Дәрі-дәрмек пен ақша

Алматы әкімдігі дәрі-дәрмекке бөлінген 10 миллиард теңгенің қайда жұмсалатынын айтты

0
Әкімдік қызметкерлерінің айтуынша, бүгінгі таңда Алматы қаласындағы қоймаларда сұранысқа ие 69 дәрінің 5,9 миллион данасы бар

АЛМАТЫ, 27 тамыз – Sputnik. Алматыда дәрі-дәрмектің тұрақты және резервтік қоры үшін жергілікті бюджеттен 10 миллиард теңге бөлінді. Қаржы 2021 жылдың ақпанына дейін дәрі-дәрмектің 69 түрімен қамтамасыз етуге жұмсалады. Бұл туралы Алматы қаласы әкімдігінің дәрі-дәрмекпен қамтамасыз ету жөніндегі үйлестірушісі Заңғар Сәлімбаев мәлімдеді, деп хабарлайды Sputnik Қазақстан тілшісі.

Биыл маусымның соңынан бастап Алматыда кей дәрі-дәрмекке сұраныс өте жоғары болды. Сондықтан, медициналық бұйымдарды қалаға жеткізу үшін бірнеше келісімге қол қойылды. Соның арқасында қазір нарық тұрақтандырылды. Бұл жұмыстар әлі де жалғасып жатыр.

"Күзгі-қысқы маусымдық ауру мен індеттің екінші толқыны болуы мүмкін деген ықтимал болжамды ескере отырып, тұрақтандыру қоры құрылды. Бөлінген 10 миллиард теңгенің жартысы қала дәріханаларына дәрі-дәрмек жеткізуге, ал қалған қаражат ауруханалар мен емханаларда дәрі-дәрмекті сатып алу бойынша резервтік қорға бөлінеді", – деді Сәлімбаев.

Айтуынша, тұрақтандыру қорында дәрі-дәрмектің 65 түрі бар. Ал қала ауруханалары мен емханаларына арналған резервтік қор 39 атаулы дәрі-дәрмек пен жеке қорғаныс құралының жеті түрінен тұрады.

Емханаларды қамтамасыз ету

Ал қалалық кәсіпкерлік және инвестициялар басқарма басшысының орынбасары Қарлығаш Әбдіжаббарованың айтуынша, медициналық бұйымдармен тұрғындар мен дәріхана желілерін қамтамасыз ету қаланың медициналық ұйымдарын жабдықтау бағыты бойынша жүргізіліп жатыр.

Оның түсіндіруінше, тұрақтандыру қоры есебінен стационарлық емдеу нысандарын қамтамасыз етуге 5 миллиард теңге қарастырылған.

"Оның 2,9 миллиард теңгесіне жұқпалы аурулар және провизорлық стационарларға препараттар сатып алынады. Ал 893 миллион теңге емханалар үшін құрылғы алуға бөлінеді. Қалған қаражат медицина қызметкерлері мен басқа да сұранысқа ие стационарлық препараттар үшін жеке қорғаныс құралдарының қорына жұмсалады", – деді Әбдіжаббарова.

Бүгінгі таңда қоймада сұранысқа ие 69 дәрінің 5,9 миллион данасы бар.

Оқи отырыңыз: Президент дәрі-дәрмек тапшылығы мәселесі қай кезде шешілетінін айтты

Айта кетейік, қала тұрғындары дәріханаларда дәрі-дәрмектің бар-жоғы туралы ақпаратты 09.00-ден 18.00-ге дейінгі аралықта 8-775-882-5602 немесе 8-775-882-5672 нөміріне хабарласып, біле алады.

0
Кілт сөздер:
қаражат, дәрі-дәрмек, Алматы
Тақырып бойынша
Тоқаев дәрі-дәрмек туралы: импортқа тым тәуелдіміз
Шымкент әкімі дәрі-дәрмек сатып алуға қатысты кеңес берді 
Тегін дәрі-дәрмек: қайдан және қалай алуға болады
Ибупрофен, парацетамол және цефтриаксон: елордаға қандай дәрі-дәрмек жеткізілді
Алматыға Ресейден 21,5 тонна дәрі-дәрмек жеткізілді
Қазақстанда дәрі-дәрмек сату саласында 400-ге жуық заңбұзушылық анықталды
Операторлар, иллюстративті фото

Журналистердің кәсіподағы құрылды

0
Жаңа ұйымның төрағалығына журналистика саласында 30 жылдық тәжірибесі бар танымал тележүргізуші Зейін Әліпбек сайланды

НҰР-СҰЛТАН, 22 қыркүйек – Sputnik. Қазақстанда бұқаралық ақпарат құралдары мен телерадио хабарларын тарату қызметкерлерінің "BAQ KASIPODAQ" салалық кәсіподағы құрылды. Бұл туралы бүгін ZOOM платформасында өткен бейнеконференцияда белгілі болды, деп хабарлайды Sputnik Қазақстан тілшісі.

Бейнеконференцияға танымал журналистер мен медиаменеджерлер қатысты. Сол жерде жаңа ұйымның төрағалығына журналистика саласында 30 жылдық тәжірибесі бар танымал тележүргізуші Зейін Әліпбек сайланды. Осыдан кейін кәсіподақ басшысы құрылымның жоспары мен алдағы бағыттары туралы жан-жақты баяндап берді.

