Қасым-Жомарт Тоқаев

Президент жолдауы: бір жылдың ішінде қандай өзгерістер болды

1655
(Жаңартылды 08:11 01.09.2020)
Зорлық-зомбылық, педофилия, есірткі тарату, адам саудасы, әйелдерге қатысты тұрмыстық зорлық-зомбылық, сондай-ақ балаларға қатысты қылмыстардың жазасы күшейтілді

НҰР-СҰЛТАН, 1 қыркүйек – Sputnik. Бүгін Қазақстан президенті Қасым-Жомарт Тоқаев жыл сайынғы халыққа жолдауын жариялайды. Бұл – оның екінші жолдауы. Sputnik Қазақстан Тоқаевтың бірінші жолдауында айтылған негізге мәселелерге шолуды ұсынады. 

Халық үніне құлақ асатын мемлекет

Қасым-Жомарт Тоқаев өзінің алғашқы жолдауын 2019 жылы 2 қыркүйек күні жасаған болатын. Сол кезде мемлекет басшысы сайлауға дейін берген барлық уәдесін орындайтынын мәлімдеді. Елбасы саясатының сабақтастығын сақтай отырып, жүйелі реформаларды қолға алатынын жеткізді. Ал баршаға ортақ міндет ол – "Күшті президент – ықпалды парламент – есеп беретін үкімет" формуласы негізінде "Халық үніне құлақ асатын мемлекет" тұжырымдамасын іске асыру. Осы орайда президент нақты төрт тапсырма берді. Олар:

  • Партия құрылысы үдерісін жалғастыру;
  • Халықпен тиімді кері байланыс орнату;
  • Митингілер туралы заңнаманы жетілдіру;
  • Қоғамдық келісімді нығайту.

Қазақ тілі ұлтаралық қатынас тіліне айналады

Президент өз жолдауында партиялық құрылыс үдерісін жалғастыру туралы айтқанда парламент мен үкімет арасындағы қарым-қатынасқа да тоқталды. Осы орайда өз міндетін де атады.  

"Заң шығарушы және атқарушы билік арасындағы қарым-қатынас жасанды тартысқа емес, іскерлік сипатқа, өзара құрметке негізделуі тиіс. Мемлекет басшысы ретінде елімізде көппартиялықты, саяси бәсекелестікті және ой-пікірдің сан алуандығын дамытуға ықпал етуді өз міндетім деп санаймын", - деді Тоқаев.

Ал қоғамдық келісімді нығайту міндеті аясында тіл мәселесін қозғады. Қазақстанда этникалық топтардың тілі мен мәдениетін дамытуға жағдай жасала береді. Президенттің ойынша, болашақта қазақ тілінің мемлекеттік тіл ретіндегі рөлі күшейіп, ұлтаралық қатынас тіліне айналатын кезі де келеді.

"Бірақ мұндай дәрежеге жету үшін бәріміз даңғаза жасамай, жұмыла жұмыс жүргізуіміз керек. Сондай-ақ, тіл үлкен саясаттың құралы екенін де ұмытпаған жөн", - деп атап өтті Тоқаев өзінің алғашқы жолдауында.

Қылмыстық жаза күшейтілді

Бір жыл бұрын мемлекет басшысы жыныстық зорлық-зомбылық, педофилия, есірткі тарату, адам саудасы, әйелдерге қатысты тұрмыстық зорлық-зомбылық, сондай-ақ балаларға қатысты қылмыстардың жазасын шұғыл түрде қатайтуға тапсырма берді. Бұдан бөлек, екі инспектордың өлімінен кейін браконьерлік үшін жазаны күшейтуді жүктеді. Осы тапсырмалардың барлығы орындалды.

Президент алғашқы жолдауында құқық қорғау саласын реформалау мәселесіне де тоқталды. 2020 жылдың аяғына дейін әкімшілік полиция комитетінің жұмысын қайта ұйымдастыруды тапсырды.  

Зейнетақы қорындағы ақшаны пайдалана аламыз ба?

Тоқаевтың жолдауынан кейін микро және шағын бизнес табысқа салынатын салықтан үш жылға босатылды. Сондай-ақ, осы санаттағы кәсіпкерлік нысандардарға тексеріс жүргізуге үш жылға тыйым салынды.

