Қазақстандық әскерилер

Қыркүйекте әскерге шақырудың күзгі науқаны басталады

88
Министрліктің хабарлауынша, қазіргі кезде әскери қызметшілердің өмірі мен тұрмысын ұйымдастыру, казармалық қорды жөндеу сынды әлеуметтік мәселелерді шешу ерекше бақылауға алынған

АЛМАТЫ, 26 тамыз – Sputnik. Қазақстанда қыркүйек-желтоқсан аралығында азаматтарды күзгі әскери қызметке шақыру жүргізіледі деп жоспарланып отыр. Бұл туралы қорғаныс министрі Нұрлан Ермекбаев қатысқан ақпараттық кеңесте талқыланды, деп хабарлайды Sputnik Қазақстан.

Ведомство баспасөз қызметінің хабарлауынша, жиын барысында қарулы күштердің санитарлық-эпидемиологиялық жағдайы, сыбайлас жемқорлыққа қарсы күрес мәселелері талқыланды. Сонымен қатар азаматтарды мерзімді қызметке шақыру жөніндегі барлық іс-шара санитарлық-эпидемиологиялық жағдайды ескере отырып ұйымдастырылады.

"Азаматтарды әскери қызметке қыркүйек-желтоқсан аралығында шақыру жұмыстарын жүргізу жоспарлануда. Әскер қатарына жаңадан қабылданғандармен жұмыс істейтін лауазымды адамдардан тұратын әкімшілік бөлімшелердегі оқу процесін жоғары деңгейде қамтамасыз ету үшін қабілетті, даярланған офицерлер мен келісімшарт бойынша сержанттар тағайындалуы тиіс", – делінген ақпаратта.

Министр Нұрлан Ермекбаев жас буынды шақыру басталғанға дейін казармалық-тұрғын үй қорын, монша, кір жуу комбинаттарын, асханалар мен оқу-материалдық базаны қалыпқа келтіруді тапсырды.

Ведомствоның хабарлауынша, әскери қалашықтарға жағдай жасау, әскери қызметшілердің өмірі мен тұрмысын ұйымдастыру, казармалық қорды жөндеу сынды әлеуметтік мәселелерді шешу қорғаныс министрінің ерекше бақылауына алынған.

Осы тұста министр Қарағанды қаласының әскери бөлімдерінің бірінде сарбаздар асханасын жөндеу мерзімін сақтамағаны үшін Әскерлерді пәтерлерге орналастыру бас басқармасының бастығын қатаң сынға алды. Мәселе қызмет көрсетудің субъектісімен шартты бұзу процесінде болып отыр. Нұрлан Ермекбаев асхананы жөндеу мәселесін қысқа мерзімде шешуді талап етті.

Қызметкер тәртіп бұзса, басшысы жауапқа тартылады

Министрі сыбайлас жемқорлықтың алдын алу мақсатында тәртіп бұзушылардың тікелей басшылары әскери атақтары мен бұрынғы еңбектеріне қарамастан жауапқа тартылатынын айтып ескерту жасады.

"Сыбайлас жемқорлыққа байланысты құқық бұзушылықтарға жол бермеу аясында барлық тәртіп бұзушылардың тікелей басшылары әскери атақтары мен бұрынғы еңбектеріне қарамастан жауапқа тартылады. Халықтың әскерге деген сенімі мен елді қорғауға деген риясыз қабілетіне нұқсан келтірмеу үшін Қарулы күштер қатары құқық бұзушылықтардан таза болуы керек", – деді Ермекбаев.

Ведомство басшысы Бас штаб пен Әскери полиция бас басқармасының бастығына құрамаларды, әскери бөлімдер мен мекемелерді тәуліктік нарядта қызмет атқару сапасына, кезекшілердің қырағылығы мен штаттан тыс жағдайлар туындаған кездегі іс-қимылдарға дайындығына мән беруге шақырды.

Оқи отырыңыз: Тоқаев әскерге шақыру туралы жарлыққа өзгеріс енгізді

Сонымен қатар, диверсия мен терроризмге қарсы қорғанысты ұйымдастыруға ерекше назар аудару мәселелері бойынша іріктеп тексерулер жүргізуді қолға алуды тапсырды.

88
Кілт сөздер:
әскери қызметке шақыру, әскери борыш, әскери
Тақырып бойынша
ІІМ Қарағанды облысындағы жағдайға қатысты: ешқандай әскер кіргізген жоқпыз
Назарбаев тәуелсіздік алған кезде әскер басқаратын жалғыз генерал тапқанын еске алды
2019 жылғы Қазақстанның ең үздік спортшысы әскер қатарына алынды
"Біз емес, коронавирус кінәлі": Қазақстанда әскерге шақыру қалай жүріп жатыр
Қазақстанда әскерге шақыру тоқтатылды
Бурабай

Бурабай мен Көк Жайлаудағы жердің бір бөлігі қайтарылады Тоқаев заңға қол қойды

50
Туризм инфрақұрылымын салуға бөлінген, алайда мақсатқа сай пайдаланылмаған жерлер мемлекетке қайтарылады

НҰР-СҰЛТАН, 30 қыркүйек – Sputnik. Қазақстан президенті Қасым-Жомарт Токаев "Қазақстан Республикасының кейбір заңнамалық актілеріне ерекше қорғалатын табиғи аумақтар мәселелері бойынша өзгерістер мен толықтырулар енгізу туралы" заңға қол қойды, деп хабарлады Ақорда.

