Дәрігер

Қаһарман дәрігерлер: Нұр-Сұлтандағы қонақ үй қасбетіне дәрігерлер портреті ілінді

233
Жоба авторы Opera Bastille ғимараты қасбетіндегі француз суретшісінің фотогалереясынан шабыт алғанын айтады

НҰР-СҰЛТАН, 31 тамыз – Sputnik. Нұр-Сұлтан қаласындағы ЭКСПО аймағында орналасқан бес жұлдызды қонақ үйдің қасбетінде коронавирус пандемиясымен күрескен медицина қызметкерлерінің портреттері пайда болды. Идея авторы – кәсіби фотограф Руслан Мазунин. 

Посмотреть эту публикацию в Instagram

Публикация от Руслан Мазунин aka Altynbekoff (@mazunin_altynbekoff)

Бұған дейін мұндай көрме Есіл өзенінің үстіндегі жаяу жүргіншілерге арналған ашық көпірде көрермен назарына ұсынылған болатын.

"Дәрігерлер құрметіне арналған фотогалереяның ғимарат қасбетіне қойылғаны туралы қуанышты хабармен бөліскім келеді. Бұл кісілер біздің денсаулығымыз үшін жұмыс істеген және әлі де талмай еңбек етіп келе жатқан жұқпалы аурулар ауруханасының медициналық қызметкерлері. Олар пандемияның алғашқы күнінен бастап қазіргі уақытқа дейін алғы шепте келеді", – деп жазды Мазунин.

Ол Sputnik Қазақстанға Opera Bastille ғимараты қасбетіндегі француз суретшісі – фотогалерея авторының шығармашылығынан шабыт алғанын айтты.

"Мен жарнама фотографы болғаныммен, медицина қызметкерлерін жарнамадағыдай көрсеткім келмеді. Сондықтан оларды мүмкіндігінше сенімді етіп көрсетуге тырыстым. Олардың жүзінен күлкісі кетпегенін қаладым. Жалпы, бұл бағытта бұлыңғырлық қазіргі тақырып шығар, бірақ мен оны көруден шаршадым. Адамдардың жүзінен жақсылық сәулесін көрсеткім келді", – дейді Мазунин. 

Автор бұл бағыттағы жұмысты мемлекет басшысы Қасым-Жомарт Тоқаев бағалап, басқа аймақтардың фотографтары қолдайды деп үміттенеді.

Оқи отырыңыз: Дәрігер денсаулық министрлігінің тағы бір қателігін айтты

233
Кілт сөздер:
коронавирус, дәрігерлер, эпидемия
Тақырып бойынша
Қазақстандық дәрігер коронавирус індеті қашан тоқтайтынын айтты
Балалар коронавирустың жеңіл түріне шалдығатыны рас па – дәрігер жауап берді
Бас санитар дәрігер қандай жағдайда Қазақстан қатаң карантинге оралатынын айтты
Бас санитар дәрігер қаулысына енгізілген өзгерістер жарияланды
Санитар дәрігер пойызда тамақтануға байланысты өзгерісті түсіндірді
Бурабай

Бурабай мен Көк Жайлаудағы жердің бір бөлігі қайтарылады Тоқаев заңға қол қойды

72
Туризм инфрақұрылымын салуға бөлінген, алайда мақсатқа сай пайдаланылмаған жерлер мемлекетке қайтарылады

НҰР-СҰЛТАН, 30 қыркүйек – Sputnik. Қазақстан президенті Қасым-Жомарт Токаев "Қазақстан Республикасының кейбір заңнамалық актілеріне ерекше қорғалатын табиғи аумақтар мәселелері бойынша өзгерістер мен толықтырулар енгізу туралы" заңға қол қойды, деп хабарлады Ақорда.

Заң Іле Алатауы мемлекеттік ұлттық табиғи паркі, Бурабай және Көк Жайлау табиғи парктері жерлерінің бір бөлігін мемлекет меншігіне қайтаруды көздейді. Заң Жер кодексіне өзгерістер мен толықтырулар енгізуді қарастырады.

Оқи отырыңыз: Тоқаев "Көк Жайлау" құрылысына қатысты соңғы сөзін айтты 

"Өзгерістер ерекше экологиялық, ғылыми, тарихи-мәдени және рекреациялық құндылығы бар және қайтарылған жер учаскелерінде орналасқан табиғи қорық қорының табиғи кешендері мен нысандарын сақтау қажеттілігінен туындады", - деп түсіндірді бұған дейін мәжілісмен Роман Ким сенат қабырғасында заң жобасын таныстыра отырып.

