кезекші сыныптар

Бастауыш сынып оқушыларының 60%-і мектеп партасына отырды

260
Оқушылардың 80%-ке жуығы қашықтан оқыту форматында білім ала бастады. Ал бастауыш сынып оқушыларының 60%-ке жуығы кезекші топтарға барды

НҰР-СҰЛТАН, 1 қыркүйек – Sputnik. Жаңа оқу жылының алғашқы күнін бастауыш сынып оқушыларының 60 проценті мектепте қарсы алды. Бұл туралы білім және ғылым вице-министрі Шолпан Қаринова мәлімдеді, деп хабарлайды Sputnik Қазақстан тілшісі.

Білім министрлігі алғашқы оқу күнінің қорытындысы туралы баяндады. Вице-министрдің айтуынша, оқушылардың 80%-ке жуығы қашықтан оқыту форматында білім ала бастады. Оқу процесі 7 мыңнан аса мектепте басталды.

"Таңертең барлық мектепте білім күніне арналған сынып сағаттары өтті. Биыл 352 мың бүлдіршін бірінші сыныпқа барды. Бастауыш сыныптар, мектепалды даярлық сыныптар үшін кезекші сыныптар жұмыс істей бастады. Бүгінгі күннің қорытындысы бойынша бастауыш сынып оқушыларының 60 пайызға жуығы кезекші топтарда оқуды бастады", - деді Қаринова онлайн брифингте.

Ол 2 миллион 600 оқушы қашықтан оқытылып жатқанын атап өтті. Оқушыларға 435 мың компьютер таратылған, 15 қыркүйекке дейін тағы 250 мың компьютер беріледі.

Қаринова мұғалімдер мен оқушылардың басым көпшілігі, сондай-ақ ата-аналар пайдаланатын Kundelik.kz электронды журналына да тоқталды.

"Сағат 15.00-де алынған ақпараттар бойынша электронды журналда секундына жұмыс істеген адамдардың саны 6 200 болды. Оның ішінде 3 миллион 700 адам материалдарды көріп, өз жұмысына пайдаланды. Бүгінгі күннің қорытындысы бойынша Kundelik.kz жүйесі штаттық режимде үзіліссіз жұмыс істеп тұр",- деді вице-министр.

Айтуынша, онлайн білім беру платформаларында 15.00-дегі мәлімет бойынша 2 миллион 200 сессия өткізілген. Оның ішінде орналастырылған білім контентін пайдаланғандар саны 6 миллион 800-ден асты.

"Сонымен қатар, "Балапан" және "Ел арна" телеарналарында сабақтар басталды. Оның кестесі барлық мектепке жеткізілді. Бұл сабақтар білім министрлігінің ресми сайтында да орналастырылған. Мұндағы басты мақсат – оқушылар мен мұғалімдердің сабақтарды қайта қарап, қайталауына мүмкіндік беру", - деді ол. 

Коронавирус пандемиясына байланысты Қазақстанда 2020/2021 жаңа оқу жылы қашықтан оқыту форматында басталды.

260
Кілт сөздер:
мектеп, оқушылар
Айзат Молдағасымова

Сынақ мерзімінен өтпеді: Молдағасымова тағы да жұмыссыз қалды

923
Молдағасымова Гигиена және эпидемиология ғылыми орталығының басшысы қызметінен төрт айдан кейін босатылды

НҰР-СҰЛТАН, 21 қыркүйек – Sputnik. Жұматов атындағы Гигиена және эпидемиология ғылыми орталығын басқарған Айзат Молдағасымова тағайындалғаннан кейін төрт ай өткен соң жұмыстан босатылды.

Денсаулық сақтау министрлігі ол осы уақыттың басым бөлігінде жұмыста болмағанын хабарлады.

Сынақ мерзімінен өтпеуіне байланысты оны жұмыстан босату туралы бұйрыққа 14 қыркүйекте қол қойылды, деп түсіндірді денсаулық сақтау министрлігі.

"Айзат Молдағасымова 2020 жылдың 3 маусымында қойылған міндеттерді тиімді орындау мақсатында Жұматов атындағы гигиена ғылыми орталығының директоры қызметіне қабылданды. Алайда ол уақытша еңбекке жарамсыздық парағын алып, 1 шілде мен 14 қыркүйек аралығында жұмыста болмады. 14 қыркүйектен бастап сынақ мерзімінен өте алмауына байланысты онымен еңбек шарты тоқтатылды", - деп  түсіндірді ұлттық денсаулық сақтау орталығының директоры Дамир Көпжасаров.

Оның айтуынша, онымен еңбек шарты сынақ мерзімі кезінде нашар жұмыс істеуіне байланысты бұзылған.

