Қасым-Жомарт Тоқаев

"Жарты миллион адам зардабын тартты": Тоқаев Қазақстан халқына үндеу жолдады

5922
(Жаңартылды 12:50 29.08.2020)
Жарты миллионнан астам адам Семей полигонындағы жарылыстардың тікелей зардабын тартты, 2021 жылы бұл аумақты кешенді экологиялық зерттеу аяқталады

НҰР-СҰЛТАН, 29 тамыз – Sputnik. Қазақстан президенті Қасым-Жомарт Тоқаев Семей полигонын жабу неліктен бүкіл әлем үшін тарихи шешім болғанын айтты.

"Осыдан тура 29 жыл бұрын, 29 тамызда Қазақстан Республикасының Тұңғыш президенті – Елбасы Нұрсұлтан Әбішұлы Назарбаев ядролық қару-жарақтан бас тарту туралы теңдессіз тарихи шешім қабылдап, антиядролық қозғалыстың көшбасшыларының бірі болды. Біріккен Ұлттар Ұйымының қаулысымен 29 тамыз Халықаралық ядролық сынақтарға қарсы іс-қимыл күні деп жарияланды", - деп атап өтті Тоқаев.

Осылайша, 450-ден астам жарылыс жасалған әлемдегі ең ірі ядролық сынақ алаңының бірі – Семей полигоны, бұрынғы Кеңес Одағы басшылығының қарсылығына қарамастан, біржола жабылды.

Президенттің пікірінше, бұл өскелең ұрпақтың жарқын келешегі мен мемлекетіміздің баянды болашағы жолында жасалған шешуші қадам болды. Сонымен қатар әлемнің әр түкпіріндегі сынақ алаңдарының жабылуына жол ашқан батыл бастамаға айналды.

"Тәуелсіздікті ядролық қарусыздану және жойқын қаруды таратпау жөніндегі бейбіт ұстаныммен қарсы алуымыз Елбасының саяси ерік-жігері мен салиқалы саясатының арқасында жүзеге асқаны анық", - деп толықтырды Тоқаев.

Мемлекет басшысы атап өткендей, Назарбаев тарихта тұңғыш рет ядролық полигонды өз еркімен жабу жөнінде парасатты шешім қабылдауы арқылы әлемдегі қауіпсіздікті және бейбітшілікті қамтамасыз етуге зор үлес қосты. Осы батыл әрекет әлем тарихында жарқын бет ретінде мәңгі қалмақ.

Экологияға және адам денсаулығына зиян келді

Семей полигонындағы ядролық сынақтар "адам денсаулығы мен қоршаған ортаға адам төзгісіз зиян келтірді", - деп атап өтті Тоқаев.

Олар іргелес аумақтардың қарқынды радиоактивті ластануына әкеп соқтырды. Аумағы 300 мың шаршы шақырым болатын полигонның айналасында жарты миллионға жуық адам өмір сүрді. Оларға жарылыстардың салдары тікелей әсер етті.  

Оқи отырыңыз: Үстел қозғала бастайтын - семейлік дәрігер жантүршігерлік оқиғаны баяндады

Полигон жабылғаннан кейін Қазақстан үшін алғашқы міндеттердің бірі ұзаққа созылған ядролық сынақтардың салдарынан зардап шеккен адамдар мен аумақтарды әлеуметтік оңалту болды.

1992 жылдың 18 желтоқсанында Нұрсұлтан Назарбаев "Семей ядролық сынақ полигонындағы ядролық сынақтардан зардап шеккен азаматтарды әлеуметтік қорғау туралы" Заңға қол қойды. Онда халықты емдеу, сауықтыру, оңалту, әлеуметтік қорғау және бұрынғы полигон аумағын әлеуметтік-экономикалық дамыту бойынша шаралар кешені қарастырылды.  

Бұрынғы полигондағы қауіпсіздік

Қоғамдық бақылаудың болмауы және бұрынғы ядролық сынақ полигонына ашық қолжетімділік ядролық қаруды таратпау режимін бұзу, сондай-ақ ядролық терроризм қаупімен байланысты қауіп-қатерді арттырды.

Ел басшылығы қабылдаған ядролық қаруды таратпау жөніндегі қазіргі шаралар қуатты ядролық арсеналды бақылаусыз пайдаланудан халықаралық қауымдастыққа төнетін қатерді толығымен жойды, деп атап өтті мемлекет басшысы.

