Жүсіповтер отбасы

Көпбалалы ана жаңа оқу жылы туралы: бес балам бір телефон қолданады

1381
(Жаңартылды 22:05 28.08.2020)
Жаңа оқу жылының басталуына үш күн қалды. Биыл оқушылар бірінші тоқсанды онлайн форматта оқитын болады

АЛМАТЫ, 28 тамыз — Sputnik. Оқу жылына басты дайындық – қажетті техникалық құрылғы және интернетпен қамтамасыз ету. Себебі шалғай ауыл тұрмақ, қаланың, облыс орталығының өзінде ғаламторға қолы жетпей отырған қаншама отбасы бар. Sputnik Қазақстан тілшісі Түркістан қаласында тұратын көпбалалы отбасылармен байланысқа шығып, жаңа оқу жылына дайындығын сұрады. 

Бес балаға бір телефон

Бес баласы мектепте оқитын Айметовтер отбасы жаңа оқу жылына еш дайындығы жоқ екенін ойлап уайымдап отыр. Себебі қолдарында интернетке қосылатын бір ғана телефон бар. Балаларына техникалық құрылғы сатып алуға жағдайы жетпейді, себебі бір ғана адам жұмыс істейді. 

Гүлчехра Изетуллаева балалары оқитын №20 Расул Есетов атындағы мектепте еден жуушы болып жұмыс істейді, күйеуі – жұмыссыз. Мектепте жүріп алатын жалақысы – 60 мың теңге, бес балаға алатын 55 мың жәрдемақыны азық-түлікке жұмсайды.

"Ертең онлайн оқу басталады, үйде жалғыз телефон бар. Оған интернет те жоқ. Бір айға арнап қосатын тариф жетпей қалады, оған көктемде көзіміз жетті. Тұңғышым 9-сыныпта оқиды, кішкентай балам 3-сынып оқушысы. Бір телефонмен WhatsApp арқылы оқыдық. Оқыды деген аты ғана, жасы кіші үш балам оқып қатырмады. Анда-санда тапсырмасын жіберіп отырды, себебі үлкендер сабақ орындап болғанша көп уақыт кетеді", - дейді бес баланың анасы.

Ол жаңа оқу жылында балаларының қалай оқитынын білмей отыр. Айтуынша, кеше ата-аналар мектеп директорына кіріп, WhatsApp арқылы оқуға рұқсат сұраған.

"Алайда бұл шешімді мектеп директоры қабылдамайды екен. Алты, жеті баласы бар ата-ана көп. Бәрінде осы жағдай. Телефон алып бере салатын жағдайы да жоқ, себебі қазір бәрі жұмыссыз отыр. Көп баланың ата-анасы дәмхана, тойханада жұмыс істейтін, олар жабық тұр", - дейді Изетуллаева.

Бұған дейін мектеп басшылығы бірнеше рет ноутбук жағынан көмектесіп, интернет жоқ болса, оны да қосып беретінін айтқан. Ал кеше оқушыларға қай уақытта техникалық құрылғы табысталатынын айтпаған.

"Үйге бір компьютер мен интернет керек. Үлкен баламның қолында да ұялы телефоны жоқ, себебі бала-шағаға телефон алып беретін жағдай жоқ. Күйеуім жұмыссыз. Өзімнің айлығым 60 мың теңге. Қолымдағы бір телефонды сабақ басталған кезде үйге тастап кетемін", - дейді ол.

Ауданға интернет тартылмайды

Түркістан қаласының тұрғыны, 37 жастағы Айгерім Мұстиярова алты баланы өсіріп отырған күміс алқа иегері. Күйеуі Шымкент қаласында зауытта жұмыс істейді, өзі үй шаруасындағы әйел. Алты баласының кенжесі үш жаста, қалған бес бала №20 Расул Есетов атындағы мектепте оқиды. 

Көктемде бес баласы бір телефонды қолданып, WhatsApp арқылы оқыған. Бір телефонға телміріп, таңнан кешке дейін бірге сабақ оқыған соң, үйдің екі үлкеніне телефон сатып алған. Енді 2, 4, 6 сыныпта оқитын балалары бір телефонмен оқиды деп отыр.