Сол кезде мемлекет басшысы жұмыс істейтін азаматтар өздерінің зейнетақы жинағының бір бөлігін белгілі бір мақсатқа, соның ішінде баспана сатып алуға немесе білім алу үшін пайдалану мәселесін жыл соңына дейін пысықтауды тапсырған болатын. Үкімет жұмыс тобын құрып, бірнеше ұсынысты қарастырған. Алайда әзірше нақты бір шешім жоқ.  

Коронавирус жоспарды түбегейлі өзгертті

Жалпы, бірінші жолдауда біраз мәселе қамтылды. Соның ішінде жоғары білімнің сапасын арттыру, ауыл шаруашылығы жерлерін пайдалану, ана мен бала өлімі, зорлық-зомбылықтан зардап шеккен балалар мен БЦП диагнозы қойылған балалар мәселесі, шағын және орташа оңалту орталықтарының желісін кеңейту, мәдениет қызметкерлерінің еңбекақысын көтеру және тағы басқа өзекті шаралар бар.  

Ал экономикалық дамуға шолу жасағанда президент 2025 жылға қарай жалпы ішкі өнімнің жыл сайынғы тұрақты өсімін 5 процентке және одан да жоғары деңгейге жеткізуге болатынын айтқан. Алайда коронавирус пандемиясы осы жоспарды түбегейлі өзгертті.   

Екінші жолдауда не айтылады?

Бүгін парламент палаталарының бірлескен отырысында мемлекет басшысы өзінің жыл сайынғы халыққа жолдауын жариялайды.

Бұған дейін Қасым-Жомарт Тоқаев жаңа экономикалық бағытты әзірлеу жұмыстары жүріп жатқанын айтқан еді. Ол алдағы жолдаудың негізгі бөлігін құрайды, деді президент.

Парламент палаталарының бірлескен отырысы сағат 11-де басталады. Жолдауды барлық республикалық телеарна тікелей эфир арқылы көрсетіп, негізгі радиостанциялар тікелей толқында таратады.

1655
Кілт сөздер:
өзгерістер, Жолдау 2020
Тақырып бойынша
Тоқаев Нығматулинді қабылдады
Тоқаев жазушылар форумында тың ұсыныс жасады
Тоқаевтың кеңесшісі президенттің алғашқы жолдауды қалай дайындағанын айтты
Жолдау-2019: басты бес реформа
Аз ба, көп пе: Тоқаев жарты жылда не тындырып үлгерді?
Берік Уәли президенттің жолдауына қатысты ақпарат таратты
Мемлекет басшысы Қасым-Жомарт Тоқаев Батыс Қазақстан облысының әкімі Ғали Есқалиевті қабылдады

Тоқаев БҚО әкімінің алдына бірқатар міндет қойды

6
(Жаңартылды 15:46 29.09.2020)
Президент етті мал шаруашылығын дамыту, мұнай мен газ өндіруге қатысы жоқ салаға тартылатын инвестицияны ұлғайту, өнеркәсіпті әртараптандыру бойынша облыс әкіміне бірқатар тапсырма берді

НҰР-СҰЛТАН, 29 қыркүйек – Sputnik. Мемлекет басшысы Қасым-Жомарт Тоқаев Батыс Қазақстан облысының әкімі Ғали Есқалиевті қабылдады, деп хабарлайды Ақорда.

Есқалиев Тоқаевқа өңірдің әлеуметтік-экономикалық дамуының негізгі көрсеткіштері, сондай-ақ, бұған дейін берілген тапсырмалардың орындалуы жөнінде баяндады.

Кездесу барысында Жайық өзеніндегі су деңгейінің төмендеуі, өңірдің энергияға тәуелділігі және жергілікті жолдардың жағдайы сияқты облыстағы негізгі мәселелер туралы мәлімет берілді. Президент Батыс Қазақстан облысының әкіміне үкіметпен бірлесе отырып, аталған проблемаларды шешуді тапсырды.

Сондай-ақ, Тоқаев етті мал шаруашылығын дамыту және осы бағытқа ғылыми тұрғыдан баса мән беру, мұнай мен газ өндіруге қатысы жоқ салаға тартылатын инвестицияны ұлғайту, өнеркәсіпті әртараптандыру, өңдеу секторының өндірісін арттыру жөнінде Есқалиевтің алдына бірқатар міндет қойды.

