Ребенок с планшетом, дистанционное обучение

Пандемия басталғалы онлайн-мектептерге қызығушылық артты

72
(Жаңартылды 11:59 29.08.2020)
Онлайн-мектептердің ерекшелігі неде, отбасылық білім берудің артықшылығы мен кемшіліктері қандай? Бұл туралы Sputnik Қазақстанға қазақстандық ата-аналар айтып берді

НҰР-СҰЛТАН, 29 тамыз – Sputnik. Қазақстанда коронавирус пандемиясына байланысты оқушылардың көпшілігі үшін жаңа оқу жылы қашықтықтан басталады. Біреулер үшін "үйде оқу" форматы қатал және мәжбүрлі сынақ болса, кейбіреу оны негізгі немесе қосымша білім беру үлгісі ретінде таңдады.

Қазақстандық интернет-қоғамдастықта баласын мектептен тыс оқытқысы келетін ата-аналардың саны қазірдің өзінде 5 мыңға жуықтаған. Пандемия басталғалы онлайн мектептерге қызығушылық айтарлықтай өсті.   

Осы уақытқа дейін Қазақстанда өздігінен оқу және қорытынды аттестаттаудың құқықтық негіздері болған емес. Пандемияға байланысты заңнамаға өзгерістер енгізіліп жатыр, алайда білім министрлігі қашықтан оқыту ерекше жағдайларда ғана қолданылатынын мәлімдеді.

"Балаларды алып кету керек": Қазақстанның білім министрлігі биылғы өзгерістерді жариялады  

Дегенмен кейбір қазақстандық ата-аналар амалын тауып, балаларын ресейлік онлайн-мектептерге жаздырып жатыр. Ресейде "отбасылық білім беру" заңды саналады. Мұндай тәжірибе АҚШ пен Еуропаны қосқанда, 45 елде қолданылады екен. Қазақстандықтар арасында ең танымал 5 онлайн-мектеп бар, ондағы білімнің орташа құны жылына 36-50 мың рубльді (орта есеппен 200-250 мың теңге) құрайды.

Онлайн-мектептердің ерекшелігі неде, отбасылық білім берудің артықшылығы мен кемшіліктері қандай? Бұл туралы Sputnik Қазақстан тілшісіне балаларын осындай білім беру мекемелеріне берген ата-аналар айтып берді.

"Бала өз бетінше оқитын болды"

Бесінші сыныпта Жанна Балтабаева ұлына кейбір пәндер бойынша білімін жетілдіру үшін онлайн-мектептердің бірінде қосымша сабақ алуды ұсынды. Биыл 12 жастағы бала ресейлік онлайн-мектепке алтыншы сыныпқа барады.

"Біз өткен жылдың қазан айынан, бесінші сыныптан бастап оқыдық. Алғашында тіркелмедік. Бала жүйенің қалай жұмыс істейтінін түсініп, өзін ұстай білуді үйренгенін қаладым. Ұлым екі мектепте оқыды, орыс тілін қосымша оқыды, өйткені біздің деңгей жеткіліксіз болды", - дейді Жанна.

Алғашқы үш ай өте қиын болған, бірақ кейін оқушы оған бейімделе бастайды.   

"Біз толығымен онлайн-мектепке көшуді ұйғардық. Құжаттарды өзіміздің мектептен алып, ресейлік мектепке жаздырдық. Құжаттар бірнеше күн қаралады, содан кейін бала тіркеледі", - деп түсіндірді оқушының анасы.  

Онлайн оқытудың артықшылықтарының қатарында Жанна ұлының дербес және жауапты бола бастағанын атап өтті.

"Ол өзінің күнін жоспарлап, басқа да істермен айналыса алады. Мысалы: ол таңертең тұрып, сабағын орындайды, күні бойы бос. Немесе ол күндіз өз шаруаларымен айналысып, ал кешке сақбаққа дайындалады. Ол бұған өзі жауапты", - дейді ол.

Сонымен қатар, оқушы қосымша ақпарат іздеуге үнемі қызығушылық танытып отырады, зерттеумен айналысады, өз бетінше білім алу дағдыларын дамытады.  

"Кітапты көбірек оқитын болды", - дейді Жанна.

Кемшіліктердің қатарында басқа балалармен қарым-қатынас жетіспейтінін атап өтуге болады. Пандемия кезінде бұл проблеманы қашықтықтан оқитын барлық оқушы бастан өткереді.

