Астаналықтар, карантиннен кейінгі қала

Бас санитар дәрігер қаулысына енгізілген өзгерістер жарияланды

2444
(Жаңартылды 18:50 25.08.2020)
Осы жолы өзгерістердің басым бөлігі шектеу шаралары кезінде ашылатын кәсіпкерлік нысандарға арналып отыр

НҰР-СҰЛТАН, 25 тамыз – Sputnik. Қазақстанның бас санитар дәрігері Айжан Есмағамбетованың қаулысына енгізілген өзгерістер мен толықтырулар жарияланды, деп хабарлады Sputnik Қазақстан тілшісі.

Рұқсат алу міндеті енгізілді 

Осы жолғы өзгерістердің басым бөлігі шектеу шаралары кезінде ашылатын кәсіпкерлік нысандарға арналып отыр. Атап айтқанда, қатаң карантиннен кейін өз қызметін қайта бастайтын нысандар міндетті түрде InfoKazakhstan.kz сайтында тіркеліп, рұқсат алу керек.

Басым бөлігі хабар беру тәртібі бойынша рұқсат алады, яғни, санитарлық ережемен танысқанын растап, өз жұмысын бастай береді. Ал бірқатар кәсіпкерлік нысандар арнайы тексерістен өтіп, санитарлық сәйкестігі туралы акт алуы шарт. Мұндай нысандар қаулы қасымшасында көрсетілген. Олар: 

  • тамақ өнімдерін көтерме және бөлшектеп сату объектілері (сауда базарлары) азық-түлік қоймалары;
  • көтерме және бөлшек сауда объектілері (азық-түлік емес базарлары);
  • сауда алаңы 2000 ш.м астам болатын бөлек тұрған дүкендер;
  • сауда алаңы 2000 ш.м астам болатын сауда ойын-сауық кешендері (орталықтары), сауда үйлері;
  • Әуежайлар және теміржол  вокзалдар;
  • пенитенциарлық (қылмыстық атқару) жүйедегі мекемелер.

Бас санитар дәрігер қосымшада кәсіпкерлік нысанның дайындығын бағалау актісін де көрсетті. 

Бұдан бөлек, азық-түлік емес тауарлардың көтерме және бөлшек сауда объектілеріне (сауда базарларына) қойылатын санитарлық талаптар да көрсетілген. Шарттармен мына жерде танысуға болады.

Кәсіпкерлер рұқсат қағазын қалай алады

Бұған дейін "Атамекен" палатасы 17 тамыздан бастап ашылатын кәсіпкерлерге онлайн тіркеуден өтіп, санитарлық нормаларға сәйкестігі туралы актіні алу қажет. Ол үшін InfoKazakhstan.kz сайты іске қосылды. 

"Атамекен" палатасы таратқан мәліметке сәйкес, кәсіпкерлік нысандардың басым бөлігі тіркеуден өтіп, негізгі санитарлық нормалармен танысса да жеткілікті. Ал бірқатар нысандар тіркеуден өтеді. Сосын мобильді топтардың тексерісін күтеді. Содан кейін ғана ашылады. Олар:

  • сауда ойын-сауық орталықтары мен сауда үйлері; 
  • азық-түлік сататын сауда орындары;
  • азық-түлік сатпайтын базарлар; 
  • балаларға арналған сауықтыру лагерьлері.

Тіркеу электронды цифрлық қолтаңба арқылы жасалады. Ал рұқсаттың электронды нұсқасын алғаннан кейін оны басып шығарып, кіреберіске іліп қою қажет. Қосымша сұрақтар болса, "Атамекен" палатасының "1432" байланыс орталығына хабарласуға болады.

2444
Кілт сөздер:
коронавирус, дәрігер, Қазақстан
Тақырып:
Коронавирус эпидемиясы (1544)
Тақырып бойынша
Коронавирусты қайта жұқтырып жатыр: ДДҰ түсініктеме берді
Коронавирус пен пневмония: мыңдаған адамның өлімі статистикаға неге енгізілмеді
Қазақстанда коронавирус пен пневмониядан 14 адам қайтыс болды
Коронавирус туралы ән жазған Марат Омаров АҚШ-тан арнайы шақырту алды
Коронавирус пандемиясы қашан аяқталады – ДДҰ басшысы болжам жасады
Аурухана палатасы, архивтегі сурет

Қазақстанда бір апта ішінде коронавирустан 26 адам қайтыс болды

249
Өткен аптада коронавирустан қайтыс болған науқастардың ең үлкені – 89 жаста, ал ең жасы – қырық төртте

НҰР-СҰЛТАН, 29 қыркүйек – Sputnik. Денсаулық сақтау министрлігі бір апта ішінде COVID-19 инфекциясынан қайтыс болғандардың статистикасын жариялады.

Осы жылдың 21-27 қыркүйегі аралығында Қазақстанда індеттен 26 науқас көз жұмды.

Бір апта ішінде қайтыс болғандар

Атырау облысында – 4 адам:

  • 1960, 1956 жылғы ер адамдар,
  • 1976, 1952 жылғы әйелдер.

Батыс Қазақстан облысында – 3 науқас:

  • 1957, 1969, 1958 жылғы әйелдер.

Шығыс Қазақстан облысында – 5 адам:

  • 1948, 1958 жылғы ер адамдар,
  • 1938, 1956, 1948 жылғы әйелдер.

Солтүстік Қазақстан облысында – 1:

  • 1949 жылғы ер адам.