"Үйде компьютер де, интернет те жоқ. Көктемде балалар бір телефонды қолданып сабақ оқыды. Кешке дейін барынша үлгеріп, тапсырмаларды жіберіп отырдық. Уақыт-уақытпен бөліп, өзім қадағаладым. Бірінші кішкентай оқыды, одан кейін телефонды үлкендері алды. Олар өздері оқыды, ал кішкентайларына кемі жарты сағат уақыт кетті, кейде 2-3 сағаттап өлең жаттады", - дейді күміс алқа иегері.

Көпбалалы отбасы
© Photo : Жүсіповтер отбасының жеке архивінен алынды
"Үйде компьютер де, интернет те жоқ"

Айтуынша, жуырда мектеп басшылығы Zoom арқылы жиналыс өткізіп, ата-аналардың шағымын тыңдаған.

"Екі үлкен балама телефон алып бердім, қалған үшеуі бір телефонмен оқиды. Мектепке барып, уақытша қолдануға компьютер сұрағанымызда өздеріңіз салып алыңыздар деді. 20 тамызда мектепке барып, 990 теңгелік тарифті сұрадым, әлі күнге дейін жауабын бермеді. Қалада тұрсақ та, біздің ауданға интернет тартылмаған, яғни Wi-Fi қосылмайды. "Қазақтелекомға" барғанымызда, біз тұратын ауданға интернет қосу қарастырылмағанын айтты", - дейді әйел.

Айтуынша, отбасы тұратын көшеде ешкімнің үйінде Wi-Fi жоқ, көршілері де интернет қоса алмай дал болып отыр. Енді әйел абоненттік орталықтарға барып, тиімді тарифті іздеп жүрмін дейді.

Отбасының айлық табысы – 168 мың теңге. Күйеуі зауытта жүк тасушы болып жұмыс істейді. Әйел алты баласына жәрдемақы алады, күміс алқа иегері екені ескеріліп, 88 мың теңге алып отыр. Қазір мектепке форма алмағанымен, сабақты мектепке барып оқитын кезде алуға тура келеді. Себебі былтыр алған аяқкиімі де, көйлек те шақ келмей қалады. 

"Әдетте қосымша кітаптарының өзіне әр балаға 5-6 мың теңге кетеді. Ал кітап жағынан қиындық жоқ, кеше мектепке барып кітаптарын алып келдік", - дейді Айгерім Мұстиярова.

Үш бала көмекке мұқтаж

Sputnik Қазақстан тілшісі сөйлескен екі тұрғынның үлкен ұлдары бір сыныпта оқиды. Сынып жетекшісі Жансая Шорабекова сыныбында үш оқушының көмекке мұқтаж екенін жасырмады.

"Сыныпта 13 оқушы бар, төрт оқушының үйінде компьютер, ноутбук бар. Әрине, оның өзі жеке бір балаға арналмаған, отбасы мүшелерінің бәріне ортақ техника. Тағы бес бала телефон арқылы оқимыз деп отыр, үш бала көмекке мұқтаж. Мектептің әлеуметтік педагогы көмекке мұқтаж оқушылар туралы мәліметтер алды", - дейді Шорабекова.

Мектеп басшылығы әкімдік пен демеушілер тарапынан көмек көрсетілетінін айтқан.

Екі балаға бір компьютер беріледі

Ресми ақпаратқа сәйкес, Түркістан қаласында 44 324 оқушы бар. Оның 38,5%-і - әртүрлі әлеуметтік мәртебесі бар балалар, яғни 17 093 бала көпбалалы, тұрмысы төмен отбасынан. Бұл тізімге жетім қалған балалар мен ерекше білім беруді қажет ететін балалар да кіреді. 

Түркістан қаласының адами капиталды дамыту бөлімі мамандарының айтуынша, қала оқушыларына 8 926 дана компьютер мен ноутбук, планшет беру жоспарда бар. Бір отбасыдағы екі балаға бір техникалық құрылғы беріледі.

"Мектептерге тарату жүргізіліп жатыр. Бір апта ішінде отбасыларға, оқушыларға толық жеткізіледі", - деді ведомство мамандары.

Жаңа оқу жылы

Коронавирус пандемиясына байланысты Қазақстанда 2020-2021 оқу жылы қашықтан оқыту форматында басталады. Жаңа оқу жылында республиканың 7391 мектебінде 3,3 миллионнан астам бала білім алады. 396 мыңнан аса бүлдіршін бірінші сыныпқа барады. Карантинге байланысты мектептерде оқу жылының басталуына арналған шаралар онлайн өтеді. Балалар мектепке бармайды, шараға байланыс құралдары арқылы қатысады.

