Архивтегі фото

Мемлекет басшысы құқық қорғау органдарының қызметіндегі өзгерістерді атады

463
Тоқаев учаскелік инспектордың мәртебесін заңнамалық түрде көтеру, оған өнімді жұмыс істеу үшін барлық мүмкіндікті беру қажет екенін атап өтті

АЛМАТЫ, 1 қыркүйек — Sputnik. Мемлекет басшысы Қасым-Жомарт Тоқаев Қазақстанда құқық қорғау органдарының үш буынды моделін енгізуді тапсырды, деп хабарлайды Sputnik Қазақстан тілшісі.

Соған сәйкес, полиция қылмысты анықтап, қылмысқа қатысы бар күдіктілерді анықтайды. Дәлелдер жинап, бекітеді.

"Прокурор жиналған айғақтарға тәуелсіз баға беруге, азаматтар құқығының бұзылуына, адал азаматтарды қылмыстық іске тартуға жол бермеуге, сотта айыптаушы тарапты қолдауға міндетті. Сот шағымдарды қарап, іс бойынша түпкілікті үкім шығарады", - деді президент.

Мемлекет басшысының айтуынша, бұл тәсіл әр кезеңде істі сүзгіден өткізуге мүмкіндік береді.

"Заңдылық пен әділеттілік үнсіз келісім бойынша қамтамасыз етілуі қажет. Адамдардың тағдыры қылмыстық істердегі қателіктерге байланысты екенін есте ұстаған жөн", - деді президент.

Мемлекет басшысының айтуынша, 2021 жылдан бастап қылмыстық істер бойынша прокурорға адамның құқығы мен бостандығына қатысты негізгі іс жүргізу шешімдерін келісу міндетін заңды түрде жүктеу қажет.

"Қылмыстық және қылмыстық іс жүргізу заңнамасының тұрақтылығын қамтамасыз ету маңызды болып саналады. Оның ішіндегі жеке түзетулер мен өзгерістер құқықтық қолдануға теріс әсер етеді және бірыңғай тергеу және сот практикасын жасауға мүмкіндік бермейді. Заңнаманы қолдану жөніндегі шешім көбінесе құқық қолданушының ыңғайына сүйене отырып, тиісті талдаусыз және болжам жасалмастан қабылданады", - деді Тоқаев.

Оқи отырыңыз: Қазақстанда Әлеуметтік кодекс әзірленеді

Сол себепті әкімшілік және қылмыстық құқық бұзушылықтың жаңа ұғымдарын әзірлеу қажет. Сол арқылы құқық бұзушылық үшін жаза белгілеу қисыны қоғам мен заң қызметкерлеріне түсінікті болады.

Сонымен қатар мемлекет басшысы учаскелік инспектордың мәртебесін заңнамалық түрде көтеру, оған өнімді жұмыс істеу үшін барлық мүмкіндікті беру қажет екенін атап өтті.

Айтуынша, учаскелік инспектор азаматтар арасында танымал, қолжетімді, беделді болуы керек. Сонымен қатар, азаматтардың құқығын белсенді қорғауы қажет.

"Құқық қорғау органдарының қызметкерлерін адамдармен ашық диалог жүргізуге үйрету маңызды болып саналады. Бұл бағыт кадрларды даярлау және іріктеу жүйесінде басымдыққа ие болуы қажет", - деді мемлекет басшысы.

Сонымен қатар президент бейнебақылау жүйесін дамыту туралы көп айтылатынын, алайда көп жағдайда құқық қорғау органдарының ғимараттары да бақыланбайтынын айтты. Сол себепті ол пенитенциарлық мекемелерге, полицияның қызметтік нысандарына бейнебақылау орнатуды тапсырды.