"Біз пандемияға дейін ауысып, күйзеліссіз оқыдық"

Альбина Денисова қазіргі 11 жастағы бесінші сынып оқушысын ақпан айында онлайн оқытуға ауыстырды.

Төртінші тоқсанды бала барлық мектеп оқушысы сияқты қашықтықтан, бірақ күйзеліссіз аяқтады. Қазақстан үшін қашықтықтан оқыту жаңа тәжірибе болды және белгілі бір қиындықтар қатар жүрді. Ал Альбинаның ұлы оқитын интернет-платформада оқыту курсы уақыт сынынан өткен.

"Біз онлайн-мектепке наурыз айында, үшінші тоқсанның соңында көштік. Баламмен қашықтан оқытуға көшу мүмкіндігі туралы көптен бері сөйлесіп жүрдім, ақпарат жинап, мектепті таңдадық", - дейді Альбина.

Ол мектептегі оқыту деңгейі қашықтықтан оқуға көшу туралы ойлануға мәжбүрлегенін жасырмады. Оқушы Ресей азаматы болғандықтан, Алматы мектебінен ресейлік мектепке ауысу қиын болмапты.  

"Ақпан айының соңында бізге InternetUrok мектебіне тіркеу талонын жіберді. Ешқандай кедергі болған жоқ", - деп атап өтті Альбина.

Бала онлайн оқуды ұнатады – күн тәртібі ыңғайлы, бір ай ішінде қанша және қандай үй тапсырмаларын орындау керек екендігі алдын ала белгілі.

"Барлық сабақ видеролик және мәтін түрінде жазылған. Үй тапсырмасы жұмыс дәптерінде орындалады, мұғалімге сканерлеп жібереміз. Тест түріндегі үй тапсырмалары да бар. Орыс тілі, әдебиет, математика пәндерінен тапсырмалар қолмен орындалады. География, қоғамтану, биология, тарих секілді басқа пәндерді компьютерде жасауға болады", - деп түйіндеді Альбина.

72
Тақырып бойынша
Жаңа оқу жылында оқушылар үшін сабақ 30 минуттан аспайды
"Ешкім кешірмейді": вице-премьер шұғыл шара қабылдауды тапсырды
1-4 сынып оқушылары қалай оқитыны белгілі болды
Бес күн қалды: қазақстандық оқушылар мен ата-аналар нені білуі тиіс
Нұр-Сұлтанда үш мың кезекші сынып ашылады
Көпбалалы ана жаңа оқу жылы туралы: бес балам бір телефон қолданады
Операторлар, иллюстративті фото

Журналистердің кәсіподағы құрылды

11
Жаңа ұйымның төрағалығына журналистика саласында 30 жылдық тәжірибесі бар танымал тележүргізуші Зейін Әліпбек сайланды

НҰР-СҰЛТАН, 22 қыркүйек – Sputnik. Қазақстанда бұқаралық ақпарат құралдары мен телерадио хабарларын тарату қызметкерлерінің "BAQ KASIPODAQ" салалық кәсіподағы құрылды. Бұл туралы бүгін ZOOM платформасында өткен бейнеконференцияда белгілі болды, деп хабарлайды Sputnik Қазақстан тілшісі.

Бейнеконференцияға танымал журналистер мен медиаменеджерлер қатысты. Сол жерде жаңа ұйымның төрағалығына журналистика саласында 30 жылдық тәжірибесі бар танымал тележүргізуші Зейін Әліпбек сайланды. Осыдан кейін кәсіподақ басшысы құрылымның жоспары мен алдағы бағыттары туралы жан-жақты баяндап берді.

Оқи отырыңыз: Қазақстанда митингтен хабар тарататын журналистер нені білуі тиіс 

"Алда журналистердің әлеуметтік-құқықтық жағдайын жақсартуды көздейтін көптеген шаруа, игі бастамалар тұр. Әсіресе, журналистердің шеберлігін шыңдап, кәсіби өсуіне бағытталған және қазақстандық БАҚ-тың әлеуетін күшейтуге арналған ілкімді жобалар бар. Оны тек қана кәсіподақ атқарады деуге болмайды. Оның барлығына сіздермен, құрметті әріптестер, бірлесе отырып қана қол жеткізе аламыз", - деді Әліпбек.

Айта кетейік, 2020 жылдың 10 қаңтарындағы мәлімет бойынша Қазақстанда 3669 БАҚ тіркелген. Республикада 2964 мерзімді басылым, 161 телеарна, 73 радио, 471 ақпарат агенттігі және желілік басылым бар.

