Жаңбырлы ауа райы

Нұр-Сұлтан қаласы мен 8 облыста дабылды ескерту жарияланды

5126
(Жаңартылды 16:59 02.09.2020)
Алматы, Шығыс Қазақстан, Ақмола, Солтүстік Қазақстан, Қарағанды, Павлодар, Қостанай, Қызылорда облыстары мен Нұр-Сұлтан қаласында ауа райы бұзылады  

НҰР-СҰЛТАН, 2 қыркүйек – Sputnik. Қазгидромет Нұр-Сұлтан қаласы мен 8 облыста дабылды ескерту жариялады.

Синоптиктердің болжауынша, 4 қыркүйекте Алматы, Шығыс Қазақстан облыстарының кей жерлерінде қатты жаңбыр жауып, найзағай ойнайды, дауыл тұрады, бұршақ жаууы мүмкін. Оңтүстік-батыстан соққан жел солтүстік-шығысқа ауысады, күші кей жерлерде 15-20, екпіні 25 м/с жетеді. Шығыс Қазақстан облысының кей жерлерінде ауа температурасы күндіз 12-18 градус жылыға дейін күрт төмендейді.

Оқи отырыңыз: Үсік жүреді – қыркүйекте ауа райы қандай болады 

3 қыркүйекте Ақмола, Солтүстік Қазақстан, Қарағанды облыстарында, 4 қыркүйекте Павлодар облысында ауа температурасы күндіз 12-18 градус жылыға дейін күрт төмендейді. Кей жерлерде жаңбыр жауады, найзағай ойнап, бұршақ жауады, дауыл тұрады. Солтүстік-батыстан жел соғады, күші кей жерлерде 15-20, екпіні 25 м/с жетеді.

3 қыркүйекте Қостанай облысында ауа температурасы күндіз 12-18 градус жылыға дейін күрт төмендейді.  

3 қыркүйекте таңертең және күндіз Нұр-Сұлтан қаласында найзағай ойнайды деп болжанып отыр. Оңтүстік-батыстан соққан жел солтүстік-батысқа ауысады, таңертең және күндіз екпіні 15-20 м/с жетеді. Күндіз ауа температурасы 16-18 градус жылыға дейін күрт төмендейді.  

3 қыркүйекте Солтүстік Қазақстан облысында ауа температурасы күндіз 14-19 градус жылыға дейін күрт төмендейді. Кей жерлерде найзағай ойнап, бұршақ жауады, дауыл көтеріледі. Солтүстік-батыстан жел соғады, күші 15-20, кей жерлерде екпіні 23-28 м/с жетеді. Петропавлда найзағай ойнап, солтүстік-батыстан жел соғады, күші 15-20, екпіні 25 м/с болады.

3 қыркүйекте Қарағанды облысында ауа температурасы күндіз 12-18 градус жылыға дейін күрт төмендейді. Кей жерлерде жаңбыр жауады, бұршақ жауып, дауыл соғады. Оңтүстік-батыстан соққан жел солтүстік-батысқа ауысады, күші кей жерлерде 15-20, екпіні 25 м/с болады. Қарағанды қаласында найзағай ойнайды. Оңтүстік-батыстан соққан жел солтүстік-батысқа ауысады, күндіз екпіні 18 м/с жетеді. Жезқазған қаласында күндіз оңтүстік-батыстан соққан жел солтүстік-батысқа ауысады, екпіні 18 м/с жетеді.

3 қыркүйекте Ақмола облысының кей жерлерінде жаңбыр, бұршақ жауады, найзағай ойнап, дауыл соғады. Оңтүстік-батыстан соққан жел солтүстік-батысқа ауысады, күші кей жерлерде 15-20, екпіні 25 м/с жетеді. Күндіз ауа температурасы 13-18 градус жылыға дейін күрт төмендейді. Көкшетау қадасында түнде және таңертең найзағай ойнайды. Солтүстік-батыстан жел соғады, екпіні 15-20 м/с жетеді. Күндіз ауа температурасы 14-16 градус жылыға дейін күрт төмендейді.

3 қыркүйекте Қостанай облысында ауа температурасы күндіз 12-18 градус жылыға дейін күрт төмендейді.

3 қыркүйекте күндіз Қызылорда облысында солтүстік-батыстан жел соғады, күші кей жерлерде 15-20 м/с жетеді. Күндіз төтенше өрт қаупі сақталады.

5126
Кілт сөздер:
бұршақ, жаңбыр, ауа райы, Қазгидромет
Айзат Молдағасымова

Сынақ мерзімінен өтпеді: Молдағасымова тағы да жұмыссыз қалды

734
Молдағасымова Гигиена және эпидемиология ғылыми орталығының басшысы қызметінен төрт айдан кейін босатылды

НҰР-СҰЛТАН, 21 қыркүйек – Sputnik. Жұматов атындағы Гигиена және эпидемиология ғылыми орталығын басқарған Айзат Молдағасымова тағайындалғаннан кейін төрт ай өткен соң жұмыстан босатылды.

Денсаулық сақтау министрлігі ол осы уақыттың басым бөлігінде жұмыста болмағанын хабарлады.

Сынақ мерзімінен өтпеуіне байланысты оны жұмыстан босату туралы бұйрыққа 14 қыркүйекте қол қойылды, деп түсіндірді денсаулық сақтау министрлігі.