Оқи отырыңыз: Қазақстанда митингтен хабар тарататын журналистер нені білуі тиіс 

"Алда журналистердің әлеуметтік-құқықтық жағдайын жақсартуды көздейтін көптеген шаруа, игі бастамалар тұр. Әсіресе, журналистердің шеберлігін шыңдап, кәсіби өсуіне бағытталған және қазақстандық БАҚ-тың әлеуетін күшейтуге арналған ілкімді жобалар бар. Оны тек қана кәсіподақ атқарады деуге болмайды. Оның барлығына сіздермен, құрметті әріптестер, бірлесе отырып қана қол жеткізе аламыз", - деді Әліпбек.

Айта кетейік, 2020 жылдың 10 қаңтарындағы мәлімет бойынша Қазақстанда 3669 БАҚ тіркелген. Республикада 2964 мерзімді басылым, 161 телеарна, 73 радио, 471 ақпарат агенттігі және желілік басылым бар.

0
Кілт сөздер:
журналистика
Шикі ет

Желіні шулатқан видео: полиция шикі ет жеп отырған баланың ата-анасын іздеп жатыр

0
Бүлдіршіннің заңды өкілдері табылғаннан кейін, олармен түсіндіру жұмысы жүргізіледі, қажет болған жағдайда балаға медициналық көмек көрсетіледі

НҰР-СҰЛТАН, 22 қыркүйек – Sputnik. Қазақстанның ішкі істер министрлігі Қазнетте тараған видеода шикі ет жеп отырған баланың әке-шешесін іздестіріп жатыр.

Бұл туралы білім және ғылым министрлігі балалар құқығын қорғау комитеті төрағасының орынбасары Юлия Овечкина хабарлады.

"Біз ақпаратты ішкі істер министрлігіне жолдадық. Баланың заңды өкілдері табылғаннан кейін, олармен түсіндіру жұмысы жүргізіледі. Қажет болған жағдайда балаға медициналық көмек көрсетіледі. Ата-аналар балаларының денсаулығына, физикалық, психикалық, рухани және моральдық дамуына қамқорлық жасау керек екенін ұмытпауы керек", - деді ол.

Овечкина ата-аналарға балалардың өмірі, денсаулығы мен қауіпсіздігі үшін әкімшілік және қылмыстық жауапкершілік қарастырылғанын ескертті.

Желіні шулатқан ролик 21 қыркүйекте жарияланды. Видеода бала шикі ет жеп отыр, кадр сыртынан әйелдің күлген даусы естіледі.

"Кәдімгідей тістеп отыр, жұлып алды әне. Бола берсін бе", - деп сұрайды бір әйел.  

"Не болады, жей берсін", - деп жауап береді екіншісі.  

Желі қолданушылары видеоны қызу талқылады. Бірі "мұнда тұрған ештеңе жоқ" десе, енді бірі баланың ішіне инфекция түседі деп алаңдаған.

0
Кілт сөздер:
ет, видео, бала
Омбыда Абай мәдени-іскерлік үйі ашылды

Омбыда "Абай" мәдени-іскерлік үйі ашылды

0
(Жаңартылды 17:17 22.09.2020)
"Абай" мәдени-іскерлік үйінің ғимараты қаланың орталығындағы Шоқан Уәлиханов көшесінде және ағартушы ғалым оқыған Омбы кадет корпусының жанында орналасқан

НҰР-СҰЛТАН, 22 қыркүйек – Sputnik. Бүгін Ресейдің Омбы қаласында "Абай" мәдени-іскерлік үйі ашылды, деп хабарлайды Sputnik Қазақстан Отандастар қорының баспасөз қызметіне сілтеме жасап.

Омбыдағы "Абай" мәдени-іскерлік үйінің ғимараты қаланың орталығындағы Шоқан Уәлиханов көшесінде және ағартушы ғалым оқыған Омбы кадет корпусының жанында орналасқан.

Оқи отырыңыз: Абайдың 175 жылдығына арналған монеталар қыркүйектен бастап сатылады 

Орталықтың ашылу рәсімі онлайн форматта өтті. Оған ақпарат және қоғамдық даму вице-министрі Марат Әзілханов, сыртқы істер министрлігі, Қазақстанның Омбыдағы консулдығы, "Отандастар қоры" КЕАҚ, "Омбы қазақтары" қоғамдық бірлестігінің өкілдері қатысты.

Орталық нақты төрт бағытта жұмыс істейді. Олар:

  • мәдени-гуманитарлық және қазақ тілін үйрету жобаларын іске асыру;
  • "Атамекен" іскерлік  бағыты бойынша қандастардың екі жақты тиімді бизнес жобаларына қолдау көрсету;
  • "Жас қазақ" бағыты арқылы әлемдегі жас қандастарды елге тарту және бірлескен жобаларды жүзеге асыру;
  • "Атажұрт" бағыты арқылы шетелдегі қазақтілді БАҚ-тың қауымдастығын құрып, өзара ақпараттық ынтымақтастықты арттыру.

"Жыл соңына дейін  "Абай" мәдени-іскерлік үйлері Өзбекстанның Тәшкент, Түркияның Стамбұл, Қырғызстанның Бішкек, Германияның Берлин қалаларында да ашылады. Бұның барлығы - ақпарат және қоғамдық даму министрлігі, Дүниежүзі қазақтары қауымдастығы және "Отандастар қорының"  бірлескен жобасы", - делінген ресми хабарламада.

0
Кілт сөздер:
Омбы, Абай
Тақырып бойынша
Петропавл түрмесінде Абайдың алып суреті салынды – фото
Тоқаев жаңа оқулық әзірлеуді тапсырды
"Абай айт­қан жал­қаулық жиі кездесетіні қынжылтады": Тоқаев мақала жариялады
"Сондай керемет!": Америкалықтар Абайдың өлеңін қазақ тілінде оқыды – видео
Тоқаев Абай мұрасын зерттеушілерді марапаттады