Архивтегі фото

Енді электронды оқулықтар ақылы болады мамандар себебін айтты

118
(Жаңартылды 19:14 02.09.2020)
Оқушылар opiq.kz электронды оқулықтарын тегін пайдалану үшін мектептер "Алматыкітап" баспасымен келісімшарт жасасуы керек

НҰР-СҰЛТАН, 2 қыркүйек – Sputnik. Қашықтан сабақ оқып жатқан оқушылардың ата-аналары министрлік сайтында көрсетілген электронды оқулықтарды жүктеу мәселесіне шағымданды. Оқулықтардың тізімі министрлік сайтында жарияланса да, оларды шетелдік платформаға жүктеп қойған. Ал кез келген оқулықтың электронды нұсқасын алу үшін  ақша төлеу керек.

"Білім министрлігі мектеп оқулықтарын жүктеуге арналған сілтемені жариялады. Бірақ ол сілтеме сыртқы ресурстарға апарады. Ал ол жерден оқулықты ақылы түрде жүктеу керек. Ай сайын жазылу қажет. Сонда мемлекеттік органдар біреудің жеке мүддесін қорғап отырған жоқ па?", - деп жазды Павел Александров. 

Оның айтуынша, министрлік сайтынан кейін opiq.kz сайтына өту керек. Ал ол сайттың иесі – шетелдік тұлға.

"Демек, біз Қазақстанда отырып, білім министрлігінің нұсқауымен қазақстандық оқулықтар үшін шетелде жатқан біреуге ақша төлеп жатырмыз", - дейді Александров.  

"Алматыкiтап" баспасының PR-директоры Ольга Бузулуцкая бұл мәселеге қатысты түсініктеме берді. Оның сөзіне қарағанда, электронды оқулықтардың тізімі төтенше жағдай режимі кезінде жарияланған. Сол кезде жүктеу қызметі тегін болған. Ал 2020 жылы 1 қыркүйектен бастап оpiq.kz сайтындағы оқулықтарды жүктеу үшін арнайы рұқсатты сатып алу қажет.

"Себебі opiq.kz сайтын эстондық әріптестеріміз жасаған. Ал ішкі контенттің иесі – "Алматыкiтап" баспасы. Биыл төртінші тоқсанда ол контент тегін болған. Себебі төтенше жағдай мен қатаң карантин енгізілді. Сол кезде оқушылар мен мұғалімдерге оңай болған жоқ. Көмек болсын деп, барлығы тегін ұсынылды. Негізі, opiq.kz сайтын жасау мен ұстап тұруға кететін шығындар біздің баспамыздың есебінен төленеді", - деді Бузулуцкая.

Оқи отырыңыз: Мемлекет басшысы "Қазақ әдебиеті" оқулығындағы кемшіліктерді жоюды тапсырды - Абаев 

Маманның айтуынша, электронды оқулықтар тек мәтін мен суреттен ғана тұрмайды. Оған қосымша мультимедиялық контент те кіреді. Бұдан бөлек, электронды журнал арқылы оқу процесін ұйымдастыру, техникалық қолдау сияқты шаралар бар. Оған біраз ресурс пен қаржы қажет.  

Алайда opiq.kz сайтынан электронды оқулықтарды тегін жүктеуге де болады. Ол үшін мектепке хабарласу қажет. 

"Мектеп пен баспа арасында келісімшарт жасалады да, соның негізінде мұғалімдер мен оқушылар электронды оқулықтарды пайдалана алады", - деп түсіндірді Бузулуцкая.

Айта кетейік, мектептерде қағаз үлгісіндегі оқулықтар да беріледі. Ондай оқулықтар 25 қыркүйекке дейін үлестіріледі деген жоспар бар.

118
Кілт сөздер:
оқулық
Тақырып бойынша
Министр мектептерде "Әліппе" қай кезден бастап оқытылатынын айтты
"Жауапқа тарту қажет": Тоқаев оқулықтардың сапасы өте төмен екенін айтты
Тоқаев жаңа оқулық әзірлеуді тапсырды
Жаңа оқу жылы: қандай мектеп оқушылары дәстүрлі форматта білім алады
Министрлік жыныстық сауаттылық оқулықтарына қатысты түсініктеме берді
Қорғаныс министрі Нұрлан Ермекбаев Сарыөзек гарнизонын тексерді

Қорғаныс министрі Сарыөзек гарнизонының қысқы дайындығын қатаң сынға алды

8
(Жаңартылды 21:03 24.09.2020)
Әскери қалашық, казарма ғимараттарын жөндеуге тартылған мердігер компаниялар жұмысты аяқтау мерзімін сақтамаған

НҰР-СҰЛТАН, 24 қыркүйек – Sputnik. Қорғаныс министрі Нұрлан Ермекбаев Сарыөзек гарнизоны нысандарының қысқы дайындығын қатаң сынға алды, деп хабарлады ведомствоның баспасөз қызметі.

Оның айтуынша, Сарыөзек гарнизонындағы жылу желілері жылыту маусымына толық дайын емес. Ал қараша айына жоспарланған әскери қалашық, казарма ғимараттарын жөндеуге тартылған мердігерлер жұмысты аяқтау мерзімін сақтап отырған жоқ.