463
Кілт сөздер:
Жолдау 2020
Тақырып:
Президент жолдауы - 2020 (51)
Тақырып бойынша
Тоқаев ғылым саласын дамытуға қатысты нақты тапсырмалар берді
2023 жылға дейін дәрігерлер еңбекақысы орташа жалақыдан екі есе артық болады
Елімізде "Аңсаған сәби" бағдарламасы іске қосылады
Қазақстанда дәстүрлі білім алу форматына қайта көшудің тәртібі әзірленеді
Төтенше жағдайлар министрлігі қайта құрылады
Ауыл әкімдерін халық сайлайды – Тоқаев
Архивтегі фото

Қазақстанның 6 облысында дабылды ескерту жарияланды

1809
Синоптиктер Жамбыл, Алматы, Қарағанды ​​облыстарында кей жерлерде 1-3 градус үсік жүреді деп болжады, сондай-ақ бірқатар өңірде тұман түсіп, жел күшейеді

НҰР-СҰЛТАН, 29 қыркүйек – Sputnik. Қазгидромет 30 қыркүйек пен 2 қазан аралығында алты облыста дабылды ескерту жариялады.  

30 қыркүйекте, 1-2 қазанда Жамбыл облысында кей жерлерде тұман түсіп, шаңды дауыл тұрады, солтүстік-шығыстан жел соғады, күші 15-20 м/с, 30 қыркүйекте екпіні 23 м/с жетеді деп болжанып отыр. 30 қыркүйекте, 1-2 қазанда түнде және таңертең кей жерлерде 1-3 градус үсік жүреді.

30 қыркүйекте Қарағанды облысының кей жерлерінде солтүстік-шығыстан, шығыстан жел соғады, күші – 15-20 м/с. Қарағанды қаласында 30 қыркүйекте түнде тұман түседі.

Оқи отырыңыз: Үсік жүреді – қыркүйекте ауа райы қандай болады  

30 қыркүйекте Қостанай облысының кей жерлерінде тұман түседі деп болжануда.

30 қыркүйекте түнде және таңертең Ақмола облысында кей жерлерде тұман түседі.

30 қыркүйекте Түркістан облысының кей жерлерінде шығыстан соғатын желдің күші 15-20 м/с жетеді.

30 қыркүйекте күндіз Қызылорда облысының кей жерлерінде шаңды дауыл тұрады. Солтүстік-шығыстан, шығыстан жел соғады, күші кей жерлерде – 15-20, күндіз екпіні 23 м/с болады. Күндіз төтенше өрт қаупі сақталады.

1809
Кілт сөздер:
дабылды ескерту, үсік, ауа райы
Праймериз

700-ге тарта адам Nur Otan праймеризіне қатысудан бас тартты

100
Қазіргі уақытта 11 249 адам партияның праймеризіне қатысуға өтініш берді, оның ішінде 10 235 кандидат тіркелді

АЛМАТЫ, 29 қыркүйек – Sputnik. Nur Otan праймеризіне қатысып жатқан 734 кандидат тіркеуден шығарылды, оның ішінде 668 адам өз еркімен шықты. Бұл туралы партия хатшысы Әлібек Әлденей мәлімдеді.

Оның айтуынша, праймериз өткізу ережелері мен партияның басқа да ішкі нормаларына қайшы келетін әрекет үшін қатаң шара қолданылып, келеңсіздікке жол берген үміткерлер партияішілік іріктеуден шығарылып жатыр.

"29 қыркүйекке дейін 734 үміткер тіркеуден шығарылды. Оның ішінде 668 адам өз еркімен шықты. Аймақтық ұйымдастыру комитеттерінің шешімімен 64 үміткердің өтініші күшін жойды. Олардың 27-сі дебатқа қатысудан бас тартқан. Төртеуі партия жарғысы мен әділ саяси бәсекенің талаптарына қайшы келетін әрекеттері үшін шығарылса, тағы 33 кандидат бойынша бастауыш партия ұйымдары өтініштерін кері қайтарып алды", – деп жазды ол Facebook парақшасында.

Қазіргі уақытта 11 249 адам өтініш берді, оның ішінде 10 235 кандидат тіркелді.

Әлденей барлық арыз-шағымға және заң бұзушылықтарға мониторинг жасап, оларға жедел түрде тиісті шара қолданылып жатқанын айтты.