11
Кілт сөздер:
журналистика
Шикі ет

Желіні шулатқан видео: полиция шикі ет жеп отырған баланың ата-анасын іздеп жатыр

105
Бүлдіршіннің заңды өкілдері табылғаннан кейін, олармен түсіндіру жұмысы жүргізіледі, қажет болған жағдайда балаға медициналық көмек көрсетіледі

НҰР-СҰЛТАН, 22 қыркүйек – Sputnik. Қазақстанның ішкі істер министрлігі Қазнетте тараған видеода шикі ет жеп отырған баланың әке-шешесін іздестіріп жатыр.

Бұл туралы білім және ғылым министрлігі балалар құқығын қорғау комитеті төрағасының орынбасары Юлия Овечкина хабарлады.

"Біз ақпаратты ішкі істер министрлігіне жолдадық. Баланың заңды өкілдері табылғаннан кейін, олармен түсіндіру жұмысы жүргізіледі. Қажет болған жағдайда балаға медициналық көмек көрсетіледі. Ата-аналар балаларының денсаулығына, физикалық, психикалық, рухани және моральдық дамуына қамқорлық жасау керек екенін ұмытпауы керек", - деді ол.

Овечкина ата-аналарға балалардың өмірі, денсаулығы мен қауіпсіздігі үшін әкімшілік және қылмыстық жауапкершілік қарастырылғанын ескертті.

Желіні шулатқан ролик 21 қыркүйекте жарияланды. Видеода бала шикі ет жеп отыр, кадр сыртынан әйелдің күлген даусы естіледі.

"Кәдімгідей тістеп отыр, жұлып алды әне. Бола берсін бе", - деп сұрайды бір әйел.  

"Не болады, жей берсін", - деп жауап береді екіншісі.  

Желі қолданушылары видеоны қызу талқылады. Бірі "мұнда тұрған ештеңе жоқ" десе, енді бірі баланың ішіне инфекция түседі деп алаңдаған.

105
Кілт сөздер:
ет, видео, бала
Омбыда Абай мәдени-іскерлік үйі ашылды

Омбыда "Абай" мәдени-іскерлік үйі ашылды

0
"Абай" мәдени-іскерлік үйінің ғимараты қаланың орталығындағы Шоқан Уәлиханов көшесінде және ағартушы ғалым оқыған Омбы кадет корпусының жанында орналасқан

НҰР-СҰЛТАН, 22 қыркүйек – Sputnik. Бүгін Ресейдің Омбы қаласында "Абай" мәдени-іскерлік үйі ашылды, деп хабарлайды Sputnik Қазақстан Отандастар қорының баспасөз қызметіне сілтеме жасап.

Омбыдағы "Абай" мәдени-іскерлік үйінің ғимараты қаланың орталығындағы Шоқан Уәлиханов көшесінде және ағартушы ғалым оқыған Омбы кадет корпусының жанында орналасқан. Орталықтың ашылу рәсімі онлайн форматта өтті. Оған ақпарат және қоғамдық даму вице-министрі Марат Әзілханов, сыртқы істер министрлігі, Қазақстанның Омбыдағы консулдығы, "Отандастар қоры" КЕАҚ, "Омбы қазақтары" қоғамдық бірлестігінің өкілдері қатысты.

Орталық нақты төрт бағытта жұмыс істейді. Олар:

  • мәдени-гуманитарлық және қазақ тілін үйрету жобаларын іске асыру;
  • "Атамекен" іскерлік  бағыты бойынша қандастардың екі жақты тиімді бизнес жобаларына қолдау көрсету;
  • "Жас қазақ" бағыты арқылы әлемдегі жас қандастарды елге тарту және бірлескен жобаларды жүзеге асыру;
  • "Атажұрт" бағыты арқылы шетелдегі қазақтілді БАҚ-тың қауымдастығын құрып, өзара ақпараттық ынтымақтастықты арттыру.

"Жыл соңына дейін  "Абай" мәдени-іскерлік үйлері Өзбекстанның Тәшкент, Түркияның Стамбұл, Қырғызстанның Бішкек, Германияның Берлин қалаларында да ашылады. Бұның барлығы - ақпарат және қоғамдық даму министрлігі, Дүниежүзі қазақтары қауымдастығы және "Отандастар қорының"  бірлескен жобасы", - делінген ресми хабарламада.

0
Кілт сөздер:
Омбы, Абай