Шалғай ауылдарда оқушы саны аз шағын мектептерде сабақ дәстүрлі форматта өтеді. Балалар мектепке барып оқиды. 

Ал басқа мектептерде ата-аналардың өтінішімен 1-4 сынып оқушылары үшін кезекші сыныптар ашылады.

Кезекші сыныптарда сабақтың ұзақтығы – 40 минут, ал онлайн режимде 15 минуттан 30 минутқа созылады. Мұғалімдер мен оқушыларға арналған "Білім" тарифі бірінші қыркүйектен бастап іске қосылады.

1381
Кілт сөздер:
телефон, бала, оқу жылы, көпбалалы отбасы
Тақырып бойынша
Баланы онлайн оқуға қалай дайындау керек – психологтар кеңес берді
Мұғалімдер мен оқушыларға арналған тариф 1 қыркүйектен бастап іске қосылады
Нұр-Сұлтанда үш мың кезекші сынып ашылады
Жаңа оқу жылында оқушылар үшін сабақ 30 минуттан аспайды
Елордалық оқушылар үшін 34 мың компьютер сатып алынады 
Архивтегі фото

Қазақстанның 6 облысында дабылды ескерту жарияланды

1799
Синоптиктер Жамбыл, Алматы, Қарағанды ​​облыстарында кей жерлерде 1-3 градус үсік жүреді деп болжады, сондай-ақ бірқатар өңірде тұман түсіп, жел күшейеді

НҰР-СҰЛТАН, 29 қыркүйек – Sputnik. Қазгидромет 30 қыркүйек пен 2 қазан аралығында алты облыста дабылды ескерту жариялады.  

30 қыркүйекте, 1-2 қазанда Жамбыл облысында кей жерлерде тұман түсіп, шаңды дауыл тұрады, солтүстік-шығыстан жел соғады, күші 15-20 м/с, 30 қыркүйекте екпіні 23 м/с жетеді деп болжанып отыр. 30 қыркүйекте, 1-2 қазанда түнде және таңертең кей жерлерде 1-3 градус үсік жүреді.

30 қыркүйекте Қарағанды облысының кей жерлерінде солтүстік-шығыстан, шығыстан жел соғады, күші – 15-20 м/с. Қарағанды қаласында 30 қыркүйекте түнде тұман түседі.

Оқи отырыңыз: Үсік жүреді – қыркүйекте ауа райы қандай болады  

30 қыркүйекте Қостанай облысының кей жерлерінде тұман түседі деп болжануда.

30 қыркүйекте түнде және таңертең Ақмола облысында кей жерлерде тұман түседі.

30 қыркүйекте Түркістан облысының кей жерлерінде шығыстан соғатын желдің күші 15-20 м/с жетеді.

30 қыркүйекте күндіз Қызылорда облысының кей жерлерінде шаңды дауыл тұрады. Солтүстік-шығыстан, шығыстан жел соғады, күші кей жерлерде – 15-20, күндіз екпіні 23 м/с болады. Күндіз төтенше өрт қаупі сақталады.

1799
Кілт сөздер:
дабылды ескерту, үсік, ауа райы
Праймериз

700-ге тарта адам Nur Otan праймеризіне қатысудан бас тартты

99
Қазіргі уақытта 11 249 адам партияның праймеризіне қатысуға өтініш берді, оның ішінде 10 235 кандидат тіркелді

АЛМАТЫ, 29 қыркүйек – Sputnik. Nur Otan праймеризіне қатысып жатқан 734 кандидат тіркеуден шығарылды, оның ішінде 668 адам өз еркімен шықты. Бұл туралы партия хатшысы Әлібек Әлденей мәлімдеді.

Оның айтуынша, праймериз өткізу ережелері мен партияның басқа да ішкі нормаларына қайшы келетін әрекет үшін қатаң шара қолданылып, келеңсіздікке жол берген үміткерлер партияішілік іріктеуден шығарылып жатыр.

"29 қыркүйекке дейін 734 үміткер тіркеуден шығарылды. Оның ішінде 668 адам өз еркімен шықты. Аймақтық ұйымдастыру комитеттерінің шешімімен 64 үміткердің өтініші күшін жойды. Олардың 27-сі дебатқа қатысудан бас тартқан. Төртеуі партия жарғысы мен әділ саяси бәсекенің талаптарына қайшы келетін әрекеттері үшін шығарылса, тағы 33 кандидат бойынша бастауыш партия ұйымдары өтініштерін кері қайтарып алды", – деп жазды ол Facebook парақшасында.

