Онлайн сабақ

Баланы онлайн оқуға қалай дайындау керек психологтар кеңес берді

727
Психологтар ата-ананың өзі дайын болмаса, бала да онлайн білімді қабылдай алмайтынын айтып отыр

НҰР-СҰЛТАН, 28 тамыз – Sputnik. Жаңа оқу жылы жақындаған сайын ата-аналардың чаттары қыза түсуде. Негізгі тақырып – онлайн оқу. Біреулер сабақ кестесін іздесе, енді біреулер электронды жүйеге қалай қосылатынын ұмытып қалған. Чаттың іші бітпейтін сұрақ белгілері. Арасында "Шаршатты осы онлайн оқу, мектепке бару қашан басталады?" деген сауалдар да шығып қалады. Соған қарағанда кейбір ата-аналар жаңа оқу жылына психологиялық тұрғыда әлі дайын емес сияқты. Sputnik Қазақстан тілшісі психолог мамандарға хабарласып, баланы онлайн оқуға қалай дайындау қажеттігін сұрады.

Баланың жеке кеңістігін бұзбау керек

Балалар психологы Жаңагүл Қайырова алдымен онлайн оқуға қажетті жағдайды жасап беруге кеңес беріп отыр. Бала өзін мектепте отырғандай сезінсе, ештеңеге алаңдамайды, сабаққа зейін қояды.

"Үйдегі атмосферадан бөлек бір ыңғайлы орын болуы керек. Мысалы, мектепте парта мен орындық болса, үйде тура сондай бір ыңғайлы кеңістік жасап қойған дұрыс. Үйдің үлкен-кішілігіне қарамай, міндетті түрде баланың орны болғаны абзал. Сонда оның оқуға деген ынтасы артады. Өз кеңістігінде отырған бала үйдегі жағдайларға көп алаңдамай, сабаққа зейін қоя алады", – дейді Қайырова.

Маманның ойынша, ата-аналар оқу процесіне араласпауы керек. Бала мұғаліммен бірге толығымен сабаққа енуі тиіс. Оны қайта-қайта түртпектеудің қажеті жоқ.

"Енді, ата-аналар үйде жүргеннен кейін құлағын түріп жүреді ғой. Дегенмен, оқу процесіне араласып, "мына жерде былай ғой, мұғалімнің айтып отырғаны осылай, оны неге түсінбейсің" деп, комментарий айтудың қажеті жоқ. Бала мұғаліммен бірге сабаққа толығымен енуі керек. Ал сырттан айтылған ескертулердің пайдасынан гөрі зияны көп", – деп атап көрсетті Қайырова.

Достарымен кездесуге жағдай жасау қажет

Онлайн сабақ бітсе де, балаға бірден ескерту жасау дұрыс емес. Соның орнына қосымша ақпарат іздеп, оған жаңа тақырыпты түсінуге көмектесу керек. Сол кезде баланың өз-өзіне деген сенімі артады.

"Әдетте, бала мектепке кеткенде ата-анасы оның сабақта қалай отырғанын және не істегенін көрмейді ғой. Баланың өзі мектепте болған жағдайдың жартысын айтса, жартысын айтпауы мүмкін. Енді, ол мінез-құлқына байланысты. Сондықтан онлайн сабақ біткеннен кейін де баланың мазасын алмаған дұрыс. Оның біліміне, сабақты түсіну қабілетіне күмән туғызу өз-өзіне деген сенімін төмендетуі мүмкін. Сол себепті ата-анасы барынша ұстамдылық танықтан жөн", – деді Қайырова.

Бұдан бөлек, балада мектеп пен сыныптастарына деген сағыныш болады. Психолог маман сақтық шараларын сақтай отырып, осы сағынышты басуға жағдай жасау қажет деп санайды.

"Қазір балалардың бәрі өз сыныптастарын сағынады. Оларды көргісі келеді, араласқысы келеді, мектепке барғысы келеді. Сондықтан онлайн сабақтан кейін сыныптастарымен кездесуге рұсқат беру керек шығар. Меніңше, сақтық шараларын сақтай отырып, достарымен кездесуге жағдай жасау қажет", – деп түйіндеді Қайырова.

