Бетперде тағып отырған мұғалім

Білім басқармасы кезекші сыныптарға қойылатын талапты тізіп берді

1614
(Жаңартылды 13:53 31.08.2020)
Кезекші сыныптардың жұмысы санитарлық-эпидемиологиялық талаптарды қатаң сақтай отырып жүзеге асырылатын болады

АЛМАТЫ, 31 тамыз – Sputnik. Алматыда 1 қыркүйектен бастап 1-2 сыныптардың 193 кезекші тобы ашылады, онда 1 977 бала оқитын болады. Бұл туралы Алматы қаласы білім басқармасының басшысы Ләззат Жылқыбаева айтты, деп хабарлайды Sputnik Қазақстан тілшісі.

"Барлық мектеп санитарлық қауіпсіздік үшін дезинфекция құралдарымен толықтай қамтамасыз етілді. Термометрлер, санитайзерлер, дезинфекциялық тоннельдер мен кілемшелер бар", - деді Жылқыбаева.

Санитарлық-эпидемиологиялық қызмет мектептерді санитарлық-эпидемиологиялық нормалардың сақталуын тексеру бойынша жұмыстар жүргізеді. Кезекші сыныптардың жұмысы санитарлық-эпидемиологиялық талаптарды қатаң сақтай отырып жүзеге асырылатын болады. Кезекші сыныпта оқуға созылмалы аурулары бар балалар жіберілмейді.

Балалардың ата-анасы немесе заңды өкілі оқушыны санитарлық қауіпсіздік құралдарыме нқамтамасыз етеді. Оның ішінде бетперде, қолды өңдеуге арналған жеке құтыдағы антисептик немесе бактерияға қарсы дымқыл салфеткалар бар. Сонымен қатар балаларға әлеуметтік арақашықтықты сақтау туралы түсіндіріледі, ата-аналар баласын мектептің сыртқы есігіне дейін алып кіреді және оқу күні аяқталғаннан кейін сол жерден алып кетеді.

Сонымен қатар білім алушылар мен педагогтар басқа қызметкерлермен байланысты барынша қысқартып, мектеп алаңдарын пайдалану кезінде  әлеуметтік қашықтықты қамтамасыз етуге мән беріледі. Әр сыныпқа жеке кабинет бөлінеді, сол жерде ғана оқитын болады. Әрбір сынып үшін жеке үзіліс уақыты белгіленеді. Оқушылардың температурасы күн сайын өлшенетін болады. Әр ауысым сайын мектеп дезинфекцияланады. 

Айта кетейік, баласының кезекші сыныпқа баруы үшін ата-ана мектеп директорының атына өтініш беруі керек. Оны кез келген байланыс құралы арқылы сынып жетекшісіне жібере алады.

Басты талап – санитарлық-эпидемиологиялық шараларды сақтау. Сол себепті кезекші сыныпта 15 баладан артық болмайды. Әр партада бір бала отырады. Сабақ 40 минуттан аспайды.

1614
Тақырып бойынша
Оқушылар бірінші тоқсанда қалай оқиды – үкімет шешім қабылдады  
Мұғалімдер мен оқушылар арнайы тарифке қанша төлейтіні белгілі болды
Жаңа оқу жылында оқушылар қалай демалады - министрлік кесте жариялады
ҰБТ-да 138 балл жинаған түлек грантынан айырылып қалды
Білім басқармасы оқушылар 1 қыркүйектен бастап қалай оқитынын айтты
Бурабай

Бурабай мен Көк Жайлаудағы жердің бір бөлігі қайтарылады Тоқаев заңға қол қойды

75
Туризм инфрақұрылымын салуға бөлінген, алайда мақсатқа сай пайдаланылмаған жерлер мемлекетке қайтарылады

НҰР-СҰЛТАН, 30 қыркүйек – Sputnik. Қазақстан президенті Қасым-Жомарт Токаев "Қазақстан Республикасының кейбір заңнамалық актілеріне ерекше қорғалатын табиғи аумақтар мәселелері бойынша өзгерістер мен толықтырулар енгізу туралы" заңға қол қойды, деп хабарлады Ақорда.

Заң Іле Алатауы мемлекеттік ұлттық табиғи паркі, Бурабай және Көк Жайлау табиғи парктері жерлерінің бір бөлігін мемлекет меншігіне қайтаруды көздейді. Заң Жер кодексіне өзгерістер мен толықтырулар енгізуді қарастырады.

Оқи отырыңыз: Тоқаев "Көк Жайлау" құрылысына қатысты соңғы сөзін айтты 

"Өзгерістер ерекше экологиялық, ғылыми, тарихи-мәдени және рекреациялық құндылығы бар және қайтарылған жер учаскелерінде орналасқан табиғи қорық қорының табиғи кешендері мен нысандарын сақтау қажеттілігінен туындады", - деп түсіндірді бұған дейін мәжілісмен Роман Ким сенат қабырғасында заң жобасын таныстыра отырып.

