр.

Бұл туралы білім және ғылым министрлігі балалар құқығын қорғау комитеті төрағасының орынбасары Юлия Овечкина хабарлады.

"Біз ақпаратты ішкі істер министрлігіне жолдадық. Баланың заңды өкілдері табылғаннан кейін, олармен түсіндіру жұмысы жүргізіледі. Қажет болған жағдайда балаға медициналық көмек көрсетіледі. Ата-аналар балаларының денсаулығына, физикалық, психикалық, рухани және моральдық дамуына қамқорлық жасау керек екенін ұмытпауы керек", - деді ол.

Овечкина ата-аналарға балалардың өмірі, денсаулығы мен қауіпсіздігі үшін әкімшілік және қылмыстық жауапкершілік қарастырылғанын ескертті.

Желіні шулатқан ролик 21 қыркүйекте жарияланды. Видеода бала шикі ет жеп отыр, кадр сыртынан әйелдің күлген даусы естіледі.

"Кәдімгідей тістеп отыр, жұлып алды әне. Бола берсін бе", - деп сұрайды бір әйел.  

"Не болады, жей берсін", - деп жауап береді екіншісі.  

Желі қолданушылары видеоны қызу талқылады. Бірі "мұнда тұрған ештеңе жоқ" десе, енді бірі баланың ішіне инфекция түседі деп алаңдаған.

59
Кілт сөздер:
ет, видео, бала