Тағы оқыңыз: Коронавирустың екінші толқынына дайын болайық – Тоқаев

Бұдан бөлек, мемлекет басшысы жұмыссыз және өзін-өзі жұмыспен қамтыған азаматтарды экономикалық қызметке тартуды жалғастыруды, сонымен қатар, аймақтағы үш ауысымды және апатты жағдайдағы мектептерге қатысты мәселелерді түбегейлі шешуді тапсырды.

6
Кілт сөздер:
әкім, Батыс Қазақстан облысы, Қасым-Жомарт Тоқаев
Тақырып бойынша
Тоқаев Алматыда автокөліктің капотына не жазды
Тоқаев жұмыс сапарымен Алматыға барды
Халыққа қызмет көрсету орталығы

Мобильдік қосымша арқылы ХҚКО-дағы бірқатар қызмет қолжетімді болды

22
(Жаңартылды 15:48 29.09.2020)
Азаматтар қызметті пайдалану үшін "Арнайы қызметтер" бөліміндегі "Кезекті онлайн брондауды" функциясын таңдауы қажет

НҰР-СҰЛТАН, 29 қыркүйек – Sputnik. Бұдан былай eGovMobile қосымшасы арқылы халыққа қызмет көрсету орталықтары мен мамандандырылған ХҚКО-дағы кезекке тапсырыс беріп немесе қайта брондауға болады. Ол үшін тұтынушы өзіне жақын орналасқан ХҚКО мен ыңғайлы уақытты таңдай алады.

"Ұлттық ақпараттық технологиялар" АҚ басқарма төрағасы Әсет Тұрысовтың айтуынша, ХҚКО-на кезекті брондауды барынша жеңілдету аталған қызметті жүзеге асырудағы басты мақсат болып табылады.

"Біз пайдаланушылардың компьютерге әрдайым кіруге мүмкіндігі болмайтынын және қосымша арқылы кезекке тұру ыңғайлы және жылдам екенін түсініп, қызметті қосымшаға шығару туралы шешім қабылдадық", – деді Тұрысов.

Сондай-ақ, қосымшада бірнеше қызметті таңдау мүмкіндігі қарастырылған. Яғни, қазақстандықтар бір рет брондау арқылы үш қызметке дейін ала алады. Ол үшін "Бірнеше қызметтер беру" тармағын белгілеу қажет. Содан кейін оған көп уақыт бөлінеді.

Сонымен қатар, аталған қосымша арқылы азаматтар "Міндетті әлеуметтік сақтандыру жүйесіне қатысушыға әлеуметтік аударымдардың жағдайы мен қозғалысы туралы ақпарат беру" жаңа қызметін пайдалана алады. Осы арқылы өздерінің әлеуметтік есептемелерін тексеруге мүмкіндік бар. Ал анықтаманы бірнеше минут ішінде алуға болады.

Сол сияқты "Құқықтық көмек" бөлімінде "Қазақстан Республикасы ішкі істер министрлігінің Арнайы мемлекеттік мұрағатынан мұрағаттық анықтамаларды немесе мұрағаттық құжаттардың көшірмелерін алу" қызметі де қолжетімді.

Оқи отырыңыз: Енді көлікті ХҚКО-ға бармай-ақ тіркеуге болады

Айта кетейік, бұл қосымшада электрондық үкіметтің сұранысқа ие 70-тен астам қызметі мен цифрлық құжаттардың 6 түрі іске асырылады.

eGovMobile мобильдік қосымшасын GooglePlay және AppStore-да жүктеуге болады.

22
Кілт сөздер:
смартфон, ХҚКО
Тақырып бойынша
Ертеңнен бастап қазақстандықтар ХҚКО-да жеке куәліксіз-ақ қызмет ала алады
Нұр-Сұлтан тұрғыны ХҚКО қызметкеріне жұдырық ала жүгірді
Алматы тұрғыны ХҚКО ғимаратында босанды
13 өңірде ХҚКО-ның жұмыс уақыты өзгереді
Нұр-Сұлтанда ХҚКО-да жүргізуші куәліктері заңсыз берілгені анықталды