"Полигон ғылыми зерттеудің нысанына айналды. Қауіпті нысандарды сенімді қорғауды қамтамасыз ететін көп деңгейлі жүйе құрылды. Ластанған аумақтарды қалпына келтіру жөнінде жеті ірі жоба жүзеге асырылды. Келесі жылы 18,5 мың шаршы шақырым полигонның бүкіл аумағын кешенді экологиялық зерттеу аяқталады", - деп жазды Тоқаев.

Тұтастай алғанда бұрынғы Семей полигонының қауіпсіздігін қамтамасыз еткен ғылыми-техникалық және инженерлік жұмыстар әлемде теңдессіз болып қала береді.

Полигонды ядролық қарудан тазарту жұмыстары Қазақстанның Ресей Федерациясы, АҚШ және басқа елдермен, сондай-ақ халықаралық ұйымдармен, ең алдымен МАГАТЭ-мен кең ауқымды өзара әрекеттестігінің аясында өтті.

Қазақстан Республикасы алдағы уақытта да халықаралық қауіпсіздікті нығайтуға, мемлекеттер арасындағы ынтымақтастықты дамытуға, жаһандық шиеленістерді бейбіт жолмен шешуге белсенді қатысады.  

5922
Кілт сөздер:
үндеу, Қасым-Жомарт Тоқаев, семей полигоны
Тақырып бойынша
Невада-Семей антиядролық қозғалысына - 30 жыл
Сабильянов ақшаны семейліктердің есебінен үнемдеген шенеуніктерге шүйлікті
"Мүлде сын көтермейді" Семейде жүрген Тоқаев үкіметке тапсырма берді
Архивтегі фото

Қазақстанның 6 облысында дабылды ескерту жарияланды

1785
Синоптиктер Жамбыл, Алматы, Қарағанды ​​облыстарында кей жерлерде 1-3 градус үсік жүреді деп болжады, сондай-ақ бірқатар өңірде тұман түсіп, жел күшейеді

НҰР-СҰЛТАН, 29 қыркүйек – Sputnik. Қазгидромет 30 қыркүйек пен 2 қазан аралығында алты облыста дабылды ескерту жариялады.  

30 қыркүйекте, 1-2 қазанда Жамбыл облысында кей жерлерде тұман түсіп, шаңды дауыл тұрады, солтүстік-шығыстан жел соғады, күші 15-20 м/с, 30 қыркүйекте екпіні 23 м/с жетеді деп болжанып отыр. 30 қыркүйекте, 1-2 қазанда түнде және таңертең кей жерлерде 1-3 градус үсік жүреді.

30 қыркүйекте Қарағанды облысының кей жерлерінде солтүстік-шығыстан, шығыстан жел соғады, күші – 15-20 м/с. Қарағанды қаласында 30 қыркүйекте түнде тұман түседі.

Оқи отырыңыз: Үсік жүреді – қыркүйекте ауа райы қандай болады  

30 қыркүйекте Қостанай облысының кей жерлерінде тұман түседі деп болжануда.

30 қыркүйекте түнде және таңертең Ақмола облысында кей жерлерде тұман түседі.

30 қыркүйекте Түркістан облысының кей жерлерінде шығыстан соғатын желдің күші 15-20 м/с жетеді.

30 қыркүйекте күндіз Қызылорда облысының кей жерлерінде шаңды дауыл тұрады. Солтүстік-шығыстан, шығыстан жел соғады, күші кей жерлерде – 15-20, күндіз екпіні 23 м/с болады. Күндіз төтенше өрт қаупі сақталады.

1785
Кілт сөздер:
дабылды ескерту, үсік, ауа райы
Праймериз

700-ге тарта адам Nur Otan праймеризіне қатысудан бас тартты

96
Қазіргі уақытта 11 249 адам партияның праймеризіне қатысуға өтініш берді, оның ішінде 10 235 кандидат тіркелді

АЛМАТЫ, 29 қыркүйек – Sputnik. Nur Otan праймеризіне қатысып жатқан 734 кандидат тіркеуден шығарылды, оның ішінде 668 адам өз еркімен шықты. Бұл туралы партия хатшысы Әлібек Әлденей мәлімдеді.

Оның айтуынша, праймериз өткізу ережелері мен партияның басқа да ішкі нормаларына қайшы келетін әрекет үшін қатаң шара қолданылып, келеңсіздікке жол берген үміткерлер партияішілік іріктеуден шығарылып жатыр.

"29 қыркүйекке дейін 734 үміткер тіркеуден шығарылды. Оның ішінде 668 адам өз еркімен шықты. Аймақтық ұйымдастыру комитеттерінің шешімімен 64 үміткердің өтініші күшін жойды. Олардың 27-сі дебатқа қатысудан бас тартқан. Төртеуі партия жарғысы мен әділ саяси бәсекенің талаптарына қайшы келетін әрекеттері үшін шығарылса, тағы 33 кандидат бойынша бастауыш партия ұйымдары өтініштерін кері қайтарып алды", – деп жазды ол Facebook парақшасында.