Заң Іле Алатауы мемлекеттік ұлттық табиғи паркі, Бурабай және Көк Жайлау табиғи парктері жерлерінің бір бөлігін мемлекет меншігіне қайтаруды көздейді. Заң Жер кодексіне өзгерістер мен толықтырулар енгізуді қарастырады.

Оқи отырыңыз: Тоқаев "Көк Жайлау" құрылысына қатысты соңғы сөзін айтты 

"Өзгерістер ерекше экологиялық, ғылыми, тарихи-мәдени және рекреациялық құндылығы бар және қайтарылған жер учаскелерінде орналасқан табиғи қорық қорының табиғи кешендері мен нысандарын сақтау қажеттілігінен туындады", - деп түсіндірді бұған дейін мәжілісмен Роман Ким сенат қабырғасында заң жобасын таныстыра отырып.

Заң нормалары туристік нысандар мен құрылыстарды салу және пайдалану үшін алынған, бірақ сол мақсатта пайдаланылмай жатқан жерлерді ерекше қорғалатын табиғи аумақтар құрамына қайтаруға мүмкіндік береді. 

50
Кілт сөздер:
Қасым-Жомарт Тоқаев, "Көк Жайлау" курорты, Бурабай
Тақырып бойынша
"Асығыстық танытуға болмайды" Тоқаев Байбектің шешіміне қолдау білдірді
Бурабай мен Көк Жайлаудағы жерлердің бір бөлігі мемлекетке қайтарылады
Архивтегі фото

Еуразиялық патенттік ұйым Төрегелді Шармановқа алтын медаль табыстады

40
Патенттік ұйымның алтын медалі өнертапқыштық қызметке және өнертабыстардың құқықтық қорғалуын дамытуға елеулі үлес қосқан адамдарға беріледі

НҰР-СҰЛТАН, 30 қыркүйек – Sputnik. Еуразиялық патенттік ұйым Қазақстандық өнертапқыштарды алтын медальмен марапаттады, деп хабарлады әділет министрлігінің аспасөз қызметі.

Медицина ғылымдарының докторы, профессор, Қазақстан Ұлттық ғылым академиясының және Ресей ғылым академиясының академигі, өнертапқыш Төрегелді Шарманов және тау-кен және мұнай саласындағы жетістіктерімен танымал Satbayev University В.И. Блинников атындағы алтын медалмен марапатталды.

Мұндай шешім Еуразиялық патенттік ұйым әкімшілік кеңесінің 36 отырысында қабылданды.

Оқи отырыңыз: Төрегелді Шарманов ұзақ өмір сүрудің құпиясын бөлісті

Салтанатты марапаттау рәсімі Қазақстан Республикасы Әділет органдары қызметкерлерінің күніне орай өткізілді. Аталған марапаттарды Алматы қаласы әділет департаменті басшысы Абай Арап тапсырды.

Айта кетейік, В.И. Блинников атындағы алтын медаль Еуразиялық патенттік конвенцияға қатысушы мемлекеттер үшін маңызды өнертапқыштық қызметке және өнертабыстардың құқықтық қорғалуын дамытуға елеулі үлес қосқан адамдарға беріледі.

40
Махамбет Досмұхамбетов

Атырау облысының әкімі орынбасарының кінәсі дәлелденсе, қызметінен кетуге дайын

0
Әкімнің бірінші орынбасары мен құрылыс басқармасының бастығы 420 мың доллар көлемінде пара алды деген күдікпен ұсталды

НҰР-СҰЛТАН, 30 қыркүйек – Sputnik. Атырау облысының әкімі Махамбет Досмұхамбетов бірінші орынбасары Нұрлан Таубаев шынымен де кінәлі деп танылып, сот үкімі шықса, қызметінен кететінін мәлімдеді.

Әкімнің орынбасары мен құрылыс басқармасының бастығы 182 миллион теңге (420 мың доллардан астам) көлемінде пара алды деген күдікпен ұсталды, деп жазды "Ақ Жайық" басылымы.

"Заң бәріне ортақ. Егер тергеу аяқталып, сот оны кінәлі деп тапса, онда мен заңға сәйкес, отставкаға кетуге дайынмын. Оны қабылдай ма, жоқ па, президент өзі шешеді", - деді әкім Махамбет Досмұхамбетов.

Еске сала кетейік, 2019 жылдың қарашасында "Мемлекеттік қызмет туралы" заңға түзетулер енгізілді, оған сәйкес қарамағындағы қызметкердің кінәсі дәлелденіп, сот үкімі заңды күшіне енгеннен кейін басшы қызметінен кетуге міндетті.   

Оқи отырыңыз: Қазақстанда бірнеше әкім отставкаға кетуге өтініш берді 

Сыбайлас жемқорлыққа қарсы іс-қимыл агенттігі бұған дейін заң аясында қандай қызметкерлер тікелей бағынышты ретінде қарастырылатынын түсіндірген болатын.

0
Кілт сөздер:
отставка, әкім, Атырау облысы
Тақырып бойынша
Білім саласында жемқорлық неге көбейді?
Нұр-Сұлтанда әкім қызметінен кетті
Жезқазғанға жаңа әкім тағайындалды
Тоқаевтың тапсырмасы: облыс әкімінің орынбасары мен аудан әкімі отставкаға кетті