Балалар бәрін біледі

Психолог Серікгүл Сәлі де ата-аналарға психологиялық тұрғыда дайын болуға кеңес беріп отыр. Себебі, ата-ананың өзі дайын болмаса, бала да онлайн білімді қабылдамайды.

"Негізі, онлайн оқу ол да бір жаңалық, өмірдегі өзгеріс. Ал кез келген өзгерістің жаман жағы болмайды, жақсы жақтары көп. Ата-аналар онлайн оқуды солай қабылдаса, баласы да оңай алып кетеді. Себебі, бала көбінесе, ата-анасының көзқарасын көшіреді. Сондықтан үлкендер "онлайн оқу да бір жақсы нәрсе, біздің дамығанымыз, балаларға да қолайлы, себебі жұмысы да сонымен байланысты болады, соған жасалған қадам, біз үшін тиімді өзгеріс" деп, іштей қарсыласпай, соған бағынса, баласы да жаңа жағдайға оңай бейімделеді", – дейді Сәлі.

Онлайн оқу кезінде бала жылап, сабақты оқи алмаймын деп жатады. Маманның айтуынша, бұның барлығы – ата-анасынан берілген көзқарас. Оқушылар мектептен кейін де кейбір тақырыпты түсінбей келеді. Себебі, біреу сабақта түртіп отыруы мүмкін, басқа бір себептер де болады. Ал онлайн оқу кезінде ондай кедергілер жоқ. Дегенмен, тақырыпты түсінбей қалған балаға барынша көмектесу керек, ары қарай өзі де алып кетеді. Өйткені, қазіргі балалар техниканы жақсы біледі.

Оқи отырыңыз: Психолог қандай адамдардың және неге күз мезгілін ұнатпайтынын айтты

"Мысалы, менің үшінші сыныптағы қызым ноутбукқа пайдалы қосымшаларды өзі жүктеп алған. Онлайн тапсырмаларды көреді де, принтерден қағазға басып алады. Олар қабілетті балалар. Ата-анасы сол қабілеттілігіне сеніммен қарауы керек. Қазіргі балалар бәрін біледі", – деп атап көрсетті Сәлі.

727
Кілт сөздер:
ата-ана, бала, білім беру, психологтар
Тақырып бойынша
Психолог адам жиі көретін түстердің мағынасын ашып берді
"Балаңыз iPhone сұраса..." психолог кеңесімен бөлісті
"Адам дертке шалдығады": психолог жұмыстағы күйзелістің несімен қауіпті екенін айтты
Психолог карантин кезінде төрт қабырғаға қамалып отырғандарға кеңес берді
Балаға коронавирус туралы айту керек пе - психолог жауап берді
Бурабай

Бурабай мен Көк Жайлаудағы жердің бір бөлігі қайтарылады Тоқаев заңға қол қойды

72
Туризм инфрақұрылымын салуға бөлінген, алайда мақсатқа сай пайдаланылмаған жерлер мемлекетке қайтарылады

НҰР-СҰЛТАН, 30 қыркүйек – Sputnik. Қазақстан президенті Қасым-Жомарт Токаев "Қазақстан Республикасының кейбір заңнамалық актілеріне ерекше қорғалатын табиғи аумақтар мәселелері бойынша өзгерістер мен толықтырулар енгізу туралы" заңға қол қойды, деп хабарлады Ақорда.

Заң Іле Алатауы мемлекеттік ұлттық табиғи паркі, Бурабай және Көк Жайлау табиғи парктері жерлерінің бір бөлігін мемлекет меншігіне қайтаруды көздейді. Заң Жер кодексіне өзгерістер мен толықтырулар енгізуді қарастырады.

Оқи отырыңыз: Тоқаев "Көк Жайлау" құрылысына қатысты соңғы сөзін айтты 

"Өзгерістер ерекше экологиялық, ғылыми, тарихи-мәдени және рекреациялық құндылығы бар және қайтарылған жер учаскелерінде орналасқан табиғи қорық қорының табиғи кешендері мен нысандарын сақтау қажеттілігінен туындады", - деп түсіндірді бұған дейін мәжілісмен Роман Ким сенат қабырғасында заң жобасын таныстыра отырып.

Заң нормалары туристік нысандар мен құрылыстарды салу және пайдалану үшін алынған, бірақ сол мақсатта пайдаланылмай жатқан жерлерді ерекше қорғалатын табиғи аумақтар құрамына қайтаруға мүмкіндік береді. 

