Мектеп оқушылары

Әрбір оқушыға 40 мың теңге: әкім ақшаның неге қолға берілмейтінін түсіндірді

947
(Жаңартылды 12:40 24.08.2020)
Үкіметтің қаулысына сәйкес, көмек ретінде бөлінген қаражат нақты мақсатқа жұмсалуы шарт, яғни, оған мектепке қажетті заттар сатып алу қажет

НҰР-СҰЛТАН, 24 тамыз – Sputnik. Елорда әкімі Алтай Көлгінов тұрмысы төмен отбасылардан шыққан оқушыларға 40 мың теңгеден ақшалай көмектің неліктен қолға берілмейтінін түсіндірді, деп хабарлайды Sputnik Қазақстан тілшісі.

"Ата-аналар бұл қаражатты қолымызға беріңіз деп сұрады. Біз де соны қаладық. Бірақ заң бойынша біз олай жасай алмаймыз. Себебі үкіметтің қаулысына сәйкес, көмек ретінде бөлінген қаражат нақты мақсатқа жұмсалуы шарт, яғни, мектепке қажетті заттар сатып алу қажет. Ал біз әрбір тиынның есебін беруіміз керек", - деді Көлгінов Тамыз конференциясының онлайн мәжілісінде.

"Балаларды алып кету керек": Білім министрлігі биылғы өзгерістерді жариялады

Әкімнің айтуынша, бүгінде мектеп заттарын сататын дүкендер анықталған. Отандық бизнеске басымдық беріліп отыр. Сол жерде қаржылай көмекті жұмсауға болады. Ал 40 мың теңге баланың санына қарай бөлінеді.

"Мысалы, отбасыда төрт бала болса, әр балаға 40 мың теңгеден 160 мың теңге беріледі. Үш бала болса, 120 мың теңге. Біздіңше, бұл жақсы қолдау", - деп атап өтті Көлгінов.

40 мың теңге қалай үлестіріледі?

Ресми мәліметке сәйкес, астанада 40 мың теңгені 17 мың оқушы алады. Қаржылай көмек арнайы электронды жүйеге "әлеуметтік бірліктер" ретінде түседі. Оны баланың "Transcard" мектеп-көлік картасы арқылы тек мектепке қажетті заттарға ғана жұмсауға болады. Барлық қаражат "Всеобуч Қамқор" электронды жүйесі арқылы үлестіріледі.

"Мұғалімдер осы жүйеге өз мектептеріндегі әлеуметтік осал топтарға жататын оқушылар туралы ақпарат енгізеді. Ал ақшалай қаражат "Всеобуч Қамқор" электронды порталында "Әлеуметтік бірліктер" түрінде аударылады. Ал "Transcard"  мектеп-көлік картасы оқушыларды анықтау құралы ретінде пайдаланылады", - дейді мамандар.

Мектеп заттары қалай сатылады?

Әр сауда орны NFC функциясы бар смартфонмен және жоба аясында жасалған қосымшамен қамтамасыз етіледі.

Сатушы телефон арқылы:

  • көлік картасындағы қолжетімді ақшаны тексереді;
  • оқушы таңдап алған тауардан сатып алынған заттардың тізімін жасайды;
  • көлік картасын телефонға жақындатқан кезде сатушы тауар сомасын есептеп алады;
  • шотта қаражат жетіспеген жағдайда сатушы жеңілдік бере алады немесе қолма-қол ақшамен/картамен қосымша төлемді ала алады.

Мектеп көлік карталарын жасау үшін Қошқарбаев даңғылы 50/1 мекенжайында орналасқан  "City Transportation Systems" ЖШС орталық кассасына  бару керек. Мектеп көлік картасына "Әлеуметтік бірліктерді" аударуға өтініш қалдыру үшін оқу орнындағы әлеуметтік педагогке немесе 556-960, 550-179 нөмірлері арқылы хабарласу керек.

"Сондай-ақ пайдаланушыларға ыңғайлы болу үшін мектеп көлік картасына transcard.kz сайтында онлайн тапсырыс беруге болады", - дейді компания қызметкерлері.

947
Кілт сөздер:
әлеуметтік көмек, оқушылар
Тақырып бойынша
Оқушылардың білімін бағалау жүйесі уақытша өзгеруі мүмкін
Жаңа оқу жылында оқушылар қалай демалады - министрлік кесте жариялады
Нұр-Сұлтанда мыңдаған оқушының көлік картасына 40 мың теңгеден аударылады
Жаңа оқу жылы: қандай мектеп оқушылары дәстүрлі форматта білім алады
Министр мектептерде "Әліппе" қай кезден бастап оқытылатынын айтты
сүзбе

Сүзбенің ешкім күтпеген пайдасы анықталды

2308
Сүзбе айтарлықтай құнарлы тағам, сондықтан күніне 200 грамнан артық жемеген жөн, дейді дәрігерлер

НҰР-СҰЛТАН, 26 қыркүйек — Sputnik. Сүзбе күзгі депрессиямен күресуге көмектеседі және ер адамның қауқарын күшейтеді, деп жазады РИА Новости.