Заң нормалары туристік нысандар мен құрылыстарды салу және пайдалану үшін алынған, бірақ сол мақсатта пайдаланылмай жатқан жерлерді ерекше қорғалатын табиғи аумақтар құрамына қайтаруға мүмкіндік береді. 

75
Кілт сөздер:
Қасым-Жомарт Тоқаев, "Көк Жайлау" курорты, Бурабай
Тақырып бойынша
"Асығыстық танытуға болмайды" Тоқаев Байбектің шешіміне қолдау білдірді
Бурабай мен Көк Жайлаудағы жерлердің бір бөлігі мемлекетке қайтарылады
Архивтегі фото

Еуразиялық патенттік ұйым Төрегелді Шармановқа алтын медаль табыстады

42
Патенттік ұйымның алтын медалі өнертапқыштық қызметке және өнертабыстардың құқықтық қорғалуын дамытуға елеулі үлес қосқан адамдарға беріледі

НҰР-СҰЛТАН, 30 қыркүйек – Sputnik. Еуразиялық патенттік ұйым Қазақстандық өнертапқыштарды алтын медальмен марапаттады, деп хабарлады әділет министрлігінің аспасөз қызметі.

Медицина ғылымдарының докторы, профессор, Қазақстан Ұлттық ғылым академиясының және Ресей ғылым академиясының академигі, өнертапқыш Төрегелді Шарманов және тау-кен және мұнай саласындағы жетістіктерімен танымал Satbayev University В.И. Блинников атындағы алтын медалмен марапатталды.

Мұндай шешім Еуразиялық патенттік ұйым әкімшілік кеңесінің 36 отырысында қабылданды.

Оқи отырыңыз: Төрегелді Шарманов ұзақ өмір сүрудің құпиясын бөлісті

Салтанатты марапаттау рәсімі Қазақстан Республикасы Әділет органдары қызметкерлерінің күніне орай өткізілді. Аталған марапаттарды Алматы қаласы әділет департаменті басшысы Абай Арап тапсырды.

Айта кетейік, В.И. Блинников атындағы алтын медаль Еуразиялық патенттік конвенцияға қатысушы мемлекеттер үшін маңызды өнертапқыштық қызметке және өнертабыстардың құқықтық қорғалуын дамытуға елеулі үлес қосқан адамдарға беріледі.

42
Махамбет Досмұхамбетов

Атырау облысының әкімі орынбасарының кінәсі дәлелденсе, қызметінен кетуге дайын

0
Әкімнің бірінші орынбасары мен құрылыс басқармасының бастығы 420 мың доллар көлемінде пара алды деген күдікпен ұсталды

НҰР-СҰЛТАН, 30 қыркүйек – Sputnik. Атырау облысының әкімі Махамбет Досмұхамбетов бірінші орынбасары Нұрлан Таубаев шынымен де кінәлі деп танылып, сот үкімі шықса, қызметінен кететінін мәлімдеді.

Әкімнің орынбасары мен құрылыс басқармасының бастығы 182 миллион теңге (420 мың доллардан астам) көлемінде пара алды деген күдікпен ұсталды, деп жазды "Ақ Жайық" басылымы.

"Заң бәріне ортақ. Егер тергеу аяқталып, сот оны кінәлі деп тапса, онда мен заңға сәйкес, отставкаға кетуге дайынмын. Оны қабылдай ма, жоқ па, президент өзі шешеді", - деді әкім Махамбет Досмұхамбетов.

Еске сала кетейік, 2019 жылдың қарашасында "Мемлекеттік қызмет туралы" заңға түзетулер енгізілді, оған сәйкес қарамағындағы қызметкердің кінәсі дәлелденіп, сот үкімі заңды күшіне енгеннен кейін басшы қызметінен кетуге міндетті.   

Оқи отырыңыз: Қазақстанда бірнеше әкім отставкаға кетуге өтініш берді 

Сыбайлас жемқорлыққа қарсы іс-қимыл агенттігі бұған дейін заң аясында қандай қызметкерлер тікелей бағынышты ретінде қарастырылатынын түсіндірген болатын.

0
Кілт сөздер:
отставка, әкім, Атырау облысы
Тақырып бойынша
Білім саласында жемқорлық неге көбейді?
Нұр-Сұлтанда әкім қызметінен кетті
Жезқазғанға жаңа әкім тағайындалды
Тоқаевтың тапсырмасы: облыс әкімінің орынбасары мен аудан әкімі отставкаға кетті