Қазіргі уақытта 11 249 адам өтініш берді, оның ішінде 10 235 кандидат тіркелді.

Әлденей барлық арыз-шағымға және заң бұзушылықтарға мониторинг жасап, оларға жедел түрде тиісті шара қолданылып жатқанын айтты.

Оқи отырыңыз: Nur Otan праймериз қарсаңында өрескел тәртіп бұзушылықтарды анықтады 

Nur Otan хатшысы қандай да бір тәртіп бұзу фактісіне куә болған жағдайда "Nur Otan" партиялық бақылау органдарына хабарлауды сұрады. Сондай-ақ, 8 (800) 080 4441 телефонына хабарласып (хабарласу тегін) немесе komek@nurotan.kz электронды поштасына хат жолдауға болады.

Nur Otan праймеризі

1 қазаннан (00.00) және 3 қазанға (14.00) дейін мобильді қосымша және арнайы веб-портал арқылы электронды түрде дауыс беруді өткізу жоспарланып отыр.

Дауыс берудің соңғы күні (3 қазан) бастауыш партия ұйымдарының базасында сайлау учаскелері ашылды. Интернет жоқ елді мекендерде қағаз бюллетеньдер бойынша дауыс бере алады.

Праймериз қорытындысы 5 қазанда жарияланады.

Nur Otan праймеризі партия көшбасшысы, Елбасы Нұрсұлтан Назарбаевтың тапсырмасы бойынша еліміздің партиялық-саяси даму тарихында тұңғыш рет жалпыреспубликалық партияішілік сайлау ауқымында өтеді.

96
Тақырып бойынша
Назарбаев қазақстандықтарға үндеу жасады
Елбасының баспасөз хатшысы праймеризге қатысты ақпарат жариялады
Назарбаев: партия қазақстандықтарды біріктіруі тиіс
Nur Otan партиясына адам қабылдау тоқтатылды – Байбек себебін түсіндірді
Nur Otan праймеризі: Байбек қауіпсіздік шаралары туралы хабарлады
Архивтегі фото

Қытайда тәрбиеші өлім жазасына кесілді

0
Балабақша қызметкері Ван Юнь әріптесінен өш алу мақсатында оның тобына барып жүрген балаларды улағаны анықталды

НҰР-СҰЛТАН, 29 қыркүйек – Sputnik. Қытайдың Цзяоцзо қаласында халық соты балабақша қызметкерін өлім жазасына кесті, деп хабарлады РИА Новости.

Сот материалдарына сәйкес, "Мэнмэн" балабақшасында жұмыс істеген Ван Юнь деген келіншек орта топқа жауапты тәрбиешімен жанжалдасып қалған. Артынан әріптесінен өш алу мақсатында оның тобына барып жүрген балаларды улауға шешім қабылдайды. Сөйтіп, 2019 жылы 27 наурызда таңертең Сунь есімді тәрбиешінің балалары жейтін ботқаға натрий нитритін салып жіберген. Сол күні 25 бала уланып, ауруханаға түсті. Бір бала көз жұмды.

Оқи отырыңыз: Балабақшадағы балалар есек етін жеп келгені әшкере болды 

Тергеу шаралары барысында Ван Юньн осы іспетті тағы бір қылмыс жасағаны анықталды. Осыдан үш жыл бұрын үйдегі жанжалдан кейін ол күйеуін улаған. 2017 жылы ақпан айында алдымен интернет арқылы натрий нитритіне тапсырыс берген. Ал химиялық затты алғаннан кейін суға қосып, күйеуіне берген. Ол кезде ер адам уланғанмен қатты зардап шекпеген.    

Цзяоцзо қаласының орта санаттағы халық сотының шешімімен Ван Юнь өлім жазасына кесілді.

0
Кілт сөздер:
Қытай, балабақша
Тақырып бойынша
Шымкентте балабақшада төрт бала мен тәрбиеші уланып қалды
Алматы облысында балабақшадағы видеодан кейін тәрбиеші хабарсыз кетті
Алматыда балабақшадан сәби ұрламақ болған әйелге қатысты тың дерек шықты
Бүлдіршінді сорпамен күйдірген балабақша қызметкері жазадан құтылды
Шипажайда баланы сүлгімен ұрған тәрбиеші қылмыстық жазаға тартылмайтын болды