Оқи отырыңыз: Алматының бас санитары дәрігерлердің қалай ауру жұқтырғанын айтты 

Айзат Молдағасымова бұған дейін Алматының бас санитар дәрігері қызметін атқарды. Оның кезінде Орталық қалалық клиникалық аурухананың қызметкерлері жаппай коронавирус жұқтырды. Қаланың бас санитары бұған дәрігерлердің  қауіпсіздік шараларын сақтамауы себеп болуы мүмкін деп мәлімдеген болатын. Алайда ақхалаттылар Молдағасымованы жала жапты деп айыптап, президенттің атына хат жазды.

Осы жағдайдан кейін, 18 сәуірде Айзат Молдағасымова қызметінен кетті, оның орнына Жандарбек Бекшин тағайындалды.  

923
Тақырып бойынша
Жаппай індет жұқтыру оқиғасы: Алматыда аурухананың бас дәрігері қызметінен кетті
Алматының бас санитары 12 дәрігерден коронавирус табылғаннан кейін мәлімдеме жасады
Алматыда коронавирус табылған дәрігерлер 300-ден аса адаммен байланыста болған
Жандарбек Бекшин жаңа қызметке тағайындалды
Қабан, архивтегі фото

Нұр-Сұлтан қаласына жабайы қабандар кіріп кетті видео

196
Экология министрлігі орман шаруашылығы және жануарлар дүниесі комитетінің инспекторлары мән-жайды анықтап жатыр

АЛМАТЫ, 21 қыркүйек – Sputnik. Елорда тұрғындары түнде қалада жүрген бірнеше жабайы қабанды видеоға түсіріп алды. Қазір экология, геология және табиғи ресурстар министрлігі жануарлардың Нұр-Сұлтанға қалай кіріп кеткенін анықтап жатыр.

Қаланың орталық даңғылында жүрген қабандар жайлы видеоны Instagram желісіне zhaloby_astana паблигінің қолданушылары жариялады. Видеодан топтасқан жануарлардың жол бойымен жүгіріп бара жатқанын көруге болады. Автордың айтуынша, бұл Тұран даңғылында "Астана Арена" стадионының жанында болған.

Елорда тұрғындары Нұр-Сұлтанға жабайы қабандар қайдан келгенін біле алмай дал.

Sputnik Қазақстан экология министрлігінен жағдайды түсіндіруді сұрады. Ведомствоның баспасөз қызметі орман шаруашылығы және жануарлар дүниесі комитетінің инспекторлары мән-жайды анықтап жатқанын хабарлады.  

196
Архивтегі фото

Қарағанды облысында ұрланған көлік өртеніп кетті

0
Полицияға ауылдан шығаберісте қатты жылдамдықпен жүрген көлік аударылып, өртеніп кеткені туралы хабарлама түскен

НҰР-СҰЛТАН, 21 қыркүйек – Sputnik. Қарағанды облысында біреудің көлігін айдап әкеткен азамат жол апатына ұшырады, деп хабарлады Polisia.kz.  

20 қыркүйек күні Қарағанды облысы Бұқар жырау аудандық полиция басқармасына 47 жастағы Қарағанды қаласының тұрғыны хабарласып, аудан орталығына туысының үйіне келгенде түнгі сағат 1.00 шамасында белгісіз біреу аулада тұрған автокөлігін айдап әкеткенін жеткізген.

Арада біршама уақыт өткенде полицияға ауылдан шығаберісте қатты жылдамдықпен жүрген көлік аударылып, өртеніп кеткені туралы хабарлама түскен. Оқиға орнына келген полиция қызметкерлері өртенген ұрланған көлік екенін анықтады.

Оқи отырыңыз: Ордабасы тұрғыны көшеде келе жатып, ұрланған көлігін танып қойды 

Куәгерлер көлік аударылғанда оның ішінен белгісіз азамат шығып, оқиға орнынан ізін суытқанын айтқан.

Автокөліктің қатты өртенгені сондай, қайта жөндеуге жарамсыз болған. Жәбірленушіге келтірілген шығын көлемі үш миллион теңгеден асқан.

Жедел іздестіру іс-шаралары барысында полиция қызметкерлері аталған іске қатысы бар деген күдікпен 28 жастағы ер адамды ұстап, оған қатысты Қазақстан Қылмыстық кодексінің 200-бабына сәйкес қылмыстық іс қозғады.

Қазіргі уақытта тергеу амалдары жүргізіліп жатыр.

0
Кілт сөздер:
ұрлық, көлік
Тақырып бойынша
Түркістанның екі тұрғыны ұрланған көлікпен жол апатына түсті
Денис Теннің өліміне күдікті өз өмірі туралы шындықты айтты
Алматыда 350-ге жуық көлік айнасын ұрлаушы ұсталды
Ұрланған ақшаға көлік алған: Шымкент тұрғынын өртеп жіберген қаскүнем ұсталды
Алматыда көлік айдап әкеткен қос ұры өлім аузынан қалды - фото
Жоғалған автокөлік нөмірін үйден шықпай-ақ қалпына келтіруге болады