Әскери қызметкерден тәркіленген қару

Сот залында Шымкенттегі әскери бөлімнен ұрланған қарудың қалай сатылғаны айтылды

208
(Жаңартылды 12:48 28.08.2020)
Айыпталушының бірі үш миллион теңгені келісімшарт бойынша әскери бөлімде жұмыс істеген Балғынбайға бергенін айтты

АЛМАТЫ, 27 тамыз – Sputnik. Шымкенттегі әскери бөлімнен қару-жарақ ұрлау бойынша қылмыстық іске қатысы бар деген сегіз айыпталушының бірі Шыңғыс Сатай сотта ұрланған қаруды қандай бағаға сатқанын айтты, деп хабарлайды өңірлік Otyrar.kz сайты.

Айтуынша, ол 120 мың теңгеге сатып алған жауынгерлік тапаншаны 250 мың теңгеге сатқан. Осылайша 130 мың теңге таза пайда тапты.

"Ал 2 миллион 960 мың теңгені Абылай Балғынбайға (дезертир – Sputnik) бердім. Басында мен бас тарттым, кейін анықтап, қарудың қымбат тұратынын, жақсы пайда көруге болатынын білдім. Сол себепті саттым", – деді ол.

Бұған дейін сотта істің басты айыпталушысы Абылай Балғынбайдан жауап алынды. Сотталушы қылмыс жасарынан бірнеше күн бұрын майордың бөлімнен 100 автомат шығаруды ұсынғанын айтты.

Балғынбай әскери бөлімнен бірнеше рет қару алып шығып, сатқан. Айтуынша, бірнеше апта бойы майор Дәуітов оған қамқорлық жасаған. Тергеу кезінде Балғынбай бұл туралы тіс жармаған, сот барысында мұны айтуға қорыққанын жеткізді.

Оқи отырыңыз: Қаруланған әскери қызметші бөлімнен қашты: жоспар қалай жүзеге асырылды?

Айта кетейік, Түркістан облысында 20 ақпанда әскери қызметші, келісімшарт бойынша жұмыс істейтін сержант Абылай Балғынбай әскери салаға қатысы жоқ 1995 және 1996 жылы туған екі досымен бірге 29 автомат, 28 тапанша мен екі қару пышағын ұрлап, қашып кеткен. Ол сол күні кешке Алматыда ұсталды. Сот бұл істі қарауды тамызда бастады. Қазіргі кезде осы оқиғаға қатысты сот алдында сегіз адам жауап беріп жатыр.

208
Кілт сөздер:
қылмыс, ұрлық, қару-жарақ
Тақырып бойынша
Әскери бөлімнен қарумен қашып кеткен сарбаз ұсталды
Арыстағы жарылыс: сотталушыларға қандай айып тағылды
Қорғаныс саласында жемқорлық көбейді – әскери басшылар ұсталды
Алматыдағы атыс: инкассаторларға жасалған қарулы шабуылдың мән-жайы
Әскери бөлімнен қару ұрлау ісі: тағы бір күдікті ұсталды
Операторлар, иллюстративті фото

Журналистердің кәсіподағы құрылды

20
Жаңа ұйымның төрағалығына журналистика саласында 30 жылдық тәжірибесі бар танымал тележүргізуші Зейін Әліпбек сайланды

НҰР-СҰЛТАН, 22 қыркүйек – Sputnik. Қазақстанда бұқаралық ақпарат құралдары мен телерадио хабарларын тарату қызметкерлерінің "BAQ KASIPODAQ" салалық кәсіподағы құрылды. Бұл туралы бүгін ZOOM платформасында өткен бейнеконференцияда белгілі болды, деп хабарлайды Sputnik Қазақстан тілшісі.

Бейнеконференцияға танымал журналистер мен медиаменеджерлер қатысты. Сол жерде жаңа ұйымның төрағалығына журналистика саласында 30 жылдық тәжірибесі бар танымал тележүргізуші Зейін Әліпбек сайланды. Осыдан кейін кәсіподақ басшысы құрылымның жоспары мен алдағы бағыттары туралы жан-жақты баяндап берді.

Оқи отырыңыз: Қазақстанда митингтен хабар тарататын журналистер нені білуі тиіс 

"Алда журналистердің әлеуметтік-құқықтық жағдайын жақсартуды көздейтін көптеген шаруа, игі бастамалар тұр. Әсіресе, журналистердің шеберлігін шыңдап, кәсіби өсуіне бағытталған және қазақстандық БАҚ-тың әлеуетін күшейтуге арналған ілкімді жобалар бар. Оны тек қана кәсіподақ атқарады деуге болмайды. Оның барлығына сіздермен, құрметті әріптестер, бірлесе отырып қана қол жеткізе аламыз", - деді Әліпбек.

Айта кетейік, 2020 жылдың 10 қаңтарындағы мәлімет бойынша Қазақстанда 3669 БАҚ тіркелген. Республикада 2964 мерзімді басылым, 161 телеарна, 73 радио, 471 ақпарат агенттігі және желілік басылым бар.