Қостанай облысында – 2:

  • 1966, 1969 жылғы ер адамдар.

Маңғыстау облысында – 1:

  • 1965 жылғы әйел.

Қарағанды облысында – 2:

  • 1962 жылғы ер адам,
  • 1946 жылғы әйел.

Жамбыл облысында – 2:

  • 1975, 1972 жылғы әйелдер.

Нұр-Сұлтан қаласында – 2:

  • 1969, 1953 жылғы ер адамдар.

Алматы қаласында – 3:

  • 1966, 1941 жылғы ер адамдар,
  • 1931 жылғы әйел.

Шымкент қаласында – 1:

  • 1948 жылғы әйел.

13 наурыздан бері республикада COVID-19 инфекциясынан барлығы 1 725 адам қайтыс болды.

249
Кілт сөздер:
науқастар, статистика, коронавирус
Тақырып:
Коронавирус эпидемиясы (1544)
Тақырып бойынша
Нұр-Сұлтанда мектепке барып жүрген оқушыдан коронавирус табылды
Бір тәулікте коронавирус пен пневмониядан 4 адам қайтыс болды
Қазақстанда өткен тәулікте 58 адам коронавирус жұқтырды
Коронавирустың екінші толқынына дайын болайық – Тоқаев
Бала

Нұр-Сұлтанда бұрынғы әйелінен қашып жүрген ер адамға іздеу жарияланды

366
Психолог кәмелетке толмаған балалардың әкесінен қысым көріп жүргенін және оларға ананың қамқорлығы қажет екенін анықтады

НҰР-СҰЛТАН, 29 қыркүйек – Sputnik. Астаналық әйел туған балаларын бір жылдан астам уақыт көре алмай жүр. Прокуратура органдары балаларды анасынан жасырған әкеге іздеу жариялады, деп хабарлайды Нұр-Сұлтанның жеке сот орындаушылары өңірлік палатасының баспасөз қызметі.

"Ж.есімді азамат бұрынғы күйеуінен 10 және 11 жастағы балаларын ала алмай жүр. Әйел балаларын өзі тәрбиелегісі келеді, бірақ ер адам бұған көнбей, қарсылық көрсетуде", - деп мәлімдеді сот орындаушылар.

Әйел шарасыздықтан сотқа жүгінеді, бірақ алғашқыда қамқорлық ер адамға берілгендіктен, еш нәтиже шықпайды. Кейін апелляциялық инстанция сот-психологиялық сараптама негізінде шешімді өзгерткен.

Психолог кәмелетке толмаған екі бала әкесінен қысым көріп жүргенін және оларға ананың қамқорлығы қажет екенін анықтады.

"Соңғы үш жыл бойы балалар әкесімен тұрады. Бірақ соттың соңғы шешімімен бүлдіршіндердің тұратын жері өзгерді, енді олар анасымен тұруы керек. Прокуратура органдары ер адамға іздеу жариялады", - деді Нұр-Сұлтанның жеке сот орындаушылары өңірлік палатасы басшысының орынбасары.

Балалардың әкесі сот шешімімен келіспейді. Бір пәтерден екінші пәтерге көшіп, бұрынғы әйелі мен сот орындаушылардан жасырынып жүр.

Ер адам іздестірілуде.

366
Кілт сөздер:
балалар, Нұр-Сұлтан
Нұрсұлтан Назарбаев Шымкент ескі қалашығы тарихи-мәдени мұра ескерткішіне барды

Назарбаев "Шымкент ескі қалашығын" аралады

0
(Жаңартылды 17:34 29.09.2020)
2021 жылы кешен аумағында үш деңгейлі ортағасырлық мұражай мен 500 орындық амфитеатрдың құрылысы басталады

НҰР-СҰЛТАН, 29 қыркүйек – Sputnik. Қазақстанның тұңғыш президенті Нұрсұлтан Назарбаев Қазақстанның көне тарихи орындарының бірі болып табылатын "Шымкент ескі қалашығы" тарихи-мәдени мұра ескерткішіне барды, деп хабарлады Elbasy сайты.

Көне қалашықты аралап көру кезінде Елбасы археологиялық жұмыстардың нәтижелерімен және мәдени кешенді одан әрі дамыту жоспарларымен танысты.

"Ұсынылған ақпаратқа сәйкес, 2021 жылы кешен аумағында үш деңгейлі ортағасырлық мұражай мен 500 орындық амфитеатрдың құрылысы басталады", - делінген хабарламада.

Сондай-ақ шара аясында қала әкімі Мұрат Әйтенов Шымкенттің туристік әлеуеті мен оның даму перспективалары туралы айтып берді.

Оқи отырыңыз: Түркістанда түрлі форумдар мен спорт шараларын өткізіп тұру қажет – Назарбаев 

Айта кетейік, "Шымкент ескі қалашығы" – бұл Қазақстан Республикасының жергілікті маңызы бар тарихи және мәдени ескерткіштердің мемлекеттік тізіміне енгізілген археологиялық нысан.

Жалпы қалашықта үш стратиграфиялық қазба жасалған. Қалашықтың мәдени қабаттары 14 метрді құрайды. Қалашықтың ең төменгі қабатында б.з.д. ІІІ ғ. соңы - б.з.д. ІІ ғ. басына тән керамика кешені бар. Ол Соғдының урбанизацияланған қоныстарына сәйкес келеді.

 

0
Кілт сөздер:
Шымкент, Назарбаев