Қазіргі уақытта 11 249 адам өтініш берді, оның ішінде 10 235 кандидат тіркелді.

Әлденей барлық арыз-шағымға және заң бұзушылықтарға мониторинг жасап, оларға жедел түрде тиісті шара қолданылып жатқанын айтты.

Оқи отырыңыз: Nur Otan праймериз қарсаңында өрескел тәртіп бұзушылықтарды анықтады 

Nur Otan хатшысы қандай да бір тәртіп бұзу фактісіне куә болған жағдайда "Nur Otan" партиялық бақылау органдарына хабарлауды сұрады. Сондай-ақ, 8 (800) 080 4441 телефонына хабарласып (хабарласу тегін) немесе komek@nurotan.kz электронды поштасына хат жолдауға болады.

Nur Otan праймеризі

1 қазаннан (00.00) және 3 қазанға (14.00) дейін мобильді қосымша және арнайы веб-портал арқылы электронды түрде дауыс беруді өткізу жоспарланып отыр.

Дауыс берудің соңғы күні (3 қазан) бастауыш партия ұйымдарының базасында сайлау учаскелері ашылды. Интернет жоқ елді мекендерде қағаз бюллетеньдер бойынша дауыс бере алады.

Праймериз қорытындысы 5 қазанда жарияланады.

Nur Otan праймеризі партия көшбасшысы, Елбасы Нұрсұлтан Назарбаевтың тапсырмасы бойынша еліміздің партиялық-саяси даму тарихында тұңғыш рет жалпыреспубликалық партияішілік сайлау ауқымында өтеді.

99
Тақырып бойынша
Назарбаев қазақстандықтарға үндеу жасады
Елбасының баспасөз хатшысы праймеризге қатысты ақпарат жариялады
Назарбаев: партия қазақстандықтарды біріктіруі тиіс
Nur Otan партиясына адам қабылдау тоқтатылды – Байбек себебін түсіндірді
Nur Otan праймеризі: Байбек қауіпсіздік шаралары туралы хабарлады
Архивтегі фото

Қытайда тәрбиеші өлім жазасына кесілді

0
Балабақша қызметкері Ван Юнь әріптесінен өш алу мақсатында оның тобына барып жүрген балаларды улағаны анықталды

НҰР-СҰЛТАН, 29 қыркүйек – Sputnik. Қытайдың Цзяоцзо қаласында халық соты балабақша қызметкерін өлім жазасына кесті, деп хабарлады РИА Новости.

Сот материалдарына сәйкес, "Мэнмэн" балабақшасында жұмыс істеген Ван Юнь деген келіншек орта топқа жауапты тәрбиешімен жанжалдасып қалған. Артынан әріптесінен өш алу мақсатында оның тобына барып жүрген балаларды улауға шешім қабылдайды. Сөйтіп, 2019 жылы 27 наурызда таңертең Сунь есімді тәрбиешінің балалары жейтін ботқаға натрий нитритін салып жіберген. Сол күні 25 бала уланып, ауруханаға түсті. Бір бала көз жұмды.

Оқи отырыңыз: Балабақшадағы балалар есек етін жеп келгені әшкере болды 

Тергеу шаралары барысында Ван Юньн осы іспетті тағы бір қылмыс жасағаны анықталды. Осыдан үш жыл бұрын үйдегі жанжалдан кейін ол күйеуін улаған. 2017 жылы ақпан айында алдымен интернет арқылы натрий нитритіне тапсырыс берген. Ал химиялық затты алғаннан кейін суға қосып, күйеуіне берген. Ол кезде ер адам уланғанмен қатты зардап шекпеген.    

Цзяоцзо қаласының орта санаттағы халық сотының шешімімен Ван Юнь өлім жазасына кесілді.

0
Кілт сөздер:
Қытай, балабақша
Тақырып бойынша
Шымкентте балабақшада төрт бала мен тәрбиеші уланып қалды
Алматы облысында балабақшадағы видеодан кейін тәрбиеші хабарсыз кетті
Алматыда балабақшадан сәби ұрламақ болған әйелге қатысты тың дерек шықты
Бүлдіршінді сорпамен күйдірген балабақша қызметкері жазадан құтылды
Шипажайда баланы сүлгімен ұрған тәрбиеші қылмыстық жазаға тартылмайтын болды