72
Кілт сөздер:
Қасым-Жомарт Тоқаев, "Көк Жайлау" курорты, Бурабай
Тақырып бойынша
"Асығыстық танытуға болмайды" Тоқаев Байбектің шешіміне қолдау білдірді
Бурабай мен Көк Жайлаудағы жерлердің бір бөлігі мемлекетке қайтарылады
Архивтегі фото

Еуразиялық патенттік ұйым Төрегелді Шармановқа алтын медаль табыстады

42
Патенттік ұйымның алтын медалі өнертапқыштық қызметке және өнертабыстардың құқықтық қорғалуын дамытуға елеулі үлес қосқан адамдарға беріледі

НҰР-СҰЛТАН, 30 қыркүйек – Sputnik. Еуразиялық патенттік ұйым Қазақстандық өнертапқыштарды алтын медальмен марапаттады, деп хабарлады әділет министрлігінің аспасөз қызметі.

Медицина ғылымдарының докторы, профессор, Қазақстан Ұлттық ғылым академиясының және Ресей ғылым академиясының академигі, өнертапқыш Төрегелді Шарманов және тау-кен және мұнай саласындағы жетістіктерімен танымал Satbayev University В.И. Блинников атындағы алтын медалмен марапатталды.

Мұндай шешім Еуразиялық патенттік ұйым әкімшілік кеңесінің 36 отырысында қабылданды.

Оқи отырыңыз: Төрегелді Шарманов ұзақ өмір сүрудің құпиясын бөлісті

Салтанатты марапаттау рәсімі Қазақстан Республикасы Әділет органдары қызметкерлерінің күніне орай өткізілді. Аталған марапаттарды Алматы қаласы әділет департаменті басшысы Абай Арап тапсырды.

Айта кетейік, В.И. Блинников атындағы алтын медаль Еуразиялық патенттік конвенцияға қатысушы мемлекеттер үшін маңызды өнертапқыштық қызметке және өнертабыстардың құқықтық қорғалуын дамытуға елеулі үлес қосқан адамдарға беріледі.

42
Махамбет Досмұхамбетов

Атырау облысының әкімі орынбасарының кінәсі дәлелденсе, қызметінен кетуге дайын

0
Әкімнің бірінші орынбасары мен құрылыс басқармасының бастығы 420 мың доллар көлемінде пара алды деген күдікпен ұсталды

НҰР-СҰЛТАН, 30 қыркүйек – Sputnik. Атырау облысының әкімі Махамбет Досмұхамбетов бірінші орынбасары Нұрлан Таубаев шынымен де кінәлі деп танылып, сот үкімі шықса, қызметінен кететінін мәлімдеді.

Әкімнің орынбасары мен құрылыс басқармасының бастығы 182 миллион теңге (420 мың доллардан астам) көлемінде пара алды деген күдікпен ұсталды, деп жазды "Ақ Жайық" басылымы.

"Заң бәріне ортақ. Егер тергеу аяқталып, сот оны кінәлі деп тапса, онда мен заңға сәйкес, отставкаға кетуге дайынмын. Оны қабылдай ма, жоқ па, президент өзі шешеді", - деді әкім Махамбет Досмұхамбетов.

Еске сала кетейік, 2019 жылдың қарашасында "Мемлекеттік қызмет туралы" заңға түзетулер енгізілді, оған сәйкес қарамағындағы қызметкердің кінәсі дәлелденіп, сот үкімі заңды күшіне енгеннен кейін басшы қызметінен кетуге міндетті.   

Оқи отырыңыз: Қазақстанда бірнеше әкім отставкаға кетуге өтініш берді 

Сыбайлас жемқорлыққа қарсы іс-қимыл агенттігі бұған дейін заң аясында қандай қызметкерлер тікелей бағынышты ретінде қарастырылатынын түсіндірген болатын.

0
Кілт сөздер:
отставка, әкім, Атырау облысы
Тақырып бойынша
Білім саласында жемқорлық неге көбейді?
Нұр-Сұлтанда әкім қызметінен кетті
Жезқазғанға жаңа әкім тағайындалды
Тоқаевтың тапсырмасы: облыс әкімінің орынбасары мен аудан әкімі отставкаға кетті