Заң нормалары туристік нысандар мен құрылыстарды салу және пайдалану үшін алынған, бірақ сол мақсатта пайдаланылмай жатқан жерлерді ерекше қорғалатын табиғи аумақтар құрамына қайтаруға мүмкіндік береді. 

72
Кілт сөздер:
Қасым-Жомарт Тоқаев, "Көк Жайлау" курорты, Бурабай
Тақырып бойынша
"Асығыстық танытуға болмайды" Тоқаев Байбектің шешіміне қолдау білдірді
Бурабай мен Көк Жайлаудағы жерлердің бір бөлігі мемлекетке қайтарылады
Архивтегі фото

Еуразиялық патенттік ұйым Төрегелді Шармановқа алтын медаль табыстады

42
Патенттік ұйымның алтын медалі өнертапқыштық қызметке және өнертабыстардың құқықтық қорғалуын дамытуға елеулі үлес қосқан адамдарға беріледі

НҰР-СҰЛТАН, 30 қыркүйек – Sputnik. Еуразиялық патенттік ұйым Қазақстандық өнертапқыштарды алтын медальмен марапаттады, деп хабарлады әділет министрлігінің аспасөз қызметі.

Медицина ғылымдарының докторы, профессор, Қазақстан Ұлттық ғылым академиясының және Ресей ғылым академиясының академигі, өнертапқыш Төрегелді Шарманов және тау-кен және мұнай саласындағы жетістіктерімен танымал Satbayev University В.И. Блинников атындағы алтын медалмен марапатталды.

Мұндай шешім Еуразиялық патенттік ұйым әкімшілік кеңесінің 36 отырысында қабылданды.

Оқи отырыңыз: Төрегелді Шарманов ұзақ өмір сүрудің құпиясын бөлісті

Салтанатты марапаттау рәсімі Қазақстан Республикасы Әділет органдары қызметкерлерінің күніне орай өткізілді. Аталған марапаттарды Алматы қаласы әділет департаменті басшысы Абай Арап тапсырды.

Айта кетейік, В.И. Блинников атындағы алтын медаль Еуразиялық патенттік конвенцияға қатысушы мемлекеттер үшін маңызды өнертапқыштық қызметке және өнертабыстардың құқықтық қорғалуын дамытуға елеулі үлес қосқан адамдарға беріледі.

42
Махамбет Досмұхамбетов

Атырау облысының әкімі орынбасарының кінәсі дәлелденсе, қызметінен кетуге дайын

0
Әкімнің бірінші орынбасары мен құрылыс басқармасының бастығы 420 мың доллар көлемінде пара алды деген күдікпен ұсталды

НҰР-СҰЛТАН, 30 қыркүйек – Sputnik. Атырау облысының әкімі Махамбет Досмұхамбетов бірінші орынбасары Нұрлан Таубаев шынымен де кінәлі деп танылып, сот үкімі шықса, қызметінен кететінін мәлімдеді.

Әкімнің орынбасары мен құрылыс басқармасының бастығы 182 миллион теңге (420 мың доллардан астам) көлемінде пара алды деген күдікпен ұсталды, деп жазды "Ақ Жайық" басылымы.

"Заң бәріне ортақ. Егер тергеу аяқталып, сот оны кінәлі деп тапса, онда мен заңға сәйкес, отставкаға кетуге дайынмын. Оны қабылдай ма, жоқ па, президент өзі шешеді", - деді әкім Махамбет Досмұхамбетов.

Еске сала кетейік, 2019 жылдың қарашасында "Мемлекеттік қызмет туралы" заңға түзетулер енгізілді, оған сәйкес қарамағындағы қызметкердің кінәсі дәлелденіп, сот үкімі заңды күшіне енгеннен кейін басшы қызметінен кетуге міндетті.   

Оқи отырыңыз: Қазақстанда бірнеше әкім отставкаға кетуге өтініш берді 

Сыбайлас жемқорлыққа қарсы іс-қимыл агенттігі бұған дейін заң аясында қандай қызметкерлер тікелей бағынышты ретінде қарастырылатынын түсіндірген болатын.

0
Кілт сөздер:
отставка, әкім, Атырау облысы
Тақырып бойынша
Білім саласында жемқорлық неге көбейді?
Нұр-Сұлтанда әкім қызметінен кетті
Жезқазғанға жаңа әкім тағайындалды
Тоқаевтың тапсырмасы: облыс әкімінің орынбасары мен аудан әкімі отставкаға кетті