Оқи отырыңыз: Nur Otan праймериз қарсаңында өрескел тәртіп бұзушылықтарды анықтады 

Nur Otan хатшысы қандай да бір тәртіп бұзу фактісіне куә болған жағдайда "Nur Otan" партиялық бақылау органдарына хабарлауды сұрады. Сондай-ақ, 8 (800) 080 4441 телефонына хабарласып (хабарласу тегін) немесе komek@nurotan.kz электронды поштасына хат жолдауға болады.

Nur Otan праймеризі

1 қазаннан (00.00) және 3 қазанға (14.00) дейін мобильді қосымша және арнайы веб-портал арқылы электронды түрде дауыс беруді өткізу жоспарланып отыр.

Дауыс берудің соңғы күні (3 қазан) бастауыш партия ұйымдарының базасында сайлау учаскелері ашылды. Интернет жоқ елді мекендерде қағаз бюллетеньдер бойынша дауыс бере алады.

Праймериз қорытындысы 5 қазанда жарияланады.

Nur Otan праймеризі партия көшбасшысы, Елбасы Нұрсұлтан Назарбаевтың тапсырмасы бойынша еліміздің партиялық-саяси даму тарихында тұңғыш рет жалпыреспубликалық партияішілік сайлау ауқымында өтеді.

100
Тақырып бойынша
Назарбаев қазақстандықтарға үндеу жасады
Елбасының баспасөз хатшысы праймеризге қатысты ақпарат жариялады
Назарбаев: партия қазақстандықтарды біріктіруі тиіс
Nur Otan партиясына адам қабылдау тоқтатылды – Байбек себебін түсіндірді
Nur Otan праймеризі: Байбек қауіпсіздік шаралары туралы хабарлады
Архивтегі фото

Қытайда тәрбиеші өлім жазасына кесілді

0
Балабақша қызметкері Ван Юнь әріптесінен өш алу мақсатында оның тобына барып жүрген балаларды улағаны анықталды

НҰР-СҰЛТАН, 29 қыркүйек – Sputnik. Қытайдың Цзяоцзо қаласында халық соты балабақша қызметкерін өлім жазасына кесті, деп хабарлады РИА Новости.

Сот материалдарына сәйкес, "Мэнмэн" балабақшасында жұмыс істеген Ван Юнь деген келіншек орта топқа жауапты тәрбиешімен жанжалдасып қалған. Артынан әріптесінен өш алу мақсатында оның тобына барып жүрген балаларды улауға шешім қабылдайды. Сөйтіп, 2019 жылы 27 наурызда таңертең Сунь есімді тәрбиешінің балалары жейтін ботқаға натрий нитритін салып жіберген. Сол күні 25 бала уланып, ауруханаға түсті. Бір бала көз жұмды.

Оқи отырыңыз: Балабақшадағы балалар есек етін жеп келгені әшкере болды 

Тергеу шаралары барысында Ван Юньн осы іспетті тағы бір қылмыс жасағаны анықталды. Осыдан үш жыл бұрын үйдегі жанжалдан кейін ол күйеуін улаған. 2017 жылы ақпан айында алдымен интернет арқылы натрий нитритіне тапсырыс берген. Ал химиялық затты алғаннан кейін суға қосып, күйеуіне берген. Ол кезде ер адам уланғанмен қатты зардап шекпеген.    

Цзяоцзо қаласының орта санаттағы халық сотының шешімімен Ван Юнь өлім жазасына кесілді.

0
Кілт сөздер:
Қытай, балабақша
Тақырып бойынша
Шымкентте балабақшада төрт бала мен тәрбиеші уланып қалды
Алматы облысында балабақшадағы видеодан кейін тәрбиеші хабарсыз кетті
Алматыда балабақшадан сәби ұрламақ болған әйелге қатысты тың дерек шықты
Бүлдіршінді сорпамен күйдірген балабақша қызметкері жазадан құтылды
Шипажайда баланы сүлгімен ұрған тәрбиеші қылмыстық жазаға тартылмайтын болды