"Айзат Молдағасымова 2020 жылдың 3 маусымында қойылған міндеттерді тиімді орындау мақсатында Жұматов атындағы гигиена ғылыми орталығының директоры қызметіне қабылданды. Алайда ол уақытша еңбекке жарамсыздық парағын алып, 1 шілде мен 14 қыркүйек аралығында жұмыста болмады. 14 қыркүйектен бастап сынақ мерзімінен өте алмауына байланысты онымен еңбек шарты тоқтатылды", - деп  түсіндірді ұлттық денсаулық сақтау орталығының директоры Дамир Көпжасаров.

Оның айтуынша, онымен еңбек шарты сынақ мерзімі кезінде нашар жұмыс істеуіне байланысты бұзылған.

Оқи отырыңыз: Алматының бас санитары дәрігерлердің қалай ауру жұқтырғанын айтты 

Айзат Молдағасымова бұған дейін Алматының бас санитар дәрігері қызметін атқарды. Оның кезінде Орталық қалалық клиникалық аурухананың қызметкерлері жаппай коронавирус жұқтырды. Қаланың бас санитары бұған дәрігерлердің  қауіпсіздік шараларын сақтамауы себеп болуы мүмкін деп мәлімдеген болатын. Алайда ақхалаттылар Молдағасымованы жала жапты деп айыптап, президенттің атына хат жазды.

Осы жағдайдан кейін, 18 сәуірде Айзат Молдағасымова қызметінен кетті, оның орнына Жандарбек Бекшин тағайындалды.  

734
Тақырып бойынша
Жаппай індет жұқтыру оқиғасы: Алматыда аурухананың бас дәрігері қызметінен кетті
Алматының бас санитары 12 дәрігерден коронавирус табылғаннан кейін мәлімдеме жасады
Алматыда коронавирус табылған дәрігерлер 300-ден аса адаммен байланыста болған
Жандарбек Бекшин жаңа қызметке тағайындалды
Қабан, архивтегі фото

Нұр-Сұлтан қаласына жабайы қабандар кіріп кетті видео

161
Экология министрлігі орман шаруашылығы және жануарлар дүниесі комитетінің инспекторлары мән-жайды анықтап жатыр

АЛМАТЫ, 21 қыркүйек – Sputnik. Елорда тұрғындары түнде қалада жүрген бірнеше жабайы қабанды видеоға түсіріп алды. Қазір экология, геология және табиғи ресурстар министрлігі жануарлардың Нұр-Сұлтанға қалай кіріп кеткенін анықтап жатыр.

Қаланың орталық даңғылында жүрген қабандар жайлы видеоны Instagram желісіне zhaloby_astana паблигінің қолданушылары жариялады. Видеодан топтасқан жануарлардың жол бойымен жүгіріп бара жатқанын көруге болады. Автордың айтуынша, бұл Тұран даңғылында "Астана Арена" стадионының жанында болған.

Елорда тұрғындары Нұр-Сұлтанға жабайы қабандар қайдан келгенін біле алмай дал.

Sputnik Қазақстан экология министрлігінен жағдайды түсіндіруді сұрады. Ведомствоның баспасөз қызметі орман шаруашылығы және жануарлар дүниесі комитетінің инспекторлары мән-жайды анықтап жатқанын хабарлады.  

161
Архивтегі фото

Қарағанды облысында ұрланған көлік өртеніп кетті

0
Полицияға ауылдан шығаберісте қатты жылдамдықпен жүрген көлік аударылып, өртеніп кеткені туралы хабарлама түскен

НҰР-СҰЛТАН, 21 қыркүйек – Sputnik. Қарағанды облысында біреудің көлігін айдап әкеткен азамат жол апатына ұшырады, деп хабарлады Polisia.kz.  

20 қыркүйек күні Қарағанды облысы Бұқар жырау аудандық полиция басқармасына 47 жастағы Қарағанды қаласының тұрғыны хабарласып, аудан орталығына туысының үйіне келгенде түнгі сағат 1.00 шамасында белгісіз біреу аулада тұрған автокөлігін айдап әкеткенін жеткізген.

Арада біршама уақыт өткенде полицияға ауылдан шығаберісте қатты жылдамдықпен жүрген көлік аударылып, өртеніп кеткені туралы хабарлама түскен. Оқиға орнына келген полиция қызметкерлері өртенген ұрланған көлік екенін анықтады.

Оқи отырыңыз: Ордабасы тұрғыны көшеде келе жатып, ұрланған көлігін танып қойды 

Куәгерлер көлік аударылғанда оның ішінен белгісіз азамат шығып, оқиға орнынан ізін суытқанын айтқан.

Автокөліктің қатты өртенгені сондай, қайта жөндеуге жарамсыз болған. Жәбірленушіге келтірілген шығын көлемі үш миллион теңгеден асқан.

Жедел іздестіру іс-шаралары барысында полиция қызметкерлері аталған іске қатысы бар деген күдікпен 28 жастағы ер адамды ұстап, оған қатысты Қазақстан Қылмыстық кодексінің 200-бабына сәйкес қылмыстық іс қозғады.

Қазіргі уақытта тергеу амалдары жүргізіліп жатыр.

0
Кілт сөздер:
ұрлық, көлік
Тақырып бойынша
Түркістанның екі тұрғыны ұрланған көлікпен жол апатына түсті
Денис Теннің өліміне күдікті өз өмірі туралы шындықты айтты
Алматыда 350-ге жуық көлік айнасын ұрлаушы ұсталды
Ұрланған ақшаға көлік алған: Шымкент тұрғынын өртеп жіберген қаскүнем ұсталды
Алматыда көлік айдап әкеткен қос ұры өлім аузынан қалды - фото
Жоғалған автокөлік нөмірін үйден шықпай-ақ қалпына келтіруге болады