20
Кілт сөздер:
журналистика
Шикі ет

Желіні шулатқан видео: полиция шикі ет жеп отырған баланың ата-анасын іздеп жатыр

143
Бүлдіршіннің заңды өкілдері табылғаннан кейін, олармен түсіндіру жұмысы жүргізіледі, қажет болған жағдайда балаға медициналық көмек көрсетіледі

НҰР-СҰЛТАН, 22 қыркүйек – Sputnik. Қазақстанның ішкі істер министрлігі Қазнетте тараған видеода шикі ет жеп отырған баланың әке-шешесін іздестіріп жатыр.

Бұл туралы білім және ғылым министрлігі балалар құқығын қорғау комитеті төрағасының орынбасары Юлия Овечкина хабарлады.

"Біз ақпаратты ішкі істер министрлігіне жолдадық. Баланың заңды өкілдері табылғаннан кейін, олармен түсіндіру жұмысы жүргізіледі. Қажет болған жағдайда балаға медициналық көмек көрсетіледі. Ата-аналар балаларының денсаулығына, физикалық, психикалық, рухани және моральдық дамуына қамқорлық жасау керек екенін ұмытпауы керек", - деді ол.

Овечкина ата-аналарға балалардың өмірі, денсаулығы мен қауіпсіздігі үшін әкімшілік және қылмыстық жауапкершілік қарастырылғанын ескертті.

Желіні шулатқан ролик 21 қыркүйекте жарияланды. Видеода бала шикі ет жеп отыр, кадр сыртынан әйелдің күлген даусы естіледі.

"Кәдімгідей тістеп отыр, жұлып алды әне. Бола берсін бе", - деп сұрайды бір әйел.  

"Не болады, жей берсін", - деп жауап береді екіншісі.  

Желі қолданушылары видеоны қызу талқылады. Бірі "мұнда тұрған ештеңе жоқ" десе, енді бірі баланың ішіне инфекция түседі деп алаңдаған.

143
Кілт сөздер:
ет, видео, бала
Омбыда Абай мәдени-іскерлік үйі ашылды

Омбыда "Абай" мәдени-іскерлік үйі ашылды

0
(Жаңартылды 17:17 22.09.2020)
"Абай" мәдени-іскерлік үйінің ғимараты қаланың орталығындағы Шоқан Уәлиханов көшесінде және ағартушы ғалым оқыған Омбы кадет корпусының жанында орналасқан

НҰР-СҰЛТАН, 22 қыркүйек – Sputnik. Бүгін Ресейдің Омбы қаласында "Абай" мәдени-іскерлік үйі ашылды, деп хабарлайды Sputnik Қазақстан Отандастар қорының баспасөз қызметіне сілтеме жасап.

Омбыдағы "Абай" мәдени-іскерлік үйінің ғимараты қаланың орталығындағы Шоқан Уәлиханов көшесінде және ағартушы ғалым оқыған Омбы кадет корпусының жанында орналасқан.

Оқи отырыңыз: Абайдың 175 жылдығына арналған монеталар қыркүйектен бастап сатылады 

Орталықтың ашылу рәсімі онлайн форматта өтті. Оған ақпарат және қоғамдық даму вице-министрі Марат Әзілханов, сыртқы істер министрлігі, Қазақстанның Омбыдағы консулдығы, "Отандастар қоры" КЕАҚ, "Омбы қазақтары" қоғамдық бірлестігінің өкілдері қатысты.

Орталық нақты төрт бағытта жұмыс істейді. Олар:

  • мәдени-гуманитарлық және қазақ тілін үйрету жобаларын іске асыру;
  • "Атамекен" іскерлік  бағыты бойынша қандастардың екі жақты тиімді бизнес жобаларына қолдау көрсету;
  • "Жас қазақ" бағыты арқылы әлемдегі жас қандастарды елге тарту және бірлескен жобаларды жүзеге асыру;
  • "Атажұрт" бағыты арқылы шетелдегі қазақтілді БАҚ-тың қауымдастығын құрып, өзара ақпараттық ынтымақтастықты арттыру.

"Жыл соңына дейін  "Абай" мәдени-іскерлік үйлері Өзбекстанның Тәшкент, Түркияның Стамбұл, Қырғызстанның Бішкек, Германияның Берлин қалаларында да ашылады. Бұның барлығы - ақпарат және қоғамдық даму министрлігі, Дүниежүзі қазақтары қауымдастығы және "Отандастар қорының"  бірлескен жобасы", - делінген ресми хабарламада.

0
Кілт сөздер:
Омбы, Абай
Тақырып бойынша
Петропавл түрмесінде Абайдың алып суреті салынды – фото
Тоқаев жаңа оқулық әзірлеуді тапсырды
"Абай айт­қан жал­қаулық жиі кездесетіні қынжылтады": Тоқаев мақала жариялады
"Сондай керемет!": Америкалықтар Абайдың өлеңін қазақ тілінде оқыды – видео
Тоқаев Абай мұрасын зерттеушілерді марапаттады