Суық күндер келе жатыр, бұған жол беруге болмайды, деп атап өтті қорғаныс ведомствосының басшысы.

  • Сарыөзек гарнизоны нысандарының қысқа дайындығына қорғаныс министрінің көңілі толмады
    Сарыөзек гарнизоны нысандарының қысқа дайындығына қорғаныс министрінің көңілі толмады
    © Photo : Минобороны Казахстана
  • Сарыөзек гарнизоны нысандарының қысқа дайындығына қорғаныс министрінің көңілі толмады
    Сарыөзек гарнизоны нысандарының қысқа дайындығына қорғаныс министрінің көңілі толмады
    © Photo : Минобороны Казахстана
  • Сарыөзек гарнизоны нысандарының қысқа дайындығына қорғаныс министрінің көңілі толмады
    Сарыөзек гарнизоны нысандарының қысқа дайындығына қорғаныс министрінің көңілі толмады
    © Photo : Минобороны Казахстана
1 / 3
© Photo : Минобороны Казахстана
Сарыөзек гарнизоны нысандарының қысқа дайындығына қорғаныс министрінің көңілі толмады

Генерал-лейтенант Нұрлан Ермекбаев қорғаныс министрлігінің мердігерлері тек қана үлгілі ұйым болуы керек екенін атап өтіп, мердігер ұйым басшыларынан нысандарды тапсыру мерзімін сақтауды талап етті.

Оқи отырыңыз: Қорғаныс министрлігі арнайы жиынға кімдерді шақырмайды 

Ал мердігерлер әскери нысандарға кіруге рұқсат алу мерзімі созылып кететінін айтып шағымданды.

Қалыптасқан жағдайға байланысты министр байқауларды өткізу тәртібі мен шарттарын жетілдіруді, командирлер, ҚР Қарулы күштері әскерлерін пәтерлерге орналастыру бас басқармасы, аудандық пайдалану бөлімдері мен мердігерлер арасында міндеттерді бөлу бойынша кешенді жүйелі ұсыныстар әзірлеуді тапсырды.  

8
Кілт сөздер:
қыс, Ермекбаев
Тақырып бойынша
Тоқаев Ақордадағы кеңесте алдағы өзгерістердің басты мақсатын айтты
Тоқаев былтыр жарылыс болған Арыс қаласына барды
Қыркүйекте әскерге шақырудың күзгі науқаны басталады
Маңғыстау облысында ірі ауқымды әскери оқу-жаттығу өтті
Людмила Бюрабекова

Депутат бұрынғы вице-министрдің отставкасы жайлы: бұған жауап беруі керек

304
Людмила Бюрабекова 23 қыркүйекте өз өтінішімен денсаулық сақтау министрінің орынбасары қызметінен кетті

НҰР-СҰЛТАН, 24 қыркүйек – Sputnik. Мәжіліс депутаты Ирина Смирнова бұрынғы денсаулық сақтау вице-министрі Людмила Бюрабекова өз әрекетіне жауап беруі керек деп санайды.

Бұл туралы мәжілісмен Facebook-тегі парақшасында жазды.

Депутат экс-шенеунікті фармацевтика өнеркәсібінің дамуына мүмкіндік бермей, отандық ғалымдардың препараттары мен құрылғыларын клиникалық сынақтан өткізуге кедергі келтірді деп айыптады.

Смирнованың айтуынша, Бюрабекова шетелдік дәрі-дәрмектің, көрші елдермен салыстырғанда, бірнеше есе қымбатқа сатылуына, зертханалардың бірінде коронавирусқа қарсы ПТР анализінің 20 000 теңге тұруына ықпал еткен.

"Бетперде 110 теңгеден арзан болуы мүмкін емес деп мәлімдеді. Осы жылдың қорқынышты жазында дәрі-дәрмектің жоқтығына бей-жай қарады. Адамдар мен пациенттердің тағдырына алаңдамайтынын көрсетті. Айта берсе, толып жатыр. Ақыр соңында қызметтен босатты-ау. Жай алып тастамаған шығар деген үміттемін. Бұған жауап беруі керек", - деп жазды Смирнова.

Людмила Бюрабекова 23 қыркүйекте өз өтінішімен қызметтен кетті. Ол денсаулық сақтау министрінің орынбасары болып 2020 жылдың сәуірінде тағайындалған еді.

Денсаулық сақтау министрлігін ол уақытта Елжан Біртанов басқарды.

304
Кілт сөздер:
Ирина Смирнова, вице-министр, Денсаулық сақтау министрлігі, коронавирус

БҰҰ-ға реформа жүргізілмек: бейбітшілікті сақтау үшін нені өзгертіп, нені қалдырған жөн?

0
БҰҰ елдерінің көшбасшылары ұйымды жаңарту туралы ұйғарымға келді. Бас Ассамблеяның мерейтойлық отырысы кезінде оған қайта реформа жүргізу төңірегінде бірнеше ұсыныс айтылды

Биыл Біріккен Ұлттар Ұйымына 75 жыл толды. Қатысушы елдер ұйымға өзгеріс енгізу қажет деп отыр. Себебі, бүгінде әлем басқа, ал құрылым ескірген. Алайда, кез келген өзгерістің соңы жақсылыққа әкелмейтіні де белгілі.

0