Гастроэнтеролог Алексей Буеверовтың айтуынша, сүзбе нәрлі заттарға, ақуыз бен майларға бай, ал көмірсулар керісінше аз.

"Сонымен қатар зерттеулерге сәйкес, сүзбені жиі жеген кезде көңіл-күй көтеріледі, бұдан бөлек, күзгі депрессиямен күресуге көмектеседі", - дейді дәрігер.

Ол бұл тағамның құрамында кальций, магний, цинк секілді микроэлементтер көп екенін атап өтті. Бұл тек сүйек тінін нығайтып қана қоймай, ер адамдардың қауқарын күшейтеді.

Дәрігер дүкенге барған уақытта "сүзбе" жазуына мән беруге кеңес берді. "Сүзбеше" және "сүзбе массасы" деген өнімдердің құрамында ароматизаторлар мен өсімдік майы болуы мүмкін.

Маманның айтуынша, сүзбе айтарлықтай құнарлы тағам, сондықтан күніне 200 грамнан артық жемеген жөн.

Оқи отырыңыз: Ғалымдар өлім алдында адамның қандай күйде болатынын анықтады

"Көп жемеген дұрыс, бірақ майлылығы жоғары – бес немесе тоғыз болғаны абзал. Майсыздандырылған сүт өнімдерінің пайдасынан зияны зор", - деді Буеверов.

Біріншіден, ағзаға қажетті мөлшерде май түспегендіктен, оны өзі жинай бастайды. Екіншіден, майсыздандырылған өнімдер дәмсіз болғандықтан, оның құрамына қант қосады. 

2308
Кілт сөздер:
сүзбе
Тақырып бойынша
Ғалымдар шайдың ешкім күтпеген пайдасын анықтады
Ғалымдар адамның қай жаста өзін мейлінше бақытсыз сезінетінін анықтады
Сүтті шайдың ешкім күтпеген зияны анықталды
Ғалымдар мезгілсіз өлімнің белгілерін атады
Нұр-Сұлтанда отбасылық мерекеден кейін ешкім күтпеген оқиға болды
шекара бекеті, архив

ҰҚК 35 түрікмен әйелінің шекараны кесіп өтуіне қатысты түсініктеме берді

1088
Түрікменстан азаматтары консулдықтың ресми өтінішіне сәйкес елден шығарылды, деп хабарлады Ұлттық қауіпсіздік комитеті

НҰР-СҰЛТАН, 26 қыркүйек — Sputnik. Ұлттық қауіпсіздік комитеті Түрікменстанның 35 азаматы отанына жасырын оралды деген ақпаратты жоққа шығарды, деп хабарлайды Sputnik Қазақстан.

"Centralasia.media" порталында "Қазақстанда қалып қойған 35 түрікмен әйелі отанына жасырын оралды" деген ақпарат жарияланды. Мақала авторы шекара жабық екенін және ол арқылы ешкімді өткізбегенін жазған. Бұл ақпарат шындыққа жанаспайды, деп хабарлады Ұлттық қауіпсіздік комитетінің баспасөз қызметі.

"Ақтау қаласындағы Түрікменстан консулдығының ресми өтінішіне сәйкес 22 қыркүйекте "Темір баба" өткізу пунктінде сағат 10.05-тен 12.00-ге дейін Түрікменстанның 42 азаматы елден шығарылды. Олардың ішінде 12 ер адам, 28 әйел және 2 бала бар", - деп нақтылады комитет.

ҰҚК баспасөз қызметінің хабарлауынша, 2020 жылдың наурызынан бастап түрікмен тарапы коронавируске байланысты мемлекеттік шекара арқылы адамдар мен көліктерді өткізуді біржақты тәртіпте тоқтатқан. Қазақстан тарапынан өткізу пункті жабылған жоқ.

1088
Кілт сөздер:
шекара, Түрікменстан

Ресейлік ғалымдар COVID-19-ға қарсы вакцинаның технологиясымен бөлісуге әзір

0
Ресей дайын вакцинаны шетелге жаппай жібермейді. Оның орнына ресейлік ғалымдар екпені өндіру технологиясын басқа елдермен бөлісуге дайын

Бұл туралы Гамалея атындағы институттың директоры Александр Гинцбург мәлімдеді. Алайда мұндай тәсілді ТМД елдерінде қолдану мүмкін емес. Қазір Ресейде тағы екі вакцина сынақтан өткізіліп жатыр. 2020 жылдың 22 қыркүйегінде Ресейдің денсаулық сақтау министрлігі жаңа препаратты клиникалық зерттеуден өткізуге рұқсат берді. Вакцинаны Ресей ғылым академиясы жасады. Ал "Вектор" ғылыми орталығы әзірлеген вакцинаны сынақтан өткізу аяқталуға жақын.

0